Unha xarra de auga fría é o que lle supuxo a todos os futuros consumidores de Playstation 4 as declaracións de Shuhei Yoshida, presidente de Sony, afirmando que a consola non dará soporte a certos contidos multimedia entre os que se atopan CDs e arquevos en MP3.

Isto obriga a empregar o servizo Sony Music Unlimited se queremos escoitar música na nosa consola, algo que non gustou aos consumidores.

Para calmar os nervios Yoshida dixo:

Grazas polo feedback da ausencia de MP3 e soporte DLNA no lanzamento de PlayStation 4. Compartirei os vosos comentarios co equipo de desenvolvemento de PlayStation 4 para a súa futura consideración.

Aínda que polo que parece PS4 leva certa vantaxe sobre a súa competidora Xbox One, un grupo de analistas, concretamente a firma Baird Research, consideran que a consola de Microsoft venderá máis unidades que Playstation 4 neste Nadal.

O portavoz deste grupo, Colin Sebastian sinala:

A pesar de que outras estimacións dan certa vantaxe á PS4 en Nortamérica, nós agardamos un rendemento similar e incluso superior en ventas para Xbox One para o final da ventá de lanzamento.

Colin Sebastian tamén considera que entre ambas consolas van a vender entre 5 e 6 millóns de unidades, así como o esgotamento destas na maioría dos puntos de venta:

Os nosos controis en cadeas de tendas sinalan que hai unha demanda moi superior á oferta.

Guerrilla Games quere asegurarse que Killzone: Shadow Fall sexa o xogo de referenza nos primeiros meses de vida de PS4, e polo de momento estano facendo ben.

Unha campaña dunhas dez horas, comezar unha nova historia separada da triloxía orixinal, novos accesorios…

E despois de todo isto chéganos este tráiler do modo historia do xogo:

O xogo chegará ás tendas o 29 de novembro xunto a Playstation 4.

O 29 de novembro sae á venta a Playstation 4 xunto co seu habitual Dualshock, mais este puido ser moi diferente ao que foi finalmente, é máis, Toshimasa Aoki, un dos responsábeis de Sony, recoñeceu que barallaron a posibilidade de imitar a disposición dos sticks analóxicos da súa rival Xbox:

Sabiamos que aos consumidores gústalles o mando de Xbox 360 para os xogos de acción.

Pero acaba aclarando a súa decisión:

A xente gústalle os botóns na parte de arriba e iso cambia ao botón máis empregado, o X, do pulgar dereito. Se cambiamos de posición o botón X cambia a memoria do músculo. A man dereita emprégase principalmente para botóns e a palanca, mais a esquerda principal quédase nun ou outro control e non cambia -entre estick e cruceta-. Por isto está aceptado cambiar a parte esquerda, mais cambiar a dereita rompe a experiencia.

Finalmente:

O equipo do prototipo, a min mesmo e outros departamente preferían o estilo Playstation, e debían mantelo.

Un dos principais responsabeis de Guerrilla Games, Steven ter Heide, falou sobre a esperada nova entrega de Killzone, e catalogouna como unha gran oportunidade como punto de entrada a esta saga.

Con todo o que se leva falado de Killzone é raro que ninguén escoitase falar dela e incluso que non xogase a algún dos seus títulos, mais se fose así, Shadow Fall é unha perfecta compra para iniciarte, xa que aínda que con guiños á saga, comezan de cero:

En moitos aspectos, Killzone: Shadow Fall supón un comezo para acceder á franquicia, ten lugar 30 anos despois da triloxía orixinal de Killzone, así como a maior parte dos personaxes e os aspectos da historia daquel periodo son “historia”.

Mais por outro lado os fans da serie apreciarán os guiños que aparecen aos primeiros títulos da saga, aínda que non sexa necesario coñecer os detalles do universo de Killzone para acceder á historia.

Sony publicou unha nova actualización do «Killzone Mercenary» coa que pretenden arranxar os problemas de conexión que tiñan algúns usuarios neste shooter para PS Vita.

Esta nova actualización ocupa nada menos que 1.190 MB. Dende o estudo Guerrila afirmaron que están a traballar en solucións que reduzan o tamaño actual do xogo.

“Esta descarga é necesaria para preparar o camiño para as futuras actualizacións previstas do xogo. Estamos a investigar solucións que permitan reducir o tamaño total do xogo e liberar máis do prezado espazo da vosa tarxeta de memoria. Agardamos poder compartir máis novas destes traballos moi pronto.”

O xogo chegou ao mercado o pasado 5 de setembro para PS Vita.

Sony ven de confirmar o retraso no lanzamento do simulador de conducción «DriveClub», creado polo estudo británico Evolution Studios.

Este era un dos títulos de lanzamento para a PlayStation 4 e os subscritores de PS Plus recibirían unha copia de balde coa nova videoconsola.

Menuda semana que levamos, despois dos anuncios dos retrasos de Watch Dogs e The Crew, agora tamén DriveClub. A este paso as novas videoconsolas van quedar sen títulos para o seu lanzamento…

Segundo o analista Michael Pachter de Wedbush Morgan a nova videoconsola de Sony acadou o millón e medio de reservas e é moi posible que teñan problemas de suministro.

Polo de momento poucos máis detalles temos sobre este tema, mais o que si asegurou Shuhei Yoshida é que o mando da Playstation 4 será compatíbel co PC dende a saída da consola:

As funcións básicas estarán dispoñíbeis dende a saída. Os dous botóns analóxicos e os botóns funcionarán ben.

A guerra de mandos está servida, a guerra de consolas tamén, e cada vez queda menos para saber en que rematará a batalla final. Escondédevos onde poidades, porque van saltar píxeles.

Sabiamos que a nova entrega de Ratchet & Clanck chegaría á Playstation 3, mais o rumor que nos toca é o da posibilidade de que aterre tamén na PS Vita e en plataformas móbiles.

A nova non está confirmada, mais o feito de aparecer no ESRB (organismo de calificación por idades) ofrécelle moita forza e aumenta a porcentaxe de ralidade.

O ESRB anuncia que aparecerá na PS Vita, así como en dispositivos móbiles de tipo smartphone, pero sen concretar a que sistema ou sistemas.

O único que direi é que Sony parece que está cumprindo iso de querer impulsar a Vita con novos títulos. E polo de momento, gústame.

Sony ven de lanzar a nova versión 4.50 do firmware para a PlayStation 3.

Entre as principais novidades, esta actualización inclúe as actualizacións e descargas automáticas, característica ata agora reservada para os subscritores de PlayStation Plus.

Outra das novidades é a posibilidade de transferir datos, como xogos, filmes, etc., entre a PlayStation 3 e a PS Vita mediante unha conexión Wifi, sen a necesidade dun cable USB.

Tamén engade novas opcións de privacidade para os Trofeos, permitindo escoller que xogadores poden ver os trofeos que conseguiches.

O rumor sobre un posíbel pack no que a Playstation 4 viñese coa PS Vita foi sempre unha opción que barallaron os responsábeis de Sony, mais sempre se mantiveron na negación deste pack de lanzamento na próxima consola de Sony.

Pero a idea parece que vai cobrando cada vez máis forza, e así o di Fegal Gara, un dos directivos de Sony:

Cambiaron varias cousas dende a última vez que tratamos o asunto. Penso que quedeou demostrado que hai un gran paso can do as dúas máqunas se xuntam, e na Gamescom víuse.

De todos os xeitos, Gara afirma que polo de momento non existe ningún tipo de pack deste tipo.

Neste preciso instante non estamos producindo unha caixa que inclúa Playstation 4 e PS Vita. Mais para ser honestos poderiamos cambiar de opinión mañá mesmo e aínda estariamos a tempo de chegar ao lanzamento de PS4. Non é algo difícil de facer.

Como vedes vos este posíbel pack? Pensades que será unha estratexia clave para aumentar as ventas da portábel ou de verdade hai un vínculo moi bo entre PS4 e Vita?