Beta do Zelda: Wind Waker

Por: Venres, 15 de Maio de 2015, 11:34 COMENTAR

Aínda que non hai moito material sobre a beta, existen unha chea de espazos sen usar. Se queres saber máis sobre eles, visita este link: http://tcrf.net/The_Legend_of_Zelda:_The_Wind_Waker/Unused_Rooms

Nota: O vídeo está en inglés.

Canal | Beta 64

Xogo cancelado: Ura Zelda

Por: Mércores, 1 de Abril de 2015, 16:39 COMENTAR

Ura Zelda ía ser unha extensión para o Zelda: Ocarina of Time pensado para o 64DD, un periférico da Nintendo 64 que resultou un fiasco. Unha mágoa.

Nota: O vídeo está en inglés.

Canal | Yuriofwind

Beta do Zelda: A Link to the Past

Por: Domingo, 15 de Marzo de 2015, 11:22 COMENTAR

The Legend of Zelda: A Link to the Past axudou a crear a saga Zelda que tanto adoramos hoxe en día. A adición de muros quebradizos e novos ataques leva na serie máis de 20 anos grazas a este xogo. Mais A Link to the Past non foi pensado para a Super Nintendo nun principio, senón que ía ser o terceiro Zelda da Nintendo.

Nota: O vídeo está en inglés.

Canal | Beta 64

Beta do Zelda: Majora’s Mask

Por: Xoves, 15 de Xaneiro de 2015, 11:14 COMENTAR

The Legend of Zelda: Majora’s Mask é un gran xogo mesmo que sexa diferente… e teña unha lúa arrepiante..

Mais este vídeo non fala sobre a arrepiante lúa e os seus arrepiantes amigos, fala sobre a beta do Majora’s Mask. Ou debería dicir Zelda Gaiden?

Nota: O vídeo está en inglés.

Canal | Beta 64

10 títulos aos que xogar este 2015

Por: Mércores, 7 de Xaneiro de 2015, 12:17 5 COMENTARIOS

Todos os anos por esta data miro o calendario de lanzamentos e decido cales serán os xogos de precio elevado, deixando en certa medida Steam a un lado, nos que gastarei os meus cartos, está claro que non vai haber nin tempo nin cartos para todos os que quixera así que aquí están os meus 10 do 2015.

 

The order: 1886

Comezamos esta recopilación 100% persoal do máis agardado para este 2015 que acaba de comezar falando de un dos dous xogos exclusivos que chegaran a PS4 este ano, en concreto este chegará o 20 de febreiro. The Order: 1886 é unha aventura de acción con ambientación steampunk onde as criaturas e monstruos están á orde do día. Un apartado gráfico á altura da nova xeración e o Londres da época victoriana sumado ao esforzo de Sony porque este sexa un dos xogos do ano entrante non parecen poucos alicientes para darlle canto menos unha oportunidade a esta obra.

 

The Legend of Zelda Wii U

Co nome aínda por confirmar The Legend of Zelda para Wii U será, cando saia, o primeiro achegamento de Link como parte de The Legend of Zelda para Wii U, xa que como sabedes este xa apareceu en Hyrule Warriors. Pouco se sabe de este xogo máis aló do que puidemos ver en trailers, sabemos que saerá este ano, que será compatible cos Amiibo e que conta cun coidado no detalle nunca antes visto por parte de Nintendo, esta será sen ningunha dúbida unha das grandes apostas da gran N, se non a máis importante. O digno sucesor das aventuras de Zelda para Wii U que todos agardamos.

 

Halo 5: Guardians

O segundo xogo da Saga do Reclamador e o décimo primeiro da franquicia chegará en outono para facer as delicias dos fieis seguidores de Microsoft que de seguro levan agardando por el dende a saída da Halo The Master Chief Collection. Nesta nova entrega descubriremos a Agent Locke, un novo protagonista que será acompañado por Arbiter de Halo 2, xuntos terán que darlle sentido á desaparición de Master Chief sendo Locke a persoa asignada coa tarefa de atopalo. Unha nova etapa da saga Halo exclusiva para Xbox One e case un obligado para calquer usuario desta plataforma.

 

Uncharted 4: A thief’s end

Si, pode que o teaser que tivemos a oportunidade de ver non fora todo o realista respecto ao resultado final do xogo que veremos en PS4, pero se por iso alguén ten dúbidas de que Naughty Dog, creadores de toda a saga Uncharted e The Last of Us, non vai estar a altura nesta despedida da saga é que aínda acaba de chegar ou non sabe moi ben como funciona a escena dos videoxogos actuais. E se ás enormes espectativas que temos lle sumamos o potencial que suma esta nova xeración, da que sabemos por The Last of Us Remastered que controlan bastante ben, non podemos senón pensar nun posible goty dende xa.

 

The Witcher 3: The wild hunt

Un dos xogos que puiden ver na pasada Gamergy, e digo ver porque tan só nos puxeron un gameplay, é esta terceira entrega de The Witcher que chega cargada de novidades. Este punto final as aventuras de Geralt of Rivia será a maior de todas as aventuras, grandes áreas abertas, nada de historia lineal, combates en tempo real e un impacto tanxible das nosas decisións no transcurso do xogo. Se sodes seguidores da saga saberedes de sobra que non son poucos cambios, se nunca escoitastedes falar dela tan só botádelle un ollo e deixadevos namorar por un dos videoxogos con mellor apariencia deste 2015.

 

Batman: Arkham Knight

De novo outra serie que non pode senón mellorar coa chegada da nova xeración. Batman Arkham Knight, obra de Rocksteady como toda a serie, será máis do mesmo que tanto gustou ata agora mellorando en todos os aspectos posibles, comezando por Gotham, que será máis amplo e datallado, e seguindo pola inclusión do sempre desexado Batmobile. Máis acción coa fluidez coa que esta saga nos ten acostumados ata o momento e sumando o amplo abanico de posibilidades que o Batmobile nos dará en batalla fai deste un xogo a desexar na nosa estantería este ano.

 

No man’s sky

Se tivera que destacar un sobre o resto nesta lista chea de secuelas e segundas partes é sen dúbida No man’s sky, en primeiro lugar por non ser nada do anteriormente citado e aínda así ser capaz de captar a nosa antención dende o pasado E3. E segundo porque é complicado imaxinar un xogo onde a transición entre estar explorando en primeira persoa ou disparando no espacio sexa tan natural que custe decatarse dela. Un universo enorme onde poder atoparse con outros xugadores, explorar e descubrir novos planetas e incluso poder nomealos. Tan grande vai ser o universo que dende Hello Games aseguran que vai ser imposible exploralo todo, xusto as palabras máxicas para querer pasar horas e días ata conseguilo.

 

Bloodborne

Bloodborne é outro exclusivo para PS4 dos creadores de Demon’s Souls. Ao igual que pasa con The Order: 1886 nesta aventura viaxaremos ao oscuro Londres da época victoriana onde, como pasaba na saga Souls, atoparemos un mapa que explorar, un online con toques que o fan distinto a maioría e uns enfrentamentos a vida ou morte que será onde se vexa o gran cambio deste xogo respecto aos predecesores. Bloodborne orientase a un enfrentamento máis ofensivo obligándonos a usar as novas armas e movementos. Unha sempre interesante volta a coñecida saga Souls.

 

Metal Gear Solid V: The Phantom Pain

Era inevitable que Hideo Kojima estivera nesta lista e, pese a que nos tentara despistar con ese teaser xogable de Silent Hills, obra que dirixe xunto con Guillermo del Toro, chamado P.T., estaba claro que a obra que chamaría a nosa atención sería esta quinta entrega de Metar Gear Solid. Pensar nun xogo de acción e infiltración sumado a Kojima Productions debe ser suficiente para que a maioría saiba que canto menos quere probar o que saia de aí pero se por riba vos digo que é o primeiro achegamento de este formato ao mundo aberto, algo que pretende renovar as bases da espionaxe en videoxogos, a espera vaise facer aínda máis longa.

 

Final Fantasy XV

Quizás o menos esperado para min por un simple motivo, nunca fun un fan de Final Fanatasy, pero ao mesmo tempo esto é o que fai que teña máis ganas que nunca de darlle unha oportunidade a este renacer desta serie de xogos. Esta nova entrega é un punto e a parte con novos deseños, mundo aberto, centrado nunha viaxe por estrada e con combates estilo Kingdom Hearts. Sen dúbida o momento de volver a darlle unha oportunidade.

Dead Island 2, Xenoblade Chronicles X, Star Citizen ou The Division, seguro que hai moitos que ti vas xogar este ano e que non mencionei, deixanos a túa lista de 10 xogos nos comentarios ou en calquera das nosas redes sociais e contribúe a esta lista.

Primeiras imaxes do novo Zelda para Wii U

Por: Sábado, 20 de Decembro de 2014, 12:21 COMENTAR

Aquí están as primeiras imaxes do novo xogo de Zelda que se espera para a Wii U, segundo mostros a propia Nintendo.

Nota: O vídeo está en inglés.

Canal | TheJWittz

zelda between worlds 2

Se a Nintendo non lle saen as contas coa perda incesante de seguidores, é o suficientemente intelixente para saber que os que quedan debe darlle algo que xustifique este feito, e faino da forma que mellor sabe facer, seguindo lanzando títulos das súas sagas máis emblemáticas, pero isto, hai que recoñecelo, fáino de maneira insuperábel.

Baixo unha continuación de A Link to the Past (outro dos Zeldas obrigatorios) chéganos A Link Between Worlds, no que volven a secuestrar á princesa Zelda e que deberemos rescatar. Mais non é un secuestro habitual, senón que desta volta téñena cautiva nun cadro despois de convertela en pintura mediante un feitizo.

Así deberemos botar man da Triforza e dos poderes que Link irá conseguindo para superar todas as mazmorras que atoparemos ao noso paso. O xogo en si non é unha segunda parte de A Link to the Past, mais si que colle moitísimas influenzas, dende o mapa até a xogabilidade, pero como manter a calidade dos Zelda e ao mesmo tempo ser orixinal?

Aquí Nintendo fixo os deberes e aprobou con sobresaínte, porque ofrecen unha nova habilidade ao xogador, a posibilidade de converterse en pintura e así percorrer calquera superficie plana dentro da propia parede.

zelda between worlds 3

Este feito abre un enormísimo feixe de posibilidades, mais onde máis se nota é á hora de superar cada mazmorra. As mazmorras neste xogo son sublimes (quizais non ten complexas como noutros títulos, xa que raramente te trabas), mais a súa resolución é unha gozada. Cambio de planos verticais, posibilidade de camiñar dentro das paredes, enorme cantidade de obxectos que empregar e sempre cuns monstros finais, tamén moi doados, mais que debemos buscar o seu punto feble para derrotalos.

SUBLIME este apartado.

Mais se isto non vos parece suficiente, tamén temos a posibilidade de cambiar de dimensión, é dicir, a través dunhas aberturas que atoparemos en Hyrule chegaremos a un mundo paralelo denominado Lorule, no que habitan monstros de todo tipo e a perigosidade aumenta de maneira proporcionada. Tan ben implementada está esta opción, que incluso hai puzles nos que deberemos xogar coas dúas e cambiarnos entrando pola abertura correcta para chegar a solucionalo.

E todo isto coa liberdade absoluta, xa que por primeira vez teremos todos os nosos obxectos dende case o inicio da aventura, grazas a un peculiar personaxe que nos alquila e posteriormente nos vende tales obxectos como martillo, arco, bombas, etc.

Así, temos dous enormes mapas que investigar e con todos os nosos ítems case dende o inicio da aventura.

Se sodes dos que non vos gusta a linealidade e preferides avanzar superando misión secundarias, tamén estades de noraboa. Falando cos habitantes pedirannos que lles axudemos a realizar algunha fazaña, outros retarante a unha carreira, esquivar “galiñas”… e nunca sen esquecernos que por todo o mapeado están escondidos partes de corazóns, que se as atopamos alongamos a nosa barra de vida.

E por se fose pouco todo isto, coñeceremos a unha estraña criatura que nos perdirá se podemos atopar a todos os seus fillos denominados “mai-mais”, un total de cen criaturas escondidos nos lugares máis insospeitados entre Hyrule e Lorule.

Como podedes comprobar, o xogo ofrece moitas posibilidades que aumenta a súa duración considerablemente.

No referente nao apartado técnico Nintendo vove estar á altura, cuns efectos do 3D moi logrados (nótase como xa van collendo práctica) que incluso nos axuda a solucionar algunha mazmorra e cuns gráficos moi bos para a portábel de Nintendo. O colorido non falta, as texturas moi ben recreadas e aínda que a vista é cenital, a cámara ofrécenos sempre o que debemos ver, e o que non, xa está feito a posta para que o atopes pola túa conta.

Zelda Between Worlds 4

O son volve namorar, non só pola xa clásica musiquiña de Zelda, senón por toda a banda sonora que nos axuda a introducirnos no título.

Así, The Legend of Zelda: A Link Between Worlds é un xogo redondo, absolutamente obrigatorio para todos que teñan unha Nintendo 3DS. O único punto feble pode ser a dificultade que queda por debaixo que outros títulos, certo que para atopar algún ítem secundario quizais tardes, mais no referente á resolución de mazmorras é bastante sinxelo, unha forma máis de seguir namorando aos casual gamers.

De todos os xeitos só hai unha afirmación que sacar desta análise:

Tes unha Nintendo 3DS? Entón tes que ter este xogo.

[puntuacion]ESTILO=Sonic|GRÁFICOS=91|SON=95|XOGABILIDADE=95|DIVERSIÓN=99|DURACIÓN=93[/puntuacion]

erros

Hai que entendelos…

Vía | Gamers de Culto

Torta de aniversario do Zelda

Por: Domingo, 20 de Outubro de 2013, 11:47 COMENTAR

wind-cake

Con tortas así é menos duro facerse vello…

Fonte | Nerdache Cakes

Hyrule existe na vida real!

Por: Venres, 18 de Outubro de 2013, 18:46 COMENTAR

hyrule

Vamos de roteiro polos campos de Hyrule?

Vía | Geeks are Sexy

Bragamapa do Zelda

Por: Sábado, 10 de Agosto de 2013, 12:01 COMENTAR

zelda-map-panties

É perigoso ir só. Toma isto.

Comprar | 14,66 € em etsy.com

O peor disfrace da historia

Por: Martes, 9 de Xullo de 2013, 9:00 COMENTAR

link-cosplay

Sen comentarios…

Vía | Imgur.com