Fai unha semana Sony lanzou ao mundo un vídeo promocional da súa próxima consola portábel na que nos amosaba as características da súa máquina e imaxes dos seus xogos máis representativos.

O certo é que o vídeo tampouco é moi espectacular, aínda que nos deixa vixente que PS Vita terá unha potencia bastante bruta, pero moito me temo que vai caer no erro de 3DS, é dicir, sacando o Uncharted o resto de videoxogos tampouco chaman moito a atención, polo que como saquen á consola cuns xogos mediocres vai tardar en arrancar, verdade Nintendo?

E falando xusto disto, moito me da no fuciño que como 3DS esperte dunha vez, terá un duro competidor.

Nin o mellor guión dun filme pode chegar aos límites os que estamos chegando coa novela do “atentado” contra a plataforma online de Sony.

O último capítulo desta novela ven grazas ao novo movemento de Sony, os cales como no lonxano oeste non dubidan en ofrecer unha recompensa a todos aqueles que lle axuden a “capturar” aos hackers que tumbaron Playstation Network facéndolle perder millóns de dólares á compañía xaponesa.

Aparentemente a recompensa sería ofrecida en cooperación cos axentes a escala internacional e o propio FBI. Como vedes o tema xa chegou a extremos bastante elevados, se é que cos cartos non se xoga.

Esperaremos o próximo capítulo desta novela, que de seguro que haberá unha continuación.

Por certo, déixovos este vídeo metafórico no cal Sony está representado polos úrsidos.

Imaxe e vídeos de PSP 2

Por: Xoves, 27 de Xaneiro de 2011, 15:04 COMENTAR

Pois a imaxe filtrada días anteriores non era real, e despois de que Sony realizase un evento para presentar a súa nova NGP (espero que non deixen este nome), podemos comprobar a auténtica forma e incluso algúns vídeos sobre os títulos que terá.

O primeiro que debo mencionar é que a consola sairá a finais deste ano, algo sorprendente tendo en conta que aínda se acaba de sacar á luz.

Grazas aos vídeos expostos a continuación podemos confirmar os dous sticks analóxicos (xa todos contabamos con eles), pantalla táctil e posibilidade de manexar títulos con só mover a consola.

Con relación aos títulos xa están confirmados Killzone,Resistance e a maior sorpresa foi a aparición dun novo Uncharted. Aquí podemos ver un vídeo resumo dos videoxogos que poderemos desfrutar:

Ler o resto da entrada »

Primeira imaxe de PSP 2

Por: Martes, 25 de Xaneiro de 2011, 11:53 2 COMENTARIOS

Vouvos dar a elexir, pensades que esta imaxe que vos amoso é real ou trátase dun Fake?.

Personalmente opino que pode ser unha realidade, porque hai que ter en conta que Sony é totalmente incapaz de manter en segredo os seus aparellos, recordemos as filtracións da “funesta” PSP Go ou as fotografías da versión Slim de PS3 semanas antes da súa presentación.

Agora os de VG247 sacan á luz unha filtración da súa próxima PSP 2.

Se a imaxe é real (moi posíbel), non chama demasiado a atención o seu aspecto. Recorda moitísimo á PSP pero máis fea e máis grande. Esperemos que se vexa compensado pola tan aclamada e anunciada potencia gráfica desta portábel.

De verdade moverá gráficos tan potentes como os da PS3?, ata que os vexa cos propios ollos eu non aseguro nada.

Exclusividades de Sony para 2011

Por: Martes, 11 de Xaneiro de 2011, 12:38 COMENTAR

Co novo ano Sony pretende captar a atención dos usuarios facendo unha listaxe coas exclusividades que sacará ao longo do 2011.

O título que máis destaca volve ser o The Last Guardian xa que previamente non ía saír ata o 2012, pero Team Ico volve darnos unha alegría coa posibilidade de podelo xogar neste ano. Vale, que non está previsto ata finais, pero máis vale isto que unha data sen concretar para o próximo ano.

Aquí os tedes todos:

Ar tonelico Qoga: Knell of Ar Ciel (Marzo, 2011)
· Hyperdimension Neptunia (Febreiro, 2011)
· The Ico and Shadow of the Colossus Collection (Primavera, 2011)
· inFAMOUS 2 (2011)
· Journey (2011)
· Killzone 3 (Febreiro 22, 2011)
· The Last Guardian (Nadal, 2011)
· LittleBigPlanet 2 (Xaneiro 18, 2011)
· MLB 11 The Show (Marzo 8, 2011)
· MotorStorm Apocalypse (Primavera, 2011)
· No More Heroes: Heroes’ Paradise (Outono, 2011)
· PixelJunk Shooter 2 (2011)
· PlayStation Move Heroes (Primavera, 2011)
· Ratchet & Clank: All 4 One (Outono, 2011)
· Resistance 3 (Setembro 6, 2011)
· SOCOM 4 (2011)
· Sorcery (2011)
· Twisted Metal (2011)
· UNCHARTED 3: Drake’s Deception (Novembro 1, 2011)
· Yakuza 4 (Marzo 15, 2011)

Sony presenta Headman

Por: Xoves, 6 de Xaneiro de 2011, 19:08 COMENTAR

Está claro que as 3D son case un presente (aínda queda moito para insertalo na sociedade), pero as compañías xa están rebanando os miolos para sacar o seu maior proxecto e adiantarse ao resto de competidores.

Supoño que esta sería a estratexia que decidíu levar a cabo Sony con Headman, un casco con gafas que permite o visionado das 3D con só colocalo na cabeza.

O aparello en cuestión aínda é un prototipo,pero sábese que ten dúas pantallas integradas (unha para cada ollo) e uns auriculares.

Como é habitual, aínda non se sabe absolutamente nada, nin data de saída, nin nome final, nin moito menos prezo, pero si que se adiantaron a dicir, que estará adaptado para videoxogos.

Déixovos estas imaxes para que vos fagades unha idea de como é este gadget.

O título non é moi descriptivo pero si ilustrativo, porque máis ou menos é o que pensa Sony co seu Move en contraposición do Kinect de Microsoft.

Non é raro que xa comecen as pelexas entre as dúas compañías para defender os seus detectores de movemento (a Nintendo non lle fai falla), e a primeira gran batalla ven referido ao manexo das espadas láser.
Anton Mikhailov, inxeñeiro de Sony non tivo repara ningún en decir que se algún dos xogos que sairán para os dous accesorios fosen similares, a versión de Move sería moito mellor. É normal que defenda o seu aparello, pero ademais aclara que a precisión de Move é tal, que non ten problema ningún en recrear con toda fidelidade (dubido) o manexo de espadas co noso movemento.

E non se queda aquí, porque este señor ten serias dúbidas sobre o correcto funcionamento de Kinect, xa que segundo as súas palabras a demo que puideron probar “estaba moi escriptada e parecía falsa” e ademais «encontra difícil o cómo van facer un sable de luz, porque hai moitas ambigüedades e faise case imposíbel monitorizar e seguir o ángulo das bonecas».

E para darlle o golpe final a Microsoft, remata cun golpe baixo:

“O xogo de sables de luz que realicemos será fodidamente mellor que o de Kinect”

Primeiro asalto rematado, agora falta que se defenda Microsoft e moito me da nos fuciños que non tardaremos en velo, porque o forno xa está quentiño.

Aquí está a hipotética PSP 2

Por: Luns, 27 de Decembro de 2010, 16:44 COMENTAR

Xa estaba tardando que saise algunha filtración con imaxes e novos datos sobre a segunda parte da PSP.
Pois a encargada de lanzarse a este mundo de rumores é a revista PSM3, que aporta todo unha serie de fotografías que ben poden ser certa.
Un deseño similar á PSP Go, doble stick e aparentemente unha potencia moi por encima do esperado.
Sobra dicir que non hai nada oficial por parte de Sony, pero se recordades, coa PS3 Slim pasou exactamente isto, unha pequena filtración deixou en bragas a toda a compañía xaponesa, que non resalta precisamente por saber gardar segredos.
En fin, queda nas vosas mans crer que todo isto vai chegar a bo porto, ou simplemente é unha mentira máis que empregan os de márketing, pero sexa dunha maneira ou de outra, as imaxes tédelas aquí.

Vida Extra

Quinto xogo da saga e segundo que chega á portábel de Sony cun resultado moi similar aos anteriores,é decir,espectáculo visual,cultura grega,crueldade e enormísimas doses de diversión,pero comecemos falando paso a paso do que resulta Ghost of Sparta.
O argumento sitúanos entre o primeiro e segundo capítulo, polo que Kratos ,despois de derrotar a Ares segue atormentado polos actos dos Deuses,motivo que lle leva a envaucarse nunha nova aventura épica.
Así,controlaremos a un Kratos tan duro e cruel como sempre que irá dando morte a todos os seres que se lle pasan polo camiño, dende os clásico cíclopes ou medusas e pasando por novas criaturas clásicas. Mención especial para os inimigos finais,algúns verdadeiramente enormes os cales teremos que buscarlle o punto feble para debilítalo e así podelo rematar utilizando os clásicos Quick Time Events (que por certo,cada vez paréceme que os fan máis sinxelos de resolver). A espectaculariedade destos son verdadeiramente épicos,tanto que non teñen nada que envexar aos inimigos dos títulos de sobremesa.

Así,iremos avanzando por grandes escenarios (o primeiro e último cuarto de hora son profundamente intensos) cun control xa característico da saga.Golpe feble,golpe forte e agarre, e con esta simple combinación de botóns poderemos realizar técnicas moi espectaculares. Ademáis iremos recolectando diferentes tipos de orbes que nos servirá para mellorar as nosas cualidades,polo que adquiriremos novos movementos a medida que avnazamos para darle algo máis de diversidade a un desenrolo xa moi trillado e coñecido por todos. Como xa é característico, tamén poderemos utilizar varios poderes que nos poñerán as cousas algo máis sinxelas (aínda máis).
E aquí o primeiro lastre que arrastra Ghost of Sparta. Está claro que a dificultade da saga God of War tampouco é do melloriño,pero nos títulos de sobremesa ofrécenche un reto moito maior pero sen deixarte estancado, mentras que aquí, o avance é contínuo e as pérdidas de vidas nulas. Tan complexo é facer un título cunha dificultade axustada? As veces que perdemos case sempre será por algún salto arrado pola incorrecta posición da cámara nalgunha zona concreta.

Pero que fai que God of War sexa tan tremendamente adictivo?,pois o dinamismo co que se move. Xa dixemos que o control era sobresaínte (aínda que falla nalgúns saltos,como xa mencionei),pero é que sempre acontece algo na pantalla da PSP neste título. E se lle engadimos que a calidade gráfica é dos mellores xogos da consola,o espectador queda atrapado no título. Aínda que para decir a verdade, bótase de menos unha maior variedade nos escenarios de Ghost of Sparta.
Pero non podo deixar este análise sen falar da segunda gran traba que entorpece este God of War,que non é outra que a sempre molesta escasa duración. Si, xa sei que é o de sempre, pero cinco horas e media ( e mellorando case todo ao máximo), creo que non son suficientes para un xogo tremendamente adictivo. Mercas un xogo para pasalo nunha tarde?,sempre podes volver a rexogalo nunha dificultade maior (nunca está de máis), pero xa non te sorprenderás tanto como da primeira vez.
Con isto xa podedes facervos unha idea do que atoparedes neste novo God of War. Un título que sorprende nos seus impresionantes inimigos finais, pero non no seu desenrolo idéntico aos anteriores. Unha diversión só comparábel a títulos da mesma saga, pero cunha duración moi limitada (como case todos os grandes títulos da PSP).
Pero como sempre ocorre nos xogos de Kratos tremendamente adictivo e recomendábel.

PSP Phone é unha realidade

Por: Mércores, 27 de Outubro de 2010, 11:45 COMENTAR

O que parecía un rumor que se extendería ata longos tempos futuros,Sony sorprende aos amantes dos gadgets con este novo períférico-teléfono-pseudovideoconsola. Porque PSP Phone xa existe, tanto, que Engadget fai unha adicatoria amosándonos as súas principais características.
O deseño aseméllase indubidábelmente á “falecida” PSP Go, e dito trebello empregará o sistema operatico Android.
Potencialmente estará á altura, cun Qualcomm MSM8655 a 1Ghz con 512MB de RAM e 1GB de memoria interna.
Pero unha das cousas que máis me gustaron e que quero salientar, é que Sony aprendeu dunha vez por todas e abandona ás engorrosas e caras Memory Sticks, para empregar MicroSD.
Moitos estaredes xa asociando este aparello coa PSP 2, pero persoalmente creo que Sony tirará por outro lado coa PSP 2,centrándose noutros temas máis relacionados cos videoxogos e en novas formas de captar ao público (quizáis 3D,potencia,pantallas táctiles…)

O certo é que a política que está levando a cabo Sony cos seus remake remasterizados non é exactamente a expresión da bondade pola súa parte, pero non hai que negar que agasallaron moitas alegrías aos fans dos grandes videoxogos da antiga Playstation 2, poñendo en HD sagas como as de Team ICO (ICO e Shadow of the Collosuss), Prince of Persia ou God of War.
Isto debe estar saíndo rentábel (creo que non cabe dúbida), porque cada vez se está extendendo máis estas reedicións, pero que opina a grande contraria de Sony?, pois Microsoft deixou moi claro que non está disposto a seguir a estela de Sony e as excusas:

Temos un montón de proxectos en marcha, así que a idea de remodelar títulos difícilmente encaixe no noso actual portafolio. Se con iso se aportase un valor real ao usuario habería algunha posibilidad, pero non o consideramos seriamente.

Tamén dixeron que estas remodelacións non ofrecen nada novo ao usuario a un coste bastante alto.
Así que aínda que hai xogos na Xbox que estarían suculentos nunha reedición,esquecédevos deso, e centrádevos nas sagas que poden chegar importadas da PS2.

Sony prepara o terreo para PSP 2

Por: Luns, 20 de Setembro de 2010, 17:25 2 COMENTARIOS

PSP rota

Que Sony xa está traballando nunha segunda parte de PSP (ou como lle chamen finalmente), creo que é algo que se pode asegurar, non tanto como para decir que xa a teñen rematada como decía Shaum Himmerick, desenrolador de Mortal Kombat, pero o último personaxe en facer referenza a este tema foi Shuhei Yoshida, cabecilla de Sony Worldwide Studios, o cal mencionou que a PSP estábase volvendo vella.

Segundo as súas palabras, cando sacaron ao mercado a PSP fai cerca de seis anos, esta portábel era a última tecnoloxía, pero os tempos cambian rápido e agora estase quedando anticuada.

Así, creo que a posición de Sony ao respecto é ir deixándolle a silla quentiña para a chegada de PSP 2, polo que case estou por asegurar que de aquí a un ano escaso, teremos presentado novas consolas, polo que o E3, GamesCom e TGS do ano que vén promete algunha máis sorpresa que este ano.

E qué se pode esperar da nova PSP?, pois vendo a posición que leva Nintendo coas 3D, non me extrañaría que Sony seguise estos pasos para aproveitar o tirón.