Todos tiñamos esta super velocidade nas recreativas

Vía | It8Bit

Fonte | Aled Lewis

[Vía: It8Bit]

Moi poucos xogos de Snowboard existen no panorama, pero sen dúbida o título máis representativo é SSX. Personalmente a súa terceira entrega gustoume bastante pola súa espectacularidade e velocidade, pero dende logo o que se ve nestes vídeos da nova entrega parecen aínda máis rápidos, e o certo é que a posibilidade de planear, ofrece máis variedade.

Segundo o seu director creativo, este novo SSX será moito máis grande (pódese comprobar que as pistas son moitísimo máis longas que as entregas anteriores) en canto a posibilidades, pistas e duración.

A continuación podedes botarlle unha ollada a estes gameplay para que vexades que Electronic Arts está realizando un xogo máis que decente.

Ler o resto da entrada »

(Vía: Lovelypixel)

Proun é un deses xogos que captan a atención do xogador polo seu curioso plantexamento, un xogo que se alonxa dos típicos xogos e preséntanos un título artístico con toques abstractos no que teremos que manexar a unha esfera por un cable evitando chocar cos numerosos atrancos que atopamos no camiño.

Como acontece neste tipo de videoxogos a velocidade é fundamental, polo que comezaremos nunha velocidade moderada que se irá incrementando paulatinamente até estar ante un verdadeiro reto.

Pero non só merecemos presentar a Proun pola súa notable apariencia e innovador plantexamento, se non que o seu creador Joost van Dongen arríscase coa seguinte frase “paga o que queiras polo meu producto”,e así o fai. Os usuarios serán os encargados de escoller o prezo que lle parece adecuado ante este título.

Así que xa sabedes, o título estará á nosa disposición o 24 de xuño, polo que podedes ir pensando o que queredes pagar por el.