PS-Plus

Dende onte, temos dispoñibles os novos títulos de este mes de marzo en PS Plus.

Para quen non o saiba, PS Plus é o modelo de subscrición de Sony para as súas consolas. Comezou hai uns anos para PS3 incluíndo cada mes varios xogos que podías obter se pagabas unha subscrición mensual (que podía pagarse mensual, trimestral ou anualmente para aforrar cartos). Dende entón incorporáronse ó plantel a PSVita primeiro e a PS4 despois, incorporando esta última a subscrición obrigatoria para xogar online.

Vendo o nivel dos títulos que habitualmente vemos chegar nesta modalidade é moito máis que recomendábel facerse con ela. Este mes de marzo teremos dous títulos para PS4, dous para PS3 e dous xogos multiplataforma de corte mais indie.

Xogo Consola Prezo habitual
Oddworld: New ‘n’ Tasty PS4 20,99 euros
Valiant Hearts PS4 14,99 euros
Papo & Yo PS3 7,99 euros
Sherlock Holmes: C&P PS3 49,99 euros
OlliOlli 2 PS4/PS Vita 9,99 euros
CounterSpy PS4/PS3/PS Vita 12,99 euros

Pola miña parte recomendo enerxicamente calquera destes títulos, xa que este mes a selección foi xenerosa, especialmente o Valiant Hearts, unha aventura de agradábel grafismo sobre a primeira guerra mundial para PS4, o Sherlock Holmes para PS3 e o OlliOlli 2, que para que vos fagades unha idea de por onde vai o xogo podedes ver o gameplay da primeira parte que presentamos onte en Twitch.

Project Morpheus

Quizás non o fixemos notar moito por este blog pero agora mesmo en San Francisco está sendo a Games Developers Conference 2015, unha feira que, como o seu propio nome indica, serve para que os diferentes desenvolvedores de videoxogos e empresas creadoras de hardware se xunten e falen sobre o futuro do sector. Neste último senso onte tocoulle a quenda a Sony Computer Entertainment Inc. quen non se quere quedar atrás no mundo da realidade virtual e que presento o seu novo prototipo de VR para PS4, o Project Morpheus.

O encargado de presentar esta nova aos presentes na conferencia foi Shu Yoshida, o presidente de Sony Worldwide Studios, e que sen dúbida colleu a máis de un por sorpresa ante semellante anuncio. Este novo Project Morpheus conta cunha pantalla de 120Hz que promete chegar a 120fps para os videoxogos, un input lag, ou retardo de entrada, algo menor aos 18ms e unha pantalla que pasa do antigo panel LCD da versión anterior a un OLED RGB de 1920×1080 píxeles da nova que de seguro mellora a experiencia respecto ao anterior modelo. En concreto esta nova pantalla é de 5,7 polgadas, algo que nos ofrecerá un campo de visión aproximado de 100 graos. Evidentemente este novo casco tamén conta con trackers LED, en concreto 9, que nos darán un seguimento do noso movemento de 360 graos.

A verdade é que o futuro da realidade virtual pinta interesante, varios competidores con diferentes apostas que loitarán por demostrar que o seu é o mellor dispositivo, e iso só pode significar unha cousa, mellores aparellos dos que sairemos beneficiados nós, os usuarios, claro que polo der agora aínda imos ter que agardar, Sony espera poñer nos nosos fogares un Project Morpheus no primeiro semestre do 2016.

2750504-4737371621-SamHi

Xa en decembro puidemos ver as primeiras informacións deste título de Supermassive Games, unha desenroladora independente que está a crecer baixo o amparo de SONY e que ata o de agora non lle vemos ningún AAA coma o que están a propor.

Con xogos como LittleBigPlanet para PSVita ou Resistance HD ás súas costas, adentaranse nun survival horror moi televisivo no que se presenta a típica historia que vemos en películas como The Cabin in the Woods, Venres 13 ou A Matanza de Texas e outras tantas, grupiño de adolescentes chegan a un lugar e vense sorprendidos por un psicópata con moito atrezzo que os vai cazando. Imos ver que tal funciona isto nun xogo.

Recomendábel a pantalla completa e un volume adecuados 😉

Houbo momentos no que destes un chouto na cadeira, recoñecédeo. A nivel gráfico vai camino do 10, e ese modelo de Hayden Panettiere, a animadora da serie heroes, non deixa lugar á imaxinación. Non pinta mal a verdade este xogo e a min persoalmente atráeme a idea. Creo que este tipo de historias, aínda que terán quen as critique pola súa pouca calidade poden dar moito xogo como o deron nas pantallas dos cines. Penso o mesmo do multixogador 5vs1 de Last Year, unha proposta orientada mais de cara a diversión con amigos e a moita rexogabilidade.

Non deixaron pasar o San Valentín sen lembrarnos que non van deixar de lado as relacións entre os personaxes do xogo e que non todo consistirá en correr e agocharse senón que parece que haberá unha fase previa para coñecer ós protagonistas e forxar relacións.

Quedamos a espera da súa saída en PS4 o longo desde ano 2015.

Páxina oficial

Publícanse novas acerca de Uncharted 4

Por: Xoves, 8 de Xaneiro de 2015, 14:00 COMENTAR

Uncharted 4

A pesares de que nin Sony nin Naughty Dog fixeron pública ainda a data de publicación da carta parte da saga Uncharted, que suporá o debut en PS4 de Nathan Drake, van aparecendo diferentes detalles acerca da historia do xogo.

  • O xogo terá lugar 3 anos despois do final de Uncharted 3.
  • Aparecerá Sam Drake, o irmán maior de Nathan, quen o cría morto.
  • Os escenarios serán de diferentes tipos, ata o de agora están confirmados urbanos, nevados e na selva.
  • Teremos 2 enemigos principais.
  • No xogo haberá máis obxetos a empregar, que terán moita importancia para resolver puzles.
  • Terá modo multixogador.

O novo God of War podería trocar de mitoloxía

Por: Xoves, 11 de Decembro de 2014, 13:00 COMENTAR

Cory Barlog, o director creativo de Sony Santa Mónica, declarou recentemente nunha entrevista que Kratos podería ser invencíbel ante os deuses da mitoloxía grega, o que pode entenderse como que o seguinte xogo da saga vai deixar dita mitoloxía de lado para explorar outras diferentes. Tamén confirmou que este xogo non será unha precuela, a diferenza do último da saga, “God of War: Ascension”.

Que opinades deste troca de mitoloxía? Se tivese que apostar cartos, faríao a que a escollida vai ser a mitoloxía exipcia.

Horarios das conferencias do E3 2014

Por: Mércores, 28 de Maio de 2014, 20:00 COMENTAR

Xa foron publicados os horarios nos que terán lugar as diferentes conferencias deste E3 2014:

 

Luns 9 de Xuño

Microsoft: 18:30

Electronic Arts: 21:00

Martes 10 de Xuño

Ubisoft: 0:00

Sony: 3:00

Nintendo: 18:00

PS-VITA

Un dos responsábeis de Sony Computer Entertainment na súa división americana falou sobre a posibilidade de cambiar de estratexia para levar xogos Triple A á súa portábel.

A economía simplemente non funciona co proceso tradicional. Temos que facer algo diferente para levar xogos Triple-A en PS Vita. Lográmolo até certo punto facendo xogos de Playstation 4 que funcionen na portábel coa funcionalidade de xogo remoto.

PS Now será outra maneira, amosando en streaming xogos de PS3 na PS Vita. Non podo agardar para ver PS now, espero que podades probar a experiencia e me fagades saber o que pensades de todo isto.

Aínda que á portábel de Sony non está pasando polo seu peor momento, Sony sabe perfectamente que ten que aumentar a calidade dos seus videoxogos, porque os usuarios desta consola son unha masa moi crítica, e a compañía sabe perfectamente este feito.

the-elder-scrolls-online
Para celebrar o lanzamento ese pasado venres, 4 de abril das versións para PC e Mac do seu novo MMORPG «The Elder Scrolls: Online», a compañía Bethesda ven de publicar un novo tráiler cinematográfico.

“Estamos moi agradecidos coa abrumadora resposta con The Elder Scrolls Online.”

“Con máis de cinco millóns de xogadores rexistrados para a versión beta, está claro que un enorme número de fans queren experimentar todo o que o xogo ten que ofrecer. Non poderiamos estar máis ansiosos para poñelo nas mans de todo o mundo.”

As versións para PlayStation 4 e Xbox One están previstas para o vindeiro mes de xuño. Nestas versións para videoconsola, na videoconsola de Sony non será necesario ter unha subscrición PS Plus, mentres que na de Microsoft si será preciso ter unha subscrición Xbox Live Gold, ademáis da correspondente subscrición propia do xogo, obrigatoria en calquera das súas versións, claro.

Máis información na páxina oficial.

Sony está a preparar novos xogos third-party

Por: Martes, 25 de Febreiro de 2014, 15:54 COMENTAR

sony playstation

Coa recente saída de PS4 no territorio nipón, a consola de Sony segue a estar de actualidade e aínda que a propia compañía asegurou que a PS3 e Vita convivirán perfectamente co seu último dispositivo, Sony anunciou que xa está traballando en novos xogos third-party.

O anunciante foi o propio director de títulos third-party para consolas, Gio Corsi, que se apresurou a mencionar que non confirmaría nada até que puidese presentar algo real (moitos deberían tomar exemplo):

Non vou anunciar xogos até que sexan reais, nada de promesas falsas, nada de mentiras, só algo real. Hberá noticias moi pronto.

kartos vita

Sony parece que pretende alimentar a súa portábel tan só con recopilatorios, así, fixeron hoxe oficial o lanzamento de Sly Cooper Collection e God of War Collection.

O primeiro en lanzarse será Sly Cooper Collection que recopilará as tres aventuras saídas na PS2. A data de lanzamento será para o 16 de abril.

Semanas despois sairá God of War Collection, pack que traerá as dúas primeiras entregas da famosa serie protagonizada por Kratos, concretamente o 8 de maio.

Estas novas versións traen gráficos remasterizados e unha nova colección de trofeos que gustará aos cazarrecompensas destes logros.

Sony non debería pensar en realizar algún lanzamento máis orixinal para a PS Vita?

kaz
O documental «KAZ: Pushing The Virtual Divide» que trata sobre o «Gran Turismo» e o seu creador Kazunori Yamauchi chega hoxe ao servizo Hulu nos Estados Unidos.

Segundo anuncion a compañía Sony, o documental chegará a outras plataformas, como Sony Entertainment Network, Amazon Instant Video e Crackle, o vindeiro 5 de febreiro.

“KAZ leva ao espectador a través dunha viaxe cinematográfica de dedicación e creatividade a través do obxectivo de Kazunori Yamauchi, o arquitecto detrás do nacemento do Gran Turismo e os seus 15 anos de evolución. O filme amosa imaxes e historias nunca antes contadas por algunha da xente máis influínte na industria automobilística e dos videoxogos.”

O documental foi gravado durante un período dun ano en máis de 12 localizacións ao redor do globo.

Lanzamentos futuros

Por: Mércores, 15 de Xaneiro de 2014, 12:00 COMENTAR

watch-dogs-2099

Ubisoft, non sei se darei esperado tanto…

Vía | sonyentertainmentnetwork.com