toejam1
Voltamos a 1994, acendemos a nosa Sega Megadrive e chantámoslle o cartucho de ToeJam & Earl: Panic on Funkotron. Dispoñémonos a xogar a un plataformas cunha ambientación do mais gamberra. Este xogo foi desenrolado por Johnson Voorsanger Productions como secuela do xogo ToeJam&Earl de 1991 que tan ben funcionara. Sendo este primeiro xogo un xogo de aventuras e exploración decidiron dar un troco cara as plataformas, o que ergueu as protestas dos seguidores. Anos despois, os xogadores do futuro o poderían desfrutar na PSN, Xbox Live Arcade e a Consola Virtual de Wii, ademais dos emuladores de Genesis/Megadrive, como no Emulador Web SSEGA.

toejam2

Caixa do cartucho de SEGA Genesis ou MegaDrive

 

Personaxes

Poderemos tomar o control dun destes dous personaxes, o dos dous se xogamos en cooperativo.

ToeJam

Un extraterrestre vermello de tres pernas cunha cadea e una gorra cara atrás.

toejam3

Earl

Un recheo extraterrestre laranxa cunhas bermudas (O xerme de Patricio Estrela?)

toejam4

Ambos son extraterrestres provintes do planeta Funkotron.

Historia

Segue a historia do primeiro xogo no que os nosos personaxes aterraban no noso planeta para finalmente acadar escapar dela. Agora, de volta en Funkotron, este está cheo de terrícolas (Earthlings) que chegaron na súa nave e que ToeJam e Earl deberán capturar para mandalos de volta ó seu planeta. Os escenarios son coloristas, moi “noventeiros” e con colores rechamantes mentres que a música coma cabía esperar dun planeta chamado Funkotron ten ritmos moi funk e foi altamente valorada no seu momento. Dáselle moita importandia e incluso teremos un minixogo rítmico de baile en algúns momentos do xogo.

A mecánica é sinxela, é un plataformas de scroll horizontal no que deberemos chegar ó final del, sempre e cando atrapáramos todos os terrícolas que haxa nel. Existen tres accións básicas, o salto, unha especie de teletransporte que nos move unas metros cara os lados e o lanzamento duns botes chamados Trap-o-Matic Jars (decídeme que non é todo noventeiro 100%) con que teremos que dar ós terrícolas para poder atrapalos. O que sumase o uso dos botóns de movemento que servirán para moverse e para pescudar nas árbores e vexetación por terrícolas agochados, ademais de premer botóns e demais interaccións.

Inimigos

Os terrícolas serán á vez os inimigos e os obxectivos do xogo

Os terrícolas serán á vez os inimigos e os obxectivos do xogo

Os terrícolas serán os nosos principais inimigos e, á vez, os nosos obxectivos. Atoparemos diferentes tipos, como os “guiris” sacando fotos e que atordarannos co flash, a nena ou o obreiro do martelo pneumático e outros moitos que veredes se o probades. Ademais atoparémonos con outros inimigos locais.

Fases

Escenarios con moitas cores e estilo funk

Escenarios con moitas cores e estilo funk

Nas diferentes fases iremos percorrendo diferentes zonas de Funkotron, nas que veremos moitos seres oriúndos que veranse inmersos no caos que desatou a chegada dos terrícolas. Todo envolto nunha retranca que sacaranos máis dun sorriso. O sistema de gardado será o típico de códigos alfanuméricos xa que por esta época, a meirande parte dos cartuchos non tiñan memoria para escribir partidas neles, pese a que xa en 1987 o The Legend of Zelda de Nintendo fora o primeiro en contar con gardado de partidas, isto non se fixo habitual ata moitos anos despois, xa na seguinte xeración de consolas.

Valoración xeral

É un xogo moi divertido, dunha época dourada das plataformas, que a mais dun lembraranos épocas pasadas. Coa sua música, as suas cores e a súa simpatía de seguro que aseguraranos varias horas de xogo moi entretidas.

Por se lle queredes botar unha ollada, existe en kickstarter unha iniciativa para lanzar un novo xogo da saga.

Kickstarter ToeJam&Earl: Back in the groove

Persoalmente non me parece que teña unha pinta memorable, pero tal vez pague a pena darlle unha oportunidade.

Sen mais que engadir, velaí vos queda un video dun xenio do xogo, mete medo como vai avanzando sabendo onde cae todo…

 

Total War: Warhammer confirmado

Por: Xoves, 15 de Xaneiro de 2015, 8:00 COMENTAR

Comezamos o día cunha gran nova: un erro confirmou o desenvolvemento do novo xogo da saga Total War.

Este xogo estará situado no universo ficticio do xa coñecido Warhammer, e suporá a entrada da saga na fantasía en lugar dunha época histórica.

Coñecemos a súa existenza grazas a un erro no envío duns libros de arte, os cales non tiñan que ser públicos ata o vindeiro 23 de Xaneiro, pero que xa están en mans dalgúns usuarios, un dos cales apurou a sacar unha captura e publicala.

Agardamos a que SEGA ou Creative Assembly den nova información nas vindeiras datas acerca deste futuro xogo da saga.

Sonic terá un novo xogo

Por: Martes, 30 de Decembro de 2014, 10:00 COMENTAR

Sonic-Runners-Ann-Smartphone

Sega non quere que Sonic morra definitivamente e anunciou que o equipo de desenvolvemento orixinal dos mellores xogos do ourizo azul, o Sonic Team.

Este novo xogo, do que ainda non se publicaron imaxes, sairá para iOS e Android, terá o nome Sonic Runners, e prometéronse máis datos acerca del no vindeiro mes de Xaneiro.

Novo parche para Alien: Isolation

Por: Xoves, 11 de Decembro de 2014, 10:00 COMENTAR

Un dos xogos destacados deste ano 2014 que está a piques de rematar, Alien: Isolation, recibiu unha actualización que engade 2 novas dificultades a un xogo xa por si mesmo esixente abondo.

Estes novos niveis de dificultade son o chamado “Pesadelo”, que, como é de supor polo seu nome, eleva a dificultade do xogo e que provoca que o Alien sexa quen de lembrar as nosas estratexias para non caer 2 veces na mesma trampa. O outro nivel adicional é unha simplificación do nivel normal, de modo que aquel que desexe rematar o xogo sen moitos problemas poderá facelo.

Este parche foi publicado antonte.

21 anos dunha carreira mítica

Por: Venres, 11 de Abril de 2014, 9:00 COMENTAR

Hoxe, 11 de abril, cúmprense 21 anos da mítica carreira de Ayrton Senna baixo a choiva no trazado británico de Donington Park no Gran Premio de Europa de 1993.

E que ten isto que ver co mundo dos videoxogos, preguntarédesvos algúns. Pois ben, aquela carreira foi patrocinada pola compañía xaponesa Sega e o trofeo para o campión era unha figura do personaxe máis popular dos seus videoxogos, Sonic, tal e como podedes ver na seguinte imaxe.

Un mito sostendo a outro.

Un mito sostendo a outro.

O nome oficial desta carreira é XXXVIII Sega European Grand Prix e foi a única carreira de Fórmula 1 disputada nese circuíto.Unha das moitas curiosidades desta carreira foi que Ayrton Senna marcou a volta rápida cun tempo de 1:18.029s na volta 57 entrando en boxes (posiblemente a única da historia marcada así), debido á configuración do trazado británico, pois a entrada dos boxes antes da última curva supón un aforro de moitos metros.

Por carreiras como esta e outras como o Gran Premio de Mónado de 1984, o piloto brasileiro é considerado por moitos un dos mellores (senón o mellor) piloto da historia do automobilismo.

Alain Prost

O vindeiro 1 de maio cumpriranse 20 anos do falecemento de Ayrton Senna no fatídico Gran Premio de San Marino de 1994, onde o tamén brasileiro Rubens Barrichello sufríu un grave accidente na sesión de clasificación do venres e o austríaco Roland Ratzenberger faleceu nun accidente durante a sesión de clasificación do sábado.

[1º de abril] Facebook compra SEGA

Por: Martes, 1 de Abril de 2014, 13:44 1 COMENTARIO

«No 1º de abril van os burros onde non deben ir»

Este artigo foi unha brincadeira do Día dos Enganos. Todo o que di é inventado.

Se por algo destacou Facebook nos seus primeiros anos foi polos xogos. Eran simples aplicacións en flash, mais o feito de poder xogar de modo social deulle unha nova volta ao concepto. Moitos outros foron detrás, como Nintendo co seu Wiiverso, mais sen a enorme base de usuarios que ten a rede de Zuckerberg é difícil chegar a callar no mercado.

E así chegamos aos novos movementos de Facebook. Hai menos dunha semana anunciaban a compra da empresa de realidade virtual Oculus VR por 2.000 millóns de dólares, no que os medios cualificaron como primeiro paso dunha incursión no ámbito dos videoxogos. Hoxe, para sorpresa de moitos, foi anunciada a compra da compañía nipona SEGA, coñecida por desenvolver sagas tan famosas como as do ourizo Sonic ou Crazy Taxi.

Mark Zuckerberg (CEO de Facebook) e John Cheng (Presidente de SEGA of America) na rolda de prensa desta mañá.

Mais o prezo que pagou Mark non foi barato. A compra realizouse por 23.000 millóns de dólares, superando así os 16.000 que pagou por Whatsapp e situándose como a compra máis cuantiosa realizada pola rede social até a data.

Debemos entón preocuparnos? Para nada. Desde SEGA enviaron un comunicado anunciando que nada vai mudar. Continuará a desenvolver xogos para as principais plataformas e o seu acordo con Nintendo acerca da saga de Sonic seguirá vixente polo momento. Da parte de Facebook dixeron que se trataba dunha adquisición estratéxica que non mudará nada, mais non deixan de crecer os rumores dun novo centro de xogos dentro da rede social, a medio camiño entre Steam e Google Play Games.

Estará Facebook a abranxer demasiados ámbitos? Suporá isto un paso sen retorno aos xogos sociais? Voltará SEGA á primeira liña de combate no mundo dos videoxogos? Quen sabe…

EA pecha «Warhammer Online»

Por: Venres, 20 de Decembro de 2013, 14:00 COMENTAR

warhammer-age-of-reckoning
Como xa anunciara hai tempo, Electronic Arts pechou este mércores os servidores de «Warhammer Online: Age of Reckoning» ao rematar o seu acordo de licenza con Games Workshop.

“Queremos agradecer a todos os nosos leais xogadores durante todos estes anos o seu apoio.”

Foi lanzado en setembro de 2008 e rápidamente acadou os 750.000 xogadores, pero, pese ás análises positivas da prensa especializada, só a metade deses xogadores seguían a xogar en febreiro de 2009.

Games Workshop chegou a un novo acordo coa compañía Sega para explotar o universo Warhammer con novos títulos.

football-manager-2014

Segundo informou a creadora da saga, Sports Interactive, todos os usuarios que fixeron unha reserva do novo Football Manager 2014 nas tendas participantes (tanto dixitais como reais) xa poden acceder á versión beta do mesmo.

A nova versión contará con máis de 1.000 melloras con respecto ao seu predecesor, como a posibilidade de gardar as partidas na nube, posibilitando seguir as nosas partidas en varios ordenadores.

“Como é natural nunha versión beta, non é un produto final e aínda estamos a traballar en numerosas melloras.”

Tamén están a traballar en certos erros, como se pode ver nesta lista.

Está previsto o seu lanzamento para o vindeiro 31 de outubro para Linux, Mac e Windows. Tamén anunciaron o lanzamento da versión Football Manager Classic 2014 para PS Vita.

Hoxe chegounos ao correo de contacto unha colaboración escrita por anxo_cruel sobre este videoxogo:

pier-solar
Quizais algúns de vos non o saibades, pero no ano 2010 saiu un xogo RPG polo 20 aniversario da xa mitica Sega Mega Drive.

O videoxogo é rexión free e as versións PAL-EUR inclúen os idiomas inglés, francés e alemán, as versións NTSC-EUA inclúen os idiomas castelán, portugués e inglés, e as versións NTSC-Xapón castelán e inglés xa que en xaponés non había tradutores moi bos, pero creo que a día de hoxe, xa existe traducción ao xaponés. Eu merquei a versión xaponesa no seu lanzamento e non traía xaponés.

O RPG está moi ben, ao máis puro estilo RPG por turnos tipo Final Fantasy. Tamén viña como opcional un CD pra ter a música en calidade 32 bits en lugar do cartucho que é 16 bits. Para esta opción, precísase Mega CD.

O xogo saiu á venda cun prezo de 24 dólares e mercábase via PayPal. A día de hoxe xa se plantexa un remake pra Wii U, Dreamcast, Android, etc., pero sen dúbida, a mellor parte é a de quitar as vosas teas de araña á vosa querida Sega Mega Drive. xP

Máis información na páxina oficial.

Se vós tamén queredes falar sobre algún videoxogo, consola ou o que sexa do mundo dos videoxogos, non dubidedes en enviarnos o texto e publicarémolo en canto poidamos. 🙂

rome-total-war-2
Onte, xusto un día antes do seu lanzamento, Sega publicou o tráiler de lanzamento do «Rome 2 Total War» coa seguinte nota oficial:

“Un período histórico incrible, a creación da primeira superpotencia mundial, o dominio dunha xente, a cultura e un estilo de vida que aínda perdura hoxe en día. Hai máis de 2.000 anos os romanos comezaron o camiño que culminaría coa creación dun imperio como nunca antes se vira e nunca se verá. Un tempo de gloriosas batallas e sanguentas derrotas, heróicos e despóticos homes e mulleres, familias que se romperon na procura da cidade eterna e o poder que representaba. Algúns alcanzaron ese premio, pero só fugazmente. Outros moitos fallaron. Ata onde irás por Roma?”

Este novo videoxogo, creado por The Creative Assembly sae hoxe mesmo á venda , así que se vos interesa, correde ata a tenda que teñades máis preto.

sony-gamescom
As principais novidades que Sony presentou na conferencia de onte na GamesCom 2013:

Data de lanzamento da PlayStation 4

ps4 dual
Como xa vos informamos nesta nova, xa sabemos a data oficial de lanzamento da PlayStation 4, que será o 15 de novembro no mercado americano, mentres que en Europa, América Latina e Australia e Nova Zelandia haberá que agardar ao día 29 de novembro. Polo de agora, descoñécese a data de saída no Xapón, pero estaba previsto para 2014.

Streaming a través de Twitch TV

twitch-tv
A nova PlayStation 4 poderá emitir as imaxes do xogo a través de Twitch TV. Será tan sinxelo como premer o botón “Share” no mando DualShock 4. Será outro xeito de capturar o vídeo das nosas partidas, ademáis do xa anunciado servizo DVR, que capturará os últimos 15 minutos de xogo.

PlayStation Plus terá 3 GB de almacenamento e 14 días de proba

O servizo de almacenamento na nube de PlayStation 4 engadirá 1 GB aos dous xa dispoñibles en PlayStation 3 e PS Vita. Os usuarios da nova videoconsola disporán dun período de proba de 14 días. Tamén anunciaron que os usuarios que renoven a súa subscrición por un ano antes do 20 de setembro, recibirán 90 días adicionais como agasallo pola súa fidelidade.

Baixada de prezo de PSVita e PlayStation 3

O modelo de 12 GB de PlayStation 3 e PSVita terán agora un prezo recomendado de 199 €. Ademáis, Sony tamén anunciou unha baixada de prezos das tarxetas de memoria para a consola portátil.

Descontos nos xogos de PlayStation 4 ao mercar a versión de PlayStation 3

Polo de agora só estará dispoñible con catro títulos, pero aqueles xogadores que merquen o xogo na actual consola de Sony terán un desconto significante se queren adquirir a versión para a nova videoconsola. Os títulos confirmados polo de agora son: «Call of Duty: Ghosts», «Watch Dogs», «Assassin’s Creed IV: Black Flag» e «Battlefield 4».

«Killzone Mercenary»

Guerrilla Games eleva o listón da calidade gráfica da PS Vita neste novo tráiler de Killzone Mercenary.

«Borderlands 2», «Fez», «Football Manager Classic 2014» sairán para PS Vita

Sony estivo traballando con 2K Games e Gearbox Software para crear unha versión para PS Vita do seu exitoso xogo Borderlands 2.

Pola súa banda o estudo barcelonés Blit Software está traballando na versión portátil de Fez, exitoso título, do que recentemente coñeciamos a cancelación da súa segunda entrega.

Ademáis do xa anunciado para PC, Mac e Linux, o compoñente “Clásico” de Football Manager 2014 tamén sairá para a PS Vita. Será publicado por Sega e Sports Interactive, creadora da coñecida saga, prometeu dar máis información pronto.
football-manager-classic-2014

«Tearaway»

Dos creadores de «Little Big Planet», a compañía Media Molecule publicou este novo tráiler do xogo de puzzles e plataformas nun entorno cun estilo de artesanía de papel.

«Gran Turismo 6»

O archicoñecido simulador de conducción Gran Turismo 6 chegará a todos os mercados mundiais o vindeiro 6 de decembro para PlayStation 3.

«LittleBigPlanet Hub» para PlayStation 3

Sony anunciou o lanzamento do novo servizo LittleBigPlanet Hub, un novo F2P que se financiará cos obxectos Premium e as microtransaccións.

«Rachet & Clank: Into The Nexus»

O director creativo de Insomniac Games, Brian Algeier @BrianAllgeier) nárranos este vídeo de 5 minutos de duración con imaxes do novo «Rachet & Clank: Into The Nexus», previsto para finais de ano para PlayStation 3 e PS Vita.

Xogos indie para PlayStation 4 e PS Vita

Con máis de 20 títulos confirmados, a PlayStation 4 e a PS Vita recibirán numerosos títulos indie, como o «Hotline Miami 2», «Fez», «Rogue Legacy» ou «The Binding of Isaac: Rebirth», entre outros, ademáis das exclusivas «Guns of Icarus Online» para PlayStation 4 e «Broken Sword», para PS Vita.

Os títulos confirmados polo de agora son:

PlayStation 4

  • “Assault Android Cactus” (Witch Beam)
  • “Fez” (Polytron Corporation)
  • “Final Horizon” (Eiconic Games)
  • “Guns of Icarus Online” (Muse Games)
  • “Hotline Miami 2: Wrong Number” (Dennaton Games and Devolver Digital)
  • “N++” (Metanet)
  • “Rogue Legacy” (Cellar Door Games)
  • “Samurai Gunn” (Teknopants)
  • “Starbound” (Chucklefish)
  • “Switch Galaxy Ultra” (Atomicom)
  • “The Binding of Isaac: Rebirth” (Nicalis)
  • “Velocity 2X” (FuturLab)
  • “Volume” (Mike Bithell)
  • “Wasteland Kings” (Vlambeer)

PS Vita:

  • “Age of Zombies” (BlitWorks/Halfbrick)
  • “A-Men 2” (Bloober Team)
  • “Assault Android Cactus” (Witch Beam)
  • “Avoid Droid” (Infinite State Games)
  • “Broken Sword: the Serpent’s Curse” (Revolution Software)
  • “Eufloria HD” (Omni Systems)
  • “Fez” (Polytron Corporation)
  • “Final Horizon” (Eiconic Games)
  • “Flame Over” (Laughing Jackal)
  • “Gravity Crash Ultra” (Just Add Water)
  • “Gunslugs” (Abstraction Games)
  • “Hotline Miami 2: Wrong Number” (Dennaton Games and Devolver Digital)
  • “Joe Danger 1” (Hello Games)
  • “Joe Danger 2” (Hello Games)
  • “Kick & Fennick” (Green Hill Studios)
  • “Rogue Legacy” (Cellar Door Games)
  • “Samurai Gunn” (Teknopants)
  • “Supermagical” (Tama Games)
  • “Switch Galaxy Ultra” (Atomicom)
  • “Table Top Racing” (Ripstone)
  • “The Binding of Isaac: Rebirth” (Nicalis)
  • “Volume” (Mike Bithell)
  • “Wasteland Kings” (Vlambeer)

33 títulos dispoñibles no lanzamento da PlayStation 4

Sony anunciou que na data do seu lanzamento, a nova videoconsola terá un catálogo de 33 títulos, algúns propios, como o Killzone Shadow Fall, Driveclub ou Knack e outros de terceiros.

«Resogun»

Housemarque, creadores da saga «Stardust», presentaron esta nova exclusiva para PlayStation 4, que prometen será o sucesor espiritual da debandita saga.
resogun

«Knack»

Pouco máis que este tráiler se dixo do título, creado por SCE Japan Studio e dirixido polo propio Mark Cerny@MarkCernyPS4), pero podemos ver novas imaxes do xogo, que estará dispoñible no lanzamento da nova videoconsola PlayStation 4.

«Killzone Shadow Fall»

Neste novo tráiler podemos unha pequena entrega do modo multixogador do shooter e as posibilidades para crear partidas propias con opcións como o número de vidas, tamaño dos equipos, fogo amigo, armas, e outras moitas opcións.

«inFamous Second Son»

Sony amosou neste novo tráiler a habilidade que ten Delsin, protagonista do videoxogo, para absorver os poderes doutros superhumanos, neste caso, poderes eléctricos.

«Minecraft»

O exitoso xogo de Mojang deixará de ser exclusivo de Microsoft nas videoconsolas e chegará tamén á PlayStation 3, PlayStation 4 e PS Vita, como confirmaron Adam Boyes @amboyes), directivo de Sony e o creador do xogo Markus Persson @amboyes) en sendas mensaxes en Twitter:


Se queredes ver de novo a conferencia completa, aquí a tedes:

(Saltamos os 19 primeiros minutos, pois son a típica imaxe avisando que a conferencia comezará en breve).

Sonic en primeira persoa

Por: Martes, 30 de Xullo de 2013, 12:00 COMENTAR

Como sería o primeiro nivel do xogo nunha perspectiva en primeira persoa

Creado por: | pipocaVFX