watch-dogs
Ubisoft publicou un novo tráiler do prometedor Watch Dogs, no que alardean dos máis de 90 premios e nominacións, así como das boas palabras que tiveron a maioría de medios especializados da industria dos videoxogos.

Despois de ver a baixa calidade que tiña o último tráiler (seguramente capturado na versión para Wii U), volvemos ver a calidade gráfica que anteriormente nos amosaran.

O lanzamento está previsto para o 22 de novembro para PC, PlayStation 3, Wii U e Xbox 360, así como nas consolas de nova xeración, no momento da súa saída ao mercado.

call-of-duty-ghosts
A pesar dos rumores que apuntaban que a compañía Activision deixaría de lado a videoconsola de Nintendo, debido ás malas cifras de vendas da mesma, anunciaron o lanzamento de 6 novos títulos para a Wii U, entre s que figuran o «Call of Duty: Ghosts», «Skylanders SWAP Force», «Angry Birds Trilogy» e «Angry Birds Star Wars», entre outros.

Desta lista, chama especialmente a atención o FPS «Call of Duty: Ghosts», que xa confirmaron que incluirá soporte para o Wii Remote, así como para a pantalla secundaria do mando da Wii U.

O CEO de Activision Publishing, Eric Hirshberg declarou:

“Como xa dixemos anteriormente, estamos comprometidos a facer todo o que poidamos para apoiar á Wii U, que é polo que estamos tan animados para traer a esta plataforma algunhas das franquías de entretemento máis populares do mundo este mesmo ano.

A franquía Call of Duty continua sendo unha das máis potentes no mundo dos videoxogos e Skylanders segue a encantar aos novos fans ao redor do mundo. Os nosos estudos traballaron duramente creando novas experiencias inmersivas perfectamente adecuadas á plataforma Wii U e a nosa liña de lanzamentos de outono ten un pouco para todo o mundo.”

Por fin parecen chegar algunhas boas novas para a videoconsola de Nintendo, sobre todo, despois de que en maio Electronic Arts lle dera as costas anunciando que non lanzarían moitos dos seus títulos nesa plataforma, como o FIFA 14 ou o Madden NFL 25, entre outros.

Anunciado o «F1 2013»

Por: Luns, 15 de Xullo de 2013, 21:00 COMENTAR

f1-2013
Codemasters anunciou oficialmente o vindeiro lanzamento do F1 2013.

Como ven sendo habitual, nesta nova entrega, incluirán todos os circuitos, coches e pilotos da tempada 2013 de Fórmula 1.
O lanzamento está previsto para este outono para PC, PlayStation 3 e Xbox 360 e haberá dúas versións: F1 2013 e F1 2013: Classic Edition.

A maior novidade é un modo de xogo denominado F1 Classics, no que os xogadores poderán competir contra coches míticos dos anos 80 como o Williams, Lotus ou Ferrari nas mans de pilotos históricos como Mario Andretti, Nigel Mansell, Emerson Fitipaldi ou Gerhard Berger, entre outros moitos, en circuitos tan coñecidos como Brands Hatch e Xerez.

Na Edición Clásica incluirán un paquete con coches dos 90, como os Williams e Ferrari e pilotos como David Coulthard, Jacques Villeneuve, Eddie Irvine ou Alain Prost, entre outros.

Para os usuarios da versión normal do xogo, os paquetes Clásicos estarán dispoñibles como DLC.

Por outra banda, Steve Hood, director creativo de Codemasters, respondeu ás preguntas dos usuarios na súa conta de Twitter. Ante a pregunta dunha versión para a Wii U, respondeu que tería que ser un xogo moi diferente para simplemente poder funcionar na Wii U.

Á pregunta dunha versión para a PS Vita respondeu que simplemente non ten sentido financieiro para a compañía e xa teñen moitas cousas que facer.

assassins-creed-black-flag-front
Ubisoft acaba de publicar un novo vídeo de 7 minutos de duración do «Assassin’s Creed IV: Black Flag» con comentarios do director creativo do videoxogo, onde podemos ver en acción ao novo protagonista, Edward, aos mandos do seu barco pirata loitando contra outros barcos, atacando fortes e como funcionan as melloras do barco para conseguir facer máis dano aos inimigos.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.

zombiu
Despois dos malos resultados económicos colleitados pola exclusiva de Wii U, «ZombiU», non entra dentro dos plans da compañía crear unha nova entrega.

O mal rendemento do xogo na videoconsola da Nintendo tamén foi un dos factores que levou a cambiar o Rayman Legends dunha exclusiva a multiplataforma.

Yves Guillemot, CEO da compañía dixo recentemente:

“Debemos atopar a maneira de asegurar que a creatividade deses xogos poida chegar á maior audiencia posible.

“Agardamos que despegue. Polo momento, nós dixemos ‘imos facer ata o Nadal e ver onde estamos entón.'”

Pola súa banda, o CEO de Electronic Arts, Peter Moore tamén explicou os motivos do pouco soporte da súa compañía á Wii U.

“Estabamos con eles no seu lanzamento con catro xogos. Fou unha decepción cando ves as cifras de vendas e, como compañía, temos que ser moi prudentes onde investimos os nosos recursos.

“A falta de compromiso co online na Wii U é preocupante. É tan esencial para o que facemos e son tan poucos que non paga a pena facer funcionar os servidores. Parece unha caixa que non está en sincronía co futuro de EA, que é o que da a sensación de relación social aos nosos xogos. A Wii U parece máis unha experiencia offline agora mesmo.”

Corren malos tempos para a videoconsola de Nintendo, que parece que entrou nin círculo de autodestrución: non consegue vender consolas porque os creadores apenas fan xogos para ela e os creadores non fan xogos porque apenas se venden consolas. O peixe que se morde a cola, que se soe dicir…

zelda_wallpaper___wiiu_demo___by_andrelevydeoliveira-d47yiws

Aínda que no presente E3 non se amosou material audiovisual do novo Zelda para Wii U, o produtor da lexendaria serie de Nintendo, Eiji Aonuma, declarou durante o evento que a demo técnica que pudimos contemplar no ano pasado non se relaciona co novo proxecto, se non que están a estudar novas técnicas gráficas.

Polo tanto, nin o estilo visual caricaturesco que coñeciamos co Zelda Wind Waker nin ó fantástico épico das dúas últimas entregas serán a base para a derradeira aventura de Link.

Non obstante, prometen deixarnos abrumados co desenvolvemento dun motor gráfico completamente novo feito especificamente para o xogo que ensinará ó mundo algo nunca antes visto nin experimentado con anterioridade.

Eiji tamén estivo a falar de que este Zelda será o primeiro en recibir contenidos descargables post-venta que alongará ainda máis a profunda experiencia do programa, sempre e cando o xogo así o precise e sexa completamente necesario.

Zelda para Wii U non ten data de lanzamento e o seu estado de desenvolvemento é ainda moi prematuro, polo que  estase a supoñer que non o veremos ata ben entrados no 2014.

A estratexia da Nintendo Wii U

Por: Venres, 14 de Xuño de 2013, 18:16 COMENTAR

estratexia-da.nintendo-wii-u

É un plan sen fisuras, non podo fallar.

Fonte | Dorkly

EA-WIi-U

Xa falamos noutras ocasións que a nova consola de sobremesa de Nintendo está perdendo o apoio de múltiples compañías á hora de lanzar videoxogos para esta.

Agora é o turno de EA, unha das compañías máis importantes no ámbito, a cal dixo que polo de momento non ten preparado sacar absolutamente ningún xogo para a Wii U.Cero xogos.

EA xa se mostrara contraria a esta consola dicindo que o seu motor Frostbite non collía na Wii U, mais de isto a non sacar absolutamente ningún videoxogo hai un paso xigante, un paso que debería preocupar a Nintendo.

Só queda pensar cal foi o motivo que empurrou a EA tomar esta decisión, mais divagacións á parte, Nintendo queda sen o apoio dunha das compañías máis fructíferas do panorama videoxoguil.

Nova actualización para Wii U

Por: Venres, 26 de Abril de 2013, 21:30 COMENTAR

wiiu
Nintendo lanzou a actualización do firmware 3.0 para a Wii U.

Antes da descarga, avisan ao usuario que o proceso pode levar máis dunha hora e que non apague a videoconsola durante o proceso para evitar posibles erros no sistema.

Entre as novidades, podemos atopar, entre outras cousas:

  • Función stand-by, que permitirá a descarga e instalación automática de contidos despois de apagar a videoconsola.
  • Soporte para o controis Wii Remote, Wii U Pro Controller, e o Control clásico en Miiverse e o explorador de Internet.
  • Cando se merque contido descargable na Nintendo eShop, instalarase automáticamente despois da descarga e tamén se descargarán automáticamente as actualizacións dispoñibles.
  • Posibilidade de ordear as descargas.
  • No xestor de almacenamento poderanse conectar dous dispositivos de almacenamento USB para transferir datos entre eles ou á memoria interna da videoconsola. O resto do tempo, soamente se poderá conectar un dispositivo USB de almacenamento.
  • Mellora na estabilidade do sistema así como unha mellora notable nos tempos de carga.

Máis información na páxina oficial.

splinter-cell-blacklistNintendo confirmou hoxe nun comunicado que Ubisoft está a traballar nunha versión para a Wii U da vindeira entrega da saga Splinter Cell: Blacklist, ademáis das xa anunciadas versións para PC, PS3 e Xbox 360. Está prevista a súa saída para o vindeiro 22 de agosto.

Gamestop decepcionada coas ventas de Wii U

Por: Mércores, 3 de Abril de 2013, 10:54 COMENTAR
Wii U

Wii U

A Wii U non está pasando por un bo momento, sexa porque non convence aos usuarios do seu potencial ou porque non sacan videoxogos atractivos para ela.

Tanto é así, que un dos máximos responsábeis da liña de tendas Gamestop fixo unhas declaracións na que non nega que a nova consola de Nintendo decepcionou nos primeiros meses aínda que teñen fe nela:

A industria está rodeada dun gran cinismo, e a xente encántalle dicir que cousa vai ou non vai funcionar. Nós cremos que Wii U é unha consola real e que decepcionou durante uns meses, pero tamén pensamos que haberá máis cando se lancen os xogos das first-parties. Nintendo ten algúns ases na manga.

2231753-image_unreal_engine_4_19497_2539_0022

 Se hai pouco era DICE a que excluía a consola de Nintendo da posibilidade de recibir software correndo sobre o novo motor gráfico Frostbite, agora foi Mark Rein, cofundador de EPIC, quen negou de xeito taxante a posibilidade de que a nova máquina de Nintendo soportase Unreal Engine 4.

 Ao ser preguntado publicamente por este asunto en conferencia, a resposta de Rain foi unha gargallada que contaxiou aos asistentes ao acto. Porén, o directivo de EPIC intentou matizar inmediatamente o explícito da súa reacción, desculpándose e aclarando que Wii U poderá sen embargo tirar moito partido do potencial de Unreal Engine 3.

 Mark Rein intentou posteriormente suavizar mais a súa resposta apostando pola vixencia do actual UE3, que “non desaparecerá por culpa do Unreal Engine 4”, e co que Wii U recibirá “xogos sorprendentes”.