wiiu
Na vindeira actualización da súa videoconsola, prevista para abril, Nintendo mellorará os tempos de carga na Wii U.

Agora mesmo, pode levarlle máis de 20 segundos pechar un xogo e volver á interface principal. Coa nova actualización, reducirase a só 8 segundos.

Tal como prometeran en febreiro, Nintendo estaba a traballar en dúas principais actualizacións do sistema: a que ocupa esta nova, adicada á mellora nos tempos de carga, prevista para abril e a outra adicada a mellorar a conexión a rede para mellorar os retardos nos xogos multixogador, prevista para o vindeiro outono.

No seguinte vídeo pode verse unha comparativa en tempo real co “antes” e o “despois”.

Un GTA ao estilo Lego

Por: Martes, 26 de Febreiro de 2013, 17:46 COMENTAR

Xa pasou máis dun ano dende que Nintendo anunciou o Lego City Undercover no E3 2011. O xogo, desenvolvido por TT Games Fusion, chegará ás nosas tendas o 28 de marzo deste ano, exclusivo para a consola Wii U. Este título basado no popular xogo de pezas tenta innovar no universo dos videoxogos, mesturando o mundo aberto coa aventura, a acción e a creatividade dos Lego.

LEGO_City_Undercover_screenshot_33

A un mes da estrea do Lego City Undercover, TT Games Fusion concedeu hoxe unha entrevista en exclusiva á revista Nintendo Life. Foron especialmente trascendentes as declaracións de Loz Doyle, produtor executivo da empresa, tras ser preguntado pola posibilidade de incluir un DLC nun futuro:

Hai unha morea de vehículos, personaxes e misións. Xa hai moito contido no xogo – estamos falando de entre 40 e 50 horas para completalo ao 100%. É difícil imaxinar que máis poderiamos engadir. Non o imos descartar (engadir un DLC), pero tería que ser algo que encaixase co resto do xogo.

Ao principio do xogo, na área de San Francisco, estarás moi metido na trama principal, pero conforme adquiras habilidades verás cousas cun icono de pechado que antes non podías abrir e agora si. Isto animarate a explorar e usar as diferentes mecánicas e habilidades do xogo.

Está claro que o equipo de Doyle aposta por un sandbox e tenta afastarse da meirande parte dos xogos do universo Lego, pertencentes ao xénero das plataformas. Pode ser o LCU o próximo competidor da saga GTA? Iso aínda está por ver…

 

Aqui os xogos de lanzamento de Wii U

Por: Xoves, 22 de Novembro de 2012, 19:41 COMENTAR

Como saberedes o próximo 30 de novembro chegará ás nosas tendas a primeira consola de “nova” xeración por parte de Nintendo, a súa tan falada e comentada, Wii U.

Pero unha consola sen videoxogos é como un cocido sen grelos, así que Nintendo acaba de sacar nunha nota de prensa os videoxogos que traerá esta consola baixo o brazo.

Un total de 23 que poderedes ver a continuación:

Ler o resto da entrada »

Os desenvolvedores non falan ben de Wii U

Por: Martes, 3 de Abril de 2012, 14:05 COMENTAR

Moito se ten falado sobre a que será a próxima consola de sobremesa de Nintendo, sobre que Wii U sería máis potente que a Xbox 360 e PS3, rectificando pouco despois dicindo que estará a un mesmo nivel e agora, tras ver os resultados dunha enquisa realizada por Gamesindustry na que os desenvolvedores probaban esta nova consola, a Wii U non queda a unha boa altura.

Estos falaron dos gráficos e todos coinciden en que non están á altura das consolas de sobremesa actuais, concretamente, “Non está ao mesmo nivel que a Xbox 360 e PS3.Seus gráficos non son tan potentes”.

Lonxe de deixar aquí o tema tamén resaltaron aspectos da tableta/mando que tanto está dando que falar:

“O problema da tableta é que só che dan unha, só podes usar unha e non é de todo independente, xa que a consola debe estar encendida e debes estar a un rango de distancia. Os outros controsi son Wiimotes ou pads de Wii”.

Xa vedes, a polémica volve saír á luz. É correcta a estratexia que está levando Nintendo con esta nova consola? Non será demasiado arriscado apostar todo a unha tableta?

Despois duns días de descanso en Memoria Pixelada (será porque tampouco hai ningunha nova verdadeiramente relevante) volvo cunha noticia que me fai entrar en debate, o p*** mando de Wii U.

Eu intento comprender a Nintendo, é dicir, queren innovar e entrar pola vista aos pseudoxogadores para que as súas ventas sumen e sumen, e deste xeito viron viábel un mando (máis ben unha “tablet”) cunhas funcións que non sei se serán moi óptimas para os videoxogos.

Se son honesto eu aínda estou pelexando co control actual da Wii, para que me metan agora outro novo cacharro que non me colle nin na man.

Por suposto isto é todo a miña opinión e sen probar (como é lóxico) este trebello, pero todo está saíndo como penso, agora existen fortes rumores no que lle dan a este mando protagonismo, pero non precisamente por empregalo en videoxogos, senón por ofrecer novas posibilidades técnicas como pode ser… ler libros electrónicos.

Cando se darán conta que un mando dunha consola debería servir para controlar os protagonistas dos videoxogos, que os xogadores de toda a vida queremos os botóns de sempre e sen andar movendo as mans como un pintor drogado… que por suposto queremos innovación, pero dentro dos videoxogos, novas experiencias, novas sensacións, porque a despois de pasar toda a xeración coa Wii, aínda non vexo claro este mando, nada claro.

E agora lonxe de correxir este erro (para moitos sería un acerto), aínda se centran noutros facores alleos aos videoxogos.

Quero berrar.

Nintendo quere seguir sendo orixinal e provocativa

Por: Sábado, 24 de Decembro de 2011, 15:14 COMENTAR

Nintendo arriscouse moitísimo coa Wii e saíulle máis que ben a xogada (a nivel de ventas, por suposto, non de calidade), e parece que coa Wii U quere seguir esta estela, pero cun plantexamento no seu control aínda máis curioso.

Personalmente dubido que cone sta consola Nintendo vaia (nin queira) conquistar de novo aos hardcore-games (os que de verdade lle deron a fama que ten hoxe en día) aínda que Nintendo dixese en entrevistas anteriores que sería unha consola máis hardcore (inocente de min que me fixen esperanzas).

Ao que imos, que o presidente de Nintendo America acaba de mencionar que seguirán na mesma liña que até agora é dicir, dándolle moitísima importancia á orixinalidade e innovación, fronte a outros aspectos.

Así que creo que coa Wii U volveremos ver á Wii cunha prótese en forma de mando e pouco máis. Creo que si que venderá. Creo que si que chegará a moitos usuarios. Pero tamén creo que se seguirán centrando en xogadores pouco críticos e experimentados.

Será este o prezo da Wii U?

Por: Mércores, 7 de Decembro de 2011, 15:38 4 COMENTARIOS

É curioso como antes de que Nintendo faga oficial o verdadeiro prezo da súa Wii U, unha tenda francesa de Carrefour xa anunciou que a poden reservar e con prezo final e todo.

E a que prezo está nesta tenda?, pois a 450.20€, tócate un collón e parte do outro.

Está claro que é tan só un rumor, e que pode ser que esta tenda con alardes publicitarios colocase esta cifra aleatoriamente, pero se fose certo paréceme un prezo descomunal, tendo en conta as especificacións técnicas que a propia Nintendo nos facilitou. Porque sexamos honestos, estamos ante unha Wii con algunha lixeira modificación e un cambio de mando (que aínda estou decidindo se será para ben ou para mal).

O certo é que Nintendo xa debería ter aprendido a lección coa 3DS, e se non queren que as súas accións volvan andar polo chan, a Wii U non debería sobrepasar os 300€.

O presidente da Nintendo, Saturo Iwata volveuse pór ao dispor da prensa para resolver dúbidas. Nesta ocasión volveu reafirmarse no que xa dixo anteriormente e ninguén creu: Que a Wii U sería unha consola que recuperaría a confianza perdida polos xogadores máis tradicionais.

Como saberedes, mesmo o creador de Mario e Zelda (Shigeru Miyamoto) recoñeceu que a Wii foi vendida para xogadores “casual”. O feito de deixar atrás a alta definición e un apoio a videoxogos máis sinxelos, chafalleiros, ruíns, ou cantos sinónimos queirades, non axudou demasiado.

Deste xeito, a idea Iwata será volver captar a atención de todos aqueles que medramos coa NES, pasamos centos de horas coa SNES e ficamos medio choscos coa Nintendo 64. Ou por dicilo doutra maneira, de captar a atención de todos aqueles xogadores que fixeron da Nintendo o que é hoxe en día.

Por un lado encántame escoitar estas palabras, mais teño tanta fe nelas como en que me toque a lotaría do Natal (e quero deixar patente que non xogo a ela). De todos os xeitos, vamos deixar pasar un tempo a adaptarse á consola, que se ha de pór á venda en 2012.

Non, aínda non foi anunciado ningún Super Mario para Wii U, mais todos sabemos que só é cuestión de tempo que isto aconteza.

Con todo, por vez primeira parece ser que o problema de crear outro título de Mario é o exceso de ideas, xa que Yoshiaki Koizumi, director do próximo Super Mario Land 3D deixou caer nunha entrevista que ten ideas de máis para realizar este título.

“Teño moitas ideas neste momento para xogos de Mario en Wii U. Vou ter que comezar a reducilas na miña cabeza e pensar en cales funcionarían ben para producir una experiencia agradábel no sistema”

Teñamos esperanzas en que esta hipotética redución de ideas sexa para ben e non pretendan facer unha innovación demasiado… radical. Espera, ninguén falou de innovación verdade?

O Deus Miyamoto “canta claro” sobre Wii U

Por: Mércores, 22 de Xuño de 2011, 9:23 COMENTAR

Moitas compañías son as que están falando desta nova máquina ao respecto, e todas elas, como non (por un lado con certa lóxica) sobre a potencia gráfica da propia.

Primeiro Sony menciona que non ten ningún medo a Wii U polo que non ten pensado sacar outra consola a curto prazo, e despois Ubisoft dixo que non sería complexo facer “ports” de Xbox 360 e PS3 para a nova consola de Nintendo con calidade igual ou superior.

Pero agora tócalle falar a Deus en forma de Miyamoto, e como boa persoa que parece e que non se quere andar con tonterías ao respecto dinos o que todos temiamos, que o punto forte será o mando e non a súa calidade gráfica. Upssss, e eu por qué xa intuiría isto?

“Estamos intentando encontrar o equilibrio correcto entre a CPU e a GPU, o procesador gráfico, e ofrecelo todo aproveitándonos das capacidades HD do sistema.
Por suposto intentamos, con moita delicadeza, facer todo isto a un prezo apropiado. Así que non sei se seriamos capaces de sentarnos aquí e afirmar que vai sobrepasar necesariamente e de forma drástica aos sistemas que hai agora. Forma parte do equilibrio que estamos buscando, intentando encontrar entretemento novo e único.“

Despois destas palabras de Miyamoto parece que lle queceu a língua e tamén deixou caer que non estaba de acordo coa estratexia seguida por Nintendo e que lle parecía imprudente presentar unha consola con este tipo de mando.

Parece como se me estivese escoitando a min mesmo, porque é exactamente o que opino, pero sae da propia boca de Shigeru Miyamoto, así que cada un que saque as conclusións que desexe.

A Wii U usará discos específicos de 25GB

Por: Mércores, 15 de Xuño de 2011, 13:47 1 COMENTARIO

Está claro que a actualidade deste mundo pixelado está nas mans de Nintendo, máis que nada porque cada día sacan datos novos sobre a súa próxima consola Wii U, e algúns destas novidades de bastante transcendencia como a que paso a comentarvos.

A Wii U empregará discos específicos creados por Nintendo de 25GB de capacidade (o que xa ten a PS3), e será incompatíbel con Blu-Ray e DVDs.

Concretamente estas foron as palabras de Iwata:

Cremos que bastante xente ten xa cacharros cos que reproducir Blu-Ray e DVDs, así que non merece a pena o coste de engadir esa funcionalidade a Wii U por as patentes relacionadas con esas tecnoloxías.

Pola miña parte teño que mencionar que non me preocupa este movemento que fai Nintendo, sempre e cando o seu prezo sexa razoábel, por suposto, pero aínda non mencionaron outro detalle que todos pasan por alto, a capacidade do disco duro.

Así é a demo técnica de Zelda para Wii U

Por: Venres, 10 de Xuño de 2011, 11:23 COMENTAR

Non vou falar do rumor que acaba de saír no que di que a Wii U pode chegar a custar 491,45€, porque dame moito medo, pero si vou amosar a Demo técnica de Zelda para esta consola.

Como ben sabemos, só é unha Demo e non se pode manexar o personaxe, pero si que permite modificar algún aspecto do escenario, cambio de iluminación, cambio de cámara,etc.

Gráficamente vese moito mellor que os xogos de Wii (normal, por outro lado), pero tampouco tanto como prometeran nun inicio. A dicir verdade, o xogo pinta moi ben, pero tendo en conta que non é parte do xogo verdadeiro non sei en que rematará o tema, e sen falar dos anos que tardaremos en velo realmente.