PSP vita

Desta volta foi o executivo de Sony no Reino Unido, Fergal Gara, quen aclarou que non están a ter o éxito que tería a súa consola portábel.

Para ser honestos, unhas vendas máis altas é o que agardariamos. O mercado en que entrou PS Vita era moito máis complicado que cando se ideou e deseñou a consola orixinalmente.

Os xogos en tablets e teléfonos móbiles cambiaron o mercado, e a xente xa non pode cargar tantas cousas ao mesmo tempo.

De todos os xeitos, Gara tamén quixo aclarar que os esforzos que está a facer Sony para implementar a súa portábel como complemento coa PS4, non son unha reacción para paliar os problemas de ventas da consola, senón que xa se pensara así dende un inicio.

toyota-ft-1-concept
A nova actualización do Gran Turismo 6, lanzada hoxe mesmo, 14 de xaneiro, permitirá aos usuarios poñerse ao volante do novo modelo da marca Toyota, anunciado esta mesma semana no Salón Internacional do Automóbil de Norte América (NAIAS) en Detroit.

O novo Toyota FT-1 Concept é a nova aposta da marca nipona polos modelos deportivos de altas prestacións.

playstation now

Se onte falabamos sobre a próxima aplicación de Sony que nos permitirá a xogar aos seus xogos en calquera dos seus dispositivos, pouco a pouco imos sabendo máis sobre Playstation Now.

John Koller, vicepresidente da compañía, explicou que se recomenda en internet un mínimo de 5 megas para poder empregar sen complicacións este servizo de streaming baixo demanda.

Aínda que polo de momento non sabemos como será exactamente a calidade de Playstation Now, Koller seguíu comentando unha serie de factores:

Chegamos a un punto no que estamos moi cómodos coa tecnoloxía en termos de latencia, e tamén en canto aos xogos que están dispoñíbeis a través de Playstation Now.

Playstation 3 é a nosa punta da lanza en termos de catálogo, xa que cremos que, actualmente, ten a máis actual e máis grande libraría de videoxogos.

Xa sei que a Sony non lle interesa moito, nin sequera ás compañías que ofrecen ofertas de internet, pero que faremos os que vivimos en aldeas? Porque ben sabedes que nelas non chegan 5 megas nin por asomo. Coma sempre, quedamos a un lado.

gamestopAs accións da compañía GameStop sufriron onte unha caída do 9 por cento tras o recente anucio de Sony do lanzamento do seu servizo PlayStation Now.

2K Games cancela a saga «MLB 2K»

Por: Mércores, 8 de Xaneiro de 2014, 14:00 COMENTAR

mlb2k13
A compañía 2K Games ven de anunciar que cancelan a saga de béisbol MLB 2K, polo que o MLB 2K13 será o derradeiro xogo.

“Decidimos non renovar a saga MLB 2K para 2014.”

“Estamos moi orgullosos dos logros acadados polo equipo responsable de MLB 2K e agardamos con interese as súas contribucións aos nosos futuros títulos, incluíndo NBA 2K, a franquía de baloncesto mellor valorada pola industria e a que máis copias vende.”

A compañía eliminou da súa páxina web toda mención á saga de béisbol, polo que todo parece indicar que o contrato de licencia remataba o día 31 de decembro.

Despois do sorpresivo lanzamento do MLB 2K13 o pasado marzo, esta última entrega recibíu numerosas críticas, pois básicamente era un MLB 2K12 cunha actualización dos elencos de xogadores dos equipos.

Esta cancelación deixa a MLB 14: The Show como único xogo da liga americana de béisbol anunciado para este 2014 para as consolas de Sony, deixando sen alternativas aos xogadores de Xbox 360 e Xbox One.

sony-playstation-now
Tal como anunciou Andrew House durante a presentación de Sony na feira de electrónica de consumo CES que se está a celebrar en Las Vegas, o novo servizo PlayStation Now permitirá desfrutar dos títulos da PlayStation 3 e PlayStation 2 en numerosos dispositivos de Sony, como smatrphones e tablets Sony Xperia, SmartTV’s Sony Bravia, PS Vita e PlayStation 4 e, en certos casos, nalgúns dispositivos con conexión a Internet doutras marcas.

O lanzamento está previsto para o vindeiro verán, pero este mesmo xaneiro lanzarán unha versión de proba. Polo de agora, só estará dispoñible nos Estados Unidos e non hai data de lanzamento prevista en Europa.

Segundo o anuncio, este novo servizo permitiranos, por exemplo, pausar o xogo nun dispositivo no salón para seguir xogando noutro na nosa habitación.

Polo de agora non se coñecen nin as tarifas que terá o servizo, nin como se controlará o xogo nestes novos dispositivos.

Análise de Battlefield 4 (PS4)

Por: Martes, 7 de Xaneiro de 2014, 12:26 COMENTAR

Battlefield-4

O meu primeiro contacto coa nova xeración de consolas remata sendo cun dos principais shooters bélicos que sempre se atopaba nun segundo plano, mais que desta volta consegue superar sen moito problema, e en todos os seus aspectos ao Call of Duty: Ghost, saga que ensombrecía a Battlefield.

Despois de ver vídeos sobre xogos da PS4, na miña mente soaba a seguinte frase:

“ O salto xeracional non se vai notar tanto como aconteceu nas anteriores veces”.

Mais o erro era meu, porque unha vez que insertei o disco dentro da consola (e agardas todas as súas actualizacións, algunhas de máis de 600 megas) comprobei nos meus propios ollos que si, nótase a diferenza, tanto a nivel gráfico como de posibilidades.

battlefield 4 2

Tan pronto comeza o xogo (os primeiros compases da historia son sobresaíntes) observas como todo flúe mellor, o primeiro é esquecerse dos tempos de carga dentro da aventura principal, que aínda que pareza algo secundario, agradécese inmensamente. Podes abrir calquera porta, avanzar sen medo cara calquera lugar que terás todo á túa disposición de inmediato. Graficamente é unha auténtica gozada, e iso que é da primeira remesa de xogos, non me quero imaxinar dentro de tres ou catro anos…

Os dentes de serra desaparecen case na súa totalidade e a cantidade de partículas independentes na pantalla multiplícanse, o que conleva que os escenarios estean sempre máis cheos de detalles. Así mesmo, os efectos de luz chegan agora a un nivel moi alto, exemplificándose isto sobre todo nas filtracións da luz por recantos. Ver filtrarse a luz a través das pólas das árbores é unha marabilla.

O nivel gráfico de Battlefield 4 é moi notable en todos os seus aspectos, sen esquecernos do deseño das personaxes, pasando polos escenarios, suficientemente variados entre eles como para ver na nova xeración auga, lume, lugares urbanos, selváticos…
Pero hai algo máis que salto gráfico?

Pois seguimos afirmando este feito. A historia principal, aínda que non moi lonxeva (entre seis e sete horas), ademais de entrarnos polos ollos, preséntanos misión realmente tensas, así como modificacións dos escenarios a tempo real. Non é difícil ver como o temporal arrastra obxectos ao mesmo tempo que nos dificulta o noso andar, ou ver como un avión derruba un edificio enteiro.
Recalco que todo está en movemento en Battlefield 4. Tampouco vamos ser tan benévolos, porque na gran maioría dos casos podemos premeditar o que vai acontecer, mais penso que xa é cousa dun estancamento substancial nos FPS, no que copiar e pegar en diferentes situacións abondan para realizar un xogo.

De todos os xeitos, a historia principal sorprende en todo momento, e aínda que na miña opinión vai perdendo “emoción” nos últimos compases, mantente atento en todo momento.

Mais Battlefield sempre foi máis ca iso e sempre foi un referente multixogador.

Os que me coñecen saben que non son moi amigo dos multixogadores, mais co salto xeracional, decidín adentrarme de proba, co xogo do que moitos presumen como mellor multixogador da historia.
O online de Battlefield 4 ofrécenos a posibilidade de manter a 64 personaxes en pantalla nunha guerra aberta. Gran variedade de posibilidades, aínda que todos se basean nun mesmo obxectivo, matar ao inimigo. Isto soa obvio, pero ségueme parecendo bastante caótico, no que o ensaio erro vale máis que a pericia do xogador.
Colocar unha bomba nas zonas inimigas, catro rangos que escoller (enxeñeiro, apoio, recoñecemento e asalto), guerra aberta (con vehículos incluídos), cinco contra cinco, sobrevivir a asaltos inimigos…

Estes son só algunhas das variantes que nos ofrecen sen pagar, porque hai que ter moi claro que hoxe en día todo se pode pagar, o que inclúe unha modalidade máis, así como novos mapas. Mais podedes estar seguros que só cos mapas que trae o título teredes multixogador para fartar.

battlefield 4 3

Os escenarios do online de Battlefield 4 tamén hai que resáltalo, porque segue mantendo a modificación deles a tempo real, así, ao mesmo tempo que facemos fronte ao inimigo, vemos como un temporal arrasa con edificos, ou mesmo podemos derrubar paredes enteiras para entrar. Unha verdadeira pena que non ampliaran o número de escenarios, mais como dixen, teredes online para dar e tomar, xa que o que máis me gustou é o incremento de posibilidades do noso propio soldado. Pouco a pouco imos subindo de rango, mais o que de verdade nos favorece son as modificacións de armas que nos ofrecen, que gotiña a gotiña iremos construíndo un personaxe adaptado ás nosas características.

Entón, como persoa que non está acostumada aos onlines aprobo este?. A verdade é que si, aínda que o constante caos que vemos en pantalla fai ter moita paciencia, sobre todo ao principio que temos o personaxe “en coiro”, resulta moi gratificante ver como o noso soldado vai adquerindo ítems que nos axudan nas nosas misións.

E os que estades máis acostumados ao online asegurarvos que tedes ante vós un xogo case infinito, cos seus problemas que se solución de cando en cando con novas actualizacións, pero que no seu cómputo xeral deixa un excelente sabor de boca o que me leva ao seguinte.

Se poñemos como referente a diferenza entre Resistance e The Last of Us na vida da PS3, e neste caso o Resistance sería Battlefield 4, que xogo equivalerá ao The Last of Us?

[puntuacion]ESTILO=Sonic|GRÁFICOS=94|SON=95|XOGABILIDADE=91|DIVERSIÓN=90|MULTIXOGADOR=90[/puntuacion]

ps4-xboxone
Tal como comentou nunha entrevista James Armstrong, conselleiro delegado de PlayStation en España e Portugal, a nova PlayStation 4 gáñalle a partida á súa consola rival Xbox One por 3,5 a 1 en vendas no mercado español, a pesar de levar 7 días menos no mercado.

Dende o seu lanzamento o pasado 29 de novembro, lévanse vendidas 80.000 unidades de PlayStation 4 en España. Se os datos son certos (haberá que ver que ten que dicir Microsoft…), un simple cálculo dinos que a Xbox One leva unhas 23.000 unidades vendidas.

Pero Armstrong tamén confirmou que seguen a traballar duro para cumprir coa demanda inical, pois entre 12.000 e 15.000 prevendas aínda non puideron ser cubertas.

nissan-gt-academy
Hoxe mesmo chega ás tendas a nova entrega da saga de simulación de conducción, o «Gran Turismo 6»

Gran Turismo 6 é o primeiro da saga en introducir as tan habituais como pouco populares “microtransaccións”, mais dende Polyphony xa se apresuraron a comentar que serán opcionais e non limitarán o progreso no xogo, como sucede noutros títulos.

Os paquetes de créditos dispoñibles serán:

  • 500.000 Cr: 4,99 €
  • 1.000.000 Cr: 9.99 €
  • 2.500.000 Cr: 19.99 €
  • 7.500.000 Cr: 49.99 €

Sony publicou na súa canle de PlayStation 3 en Youtube estes dous vídeos.

O primeiro é o anuncio para televisión que se emitirá en Europa para promocionar este novo xogo:

O segundo vídeo é a introducción coa que se atoparán os xogadores cando inicien o xogo na súa videoconsola:

«Terraria» para PSVita, en decembro

Por: Luns, 25 de Novembro de 2013, 9:00 COMENTAR

terraria
Así o confirmou recentemente a compañía creadora 505 Games.

Despois das versións para PC, PlayStation3, Xbox 360 e smartphones, o exitoso xogo chega tamén á videoconsola portátil de Sony.

Este anuncio chega despois de que o mes pasado confirmasen que xa están a traballar na segunda entrega: «Terraria 2», na que, segundo o seu creador, Andrew Spinks poderán facer cambios que son imposibles de adaptar ao orixinal.

“Hai moitas cousas coas que estou bloqueado en Terraria. Como funcionan os botíns, como progresan os personaxes…”

“En Terraria 2, realmente quero ter infintos mundos para non estar preso nun único mundo. Podes viaxar a calquer lugar. Tamén quero máis diversidade biolóxica. Hai unha morea de cousas que quero engadir e cambiar.”

pack-ps4-vita-580

O rumor que todos dabamos xa por feito acaba de confirmarse por parte de Sony, así, neste decembro (sen data nin prezo concreto) chegará ás tendas un pack que incluirá a nova Playstation 4 xunto a súa portábel PS Vita.

Como sabedes Sony sempre vendeu a PS Vita como unha consola xa de próxima xeración e cunha cantidade de opcións vinculadas coa PS4 enormes.

Con este paso a compañía quere facer despegar as ventas dunha consolas que parece que non remata de vir arriba. Poderían ir máis aló e sacar os packs coa saída da consola, pero prefiren agardar un chisco.

Menos do 1% das PS4 terán problemas de hardware

Por: Mércores, 20 de Novembro de 2013, 17:47 COMENTAR

ps4 dual

Non só coas videoconsolas, senón en calquera tipo de dispositivo cando se lanza ao mercado un novo produto hai unha porcentaxe de unidades que se erguen con erros.

Pois na Playstation 4 acontece o mesmiño, e dende o lanzamento en norteamérica desta consola, algúns usuarios están tendo certo tipos de problemas.

Fai uns días Sony xa fixo un comunicado no cal mencionaba que ao redor dun 0,4% das consolas que se venderon poderían ter algún tipo de problema.

A medida que pasan os días, Sony vai tomando nota de como evoluciona a distribución e as queixas , e un representante de Sony América saíu a palestra a falar do tema:

Varios problemas foron reportados polos usuarios, o que nos leva a pensar que non é un problema singular que poida afectar a un alto porcentaxe de PS4. Tamén entendemos que algunha das unidades, presuntamente, danáronse durante a distribución. O número de sistemas afectados é menos dun 1%, o que representa unha porcentaxe moi pequena do total de unidades distribuídas até a data, e atópase dentro do rango esperado por un novo produto.

Obviamente Sony ofrécese a substituír todas as PS4 afectadas, polo que xa informou a todos os puntos de distribución.

O día 29 xa a teremos nas nosas tendas.