Compite contra “Stig” en Forza 5

Por: Venres, 11 de Outubro de 2013, 13:00 COMENTAR

fm5
Para os que non o coñezades, Stig é o máis que coñecido misterioso piloto do programa británico Top Gear. É o encargado de levar ao límite os novos modelos que presentan no programa.

Cando ves o programa, sempre che queda esa pregunta: “Como o faría se correse contra Stig?”. Pois ben, tal e como nos presentan no seguinte tráiler, no Forza Motorsport 5 poderemos competir contra el, ou máis ven contra “o seu curmán dixital”.

Como a entrega anterior, o Forza Motorsport 5 contará co circuíto Top Gear Test Track, así como os comentarios dos seus presentadores Jeremy Clarkson, Richard Hammond e James May.

Estará dispoñible o 22 de novembro, data de saída da Xbox One. As reservas da videoconsola, poderán optar entre unha copia deste xogo ou do FIFA 14.