GTA V para PC retrásase ata Maio

Por: Mércores, 14 de Xaneiro de 2015, 9:00 COMENTAR

gta-v-actualizacion-expansion-dlc-gratis-default

Así é amigos, a quinta entrega da coñecida saga, que ía saír en PC o vindeiro 27 de Xaneiro, finalmente terá como data de publicación o 24 de Marzal, o que supón un retraso de case 2 meses.

Rockstar non dixo cal é o motivo deste retraso, pero os rumores non tardarán moito en comezar a xurdir. Pode que como unha medida para tentar rebaixar o enfado dos xogadores, confirmáronse os requerimentos oficiais para o xogo, que quedan do seguinte modo:

Requerimentos mínimos:

  • Sistema operativo: Windows 8.1 64 Bit, Windows 8 64 Bit, Windows 7 64 Bit Service Pack 1, Windows Vista 64 Bit Service Pack 2* (*tarjeta de vídeo NVIDIA recomendada para Windows Vista)
  • Procesador: Intel Core 2 Quad CPU Q6600 @ 2.40GHz (4 CPUs) / AMD Phenom 9850 Quad-Core Processor (4 CPUs) @ 2.5GHz
  • Memoria: 4GB
  • Tarjeta de vídeo: NVIDIA 9800 GT 1GB / AMD HD 4870 1GB (DX 10, 10.1, 11)
  • Tarjeta de sonido: 100% DirectX 10 compatible
  • Espacio HDD: 65GB

Requerimentos recomendados:

  • Sistema operativo: Windows 8.1 64 Bit, Windows 8 64 Bit, Windows 7 64 Bit Service Pack 1
  • Procesador: Intel Core i5 3470 @ 3.2GHZ (4 CPUs) / AMD X8 FX-8350 @ 4GHZ (8 CPUs)
  • Memoria: 8GB
  • Tarjeta de vídeo: NVIDIA GTX 660 2GB / AMD HD7870 2GB
  • Tarjeta de sonido: 100% DirectX 10 compatible
  • Espacio HDD: 65GB

Os atracos chegarán a GTA online en 2015

Por: Mércores, 17 de Decembro de 2014, 10:00 COMENTAR

gta-v-robos

Rockstar anunciou que os atracos chegarán a GTA online a comezos do vindeiro ano 2015 en todas as versións do xogo.

Estes atracos consistirán nunha partida cooperativa de até 4 xogadores, para o que disporán de novos vehículos, armas e roupa.

GTA-Online
Onte mesmo, RockStar publicaba unha actualización para o GTA Online que incluía como principal novidade unha versión Beta do creador de contidos que xa anunciaran fai tempo.

Polo de agora, este creador permítenos crear carreiras (normais, GTA ou Rally tanto terrestres como acuáticas ou aéreas) e partidas a morte (todos contra todos ou por equipos).

gta-online-creator

Para os que non sodes moi dados ao modo multixogador, tamén hai novas interesantes, pois esta mesma semana RockStar anunciou que ten plans para incorporar novas misións na historia de Michael, Franklin e Trevor durante o vindeiro ano 2014.

GTA-San-Andreas

GTA: San Andreas, para min o mellor GTA até a data (si, si, por enriba desta quinta entrega) chegará a dispositivos móbiles o mes que vén igual que xa o fixera Vice City.

Rockstar aínda non anuciou prezo desta nova versión, aínda que sairá para plataformas iOS, Android, Kindle e Windows Mobile e con melloras visuais (sombras máis dinámicas, mellores modelos de personaxes…) e cun control adaptado a estes dispositivos.

Cando consigan facer fronte ao problema da xogabilidade nestas plataformas, son títulos obrigados para calquera xogador habitual, e aínda que xa fai dúas xeracións atrás que se converteu nun imprescindíbel, aínda segue dando que falar.

Análise de GTA V

Por: Xoves, 7 de Novembro de 2013, 16:27 COMENTAR

gta 5 2

Por fin, despois de innumerábeis horas percorrendo a xigante cidade de “Los Santos” cheguei á fin da historia de GTA V e podo dar a miña opinión persoal sobre este xogo que tanto deu que falar. De verdade é tan bo como din os críticos? Si, e non, pero vaiamos por partes.

Primeiro comecemos pola historia, e xa dando por sentado que a violencia (moitas veces extrema) é o pan de cada día desta saga, esta quinta entrega ponnos en pantalla a tres personaxes ben diferentes, Trevor, un psicópata amante da violencia e falto dun verán que non ten reparo e aniquilar a ninguén, Michael, ex compañeiro deste, que despois dalgún cambio nas súas vidas volven a reencontrarse, e Franklin un “pandilleiro” que sen querer, vese involucrado entre estas dúas persoas.

A novidade desta entrega non recae só na historia entrelazada de tres protagonistas diferentes, senón que inflúe directamente en termos de xogabilidade, xa que poderemos cambiar entre os tres personaxes nunha mesma misión, o que nun momento parece que o transcurso das misión será máis variada, pero deixemos de ser tan benévolos con este título e preguntémonos, está ben implementada esta idea? Pois aínda que nun principio gusta moito, pronto nos decataremos que non se explota demasiado ben a posibilidade que nos ofrecen tres personaxes simultáneos, e remataremos finalizando cada misión case en exclusividade cun só protagonista. Non me entendades mal, esta idea é xenial e agradécese un puntiño de orixinalidade, mais despois de ver tanta análise de “dez” , pensaba atoparme con algo máis xenial.

Mais o que si que saben facer ben os de Rocstar é involucrar a tres personaxes nunha mesma historia, mentres consegue narrarnos a vida individual de cada un sen que perda folgos en ningún momento, incluso obrigándonos a tomar decisións que influirá no resto da historia.

gta 5 3

E con isto preguntarédesvos, entón hai que volver a xogar ao GTA V varias veces? Pois se queredes saber a variación entre algunhas das decisións entón si, aínda que dubido que non queiras darlle un descansiño, porque GTA V é abrumador en canto a posibilidades.

Esta quinta entrega é unha xoia en canto a programación, e sentiraste como unha formiguiña no medio dese mapa, porque se che parecen poucas case 70 misións principais, terás infinidade de misión secundarias, todas elas da man das personaxes secundarias máis curiosas que nos pedirán axuda nas súas aventuras paralelas, ademais que de cando en vez aparecen marcados no mapa puntiños azuis que indican situación na que algún habitante necesita a túa axuda (nós decidiremos se o axudamos ou non), a parte a cidade de “Los Santos” está viva, e poderemos xogar ao golf, ao tenis, ir ao cine e outras tantas acción que xa estaban presentes en anteriores títulos o que fai que o simple feito de camiñar por esta cidade sexa unha verdadeira gozada. Iso si, é un título para desfrutalo con tempo, hai que darlle unha posibilidade e intentar descubrir todo o que nos ofrece, porque cando penses que xa non hai máis sorpresas, alí aparecerá un detalle mínimo que che fará pensar que os desenvolvedores pensaron en todo.

Se nos centramos na historia principal que é o que nos atopamos? Pois por moito que me berren os incondicionais da saga, non me parece unha historia principal nada espectacular en canto á definición destas. Si, certo, a medida que avanzamos atopámonos con momentos verdadeiramente épicos, pero quédanse a unha proporción mínima coa cantidade de misións de recheo, por chamalas dalgunha maneira.

Explícome para que non haxa mal entendidos. Moitas veces prepararemos golpes, como atracar algún banco, etc, e para iso necesitaremos realizar mini-misións, como conseguir un coche especial, vixiar…
Pois ben, que unha misión consista en ir a un extremo da cidade para roubar un camión, collelo, e gardalo nun almacén, sen atopar absolutamente ningunha resistencia ou algo que poña en alerta a nosa pericia, pois paréceme, por esaxeralo un pouco, unha perda de tempo. E coma esta misión, o xogo está pragado delas, algo que lle resta puntos a un título que polo que se escoita, aspira ser o título da vida (nótese a ironía).

Para min, este punto foi o máis negativo que vin neste xogo, porque por moi ben que o pases camiñando pola cidade, descubrindo segredos, a historia principal é o que marca a verdadeira calidade dun xogo, e para min, GTA V é un xogo demasiado sinxelo de pasar, no que carecen os momentos espectaculares e priman misións de recheo. Podería poñer decenas de misión deste tipo no que o único que hai que facer é avanzar sen ningunha oposición cara nós, é máis, o xa clásico medidor de alarma da policía, apenas pasa das tres estrelas, só en momentos puntuais, momentos no que tampouco é demasiado complexo desfacerte desta alerta. Aquí Rockstar non estivo demasiado atenta, poñería todo o empeño en recrear esa enorme cidade e despreocupouse un pouco das misión principais?

En canto á xogabilidade pouco cambio con respecto ao predecesor, só me parece algo confuso o control dos vehículos aéreos, aínda que no cómputo xeral é excelente, coches de todo tipo, motos, camións, tractores, quads, lanchas, avións… todo canto vexamos, poderémolo conducir.

gta 5 4

Por suposto non faltan as xa míticas emisoras de GTA V, que a dicir a verdade, de todos os xogos de GTA que lle botei a man, ningunha me gustou tanto como para que me chamase a atención, supoño que farán o seu propósito, dar unha ambientación de fondo mentres conducimos polas rúas da cidade, pero de aí a dicir que a selección de cancións é boa… hai un treito, moi, moi longo.

Até aquí sabemos que é un xogo xigante, cheo de posibilidades, con misión principais moi boas, aínda que pragadas de mini-misións nas que pouco hai que facer, con tres protagonistas entrelazados e un mundo por descubrir, pero como se plasma isto todo a nivel gráfico?
Pois Rockstar volve a sorprender neste aspecto, porque a nivel técnico é unha gozada. Resulta sorprendente observar as sombras da cidade, o xogo de luces, a nitidez coa que se ve todo e o dinamismo co que se move. Aínda que non conseguiron eliminar por completo o “popping” (xeración espontánea de obxectos), agora apenas se produce. Obviamente, cun mapeado de tal magnitudes sempre se produce algún “bug”, pero non deixa de quedarse nunha anécdota, porque en termos técnico, GTA V é unha auténtica obra de arte.

E falo ata detalles de ver como a xente abre paraugas cando empeza a chover, presenzar unha persecución policial allea a nós, atoparnos a xente acampando no medio dun monte, escoitar a xente rir mentres fala…

Estes detalles fan que a cidade estea viva, e todo cun apartado gráfico sobresaínte que nos fai que avanzar pola cidade sexa aínda máis agradábel.

Como podedes comprobar, GTA V é enorme si, pero ten as súas pegas, e para min a máis grande é a pouca espectacularidade das misión principais, de todos os xeitos non deixa de ser un xogo moi divertido, perfecto para adentrarte nel tendo tempo, moito, moito tempo, mais aquí está a pregunta do millón.

Este é o mellor GTA da historia? Polo que puiden ler todos opinan que si, mais dende logo a miña opinión é contraria, porque persoalmente, GTA San Andreas cómelle as papas a GTA V en canto a diversión, e o resto que poida escoitar, “hype” sen caducar.

[puntuacion]ESTILO=Sonic|GRÁFICOS=95|SON=89|XOGABILIDADE=94|DIVERSIÓN=90|DURACIÓN=97[/puntuacion]

portada gta 5Segundo confirmou Take Two, dende o seu lanzamento para PlayStation 3 e Xbox 360 o pasado 17 de setembro, Grand Theft Auto V leva vendidas máis de 29 millóns de copias, superando así, as cifras de vendas totais da entrega anterior, o Grand Theft Auto IV en menos de 6 semanas no mercado.

GTA-Online
Despois dos problemas de conexión iniciais do lanzamento do GTA Online, a compañía RockStar decidíu compensar aos xogadores con este paquete de 500.000 dólares neste modo multixogador.

Estaba previsto que chegase a semana pasada, pero dende a compañía emitiron un comunicado anunciando o seu atraso ata unha data próxima.

“Por suposto que queremos asegurar que os problemas de perda de progresos son suficientemente ordeados antes de distribuír os GTA$ a todo o mundo”

“Temos uns cantos axustes e correccións que facer nunha nova actualización que chegará a vindeira semana e despois imos distribuír os cartos.”

Ademáis, tamén confirmaron que o primeiro DLC, coñecido como “Beach Bum Pack”, estará dispoñible de balde en novembro.

«GTA Springfield»

Por: Venres, 18 de Outubro de 2013, 22:00 COMENTAR

gta-springfield

Sería a mellor entrega da saga Grand Theft Auto, sen dúbida.

Creado por | George Gant

Xa dispoñíbel GTA Online

Por: Martes, 1 de Outubro de 2013, 15:07 COMENTAR

GTA-OnlineA partires de hoxe ás 13:00 xa está dispoñíbel a versión online de GTA que tanto está dando que falar. Cunha pequena actualización e premendo o cuarto recadro libre de selección de personaxe xa podemos acceder a este modo.

Rockstar pide que informemos de calquera erro surxido nas primeiras semanas.

Micropagos en GTA Online?

Por: Martes, 24 de Setembro de 2013, 15:04 COMENTAR

gta 5 1

Coa repercusión que está a ter a quinta entrega de GTA penso que todos sabemos que o 1 de outubro chegará ás tendas GTA Online, do cal, aparte de que poderá soportar até 32 xogadores simultáneos, pouco máis se sabe.

Se cadra é porque Rockstar non quere dicir aínda todo… mais polo que parece GTA Online poderá contar con microtransaccións. Todo isto grazas a un usuario de Reddit que atopou un arquivo suxirindo o intercambio de diñeiro real, por virtual.

Concretamente o arquivo menciona o intercambio de diñeiro real por cheques de 100.000, 200.000, 500.000 e 1.250.000 dólares, acompañado do seguinte texto:

A pasta manda nesta cidade. Soluciona os teus problemas de diñeiro e date unha xudiña para conseguir o que queiras en Los Santos e Blaine Country coa compra de estes paquetes de diñeiro para GTA Online.

Todo o diñeiro mercado deposítase automaticamente na conta bancaria do teu personaxe. Gasta con cabeza, a terapia de diñeiro é breve.

Polo de momento non existe confirmación por parte de Rockstar, mais cando un rumor ten tantos detalles o seguro é que sexa verdade. Nos próximos días saberémolo.

GTA V supera os 1.000 millóns de dólares

Por: Martes, 24 de Setembro de 2013, 11:00 COMENTAR

gtav
Uns días antes do seu lanzamento, coñeciamos que a produción do Grand Theft Auto V custara algo máis de 265 millóns de dólares, converténdose así no xogo máis caro da historia, superando á maioría das superproducións de Hollywood.

O día despois do seu lanzamento, a compañía Take-Two Interactive anunciou que o xogo superara os 800 millóns de dólares de recadación en todo o mundo, converténdose no xogo que máis vende no seu día de lanzamento e superando, con moito, os 500 millóns do Call of Duty: Black Ops 2, que ata agora ostentaba ese récord.

Pero as cifras non se quedan aí. Esta mesma fin de semana, a compañía anunciaba que xa superaran a simbólica cifra dos 1.000 millóns de dólares, co que parece que recuperarán, con moito, a astronómica inversión feita.

Segundo as verbas de Strauss Zelnick (@strausszelnick), CEO de Take-Two:

“Grand Theft Auto é un fenómeno cultural e RockStar Games continúa a redefinir o que se pode lograr no entretemento interactivo.”

“Todos en Take-Two estamos emocionados coa resposta inicial do Grand Theft Auto V. Unha vez máis, o equipo de RockStar Games superáronse, establecendo un novo nivel de creatividade, innovación e excelencia para a industria do entretemento.”

“Estamos moi orgullosos do logro creativo de RockStar Games e non podemos estar máis satisfeitos co seu éxito no lanzamento.”

Pronto vos traeremos a nosa análise do xogo, pois preferimos botarlle un bo vistazo a fondo antes de facer unha valoración do mesmo.

425876_grand-theft-auto-v_gta_gta_rockstar-games_1920x1080_www.GdeFon.ru_Segundo os datos de Scotsman, a quinta entrega de GTA convértese na máis cara cun presuposto de 265 millóns de dólares.

Esta cifra deixa a GTA IV moi afastado, que non chegou aos 100 millóns de dólares.