Segundo tráiler de Killer is Dead

Por: Martes, 2 de Abril de 2013, 16:01 COMENTAR

Cada vez máis esaxerado, cada vez máis tolo e cada vez con mellor pinta, así é Killer is Dead, o próximo título sen data oficial de Suda 51.

Eis o primeiro tráiler de Killer is Dead

Por: Venres, 18 de Xaneiro de 2013, 15:53 COMENTAR

Hai uns días adiantabamos que o famoso e irreverente Suda 51 estaba a traballar nun novo proxecto que tiña como nome Killer is Dead.

Pois ben, hoxe podemos ver o primeiro tráiler do mencionado videoxogo. E a verdade, a velocidade nos combates e a súa ambientación con toques sanguinarios, xunto ao seu apartado técnico que recorda a No More Heroes, tráenos unha boa sensación.

O resultado dependerá do seu control e da súa forma de xogar.

O título sairá no verán no país nipón, aquí aínda non temos datas confirmadas. Estaremos atentos.

O aclamado pola crítica Suda 51 polos seus videoxogos Killer 7 e No More Heroes, volverá ao panorama con Killer is Dead, no que controlaremos a un cazador de asasinos con implantes cibernéticos que lle permitirá realizar accións imposíbeis para calquera outro humano.

Como xa é habitual en Suda 51 non faltará a espada como método de defensa, aínda que amplía as posibilidades cun brazo armado capaz de se transformar noutras armas, o que engadirá variedade ao título.

Parece que a ambientación beberá directamente de No More Heroes, aínda que como dixo o seu propio creador, queren afastarse do simple copia e pega, polo que existirá un forte contraste visual e un sistema de combate corpo a corpo de alta velocidade, así como un aspecto visual máis escuro e sanguinario.

En Occidente aínda non hai data de lanzamento, aínda que no país nipón poderán botarlle a man este mesmo verán.

Seguiremos informando.

Antes de comezar a dicir absolutamente nada deste título teño que vos pedir aos lectores que fagades un pequeno esforzo mental, fundamental para que comprenderdes a verdadeira esencia deste videoxogo. Antes de lerdes nada pídovos que teñades moi en mente calquera filme de serie B, porque Shadows of the Damned vai moito por ese estilo. De modo que tende en mente ese estilo “bizarro” con sangue, seres de ultratumba, humor negro e todas esas características que engloban os filmes de serie B.

Unha vez mencionado isto comezarei co verdadeiro análise facéndovos unha breve sinopse da historia que vamos vivir.

Ler o resto da entrada »