Watch Dogs sairá o 27 de maio

Por: Xoves, 6 de Marzo de 2014, 16:27 COMENTAR

watch-dogs-atraso

Fai escasos minutos que Ubisoft concretou a data de lanzamento dun dos seus xogos estrea, así pois Watch Dogs chegará ás tendas o 27 de maio.

Foron moitos os rumores que navegaban pola rede sobre este dato, incluso algúns abrían a posibilidade a un novo retraso, mais finalmente a propia Ubisoft decidiu saír á palestra e quitarnos toda esta tensión acumulada.

Agora só queda que o xogo cumpra coas enormes expectativas que está a crear. Verémolo en maio.

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

Ubisoft fala sobre os DLCs de Watch Dogs

Por: Xoves, 23 de Xaneiro de 2014, 14:46 COMENTAR

watch-dogs-atraso

Esta nova xeración vai tirando máis polo online, polo social, e con isto arrastra un dos grandes protagonistas da pasada xa pasada xeración, os DLCs.

Non vou entrar en polémica sobre o por que teño que pagar máis por algo que xa paguei, mais Ubisoft xa confirmou que ese gran esperado por todos, Watch Dogs contará con DLCs:

Si, estamos traballando nos nosos plans de contidos descargábeis agora mesmo, definitivamente temos a intención de facer DLCs. Estamos estudando a posibilidade de lanzalos ao comezo do ano que vén. Hai moitas historias que contar no universo do xogo, e hai diferentes perspectivas que queremos explotar, así que para nós é unha gran oportunidade.

Unha das cousas que estamos explorando é como poderiamos, dentro do mes seguinte ao lanzamento do título, crear máis experiencia xogábel, porque é unha cidade rica e temos montóns de ideas para cousas divertidas que se poderían facer e que non necesariamente están nos nosos plans agora mesmo.

Así que estamos explorando diferentes tipos de experiencia xogábel que podería permitirnos ampliar o mundo de xogo despois do seu lanzamento.

Lanzamentos futuros

Por: Mércores, 15 de Xaneiro de 2014, 12:00 COMENTAR

watch-dogs-2099

Ubisoft, non sei se darei esperado tanto…

Vía | sonyentertainmentnetwork.com

«Watch Dogs», a curta

Por: Martes, 26 de Novembro de 2013, 14:00 COMENTAR

watch-dogs-atraso
Un grupo de fans crearon unha curta baseada no videoxogo Watch Dogs.

Creado por | InfectiousDesigner

«DriveClub», demorado ata comezos de 2014

Por: Venres, 18 de Outubro de 2013, 15:00 COMENTAR

driveclub
Sony ven de confirmar o retraso no lanzamento do simulador de conducción «DriveClub», creado polo estudo británico Evolution Studios.

Este era un dos títulos de lanzamento para a PlayStation 4 e os subscritores de PS Plus recibirían unha copia de balde coa nova videoconsola.

Menuda semana que levamos, despois dos anuncios dos retrasos de Watch Dogs e The Crew, agora tamén DriveClub. A este paso as novas videoconsolas van quedar sen títulos para o seu lanzamento…

watch-dogs-atraso
Nun inesperado comunicado feito onte no blogue de Ubisoft, a compañía anunciou que atrasarán o lanzamento do agardado «Watch Dogs» a vindeira primavera de 2014.

Segundo a compañía, esta demora débese ao desexo da mesma de non comprometer a calidade do xogo cun lanzamento prematuro. Durante estes meses aseguran que aproveitarán para pulir os detalles para ter unha mellor experiencia de xogo.

O comunicado completo:

“A nosa ambición dende o comezo con Watch Dogs foi ofrecer algo que encarne o que queremos ver na seguinte xeración de videoxogos. É con isto en mente que tomamos a difícil decisión de demorar o lanzamento ata a primavera de 2014.

Sabemos que moitos de vós vos preguntaredes: Por que agora? Loitamos co feito de que se ía atrasar o xogo, pero dende o comezo adoptamos a postura de que non iamos comprometer a calidade. A medida que nos achegabamos ao lanzamento e todas as pezas do crebacabezas ían encaixando no noso último empuxón antes de completalo, quedou claro que preciabamos un tempo extra para pulir e afinar cada detalle, para que puidéramos dar unha experiencia verdadeiramente inesquecible e excepcional.

Queremos aproveitar esta oportunidade para darvos as grazas a todos. Encántanos e apreciamos como respondedes na web, nos eventos, conferencias de prensa e outras oportunidades de interactuar connosco. A vosa pasión mantennos motivados.

Non podemos agardar a vervos en Chicago a vindeira primavera. Estamos seguros que ides adorar este xogo tanto como nós adoramos traballar nel.”

O lanzamento estaba previsto para o vindeiro 21 de novembro para PC, PlayStation 3, PlayStation 4, Wii U, Xbox 360 e Xbox One.

the-crew-logo
Por outra banda, tamén confirmaron atraso do lanzamento do MMO de carreiras «The Crew», previsto para comezos de 2014, a algún momento entre o segundo e terceiro trimestre do mesmo ano.

Requisitos para PC de «Watch Dogs»

Por: Martes, 8 de Outubro de 2013, 16:00 COMENTAR

Watch-Dogs-connected
Despois de certos rumores e publicacións falsas, Ubisoft publicou os requisitos necesarios para xogar á versión para PC.

Un dos puntos que máis chaman a atención é o requisito dun sistema operativo de 64bits, algo pouco común ata o de agora nos videoxogos, pero que cada vez será máis habitual. Isto é debido á limitación de 4 GB de memoria RAM dos sistemas de 32bits e a que o xogo pide un mínimo de 6 GB de memoria RAM.

Por poñer un exemplo, segundo as cifras oficiais, esta limitación afectaría a un 24% dos usuarios de Steam, que empregan un sistema operativo de 32bits.

Requisitos mínimos:

  • Sistema Operativo: Windows® Vista SP2 64 bit, Windows® 7 SP1 64 bit, Windows® 8 64 bit
  • Procesador: Intel Core® 2 Quad Q8400 @ 2,66 GHz ou AMD® Phenom II X4 940 @ 3.0 GHz
  • Memoria RAM: 6 GB
  • Tarxeta gráfica: 1 GB VRAM compatible con DirectX® 11 e Shader Model 5.0
  • Tarxeta de son: Compatible con DirectX® 9

Requisitos recomendados:

  • Procesador: Intel Core® i7 3770 @ 3.5Ghz ou AMD® FX-8350 @ 4.0Ghz
  • Memoria RAM: 8 GB
  • Tarxeta gráfica: 2 GB VRAM compatible con DirectX® 11 e Shader Model 5.0 ou superior
  • Tarxeta de son: Compatible con DirectX® 9

Tarxetas gráficas soportadas no lanzamento:

  • nVidia GeForce das series GTX460 ou superior, GT500, GT600, GT700
  • AMD Radeon das series HD5850 ou superior, HD6000, HD7000, R7 e R9
  • Intel Iris Pro HD 5200

O lanzamento está previsto para o vindeiro 21 de novembro.

Máis informacón na páxina oficial.

watch-dogs

Dominic Guay, director do esperado xogo, Watch Dogs, afirmou que o título poderase superar case na súa totalidade sen disparar a ninguén:

É algo que deberá decidir o xogador.

Sobre o 95% das misións pódense completar con sixilo, ou polo menos saír fuxindo ou realizar unha persecución sen ter que apretar o gatillo.
A idea é que o xogador teña o suficiente poder de decisión como para actuar según lle veña en gana, sen limitar a súa liberdade de movemento.

Para rematar o directivo aclara:

Hai unha cantidade moi limitada de misións nas que se obriga a matar xente.

Watch-Dogs-connected
Ubisoft publicou un novo vídeo de case 15 minutos de duración con imaxes do «Watch Dogs»

O lanzamento está previsto para o vindeiro 22 de novembro, para PC, PlayStation 3, PlayStation 4, Wii U, Xbox 360 e Xbox One.

O 21 de novembro chegará ás nosas tendas un dos xogos que máis está dando que falar dende que se presentou, Watch Dogs. Aínda que Ubisoft sabe perfectamente que se converterá nun “vendeconsolas” segue no seu afán de meternos aínda máis ganas no corpo cun novo tráiler, no que vemos ao protagonista facer novos usos das súas dotes de hackeo.

Watch Dogs pinta moi pero que moi ben, mais non me podo evitar facer un par de cuestións:

Como será a xogabilidade deste título?

Será tan enorme como parece (sobre todo a nivel técnico) as diferentes versións de consolas?

Mentres pensades nestas respostas botádelle un ollo ao tráiler.

watch-dogs
Ubisoft publicou un novo tráiler do prometedor Watch Dogs, no que alardean dos máis de 90 premios e nominacións, así como das boas palabras que tiveron a maioría de medios especializados da industria dos videoxogos.

Despois de ver a baixa calidade que tiña o último tráiler (seguramente capturado na versión para Wii U), volvemos ver a calidade gráfica que anteriormente nos amosaran.

O lanzamento está previsto para o 22 de novembro para PC, PlayStation 3, Wii U e Xbox 360, así como nas consolas de nova xeración, no momento da súa saída ao mercado.