Memoria Pixelada 3.0

Por: Mércores, 20 de Febreiro de 2013, 23:55 2 COMENTARIOS

Hai hoxe case catro anos andaba a buscar pola rede algún web en galego que se dedicase exclusivamente a informar sobre o mundo dos videoxogos. Ao non obter ningún resultado positivo decidín encamiñar a miña aventura a través dun nome, Memoria Pixelada.

Non foi sinxelo. Atopábame só, nun mundo que descoñecía e pretendendo que as miñas palabras chegasen máis aló do cuarto da miña habitación.

Dende aquelas moitas cousas cambiaron, entre elas os diferentes redeseños que sufriu a páxina durante a nosa viaxe.

Recordo a primeira aparencia de Memoria Pixelada, unha “plantilla” predeterminada de blog típica, baleira, sen demasiadas aspiracións. Mais por cousa do azar dei cunha persoa que me colleu o blog e lle deu un cambio radical. Esta persoa era Marcus Fernández, webmaster de Código Cero e gran motivador para que seguise adiante coa páxina (con entrevista incluída).

Daquela Memoria Pixelada quedaba así:

Se recordades este deseño podédesvos considerar verdadeiros seguidores do web. Mais a evolución non facía máis que comezar. Comezaba abrirse un mundo que nunca imaxinei.

Gran parte de culpa ven a través do primeiro colaborador de Memoria Pixelada. AmilGZ chegou, e con el as novas formas de márketing. Deste xeito a páxina comezou a verse por todas as redes sociais, novos apartados, novas ideas.

O tempo avanzaba e sabiamos que pouco a pouco iamos fidelizando algún lector. Comezamos a ver comentarios e a nosa ligazón noutros sitios web. A ilusión apoderábase de min e do que estaba a acontecer.

Memoria Pixelada foi medrando cada vez máis, sobre todo na familia e máis colaboradores se adentraron nesta aventura pixelada.

O segundo gran redeseño da páxina veu acompañado dun novo dominio e aloxamento web. Aquí quero facer unha paréntese para dar enormes grazas a Marcos Dacosta, por ofrecernos un dominio e a posibilidade de que Memoria Pixelada se oficializase, por dicilo dalgunha maneira. E tamén a Dinahosting, que nos ofrecen unha oferta de aloxamento excepcional e apoian o noso proxecto.

Pero non queríamos obter un dominio e deixar os usuarios sen máis, eles merecían algo mellor. Para iso, Memoria Pixelada sufriu unha nova transformación. AmilGZ foi o iniciante deste novo deseño, mais pouco despois descubrimos a un nome clave e actual técnico da páxina, NetOverflow.

Os dedos máxicos de Net comezaron a realizar modificacións: versións de como quedaría mellor a páxina, máis apartados e por vez primeira vez comezamos a puntuar videoxogos, grazas a un puntuador creado por el mesmo. Como dixen, Memoria Pixelada medraba, tanto que chegamos a ser oito colaboradores cun deseño que vos será familiar:

Mais agora chegamos a un punto de inflexión en Memoria Pixelada, un terceiro redeseño completamente novo saído dos dedos de Net. E igual que unha serpe muda de pel, para que a seguinte saia con máis forza, teño o gusto de presentarvos o novo deseño de Memoria Pixelada.

Esta nova versión trae múltiplas novidades. E non só no apartado gráfico, onde temos que agradecer a Gonzalo Sardón o deseño do novo logo de Memoria Pixelada, senón a nivel profesional.

Dunha banda o apartado “Frikimaxes” desaparece para dar lugar ás Imaxes e Vídeos pixelados, onde continuaremos a colocar as imaxes e vídeos máis curiosos do mundo, pero cunha distribución moito máis cómoda para ler.

Na marxe dereita podedes observar o apartado de Mini-novas, onde veredes todas aquelas novidades que non precisan demasiada presentación. Deste xeito asegurámonos que o web nunca quede paralizado e o dinamismo sexa diario.

Tamén cómpre destacar que por vez primeira vós, todas as persoas que nos ledes, poderedes puntuar os videoxogos que analicemos. Porque tamén queremos saber a vosa opinión. Isto é grazas ao novo puntuador creado desde cero por Net, moito máis dinámico e visual para a páxina.

Porén non terminan aquí as novas, senón que redeseñamos completamente a versión móbil da páxina, cun aspecto moito máis serio e funcional, corrixindo erros anteriores e ofrecendo a posibilidade de seguir Memoria Pixelada dende calquera lugar.

Finalmente, só me resta darvos a benvida á nova Memoria Pixelada e agradecervos que nos sigades día a día. Porque vós, as persoas que nos ledes, sodes quen dá azos que o noso proxecto continúe adiante día tras día. Esperamos que vos guste.

P.S: Como calquera novo redeseño poida que exista algún pequeno erro que nós pasásemos por alto. Se vós o vistes, por favor, póndevos en contacto connosco para corrixilo o máis cedo posíbel.

Máis novidades de “Mario Kart 7”

Por: Mércores, 16 de Novembro de 2011, 13:00 COMENTAR

Apenas faltan un par de semaniñas para que a próxima entrega de Mario Kart chegue á 3DS, e aínda que estamos nunha etapa na que saen á venda demasiados títulos de tan boa calidade, ninguén se debe esquecer de Mario Kart 7.

Para iso Nintendo pon á nosa disposición un novo vídeo no que nos presentan aínda máis novidades das que xa sabiamos, como un novo poder, novos personaxes, localizacións, etc.

Non sei até que punto vale a pena ver estos vídeos demostrativos, porque o propio título do xogo fala por si só.

PS Vita amosará 18 xogos novos no TGS

Por: Luns, 5 de Setembro de 2011, 14:27 COMENTAR

Como sabedes o Tokyo Game Show estase acercando e as compañías van deixando caer os títulos que estarán presentes.

Pero a sorpresa está na man da próxima portábel de Sony, xa que segundo dixeron, na feira de Tokyo amosarán até un total de 18 xogos dos que nunca soubemos nada.

Unha incógnita que resolveremos na feira, porque é un número bastante elevado para ser títulos dos que nunca escoitamos falar.

De todos os xeitos tras o salto déixovos os xogos que presentará Sony, tanto para a súa consola de sobremesa como para a PS Vita.

Ler o resto da entrada »

Proun, elixe ti o seu prezo

Por: Domingo, 19 de Xuño de 2011, 13:00 1 COMENTARIO

Proun é un deses xogos que captan a atención do xogador polo seu curioso plantexamento, un xogo que se alonxa dos típicos xogos e preséntanos un título artístico con toques abstractos no que teremos que manexar a unha esfera por un cable evitando chocar cos numerosos atrancos que atopamos no camiño.

Como acontece neste tipo de videoxogos a velocidade é fundamental, polo que comezaremos nunha velocidade moderada que se irá incrementando paulatinamente até estar ante un verdadeiro reto.

Pero non só merecemos presentar a Proun pola súa notable apariencia e innovador plantexamento, se non que o seu creador Joost van Dongen arríscase coa seguinte frase “paga o que queiras polo meu producto”,e así o fai. Os usuarios serán os encargados de escoller o prezo que lle parece adecuado ante este título.

Así que xa sabedes, o título estará á nosa disposición o 24 de xuño, polo que podedes ir pensando o que queredes pagar por el.

Primeiro gameplay de Dead Island

Por: Luns, 23 de Maio de 2011, 12:36 COMENTAR

Xa falamos anteriormente deste videoxogo, primeiro cun espectacular tráiler e pouco despois con outro bastante menos prometedor.

Agora amósannos o primeiro vídeo ingame no que podemos ver con claridade como se desenrolará este título, e nun principio a min non me chama nada a atención. Non só polo apartado técnico (que vai xustiño para os tempos que corren), xa que nos temas das situacións que acontecen tampouco alcanzan un nivel correcto.

Polo que parece as armas de lume escasean, e que me dicides desa cutre patada?

Non sei, finalmente cada vez paréceme menos atractivo para un xogo que está en boca de todos e que aspiraba a ser un dos grandes. Aínda están a tempo de que sexa un xogo divertido, que a fin e o cabo é do que se trata, pero a verdade, nun primeiro instante eu non apostaría demasiado por el.

E para rematar unha frase que xa é máis que habitual en Memoria Pixelada: espero que me teña que tragar estas palabras.

A estas alturas non descubro nada se menciono o problema que está a sufrir a plataforma on line de Playstation. Ben sabedes que PSN sufríu un ataque no que chegaron incluso a roubar datos persoais de usuarios mantendo en tensión a toda a xente de Sony.

Estes nun inicio acusaron a Anonymous (grupo de hackers dos que non se sabe absolutamente nada deles (recoméndovos que vexades este vídeo no que falan sobre esta lei que pretenden sacar en contra das descargas) deste ataque,aínda que Anonymous pronto desmintíu isto.

Pero os de Sony son bastantes cismóns, e volveron mencionar que esta organización podería estar detrás do ataque á súa plataforma online,co cal volveron recibir resposta de Anonymous:

Se hai unha investigación lexítima e honesta respecto ao asunto de roubo de números de tarxeta de crédito, demostrarase que Anonymous non ten nada que ver con esto.

Somos un grupo que non tolera o roubo de números deste tipo, noso liderazgo non o consinte. Nós estamos preocupados por outros temas, como o abuso de poder e as xustificacións dos executivos e líderes que cren que son inmunes tanto personalmente como económicamente por ter altos cargos en fortes empresas, ou postos públicos.

Con isto a discusión está aquí, será Anonymous?, non será?,vós que opinades ante toda esta situación?

Xa sabiamos que Kratos estaría no novo Mortal Kombat pero non sabiamos como ía ser o resultado. Agora temos un gameplay no que nos amosa o xenial transporte que fixeron dende o God of War ao Mortal Kombat.

Non hai dúbida que Kratos mantén toda a súa esencia, tanto a nivel “destroyer” como a nivel gráfico. Como contraposición dicir que só estará dispoñíbel para a versión de PS3, polo tanto, todos aqueles que teñen unha consola de Microsoft terán que quedarse coas ganas.

Sen dúbida é un gran aliciente para todos aqueles usuarios de Playstation 3 controlar a Kratos nun xogo destas características, pero para que vexades que realmente ten boa pinta aquí vos deixo o vídeo, que fala por si só.

Primeiras imaxes escaneadas de Oblivion 5

Por: Sábado, 8 de Xaneiro de 2011, 17:59 COMENTAR

Honestamente a anterior entrega de Elder Scroll non me gustou demasiado, supoño que tería moito que ver a súa complexa e sucia xogabilidade.

Agora podemos ver unhas imaxes escaneadas da que será a quinta parte de Oblivion. A calidade de imaxe non é moi óptima pero permítenos ver que en custións gráficas non vai ter problema.

Pero na xogabilidade?. Eu teño a esperanza de que arranxen este lastre que me impidíu desfrutar da anterior entrega e se a isto engaden unhas misións máis claras e un mapa máis detallado (e claro), podeos estar ante un xogo a ter moi en conta.

Pero serán capaces de realizar todo isto?. Eu como sempre, teño serias dúbidas, pero aínda é moi cedo para facer veredicto algún.

Por certo, se queredes ver todas as imaxes, entrade neste enlace e verédelas con máis detalle.

O título non é moi descriptivo pero si ilustrativo, porque máis ou menos é o que pensa Sony co seu Move en contraposición do Kinect de Microsoft.

Non é raro que xa comecen as pelexas entre as dúas compañías para defender os seus detectores de movemento (a Nintendo non lle fai falla), e a primeira gran batalla ven referido ao manexo das espadas láser.
Anton Mikhailov, inxeñeiro de Sony non tivo repara ningún en decir que se algún dos xogos que sairán para os dous accesorios fosen similares, a versión de Move sería moito mellor. É normal que defenda o seu aparello, pero ademais aclara que a precisión de Move é tal, que non ten problema ningún en recrear con toda fidelidade (dubido) o manexo de espadas co noso movemento.

E non se queda aquí, porque este señor ten serias dúbidas sobre o correcto funcionamento de Kinect, xa que segundo as súas palabras a demo que puideron probar “estaba moi escriptada e parecía falsa” e ademais «encontra difícil o cómo van facer un sable de luz, porque hai moitas ambigüedades e faise case imposíbel monitorizar e seguir o ángulo das bonecas».

E para darlle o golpe final a Microsoft, remata cun golpe baixo:

“O xogo de sables de luz que realicemos será fodidamente mellor que o de Kinect”

Primeiro asalto rematado, agora falta que se defenda Microsoft e moito me da nos fuciños que non tardaremos en velo, porque o forno xa está quentiño.

Rexistrado Final Fantasy Thype-0

Por: Xoves, 30 de Decembro de 2010, 17:39 COMENTAR

Nunca fun demasiado seguidor da saga Final Fantasy, pero agora creo que xa se están pasando coa enorme cantidade de títulos que están sacando con este nome.
Aínda non fai moito todos se sorprendían de ledicia cando anunciaban un novo título de Final Fantasy, agora xa non colle a ninguén por sorpresa.
O último rexistro realizouse onte mesmo co nome de Final Fantasy Thype-0.
Non teño nin maldita idea de que se pode tratar, quizáis algún pseudo-spin off dalgúns dos seus títulos?
Teremos que esperar ao 18 de xaneiro cando Square Enix celebre outra das súas conferencias.
Sobre-explotación desta saga?, por suposto. Fe neste proxecto?, máis ben pouco.

Cambio nos efectos de luz de Gears of War 3

Por: Martes, 21 de Decembro de 2010, 10:06 COMENTAR

Efectivamente, nunca pensei que o apartado gráfico de Gears of War 2 puidese ser criticado, pero así foi.
Lee Perry, diseñador da terceira entrega de Gears of War 3, recoñeceu que o sistema de iluminación do título foi modificado debido ao resultado de Gears of War 2.
Da súa boca saíron as seguintes palabras explicando este acontecemento:

“Case podes facer un ranking de canto se xogan os mapas según o luminosos que son» e «Canto máis escuros, lóbregos e depresivos son os mapas, máis tenden a estar nos últimos postos”

Deste xeito procederán a realizar unha escuridade máis propia dos filmes, é decir, máis azulada que negra, porque se algo acertaron aquí, foi que aos xogadores non están completamente de acordo co negro-tétrico-escuro-pouco perceptíbel dalgúns títulos.

E aquí aparece o rumor da semana ou de todo o mes, porque dende a páxina oficial de IGN aparece un usuario anónimo (aparentemente fiábel) que solta a seguinte perla:

“No que respecta a gráficos, a PSP2 é unha “bestia”, acumulando hardware de procesamento suficiente para xerar gráficos comparábeis aos primeiros xogos de PlayStation 3. O procesador, polo que nos dixeron, é algo máis da metade de potente que o de PS3, aínda que a arquitectura específica dos núcleos e a velocidade de reloxo non foi revelada.”

Como vedes,parece que a estratexia que levará Sony coa segunda parte da súa portábel será idéntica á predecesora, é decir, unha potencia moi superior a calquera portábel do mercado. Tamén é certo que nesta xeración a Nintendo DS comeu sen ningunha dúbida á PSP, pero polo menos esperemos que deste xeito non se centren exclusivamente nos casual-gamers.