1c31c6d1970da9f5958776c72ee77cf9_original

Hai unhas poucas horas finalizou o crowdfunding na plataforma kickstarter do novo xogo de Hifumi Kono, creador da serie de xogos Clock Tower. Baixo o estudio Playism Games presentan un  novo survival horror que creceu baixo o nome de Project Scissors. Non falaremos neste caso dunha financiación de cifras históricas como as temos vistas con outros títulos, pero sobroulle case un día para acadar os 300.000 $ que pediran, chegando á hora do seu peche a 314.771 $ unha cifra que de seguro axudará ó estudo a achegarnos esta peza que xa está a erguer as expectativas de moitos fans que atopáronse de novas con esta proposta.Unha mágoa que non se acadase ningún dos obxectivos que se estableceron por riba do límite de financiación como eran unha maior diversidade de mortes, un personaxe engadido, ou as versions de PS4 e XBoxOne.

O certo e que lle falta traballo por diante o estudio xaponés, pero xa nestas primeiras imaxes de gameplay pódese ver que a súa promesa de condensar a esencia das películas de terror xaponesas estase a cumprir e fainos pensar ata onde poderán chegar se fan un bo traballo.

Quedamos a espera e vos deixamos a páxina de kickstarter e a web do estudio para que podades seguir o seu futuro.

Playism Games

Kickstarter do proxecto

xboxone

O presidente de Microsoft no Xapón, Yasuyuki Higuchi, realizou unhas declaracións sobre a relación entre Xbox One no mercado xaponés e recoñece que tal e como está agora mesmo a consola, vai ser difícil que se integre no mercado nipón.

Xbox One está orientada ao estilo de vida occidental e estamos pensando se lanzala ou non “tal e como está” en Xapón. Estamos tratando imaxinar como afrontar este problema con detalles como música e os servizos de vídeo de cada país. Sendo honestos, en lanzalo en Xapón tal e como estamos pensando será difícil.

Continuou da seguinte maneira, suxerindo algunhas das solucións:

Temos que preparar contidos que sexan relevantes para Xapón e preguntarnos o que será mellor e a que responderán positivamente os consumidores xaponeses. Nestes momentos estamos considerandos estas cuestións.

Personalmente opino que se nas anteriores consolas de Microsoft xa tivo inmensos problemas para integrar a súa máquina no país nipón, coa Xbox One, o problema imcrementarase, porque se polo que parece nin sequera os países occidentais están completamente contentos con esta consola (ou así é a impresión que dan), xa non digamos nun país no que os xogadores teñen unhas formas e gustos de xogos moi “de seu”.

PSP vita

Aínda que Sony aínda non amosou cifra algunha, xa confirmou que despois da rebaixa da súa PS Vita en Xapón do 18 de febreiro, as súas ventas cuadriplicáronse.

Tería algo que ver a presentación da PS4 e a interacción coa portábel?

Non se pode pasar por alto o inferno que están sufrindo estos días o territorio nipón, tanto polo potente terremoto, como polo posterior tsunami que arrasou con todo o que colleu o seu paso. Pero non só isto, se non que unha das súas centrais nucleares ameaza con estoupar e un volcán erupciona despois de anos en repouso.

Neste caso é certo o dito de que as desgrazas non veñen soas, e ante tanto desolo, qué se pode facer?

Pois tentar axudar no máximo posíbel aos milleiros de nipóns que o perderon todo ante tanta catastrofe.

Así, compañías tan famosas como Nintendo,Sony e Namco Bandai comprometéronse a doar parte dos seus beneficios á recuperación do territorio asolado.

Concretamente Nintendo comprometeuse a doar 300 millóns de yenes, a mesma cantidade que doa Sony, mentres que Namco Bandai entregará 100 millóns de yenes (tamén suspenderá as máquinas recreativas para aumentar así o aforro).

Por outro lado, o productor de Blazblue, Toshimichi Mori mencionou a posibilidade de crear algún tipo de contido descargábel para Xbox 360 e PS3, e así doar os beneficios aos esforzos de socorro.

Sen dúbida unha proposta que se debería ter en conta,aínda que moito me temo que crearía desconformidades entre os usuarios se a calidade destas descargas non chegasen a un nivel óptimo.

Aínda así, vexo moi correcto a actuación destas compañías para tentar axudar na súa medida, o desastre que están a sufrir no Xapón.

Visto en: Wildgames