destiny
Xa pasaron máis de tres semanas da súa presentación no E3 e agora Bungie publica o vídeo con máis calidade que os vistos ata agora, que eran gravacións en directo. No novo vídeo podemos apreciar con aínda maior detalle a calidade gráfica que terá o novo título dos creadores da saga Halo.

Na que os seus creadores denominan a “Bungie Week”, prometen amosar novidades deste xogo:

“Cada ano, no sétimo día do sétimo mes, tomámonos un momento para agradecer aos membros da nosa comunidade a súa pasión e entusiasmo polos nosos xogos. Publicaremos novidades de Destiny durante toda a semana e estades convidados á festa.”

Está previsto o seu lanzamento para PlayStation 3, PlayStation 4, Xbox 360 e Xbox One a comezos de 2014.

ps3superslim
Segundo o presidente de Sony en Xapón, Hiroshi Kawano, non hai plans para dar inmediatamente da PS3 á PS4 e que será un proceso gradual.

“Xa pasaron 7 anos dende o lanzamento da PS3 e a consola segue vendéndose a un ritmo constante. Ademáis temos moitos xogos en camiño. Non temos intención de dar un salto inmediato da PS3 á PS4.”

O servizo na nube de Sony permitirá aos usuarios xogar aos títulos da PS3 na PS4 comezará a funcionar en 2014 e, segundo Kawano, dará como resultado que “algunha xente cambiará da PS3 á PS4. Este cambio non será forzado, será un proceso gradual.”

sony-e3
Tal e como confirmou Jim Ryan, CEO de Sony Computer Entertainment Europa, nunha entrevista durante o pasado E3 en Los Ángeles, a compañía xaponesa amosará novos títulos durante a celebración da feira xermana Gamescom o vindeiro agosto.

Somos moi conscientes que no evento de febreiro en New York amosamos moito software, sobre todo propio. O que amosamos no E3 foi realmente actualizacións deses xogos e presentamos The Order 1886.”

“Tamén hai moitos outros videoxogos en camiño. Estou seguro que escoitáchedes as declaracións de Shuhei (Yoshida, presidente de Sony Worldwide Studios) que, soamente nos seus estudios, están a traballar en 30 novos videoxogos. 20 deles sairán ao mercado no primeiro ano da PlayStation 4 e 12 son novas franquías, así que temos moitas cousas previstas. Temos a Gamescom para nós os europeos e temos que ter algo que amosar na Gamescom.”

A edición da Gamescom deste ano celebrarase entre os días 21 e 25 de agosto en Colonia, Alemaña. Tamén confirmaron a súa asistencia Microsoft e Nintendo, despois da súa ausencia na edición anterior. Outros estudos que tamén asistirán son Bethesda, Deep Silver, Electronic Arts, Konami, Ubisoft e Warner Bros.

lanzamento-xbox-one
Recentemente, Amazon, tenda online por excelencia, creou a ficha da vindeira videoconsola da compañía de Redmond, a Xbox One para que os seus clientes poidan reservala. O interesante desta ficha é que puxeron como data de lanzamento o vindeiro 27 de novembro.

Dende Microsoft xa se apuraron a negar que esa sexa a data real de saída e que soamente se trata dun “placeholder”, tal e como declarou un representante da compañía:

“É unha táctoca habitual dos vendedores poñer datas e prezos de referencia ata que lles informamos da data e prezo definitivo. Estamos excitados co lanzamento da Xbox One en novembro de 2013.”

Para os que non sexades moi dados ás tendas online, sirva como referencia un exemplo do que recentemente vos informabamos cando nalgunhas tendas poñían os: xogos de PS4 a 99,99 dólares. Nese caso, como as propias tendas non sabían cal sería o prezo exacto ao que sairían os prezos, simplemente puxeron nas fichas un prezo “desorbitado” para evitar reclamacións dos usuarios. Se por exemplo tiveran posto 59,99 dólares e ao final os xogos custasen 69,99 dólares, a avalancha de queixas que terían sería enorme e terían que pagar eles eses 10 dólares de máis.
Pois ben, neste caso os de Amazon puxeron unha data de referencia ata que dende Microsoft lles confirme a que será a data final de lanzamento da nova videoconsola.

Pola súa parte, Sony tamén se apresurou a negar a data do 13 de novembro que moitas tendas anunciaron a semana pasada como lanzamento da PlayStation 4, afirmando que esa data era simplemente especulativa.

ps4-xboxoneMicrosoft anunciou que os videoxogos para a Xbox One manterán os prezos recomendados da actual xeración e manteranse en 59,99 dólares.

Pola súa banda, Sony confirmou recentemente o prezo recomendado de 59,99 dólares en 4 dos títulos que chegarán coa PS4: «Killzone: Shadow Fall», «Driveclub», «Knack» e «inFamous Second Son».

estudios-ps4
Despois do anuncio oficial da saída da PlayStation 4 e algúns videoxogos, Sony publicou unha lista dos 143 estudios de deseño que están a traballar nos videoxogos da súa vindeira videoconsola.

Xunto a algúns tan coñecidos como Electronic Arts, Activision ou Capcom, aparecen moitos outros non tan coñecidos para o público xeral.

Aquí tedes a lista:

  • 17-Bit
  • 4A Games
  • 505 Games
  • 5th Cell Media
  • Abstraction
  • ACQUIRE
  • Activision Publishing
  • Arc System Works
  • Armature Studios
  • Artdink
  • ASCII Media Works
  • ATLUS
  • Beatshapers
  • Behaviour Interactive
  • Bethesda Softworks
  • Big Ant
  • Big Bit
  • BitComposer
  • Blind Squirrel Games
  • Bloober Team
  • BLUESIDE
  • Boss Alien
  • Bugbear
  • Capcom
  • Cauldron
  • Certain Affinity
  • Chara-Ani Corporation
  • City Interactive
  • Crafts & Meister
  • Criterion Games
  • Croteam
  • Curve Studios
  • CyberConnect2
  • D3 PUBLISHER
  • Dakko Dakko
  • Darkside Game Studios
  • Deck 13
  • Devolver Digital
  • Dimps Corporation
  • Disney
  • Double Eleven
  • Double Fine Productions
  • Double Helix Games
  • DrinkBox Studios
  • Edge of Reality
  • Eko Software
  • Electronic Arts
  • FarSight Studios
  • FatShark
  • Flying Wildhog
  • Four Door Lemon
  • From Software
  • Frozenbyte
  • FuturLab
  • Gaijin Games
  • GANBARION
  • Gearbox Software
  • Genki
  • Ghost Games
  • Granzella
  • Grasshopper Manufacture
  • Green Hill Studios
  • GungHo Online Entertainment
  • GUST
  • HB Studios Multimedia
  • Heavy Iron Studios
  • High Voltage Software
  • IDEA FACTORY
  • IMAGEEPOCH
  • inXile Entertainment
  • Iron Galaxy Studios
  • JETPACK Interactive Entertainment
  • Kadokawa Games
  • Kalyspo Media
  • Klei Entertainment
  • Konami Digital Entertainment
  • Lab Zero
  • Laughing Jackal
  • LEVEL-5
  • LucasArts
  • Ludosity
  • MAGES
  • MarvelousAQL
  • Mediatonic
  • Metanet Software
  • Milestone
  • Minority Media
  • Mojang
  • NAMCO BANDAI
  • Nicalis
  • Nihon Falcom Corporation
  • Nippon Ichi Software
  • Onmi Systems
  • O-Two
  • Panic Button
  • Platinum Games
  • Prodigy Design
  • Psyonix Studios
  • Ratloop Asia Pte
  • Red Hare Studios
  • Ripstone
  • Roll7
  • Ronimo
  • Rovio
  • SEGA
  • Shortround
  • Slant Six Games
  • Sony Online Entertainment
  • Spark Unlimited
  • Sperasoft
  • SPIKE CHUNSOFT
  • Sproing
  • Spry Fox
  • Square Enix
  • Stormbasic
  • Straight Right
  • SuperVillain Studios
  • SystemSoft
  • Take-Two Interactive Software
  • Targem
  • Tate
  • Techland
  • Tecmo Koei Games
  • Telltale
  • Tonika
  • Torus Games
  • TOSE
  • tri-Ace
  • Tribute Games
  • Turtle Rock Studios
  • Ubisoft Entertainment
  • vBlank Entertainment
  • Vector Cell
  • Virtual Toys
  • Vlambeer
  • Warner Bros.
  • WayForward Technologies
  • WILL CO.,
  • Wizarbox
  • XING
  • XPEC Entertainment
  • YUKE’S
  • Zombie Studio