FallOut vs. Skyrim

Por: Domingo, 25 de Xaneiro de 2015, 16:00 COMENTAR

Creado por | andrewmfilms

Consolas ou PC?

Por: Martes, 16 de Decembro de 2014, 16:00 COMENTAR

skyrim

PC Wins!!!

Vía: | Imgur.com

Carteis dos filmes

Por: Martes, 14 de Xaneiro de 2014, 16:00 COMENTAR

herman-the-german

Quen dixo que a industria cinematográfica quedara sen ideas? Oh, agarda…

Vía | Imgur.com

O troco xeracional

Por: Martes, 17 de Decembro de 2013, 12:00 1 COMENTARIO

the-last-of-us-03

Nestes intres atopámonos nos albores da chamada “nova xeración” de consolas, dividida en 3 máquinas: Nintendo Wii U, Microsoft Xbox One e Sony Playstation 4. Este troco xeracional está en boca de todo o mundo, a xente bótase a comprar estas novas consolas nas tendas especializadas ou non tan especializadas, as distribuidoras anuncian os novos xogos que sairán no próximo ano 2014, os estudos de desenvolvemento están traballando para habituarse ao funcionamento destas consolas e exprimirlles ata a derradeira gota de rendemento e estamos no principio dun proceso de saturación publicitaria nos medios maioritarios de comunicación de cara a convencernos a todos das bondades da nova xeración e as melloras que traerá en contraste ca anterior.

Sen dúbida entre estas melloras atoparémonos cun novo surtido de filtros, texturas de alta resolución, escenarios moito máis grandes que na actual e un sinfín de novos efectos, reflexos en cristais e a auga máis realista vista xamáis nunha consola de sobremesa. Pero o meirande troco, o troco que marca realmente un cambio de xeración, xa tivo lugar. E tivo lugar sen que nos déramos conta.

Neste troco temos 3 puntos de vital importancia, que compoñen súa particular trinidade. Un tuvo lugar no ano 2010, o outro no 2011 e o derradeiro neste mesmo 2013, a mediados de ano, para ser máis precisos.

Os trocos típicos na industria do videoxogo tiñan lugar por motivos total ou case totalmente técnicos, do modo que o fixo Doom no lonxano 1993, ou do modo no que as diferentes xeracións de consolas van aparecendo co paso do tempo e proporcionan novas posibilidades para os programadores de facer mellores e máis impresionantes xogos. O troco do que vou falar non ten nada que ver cun apartado técnico, senón que é moito máis sutil, pero que ten a mesma ou incluso máis importancia que calquera mellora técnica.

Para poder entender o troco, hai que porse en situación e retroceder ata ese ano 2010. GTA 4 acumulaba críticas positivas alí onde fora analizado, pero non deixaba de ser un GTA, cas típicas cousas que facer nun xogo da saga. Uncharted e sobre todo Uncharted 2 levaran o escalón gráfico na PS3 ao seguinte nivel, Mass Effect acababa de presentar a súa segunda parte, os rumores acerca de Skyrim comenzaban a ser xa imparables e o boom dos xogos indies estaba iniciándose tralo lanzamento de Braid e a inminente chegada de Limbo.

heavy-rain-21

Nese contexto aparece a finales de Febreiro de 2010 o xogo que conforma o primeiro piar do troco, Heavy Rain.
5 anos despois do seu anterior xogo, o aclamado Fahrenheit, a empresa francesa Quantic Dream lanza este xogo, que borra dun plumazo a separación entre videoxogos e cine ao proporcionar unha experiencia prácticamente cinematográfica, cunha historia complexa, múltiples opcións ao longo da historia e pondo de moda o tan empregado actualmente recurso dos QTE para realizar a interacción entre persoa e xogo. Pero non é este o troco ao que nos ocupa, senón que este ven dado pola propia historia en si mesma, unha historia que Microsoft rechazou engadir ao catálogo da súa Xbox 360 e que provocou que Heavy Rain se convertira nun exclusivo de Playstation 3. Así pois, esta negativa de Microsoft a permitir a publicación na 360 dun xogo no que o argumento xira en torno ao asasinato de nenos e que ponlle en bandexa de prata á competencia un xogo que resultou ser un auténtico vendedor de consolas, xa forma, merecidamente, parte da historia dos videoxogos.

The-Witcher-2-Assassins-of-Kings-PC-2

Únicamente un ano despois de este xogo, aparece outro, o segundo dunha saga baseada nos libros de Geralt de Rivia, escritos por Andrzej Sapkowski e feito por un pequeno estudo polaco chamado CD Projekt RED. Este xogo, aclamado internacionalmente dende o momento do seu lanzamento pola súa combinación de historia, xogabilidade e apartado técnico, foi publicado baixo o nome The Witcher 2: Assassins of kings. A pesares de que técnicamente a súa calidade máxima co filtro hiperrealista activado é motivo máis que dabondo para marcar un hito técnico no momento (non en vano é seguramente un dos mellores xogos técnicamente falando da xeración xunto co Crysis e ainda hoxe en día non son poucos precisamente as computadoras capaces de movelo fluidamente con dito filtro activado), o punto máis destacado do xogo é, sen dúbida, a súa historia. Unha historia complexa e apaixoante, que atrapa ao xogador ate o mesmo final e que toca de modo bastante explícito un tema que non é moi común no mundillo, e menos tratado ca seriedade mostrada en The Witcher 2, coma é o tema do sexo. Si, todos xogamos a algún Larry e todos coñecemos os métodos de recuperar vida dos GTA, pero unha cousa é iso, e outra moi diferente é tratar o sexo do modo que se trata neste xogo, dun modo adulto e sen tapuxos. Non vou por aquí ningún vídeo, xa que sería spoilear a historia, pero unha busca rápida polo Internet permitiravos comprobalo.

The-Last-of-US-PC-game_1920x1080

De este modo, chegamos ao terceiro e derradeiro xogo, publicado neste mesmo 2013, trepou ao momento ate as posicións máis elevadas na maioría de rankings xa non só dos mellores xogos do ano, nen sequera nos dos mellores xogos da súa plataforma, senón que xa directamente entrou nos dos mellores xogos da xeración. Seguramente con estes datos xa saberedes de qué xogo estouvos a falar, pero se vos digo que os protagonistas son un home atormentado e unha nena, xa quedan disipadas as dudas. Falo, efectivamente, de The Last of Us.
Cando todo indicaba que a PS3 alcanzara o seu tope gráfico con Uncharted 2 e 3, o mesmo estudo de desenvolvemento, o xa histórico Naughty Dog, saca este xogo que, lonxe de ser un Uncharted máis, é moito máis, xa non polo seu formidable apartado técnico, apartado que está xa non entre os mellores de PS3, se non que seguramente sexa o tope técnico da presente xeración de consolas. O igual que no caso de The Witcher 2, a pesares deste formidable apartado técnico, o máis destacado non é iso, senón que é a historia, sendo máis concretos neste caso, o desenvolvemento dos persoaxes, que acadan unha simbiose que queda patente no seu final, que poderá ser máis ou menos criticado, pero que xa é parte da historia dos videoxogos.

Así pois, estes 3 piares conforman o troco xeracional ao que me refería anteriormente: o troco dunha época na que os videoxogos eran un elemento de divertimento, pero nada máis a unha época na que os videoxogos son un modo de entretemento adulto, maduro, complexo, e no que cada vez vai haber menos temas tabús.

Non é casualidade que estes 3 xogos foran considerados entre os mellores da presente xeración, e non é casualidade que foran os elexidos para este artigo. O salto dado por Heavy Rain involucrando ao xogador nunha película interactiva, cunha historia moi dura, cun tema que fai 10 anos sería imposible de tratar nun videoxogo sen que se che botaran ao pescozo, e un xiro final do guión espectacular, que converte os últimos intres de xogo nunha contrarreloxo na que chegas a sentirte realmente agobiado pola situación e a complexidade argumental de The Witcher 2, teñen o seu cumio na historia de The Last of Us. Un xogo violentísimo, escuro como o que máis, no que daste conta de que as accións que cres axeitadas no momento provocan un dano no que non repararas e no que os persoaxes evolucionan ante os teus ollos ao máis puro estilo dunha película, e que ademáis ese xogo teña as críticas tan positivas que ten, deixan de manifesto que algo trocou no mundo dos videoxogos.

Os videoxogos xa saltaron á seguinte xeración, o troco empezou fai xa casi 4 anos e pasou inadvertido para a meirande parte da xente, pero xa non vai ir a ningún lado.

37994-1-1373839280

Alexander J. Velicky, de 19 anos, valeuse da colaboración de 100 persoas, (incluíndo 30 actores de dobraxe), para dar vida a Falskaar, un novo territorio insular de grandes dimensións con 26 novas misións, incluíndo unha trama principal dunhas nove horas de duración. Para crear este mod, o autor adicou unhas 2.000 horas ao longo dun ano de duro traballo, coa intención de dar un paso adiante entre a comunidade de Modders de Skyrim e atraer a atención da compañía na procura dun utópico emprego na industria.

As dimensións de Falskaar son en torno a unha terceira parte da superfície de Skyrim, nas que o seu creador despregou novas armas e armaduras, dous novoxs conxuros e até un novo berro. Por se fora pouco Falskaar conta coa sua propia banda sonora e novas cancións de bardos. O autor asegura que testou concienzudamente o mod para evitar incompatibilidades e bugs antes de publicalo, e de feito atópase xa entre os mais valorados polos usuarios do Nexus de Skyrim.

O froito do traballo de Velicky e os seus colaboradores pódese descargar en Nexus aqui.

[Mod] Skyrim Tropical

Por: Mércores, 13 de Marzo de 2013, 18:17 COMENTAR

O xogo de Bethesda está a ser un dos títulos que máis Mods está a recibir en PC.

Un dos máis curiosos é o que vos presento baixo o nome de Tropical Skyrim, e como o propio título indica, transforma os páramos xeados do título nun paraíso tropical. Todo isto con flora e fauna engadidos.

Os DLC de Skyrim chegan por fin a PS3

Por: Xoves, 28 de Febreiro de 2013, 13:14 COMENTAR

Elder Scrolls 5, Skyrim

 Despois dun calvario de retrasos non sempre debidamente xustificados, os tres DLC do exitoso RPG de Bethesda dos que usuarios de PC e Xbox 360 levan meses disfrutando chegan por fin a PlayStation Store. Os contidos recibidos son “Dawnguard”, “Hearthfire”, e o mais recente “Dragonborn”. Para compensar aos usuarios da máquina de Sony polo retraso, (moi considerábel no caso dos dous primeiros) saen á venda cun desconto do 50% na primeira semana.

 Lembremos que “Dawnguard” pónnos sobre a pista duns misteriosos ataques de vampiros, engadindo un número considerábel de horas de xogo. “hearthfire” permítenos construírnos a nosa propia casa en Skyrim dende os cimentos, mentres que “Dragonborn”, pola súa banda, permítenos volver a Morrowind explorando libremente a illa de Solstheim.

Super Skyrim Bros.

Por: Luns, 25 de Febreiro de 2013, 12:21 COMENTAR

Hai pouco falabamos do mod de My Little Pony para o Skyrim. Agora presentámosvos outro mod que seguro que deleitará os xogadores máis nostálxicos… Super Skyrim Bros!

Descargar | SUPER SKYRIM BROS por clintmich

O mellor de todo é que ti tamén podes telo! Só tes que baixar este Mod! Nunca matar foi tan adorábel!

Bethesda non quere deixar pasar o éxito rotundo da quinta entrega da súa saga de rol e fantasía épica, e aproveitando a radiante estela de Skyrim darán o salto no próximo ano ao saturado mercado dos multixogador online, no que agardan facerse con parte da súa explotada base de xogadores.

Confirmase así unha nova sobre a que se viña especulando nos últimos días, colectando opinións encontradas entre os fans da que ´e unha das mais iconográficas sagas de rol occidental offline.

Entre o poucos datos confirmados, sabemos que poderemos percorrer o universo The Elder Scrolls nuns sucesos ambientados mil anos antes do visto en Skyrim e que nos enfrontaran de novo aos daedra, concretamente ao príncipe daedra Molag Bal, que terá o habitual proxecto malvado de dominar o mundo.

Ao mesmo tempo chegan novas sobre o propio quinto capitulo da saga TES, que recibira o seu primeiro contido para descarga nun DLC do que moi pouco se sabe aínda, mais aló de que incluirá argumento relacionado cos elfos das neves, a misteriosa raza elfica que aparecía no xogo extinguida ao ter dexenerado baixo terra nos desagradábeis falmer.

Non hai datas de lanzamento, pero sábese que o DLC chegara meses antes que o MMO, que non estará nas tendas ate ben entrado 2013.

Sei que hai tarefas para as que o fanatismo ou a paixón excesiva non son boas compañeiras; véñenme á cabeza agora mesmo tipos armados e analistas de xogos, por exemplo. Atendendo a esta realidade amordazarei ao pequeno alter ego que me berra no interior da cabeza (na lingua dos dragóns, por descontado) a súa euforia porque por fin case tódalas pezas funcionen nun xogo de Bethesda.

Mentres ato mentalmente a ese pequeno salvaxe nalgunha árbore do camiño a Ventalia, contareivos algo sobre a miña primeira encarnación no reino de Skyrim, cando fiel á miña tradición en The Elder Scrolls fun un home bretón con malas pulgas pero bo corazón (xusto ao revés que na realidade). Se houbo algo que adorei de Skyrim foi o próprio feito de estar alí; explorar o xélido nordeste do reino, onde a neve cae día e noite. Determe despois do ocaso para pasar a noite nalgunha posada e escoitar á luz do lume ao bardo local cantar sobre as lendas do vello reino ou os sucesos actuais. Poñerme de novo en marcha antes do amencer, baixo a preciosa aurora boreal, para percorrer as grandes distancias onde nunca sabes quen ou qué pode aparecer ao xirar o camiño, nin cando che sorprenderá o ruxir dun terríbel dragón para anunciar un duro combate.

E utilizo esa carta de presentación porque considero, como teñen sinalado algúns xornalistas, que o primeiro que hai que dicer de Skyrim é que nunca ningún outro xogo foi capaz de dar tal peso ao próprio mundo no que se desenrola e ás intrahistorias (se todos usan a Unamuno eu tamén, pero ségueme caendo mal) case infinitas que nel viviremos, facéndonos compoñer a golpe de mando unha longa narración skáldica que sentiremos moi especificamente nosa.
Ler o resto da entrada »

Todo son boas novas para Bethesda Studios despois do lanzamento da quinta entrega da saga “The Elder Scrolls”. Nos últimos días coñecíase o dato de que Skyrim converteuse no segundo xogo mais vendido á semana do seu lanzamento, só superado polo famoso shooter “Call of Duty: Modern Warfare 3” (MW3).

O RPG de estilo occidental desenrolado por Bethesda conseguiu vender 3,4 millóns de copias cando só pasaran dous días dende o seu lanzamento, contestando calquera dúbida sobre as posibilidades comerciais do xénero no mercado actual e confirmando que os usuarios de consola aceptan con absoluta naturalidade un formato tradicionalmente vencellado ao PC.

Por se isto fora pouco chega dende o Xapón a nova de que “TES V; Skyrim” convértese no primeiro xogo occidental en acadar unha puntuación perfecta na revista Famitsu, rompendo co monopolio dos mais altos honores polos xogos autóctonos nunha prensa tradicionalmente endogámica.

Confírmase pois que Skyrim está escribindo unha páxina propia na historia dos videoxogos con letras de ouro. Seguiremos atentos aos seus progresos.