Fumito-Ueda

Fumito Ueda, pai e xenio creador de títulos como ICO ou Shadow of the Colossus acaba de pedir desculpas publicamente polo enorme retraso que está a sufrir o seu próximo proxecto, The Last Guardian.

Sinto pedir perdón polo gran retraso, motivado por varias razóns que están facendo agardar aos xogadores durante tanto tempo.

Obviamente, a prensa non dubidou en facerlle todo tipo de preguntas, mais Fumito non soltou prenda, polo que seguimos sen saber data oficial, plataformas, ou se finalmente dará salto á PS4.

Manter a motivación é producir algo grande. Un hobby ou o alcohol pódenche refrescar temporalmente, mais non motivan a creatividade. Quero dar forma rapidamente a algo creativo e aumentar o ritmo de produción.

No caso de The Last Guardian, a miña visión estaba case rematada fai tempo, mais os detalles de cando, onde e como se complementaría estaban fóra do meu control.

Comenta polos problemas que tivo o equipo para darlle vida a este xogo.

Moito pedir desculpas, moito comentar que non ten problema ningún co equipo, mais polo de momento seguimos sen saber absolutamente nada sobre un dos xogos que máis deu que falar cando se anunciou, xa fai… xa fai… moito tempo.

The_Last_Guardian

Xa non tiña boa pinta, que nin neste E3, un dos máis importantes dos últimos anos, amosasen nin un mínimo de The Last Guardian, algo non pinta ben.

E porque os xogadores temos tantas ganas de velo?, pois porque os seus creadores (nun inicio encabezado polo xenial Fumito Ueda), foron os encargados de ICO e Shadow of the Colloussus, dous títulos inmersivos e imrescindíbeis.

Pois ben, para alonxarnos de calquera temor de cancelamento, o actual responsábel e cabeza visíbel do proxecto, Shuhei Yoshida, afirma que o xogo está vivo e continúan traballando nel:

The Last Guardian segue vivo e coleando en termos de desenvolvemento. Abonda con visitar Japan Studio para ver que moita xente continúa traballando nel. Mais queremos estar confiados e seguros do que amosemos ao público, polo que estamos agardando o momento.

A parte disto tamén mencionou que a realización dun videoxogo non é nada doado de levar a cabo, e confesa que se a comunidade de xogadores non estivesen tan interesados neles, posiblemente xa terían cancelado o xogo:

O desenvolvemento dos videoxogos non é nada doado, e aínda que pareza que The Last Guardian é un caso extremo, eu non creo que o sexa. O que si é extremo é o interese para todos os xogadores do noso estudo. E isto é o que nos fai seguir adiante incluso cando nos atopamos con grandes dificultades técnicas. Se fose outro proxecto, probablemente o acabaramos deixando a medias.

A min non me da demasiada confianza que un xogo teña tantos problemas e non poidan nin amosar un mínimo, mais sexamos positivos e contemos que nun breve espazo de tempo poidamos observar algo de The Last Guardian.

The_Last_Guardian

Despois da presentación da Playstation 4 o director de Sony, Shuhei Yoshida estivo a responder as preguntas da prensa, e como era normal, unha delas era sobre un dos xogos máis esperados polos usuarios de Playstation, The Last Guardian.

Os seus desenvolvedores xa fixeron oficial que estaban a ter problemas técnicos na realización do título, polo que non tardaron en correr os rumores sobre a chegada de The Last Guardian á PS4, aínda que os responsábeis sempre mantiveron que sería un título exclusivo de PS3.

Con todo isto no aire, o director de Sony evitou pronunciarse ao respecto:

“Non estou preparado para falar diso. Síntoo. Rompimos moitas promesas e estamos a esperar o momento adecuado para reintroducir The Last Guardian.”

Descansando,descansando,descansando...

O terror apoderouse de todos aqueles que esperamos este videoxogo cando Fumito Ueda dixo que abandonaba Sony deixando The Last Guardian sen rematar.

Para calmar a marabunta que creou este feito Sony saíu á palestra para dicir que Fumito Ueda non traballaba en Sony pero seguía vinculado á creación do mencionado videoxogo, implicándose no seu desenvolvemento.

Pero este xogo non consegue saír dos rumores sobre un posíbel cancelamento, polo que un dos seus responsábeis dixo isto nunhas declaracións:

O proxecto vai progresando, pero moi lentamente, xa que plasmar a visión de Fumito Ueda nun videoxogo está sendo un verdadeiro reto para os desenvolvedores. Deste xeito tiramos e refacemos cousas, de aquí que nos tomemos tanto tempo, pero segue sendo un proxecto moi importante.

The Last Guardian, un título tan esperado e ao mesmo tempo con tantos rumores de cancelamentos que sufríu ao longo da súa creación, e agora que sabemos?, pois que parece que o proxecto continúe con vida, pero nada de datas de saída polo de momento.

Novo tráiler de The Last Guardian

Por: Xoves, 16 de Setembro de 2010, 11:13 COMENTAR

O momento máis esperado de todas as conferencias de todas as feiras de videoxogos chegou hoxe de madrugada, cando o grande Fumito Ueda apareceu no escenario para presentar a súa nova obra mestra.

Eu tiña esperanzas de que deixasen ver algo de gameplay, pero terémonos que conformar cun novo tráiler que nos continúa amosando a relación entre o can con plumas e o pequeno rapaz.

Aínda non se sabe nada da historia nin de como se controlarán aos personaxes, pero para rematar deixou caer a data de saída, que será no nadal de 2011…moito queda por sufrir.

Tamén cabe resaltar a alegre banda sonora (algo raro en Fumito Ueda) que fai do tráiler unha mini xoia capaz de engatusar a calquera, pero abonda xa de tanta palabra e déixovos co vídeo.

The Last Guardian si estará no TGS

Por: Mércores, 8 de Setembro de 2010, 15:55 COMENTAR

Th Last Guardian

Despois de que Roke nos informase da presentación dunha expansión do Battlefield Bad Company 2 no Tokyo Game Show, agora temos outra nova que encantará a todos os gamers en xeral, xa que despois de que Sony presentase a súa lista de videoxogos que sacaría nesta feira, e o esperado The Last Guardian non estaba presente nela, agora parece ser que non vai ser así, e a última xoia de Fumito Ueda fará acto de presenza, como non podía ser de outra maneira.

Non comprendo esta rectificación, a verdade é que xa non entendía por que non ía aparecer, pero agora só se me pasa pola mente un novo gameplay desta impresionante obra (dade por seguro que será así), novas imaxes, datos,etc.

Esperemos que non se conformen con amosarnos un simple tráiler, que moi posíbelmente sexa o que vaia ocorrer.