fm5
Está previsto que a vindeira semana Turn 10 publique unha nova actualización para o «Forza 5» que reducirá os prezos dos coches ata nun 45% do valor actual, ademáis de aumentar os cartos obtidos por disputar carreiras.

Pouco despois do seu lanzamento, recibíu moitas críticas por parte dos xogadores pois entendían que eses elevados prezos nos coches non era se non unha medida para “forzar” aos xogadores a obter os coches mediante micro-transaccións.

Esta actualización tamén introducirá dous novos modos multixogador: «Drag Racing» (carreiras de aceleración) de ata 16 xogadores e «Tag» que contará coas tres variantes xa coñecidas das entregas anteriores da saga: «Manter a marca», «Virus» e «Pasar a marca».

fm5
Nunha recente entrevista, o diretor creativo do estudo Turn 10, Dan Greenawalt confirmou que a nova entrega da saga Forza Motorsport soamente contará con 200 coches e 14 circuítos. Estas cifras chaman aínda máis a atención se botamos a vista atrás e vemos que a entrega anterior contaba con 500 coches e 26 circuítos.

Entre as baixas nos trazados, cabe destacar a ausencia de circuítos como Suzuka, Infineon Raceway ou o “Inferno verde” de Nürburgring.

“Algúns dos circuítos precisaban ser actualizalos. Algúns había que actualizar a iluminación e outros requerían unha grande actualización. Silverstone, por exemplo, foi totalmente recapturado. Varias das nosas pistas estaban mal, ben porque foron mal capturadas e a tecnoloxía mellorou ou ben porque a pista cambiou, como no caso de Silverstone.”

“Graduamos os circuítos segundo o estado no que están e, se non cumpren os requisitos, sacámolos fóra. Para min, non foi tanto de se quero incluír éste ou aquel. Quixen dar a calidade da nova xeración e iso significa ter os shaders e imperfeccións do formigón. A maneira máis sinxela de ter iso é escanear con láser todo o circuíto, xa que captura todas esas imperfeccións. Tiñamos referencias antigas dos circuítos onde, se as pistas estaban preto, puidemos volver a esa antiga referencia e recrear esa imperfección. Por definición, iso significa que esas pistas levan máis tempo de traballo que ata o de agora.”

“Estamos vendo de escanear con laser os circuítos, que é ao que se reduce todo agora mesmo. Queremos que sexa un estándar para a vindeira xeración. O noso obxectivo non é traer contido antigo e, mesmo cos coches, fixemos o mesmo proceso. Había algunhas incorreccións e algúns coches tiñan especificacións anticuadas e tivemos que actualizadas do Forza 2 ao 3 e ao 4. Pero non tiñan o número de polígonos que queríamos e non era tan sinxelo como aumentar a resolución, así que simplemente os capturamos de novo. Algúns deles, tiñan as especificacións ben e puidemos engadir polígonos onde os precisabamos. Por iso chegamos a este sistema de calificación e calquer circuíto ou coche que non tivese unha calificación sobresaínte foi quitado ou recapturado.”

silverstone

Aínda hai esperanzas de que eses trazados volvan ao xogo. De feito hai rumores de que están a traballar no circuíto de Nürburgring e que podería chegar a comezos do ano que ven, mais dende Turn 10 non se comprometen a nada:

“Estamos a ver que incluímos como DLC. Evidentemente, estamos centrados nos coches, que é algo que facemos ben. Estamos a pensar nos circuítos tamén, así que veremos que podemos facer.”

Entre os novos circuítos incluídos no novo Forza, cabe destacar Spa-Francorchamps, sede do GP de Fórmula 1 de Bélxica e o australiano de Bathurst’s Mount Panorama, coa súa coñecida sección de montaña.

Se ben o número de coches é moito menos, dende o estudo destacan a súa diversidade, incluíndo por primeira vez na saga monoprazas coas rodas descubertas, como o Dallara DW12, empregado nas Indycar Series e dous F1 clásicos, como son o Ferrari 312T e o McLaren M23, ambos do ano 1976. Nun novo anuncio sorprendente no tráiler de lanzamento (que podedes ver máis abaixo), tamén incluirán o monopraza que na tempada actual pilotan Kimi Räikkönen e Romain Grosjean, o Lotus E21.

ferrari-312T

Outros dos atractivos son dous dos últimos superdeportivos en chegar ao mercado, o McLaren P1 e o híbrido Ferrari LaFerrari, aínda que éste último chegará nun dos primeiros DLC’s de pago. Respecto a isto, Greenawalt comentou:

“A cousa con estes superdeportivos é que se traballou neles moi tarde.”

“Incluso co P1, que tivemos no stand do E3, pero cambiou dende entón. Engadiron máis proteccións baixo os escapes e modificaron a malla da parte traseira. Unha cousa é facer un Focus, que cando está feito, está feito e Ford vai fabricalo en masa, pero cando falas dun coche do que únicamente se van facer 300 unidades, poden cambialo en calquer momento.”

Sobre a decisión de incluír o LaFerrari nun DLC, comentou:

“Vimos que o xogo ten algo máis de 200 coches e todos teñen este nivel de detalle cunha enorme variedade. Para nós foi un enorme éxito ter os DLC’s de pago. Aqueles que non o queren, non teñen porqué telo e aqueles que o queren, poden mercalo. O pase de tempada permite mercalos todos cunha subscrición.”

Falando do tema dos novos superdeportivos, bótase de menos o Porsche 918 e dende o estudo non se pronunciaron ao respecto se foi un problema de licenzas (como xa pasou no Forza 4, se ben, todos sabemos que ao final acabaron incluíndoos nun DLC, de pago, evidentemente…).

O pase de tempada do Forza 5 custará 49,99 € e, como na entrega anterior, incluirá 6 DLC’s con 10 coches cada un e serán publicados mensualmente dende o vindeiro xaneiro ata xuño.

“A resposta foi boa. Iso non quere dicir que todo o mundo esté contento. A xente estivo mercándoo e despois xogando.”

fm5
Microsoft ven de publicar un novo vídeo, ao máis puro estilo modo “Autovista” do Forza Motorsport 4, do «Forza Motorsport 5», no que o coñecido presentador do programa Top Gear, Jeremy Clarkson (@JeremyClarkson) nos fala das súas impresións de dous dos novos superdeportivos que incluirá o xogo: o Pagani Huayra e o McLaren P1.

O «Forza Motorsport 5» será exclusivo para Xbox One e chegará ao mercado na data de lanzamento da videoconsola, o 22 de novembro. Os xogadores que reservaran a videoconsola, obterán, totalmente de balde, unha copia do Forza 5 ou do FIFA 14, segundo prefiran.

Compite contra “Stig” en Forza 5

Por: Venres, 11 de Outubro de 2013, 13:00 COMENTAR

fm5
Para os que non o coñezades, Stig é o máis que coñecido misterioso piloto do programa británico Top Gear. É o encargado de levar ao límite os novos modelos que presentan no programa.

Cando ves o programa, sempre che queda esa pregunta: “Como o faría se correse contra Stig?”. Pois ben, tal e como nos presentan no seguinte tráiler, no Forza Motorsport 5 poderemos competir contra el, ou máis ven contra “o seu curmán dixital”.

Como a entrega anterior, o Forza Motorsport 5 contará co circuíto Top Gear Test Track, así como os comentarios dos seus presentadores Jeremy Clarkson, Richard Hammond e James May.

Estará dispoñible o 22 de novembro, data de saída da Xbox One. As reservas da videoconsola, poderán optar entre unha copia deste xogo ou do FIFA 14.

fm5
Microsoft publicou un novo vídeo do popular simulador de condución Forza Motorsport 5 onde podemos ver unha volta ao sinuoso trazado dos Alpes Berneses no superdeportivo Pagani Huayra.

“O circuíto dos Alpes Berneses debutou en Forza Motorsport 4 e foi reconstruído completamente para a Xbox One, presentando o novo motor gráfico traballando a 1080p e 60 imaxes por segundo.”

Estará dispoñible de balde o vindeiro 22 de novembro, día de lanzamento da Xbox One. Os usuarios que reserven a videoconsola, poderán escoller entre unha copia gratuíta do Forza 5 ou do FIFA 14.

fm5
Turn 10 anunciou que o novo «Forza Motorsport 5» incluirá o trazado australiano de Mount Panorama de Bathurst. Este novo cirtuíto únese aos xa confirmados anteriormente de Mazda Laguna Seca, Spa-Francorchamps e Praga.

Foi construído en 1938 e na actualidade ten unha lonxitude total de 6.213 km. e 23 curvas.

Mapa do circuíto (Fonte: Wikipedia)

Mapa do circuíto (Fonte: Wikipedia)

Este anuncio coincide coa nova que confirmaba que Microsoft creará o equipo Xbox One Racing Team para competir na 2013 Supercheap Auto Bathurst 1000, carreira de resistencia de 1.000 km. que se disputa habitualmente o primeiro domingo de outubro de cada ano neste circuíto. Como adoita ser habitual nas competicións de motor australianas, o coche elixido será o Holden VF Commodore.

O «Forza Motorsport 5» sairá a venda o 22 de novembro, data de lanzamento da Xbox One. As reservas da videoconsolas contarán cunha copia dixital deste simulador de conducción ou do FIFA 14, a elección do xogador.

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

fm5
A nova entrega da saga de simulación de conducción de Turn 10, «Forza 5» requerirá que os usuarios descarguen un paquete de contido gratuíto de Xbox Live para poder iniciar o xogo, que non funcionará se non se descarga dito paquete.

Tal como comentou Dan Greenawalt recentemente nunha entrevista:

“Cando inicias o xogo por primeira vez, terás que iniciar sesión e, cando o fagas, obterás unha chea de contidos: circuitos e coches. Isto é necesario para poder xogar ao xogo.”

Por outra banda, o sistema Drivatar que controlará aos coches da IA, tamén precisará dunha conexión para estar actualizado, se ben non é obrigatorio.

“Tes que conectar o xogo para poder obter os últimos Drivatars, porque necesitamos o maior número posible de xente para adestralos. E así, en vez de ter só un conxunto creado por nós para o día do lanzamento, cada día que a xente corra fará que os Drivatars sexan máis precisos, máis diversos e moito máis interesantes.”

“Todas as características na nube e en liña fan o xogo moito, moito mellor.”

dan-don

Dan Greenawalt, Turn 10 e Donald Sutherland, “Os violentos de Kelly”(1970)