Debido ó ataque que sufriu o servizo PlayStation Network durante as datas do Nadal, os xaponeses decidiron “compensar” cuns cantos agasallos ós xogadores afectados.

Estes agasallos dependerán das datas nas que os afectados tiveran unha conta PSN activa.

No caso de que o propio 25 de Decembro o usuario tivera unha conta activa de PS Plus ou unha proba de PS Plus, recibirá unha extensión de 5 días do servizo. A maiores do anterior, Sony agasallará cun desconto do 10% a todos os usuarios de PSN para unha merca na súa plataforma

Dende o día de Nadal, PlayStation Network viña sufrindo problemas de funcionamento debido a un ataque de denegación de servizos. A día de hoxe, ó igual que fixo Xbox Live pouco antes, estes problemas foron resoltos e o sistema está totalmente operativo de novo.

Este novo título exclusivo para PlayStation 3 nárranos a historia do fantasma dun rapaz, visible soamente baixo a chuvia, que trata de atopar e salvar a unha rapaza dunhas critaturas fantasmais no misterioso “mundo da chuvia”.

O xogo foi creado polo coñecido Japan Studio de Sony, creadores de títulos como LocoRoco, The Last Guy ou Echochrome.

En maio, xa vos informabamos sobre este título, pero por se aínda non vírades ningunha nada do xogo, aquí tedes outro dos vídeos que xa publicaron anteriormente:

O lanzamento está previsto para o vindeiro 2 de outubro, a un prezo de 12,99 € a través de PlayStation Network.