gtav
RockStar publicou na rede este novo tráiler do Grand Theft Auto V que emitirán o vindeiro domingo durante a emisión do novo episodio da popular serie Breaking Bad.

O lanzamento está previsto para o vindeiro 17 de setembro para PlayStation 3 e Xbox 360.

sony-gamescom
As principais novidades que Sony presentou na conferencia de onte na GamesCom 2013:

Data de lanzamento da PlayStation 4

ps4 dual
Como xa vos informamos nesta nova, xa sabemos a data oficial de lanzamento da PlayStation 4, que será o 15 de novembro no mercado americano, mentres que en Europa, América Latina e Australia e Nova Zelandia haberá que agardar ao día 29 de novembro. Polo de agora, descoñécese a data de saída no Xapón, pero estaba previsto para 2014.

Streaming a través de Twitch TV

twitch-tv
A nova PlayStation 4 poderá emitir as imaxes do xogo a través de Twitch TV. Será tan sinxelo como premer o botón “Share” no mando DualShock 4. Será outro xeito de capturar o vídeo das nosas partidas, ademáis do xa anunciado servizo DVR, que capturará os últimos 15 minutos de xogo.

PlayStation Plus terá 3 GB de almacenamento e 14 días de proba

O servizo de almacenamento na nube de PlayStation 4 engadirá 1 GB aos dous xa dispoñibles en PlayStation 3 e PS Vita. Os usuarios da nova videoconsola disporán dun período de proba de 14 días. Tamén anunciaron que os usuarios que renoven a súa subscrición por un ano antes do 20 de setembro, recibirán 90 días adicionais como agasallo pola súa fidelidade.

Baixada de prezo de PSVita e PlayStation 3

O modelo de 12 GB de PlayStation 3 e PSVita terán agora un prezo recomendado de 199 €. Ademáis, Sony tamén anunciou unha baixada de prezos das tarxetas de memoria para a consola portátil.

Descontos nos xogos de PlayStation 4 ao mercar a versión de PlayStation 3

Polo de agora só estará dispoñible con catro títulos, pero aqueles xogadores que merquen o xogo na actual consola de Sony terán un desconto significante se queren adquirir a versión para a nova videoconsola. Os títulos confirmados polo de agora son: «Call of Duty: Ghosts», «Watch Dogs», «Assassin’s Creed IV: Black Flag» e «Battlefield 4».

«Killzone Mercenary»

Guerrilla Games eleva o listón da calidade gráfica da PS Vita neste novo tráiler de Killzone Mercenary.

«Borderlands 2», «Fez», «Football Manager Classic 2014» sairán para PS Vita

Sony estivo traballando con 2K Games e Gearbox Software para crear unha versión para PS Vita do seu exitoso xogo Borderlands 2.

Pola súa banda o estudo barcelonés Blit Software está traballando na versión portátil de Fez, exitoso título, do que recentemente coñeciamos a cancelación da súa segunda entrega.

Ademáis do xa anunciado para PC, Mac e Linux, o compoñente “Clásico” de Football Manager 2014 tamén sairá para a PS Vita. Será publicado por Sega e Sports Interactive, creadora da coñecida saga, prometeu dar máis información pronto.
football-manager-classic-2014

«Tearaway»

Dos creadores de «Little Big Planet», a compañía Media Molecule publicou este novo tráiler do xogo de puzzles e plataformas nun entorno cun estilo de artesanía de papel.

«Gran Turismo 6»

O archicoñecido simulador de conducción Gran Turismo 6 chegará a todos os mercados mundiais o vindeiro 6 de decembro para PlayStation 3.

«LittleBigPlanet Hub» para PlayStation 3

Sony anunciou o lanzamento do novo servizo LittleBigPlanet Hub, un novo F2P que se financiará cos obxectos Premium e as microtransaccións.

«Rachet & Clank: Into The Nexus»

O director creativo de Insomniac Games, Brian Algeier @BrianAllgeier) nárranos este vídeo de 5 minutos de duración con imaxes do novo «Rachet & Clank: Into The Nexus», previsto para finais de ano para PlayStation 3 e PS Vita.

Xogos indie para PlayStation 4 e PS Vita

Con máis de 20 títulos confirmados, a PlayStation 4 e a PS Vita recibirán numerosos títulos indie, como o «Hotline Miami 2», «Fez», «Rogue Legacy» ou «The Binding of Isaac: Rebirth», entre outros, ademáis das exclusivas «Guns of Icarus Online» para PlayStation 4 e «Broken Sword», para PS Vita.

Os títulos confirmados polo de agora son:

PlayStation 4

  • “Assault Android Cactus” (Witch Beam)
  • “Fez” (Polytron Corporation)
  • “Final Horizon” (Eiconic Games)
  • “Guns of Icarus Online” (Muse Games)
  • “Hotline Miami 2: Wrong Number” (Dennaton Games and Devolver Digital)
  • “N++” (Metanet)
  • “Rogue Legacy” (Cellar Door Games)
  • “Samurai Gunn” (Teknopants)
  • “Starbound” (Chucklefish)
  • “Switch Galaxy Ultra” (Atomicom)
  • “The Binding of Isaac: Rebirth” (Nicalis)
  • “Velocity 2X” (FuturLab)
  • “Volume” (Mike Bithell)
  • “Wasteland Kings” (Vlambeer)

PS Vita:

  • “Age of Zombies” (BlitWorks/Halfbrick)
  • “A-Men 2” (Bloober Team)
  • “Assault Android Cactus” (Witch Beam)
  • “Avoid Droid” (Infinite State Games)
  • “Broken Sword: the Serpent’s Curse” (Revolution Software)
  • “Eufloria HD” (Omni Systems)
  • “Fez” (Polytron Corporation)
  • “Final Horizon” (Eiconic Games)
  • “Flame Over” (Laughing Jackal)
  • “Gravity Crash Ultra” (Just Add Water)
  • “Gunslugs” (Abstraction Games)
  • “Hotline Miami 2: Wrong Number” (Dennaton Games and Devolver Digital)
  • “Joe Danger 1” (Hello Games)
  • “Joe Danger 2” (Hello Games)
  • “Kick & Fennick” (Green Hill Studios)
  • “Rogue Legacy” (Cellar Door Games)
  • “Samurai Gunn” (Teknopants)
  • “Supermagical” (Tama Games)
  • “Switch Galaxy Ultra” (Atomicom)
  • “Table Top Racing” (Ripstone)
  • “The Binding of Isaac: Rebirth” (Nicalis)
  • “Volume” (Mike Bithell)
  • “Wasteland Kings” (Vlambeer)

33 títulos dispoñibles no lanzamento da PlayStation 4

Sony anunciou que na data do seu lanzamento, a nova videoconsola terá un catálogo de 33 títulos, algúns propios, como o Killzone Shadow Fall, Driveclub ou Knack e outros de terceiros.

«Resogun»

Housemarque, creadores da saga «Stardust», presentaron esta nova exclusiva para PlayStation 4, que prometen será o sucesor espiritual da debandita saga.
resogun

«Knack»

Pouco máis que este tráiler se dixo do título, creado por SCE Japan Studio e dirixido polo propio Mark Cerny@MarkCernyPS4), pero podemos ver novas imaxes do xogo, que estará dispoñible no lanzamento da nova videoconsola PlayStation 4.

«Killzone Shadow Fall»

Neste novo tráiler podemos unha pequena entrega do modo multixogador do shooter e as posibilidades para crear partidas propias con opcións como o número de vidas, tamaño dos equipos, fogo amigo, armas, e outras moitas opcións.

«inFamous Second Son»

Sony amosou neste novo tráiler a habilidade que ten Delsin, protagonista do videoxogo, para absorver os poderes doutros superhumanos, neste caso, poderes eléctricos.

«Minecraft»

O exitoso xogo de Mojang deixará de ser exclusivo de Microsoft nas videoconsolas e chegará tamén á PlayStation 3, PlayStation 4 e PS Vita, como confirmaron Adam Boyes @amboyes), directivo de Sony e o creador do xogo Markus Persson @amboyes) en sendas mensaxes en Twitter:


Se queredes ver de novo a conferencia completa, aquí a tedes:

(Saltamos os 19 primeiros minutos, pois son a típica imaxe avisando que a conferencia comezará en breve).

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

watch-dogs
Ubisoft publicou un novo tráiler do prometedor Watch Dogs, no que alardean dos máis de 90 premios e nominacións, así como das boas palabras que tiveron a maioría de medios especializados da industria dos videoxogos.

Despois de ver a baixa calidade que tiña o último tráiler (seguramente capturado na versión para Wii U), volvemos ver a calidade gráfica que anteriormente nos amosaran.

O lanzamento está previsto para o 22 de novembro para PC, PlayStation 3, Wii U e Xbox 360, así como nas consolas de nova xeración, no momento da súa saída ao mercado.

saintsrow4
O Consello Australiano de Clasificación (ACB, nas súas siglas en inglés) rexeitou a clasificación do «Saints Row 4» no seu segundo intento de superar as probas.

A pesar da creación da nova categoría de clasificación R18+ a comezos deste mesmo ano, as autoridades do país xa son ben coñecidas pola súa dureza cos videoxogos, chegando en moitos casos á prohibición da súa venda no país, como pasou recentemente con State of Decay.

A inclusión no xogo de certas escenas violentas e substancias ilícitas como incentivo ou recompensa son os principais motivos polos que os tres membros que forman o consello rexeitaron a clasificación do xogo.

Pese a isto, aínda hai esperanzas para os xogadores do país: Volition, compañía creadora do xogo, está a traballar no código do xogo para crear unha versión “censurada” do xogo, coa que agardan obter a clasificación e poder vender o xogo en Australia.

O lanzamento en Europa está previsto para o vindeiro 23 de agosto en PC, PlayStation 3 e Xbox 360.

lost-planet-3-logo
Capcom anunciou os incentivos que terán as reservas do «Lost Planet 3» na súa versión para PC.

Dispoñible para reservar en Steam por 39,99 €, os usuarios recibirán as seguintes recompensas dependendo da cantidade de reservas totais:

Recompensa 1: (XA DESBLOQUEADA!!)

    lost-planet-3-reward-1

  • Freedom Fighter’s Pack: 5 personaxes e dúas melloras do equipo, dispoñible no lanzamento.

Recompensa 2:

    lost-planet-3-reward-2.1

  • Punisher Pack: 3 armas de longo alcance e 2 melloras de equipo.
  • lost-planet-3-reward-2

  • Assault Pack: 3 armas de curto alcance e 2 melloras de equipo

Recompensa 3:

    lost-planet-3-reward-3

  • Unha copia gratuita do «Lost Planet: Extreme Condition».
  • A free copy of «Bionic Commando ReArmed».
  • (Se xa mercaches un destes xogos, terás a posibilidade de regalarllo a un amigo).

Cada novo nivel de recompensa desbloqueado incluirá as recompensas do nivel anterior.

O lanzamento está previsto para o vindeiro 30 de agosto para PC, PlayStation 3 e Xbox 360

Sony publicou recentemente un vídeo de pouco máis de 1 minuto de duración no que comparan o tamaño da súa actual videoconsola PlayStation 3 coa vindeira PlayStation 4. A través de varios planos comparativos, podemos apreciar o reducido tamaño que terá a nova videoconsola se a comparamos coa súa predecesora.

f1-2013_1
Fai algúns días, tal como vos informamos nesta nova, Codemasters anunciaba a vindeira entrega do xogo de carreiras de Fórmula 1, o F1 2013.

Hoxe mesmo a compañía anunciou a data oficial de lanzamento, prevista para o vindeiro 4 de outubro para PC, PlayStation 3 e Xbox 360.

Anunciado o «F1 2013»

Por: Luns, 15 de Xullo de 2013, 21:00 COMENTAR

f1-2013
Codemasters anunciou oficialmente o vindeiro lanzamento do F1 2013.

Como ven sendo habitual, nesta nova entrega, incluirán todos os circuitos, coches e pilotos da tempada 2013 de Fórmula 1.
O lanzamento está previsto para este outono para PC, PlayStation 3 e Xbox 360 e haberá dúas versións: F1 2013 e F1 2013: Classic Edition.

A maior novidade é un modo de xogo denominado F1 Classics, no que os xogadores poderán competir contra coches míticos dos anos 80 como o Williams, Lotus ou Ferrari nas mans de pilotos históricos como Mario Andretti, Nigel Mansell, Emerson Fitipaldi ou Gerhard Berger, entre outros moitos, en circuitos tan coñecidos como Brands Hatch e Xerez.

Na Edición Clásica incluirán un paquete con coches dos 90, como os Williams e Ferrari e pilotos como David Coulthard, Jacques Villeneuve, Eddie Irvine ou Alain Prost, entre outros.

Para os usuarios da versión normal do xogo, os paquetes Clásicos estarán dispoñibles como DLC.

Por outra banda, Steve Hood, director creativo de Codemasters, respondeu ás preguntas dos usuarios na súa conta de Twitter. Ante a pregunta dunha versión para a Wii U, respondeu que tería que ser un xogo moi diferente para simplemente poder funcionar na Wii U.

Á pregunta dunha versión para a PS Vita respondeu que simplemente non ten sentido financieiro para a compañía e xa teñen moitas cousas que facer.

assassins-creed-black-flag-front
Ubisoft acaba de publicar un novo vídeo de 7 minutos de duración do «Assassin’s Creed IV: Black Flag» con comentarios do director creativo do videoxogo, onde podemos ver en acción ao novo protagonista, Edward, aos mandos do seu barco pirata loitando contra outros barcos, atacando fortes e como funcionan as melloras do barco para conseguir facer máis dano aos inimigos.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.

playstation-store
Sony publicou a lista dos videoxogos que máis venderon na PlayStation Store o pasado mes de xuño:

Descargas de xogos completos de PS3 (mes anterior):

  1. The Last of Us
  2. Far Cry 3
  3. inFamous 2
  4. Top Spin 4
  5. COD Black Ops II
  6. GRID 2
  7. Grand Theft Auto IV
  8. Darksiders II
  9. Shaun White Snowboarding
  10. Batman: Arkham City

PlayStation Network:

  1. Call of Juarez: Gunslinger
  2. inFAMOUS: Festival of Blood
  3. Terraria
  4. Far Cry 3: Blood Dragon
  5. Hotline Miami
  6. Magic 2014 – Duels of the Planeswalkers
  7. Journey
  8. Killzone
  9. Jetpack Joyride
  10. Resident Evil 1, 2 and 3 Bundle

PS Vita:

  1. Hotline Miami
  2. Jacob Jones and the Bigfoot Mystery
  3. LIMBO
  4. Jetpack Joyride
  5. Disney Epic Mickey 2: The Power of Two
  6. The Jak and Daxter Trilogy
  7. Ratchet & Clank: QForce
  8. Guacamelee!
  9. Farming Simulator
  10. Urban Trial Freestyle

Clásicos de PS One e PS2:

  1. Crash Bandicoot
  2. Grand Theft Auto San Andreas
  3. CTR: Crash Team Racing
  4. Metal Gear Solid
  5. Spyro The Dragon Trilogy
  6. Crash Bandicoot 3 Warped
  7. Crash Bandicoot 2: Cortex Strikes Back
  8. Final Fantasy VII
  9. Resident Evil 1, 2 and 3 Bundle
  10. Castlevania: Symphony of the Night

gtav
Rockstar acaba de publicar un novo tráiler con imaxes ingame do vindeiro «Grand Theft Auto V» onde nos fan unha breve presentación das características que incluirá o xogo.

O lanzamento está previsto para o 17 de setembro para PlayStation 3 e Xbox 360.