xboxone

O presidente de Microsoft no Xapón, Yasuyuki Higuchi, realizou unhas declaracións sobre a relación entre Xbox One no mercado xaponés e recoñece que tal e como está agora mesmo a consola, vai ser difícil que se integre no mercado nipón.

Xbox One está orientada ao estilo de vida occidental e estamos pensando se lanzala ou non “tal e como está” en Xapón. Estamos tratando imaxinar como afrontar este problema con detalles como música e os servizos de vídeo de cada país. Sendo honestos, en lanzalo en Xapón tal e como estamos pensando será difícil.

Continuou da seguinte maneira, suxerindo algunhas das solucións:

Temos que preparar contidos que sexan relevantes para Xapón e preguntarnos o que será mellor e a que responderán positivamente os consumidores xaponeses. Nestes momentos estamos considerandos estas cuestións.

Personalmente opino que se nas anteriores consolas de Microsoft xa tivo inmensos problemas para integrar a súa máquina no país nipón, coa Xbox One, o problema imcrementarase, porque se polo que parece nin sequera os países occidentais están completamente contentos con esta consola (ou así é a impresión que dan), xa non digamos nun país no que os xogadores teñen unhas formas e gustos de xogos moi “de seu”.

destiny
Xa pasaron máis de tres semanas da súa presentación no E3 e agora Bungie publica o vídeo con máis calidade que os vistos ata agora, que eran gravacións en directo. No novo vídeo podemos apreciar con aínda maior detalle a calidade gráfica que terá o novo título dos creadores da saga Halo.

Na que os seus creadores denominan a “Bungie Week”, prometen amosar novidades deste xogo:

“Cada ano, no sétimo día do sétimo mes, tomámonos un momento para agradecer aos membros da nosa comunidade a súa pasión e entusiasmo polos nosos xogos. Publicaremos novidades de Destiny durante toda a semana e estades convidados á festa.”

Está previsto o seu lanzamento para PlayStation 3, PlayStation 4, Xbox 360 e Xbox One a comezos de 2014.

Don Mattrick abandona Microsoft

Por: Martes, 2 de Xullo de 2013, 15:30 COMENTAR

don-mattrick
Don Mattrick, director da división de entretemento de Microsoft, anunciou que abandonará a compañía de Redmond e o vindeiro 8 de xullo incorporaráse como CEO de Zynga, compañía especializada en xogos nas redes sociais. Un movemento canto menos misterioso, se temos en conta que faltan menos de 5 meses para a saída ao mercado da Xbox One. Aínda non se revelaron oficialmente baixo que condicións abandonou a firma da Xbox.

“Unínme a Zynga porque creo que a visión pioneira de Mark (Pincus, fundador da compañía) e a misión de conectar ao mundo cos videoxogos só acaba de comezar. Zynga e unha compañía que aínda non acadou todo o seu potencial. Estou orgulloso de traballar con Mark para crear xogos sociais de alta calidade e divertidos para calquera que os queira xogar.”

Nun correo electrónico interno enviado por Steve Ballmer, CEO de Microsoft, compartido a través das canles oficiais da compañía, confirmou que aínda non teñen un substituto e polo momento, será o propio Ballmer quen dirixa a división de entretemento. No correo electrónico, Ballmer engadía: “Ésta é unha grande oportunidade para Don e deséxolle éxito.” “Estou incríblemente orgulloso do traballo e a visión que culminou na Xbox One. Estou particularmente emocionado por como mellora a Xbox os nosos dispositivos e servizos ao reunir o mellor de Microsoft.”

Despois do “fracaso” de Microsoft na presentación da Xbox One e o cambio nas políticas que tiñan previstas, son moitas as voces que consideran que máis que unha renuncia, pode ser que dende a compañía lle “convidaran” a abandonala. Outras voces apuntan na dirección contraria e din que, vendo o máis que probable fracaso da nova videoconsola, o propio Mattrick preferiu abandonar o barco antes de que afunda.

kinect-xbox-one
Segundo Microsoft, non hai plans para facer que o novo Kinect, que incluirán todas as consolas Xbox One, sexa compatible co PC.

“O sensor Kinect para Xbox One sensor non terá un adaptador que permita conectalo a un ordenador.”

A nova xeración de Kinect para Windows terá un conector estándar USB3, mentres que o da Xbox One empregará un conector propietario que o fará incompatible, entre outras cousas, segundo Microsoft.

Esta é unha mala nova para os creadores de software compatible con Kinect para PC, que verán enormemente reducido o posible mercado que suporían todos os xogadores que nun futuro teñan unha Xbox One.

Dentro do malo, cabe agardar que a comunidade de usuarios chegue a conseguir algún método para facer que si sexa compatible, aínda que dende Microsoft xa se apresuraron a dicir que Kinect non é licenciado para uso comercial, nin soportado ou nin con garantía cando se emprega noutra plataforma que non sexa Xbox One, incluído Windows.

lanzamento-xbox-one
Recentemente, Amazon, tenda online por excelencia, creou a ficha da vindeira videoconsola da compañía de Redmond, a Xbox One para que os seus clientes poidan reservala. O interesante desta ficha é que puxeron como data de lanzamento o vindeiro 27 de novembro.

Dende Microsoft xa se apuraron a negar que esa sexa a data real de saída e que soamente se trata dun “placeholder”, tal e como declarou un representante da compañía:

“É unha táctoca habitual dos vendedores poñer datas e prezos de referencia ata que lles informamos da data e prezo definitivo. Estamos excitados co lanzamento da Xbox One en novembro de 2013.”

Para os que non sexades moi dados ás tendas online, sirva como referencia un exemplo do que recentemente vos informabamos cando nalgunhas tendas poñían os: xogos de PS4 a 99,99 dólares. Nese caso, como as propias tendas non sabían cal sería o prezo exacto ao que sairían os prezos, simplemente puxeron nas fichas un prezo “desorbitado” para evitar reclamacións dos usuarios. Se por exemplo tiveran posto 59,99 dólares e ao final os xogos custasen 69,99 dólares, a avalancha de queixas que terían sería enorme e terían que pagar eles eses 10 dólares de máis.
Pois ben, neste caso os de Amazon puxeron unha data de referencia ata que dende Microsoft lles confirme a que será a data final de lanzamento da nova videoconsola.

Pola súa parte, Sony tamén se apresurou a negar a data do 13 de novembro que moitas tendas anunciaron a semana pasada como lanzamento da PlayStation 4, afirmando que esa data era simplemente especulativa.

xboxone

Estaredes de acordo en que cando unha empresa ten que aclarar tantos detalles da súa consola, sacar diariamente declaracións para calmar os xogadores e mesmo rectificar sobre algunhas das súas políticas, entón é que algo non se está a facer ben.

Pois poucas horas despois de que Microsoft anunciase que a Xbox One non tería que conectarse diariamente para xogar e que o mercado de segunda man continuaría como actualmente, o vicepresidente corporativo de Xbox, Marc Whitten, saíu á palestra para realizar unhas declaracións.

Deste xeito afirmou que todos os videoxogos que merquemos deberán ser instalados na consola para desfrutar dos seus contidos, así como conectar a Xbox One á internet cada vez que adquiramos un novo título para activalo.

O directivo tamén deixou caer que Kinect deberá estar conectada permanentemente para que a consola funcione, independentemente de que o xogo empregue este dispositivo ou non.

E para concluír aclara que o día do lanzamento, a Xbox One xa terá unha actualización:

Sempre estivo planeada unha actualización para o día do lanzamento, débese simplemente a unha diferenza entre os calendarios de fabricación fronte aos de software.

Son eu, ou continúan obrigando a ter internet para xogar?

CliffAMA

O pai do motor gráfico Unreal Engine e da famosa saga Gears of War mencionou no Twitter hai uns días que as políticas restritivas da Microsoft no tocante á segunda man e á conexión obrigatoria á internet eran necesarias para cubrir os altos custos de desenvolvemento e produción dos xogos que aparecerán na vindeira xeración.

No entanto, Microsoft emitiu onte un comunicado onde modificaban moitas destas características por causa da enorme cantidade de queixas dos consumidores desde que a Xbox One se amosou no mes pasado.

A pesar da boa recepción da mudanza por parte das compañías, analistas e consumidores, Cliff cargou aloucadamente contra Microsoft alegando que se non se restrinxe a segunda man, os custos tan exaxerados dos novos xogos non poderán cubrirse e as compañías máis febles terán que pechar as portas, deixando sen traballo a moitos creativos. Non se esqueceu de atacar os usuarios que protestaron coas vellas medidas, dicindo o seguinte:

Quero que os creativos que deixaron o cu traballando vexan diñeiro por cada copia do seu xogo que vendan en vez de que o faga Gamestop. Estou tolo, verdade?

ídevos preparando. Máis pagamentos no multixogador e contidos descargables se achegan. Tamén ides a ver como se van a disparar as microtransaccións.

 

Xbox One-ception

Por: Xoves, 20 de Xuño de 2013, 9:00 COMENTAR

xbox-oneception

A pregunta que moitos nos fixemos cando anunciaron que a Xbox One tiña entrada HDMI.

Vía | Imgur.com

xbox one one
Despois da enorme polémica creada despois do seu anuncio en maio e estrelarse no E3 na pasada semana, Microsoft da marcha atrás e retira dúas das políticas que máis polémicas levantaron: a necesidade de conectarse aos seus servidores cada 24 horas para poder xogar e a que afectaba ao mercado de segunda man.

Vendo a que lle viña enriba, sobre todo despois de ver que a competencia non lles seguía o xogo con ese tipo de políticas, Don Mattrick e o seu equipo tomaron esta decisión para evitar unha catástrofe para a compañía de Redmond.

Os dous puntos interesantes do anuncio:

* Unha conexión á Internet non será necesaria para xogar offline aos videoxogos de Xbox One. Despois de configurar a nova Xbox One, poderás xogar con calquera videoxogo en formato físico sen ter que te conectar online de novo. Non hai un requisito de conectarse cada 24 horas e poderás levar a túa Xbox One a onde queiras e xogar aos teus videoxogos, como na Xbox 360.
* Intercambios, préstamos, revenda, regalos e aluguer de videoxogos en formato físico tal como hoxe en día. Non haberá limitacións para empregar e compartir xogos, funcionarán como o fan agora mesmo na Xbox 360.

Podedes ler o resto do anuncio nesta páxina (en inglés).

Xa comezamos a entendernos, Microsoft. Xa comezamos a entendernos…

Xbox One vs Pedra

Por: Martes, 18 de Xuño de 2013, 12:10 COMENTAR

Xbox One vs pedra

Pedra, papel, Xbox One: Papel gaña á pedra, pedra machaca á Xbox One, e Xbox One pisa papeis

Vía | El Rincón del Humor

ps4-xboxoneMicrosoft anunciou que os videoxogos para a Xbox One manterán os prezos recomendados da actual xeración e manteranse en 59,99 dólares.

Pola súa banda, Sony confirmou recentemente o prezo recomendado de 59,99 dólares en 4 dos títulos que chegarán coa PS4: «Killzone: Shadow Fall», «Driveclub», «Knack» e «inFamous Second Son».

ryse_sons_of_rome-004

Ryse: Son Of Rome presentouse coma un xogo revelación no pasado E3 sendo un título vehicular para a nova consola de Microsoft. O xogo póñenos na pel dun soldado romano que deberá abrirse camiño a base de combos nas guerras romanas. Deixou o público impresionado grazas o seu poderío gráfico e as revolucionaras mecánicas presentadas no apartado da xogabilidade.

Sen embargo, hai uns días apareceu un articulo no medio Kotaku onde podíase ler que os “Quick Time Events“, escenas onde temos que pulsar un determinado botón dentro dun tempo limitado, sairán exitosos aínda que o xogador os complete de forma errática.

Por suposto, as críticas non chegaron en acudir os foros de Crytek, desenvolvedora do xogo en cuestión, que non tiveron máis remedio que explicarse cá seguinte declaración:

Non queremos que os xogadores se sintan frustrados

Ryse tiña como obxectivo plantexar un novo tipo de desafío para os xogadores expertos no xénero do Hack & Slash e convertirse no rival directo de God Of War na consola de Microsoft, pero visto o visto, van ter que consider se rebaixar a dificultade é prudente para competir neste mercado cada vez máis especializado.