A sobre explotación dunha saga, nótase ao longo dos anos

A sobre explotación dunha saga, nótase ao longo dos anos

SuperData, unha empresa de analistas deste mundo é quen lanza a nova á rede, asegurando que será un ano de grandes estreas sobre franquías ben coñecidas, como son Resident Evil e Call of Duty.

No caso de Black Ops 3, avanzan que será a finais deste ano cando a nova entrega desta rendíbel saga de disparos chegará ás tendas, mentres que no caso de Resident Evil, non se aventuran a especificar unha data.

De todos os xeitos, simplemente falamos de especulación, xa que non hai confirmación ningunha por parte de Activision nin Capcom, mais non é un aliciente máis para volvernos preguntar o de sempre.

Está xustificada esta sobreexplotación de títulos?

Que caducidade ten unha saga en que a orixinalidade se esgotou fai anos (nos dous casos), mais que o nome continúa a resoar con suficiente forza na cabeza dos xogadores, que seguen dándolle oportunidades perdidas?

Entendo que arriscarse con novas IPs pode resultar fatídico para unha desenvolvedora, mais, canto están dispostos a aguantar os consumidores de videoxogos a manter viva unha saga?

A nova IP de Bioware atópase nunha fase xogábel

Por: Martes, 24 de Decembro de 2013, 15:38 COMENTAR

BiowareSpikeTV

Dende fai un tempo sabemos que Bioware traballa nunha nova entrega de Mass Effect (si,despois de todo o batifundio provocado polo polémico final da triloxía), pois grazas a Casey Hudson, productor executivo desta serie asegurou que xa está nun estado suficientemente avanzado como para xogalo.

Non só iso, senón que tamén están a traballar nunha IP completamente nova, da que tamén asegura que está nunha fase de creación moi avanzada.

Nun primeiro momento podemos supoñer que se trate dunha entrega de Star Wars, mais o feito de que sexa unha IP completamente nova fainos descartar esta posibilidade.

Agardaremos máis novas sobre estes proxetos, porque se Bioware foi un dos estudos a resaltar na actual/anterior xeración, nos anos próximos promete seguir dando que falar.

capcom

Cando me falan de Capcom a miña mente aínda asocia directamente á época de PS2, cando falar desta desenvolvedora era falar de calidad, mais dende aquelas moitas cousas cambiaron, e xa van aló dúas xeracións.

Moitos erros, moitos xogos de calidade baixa…e Capcom sabe moi ben destes tropezos.

O productor de Dead Rising 3 falou deste tema:

Capcom tropezou, mais está aprendendo. E tratamos sen dúbida de facer un contido de calidade. Polo menos podo asegurar que Capcom sempre valorou a calidade. Unha mensaxe que non sempre pode parecer obvio, pero sen dúbida, dende o interior, garantizo que as nosas decisións baséanse en conseguir o mellor contido posíbel.

Se nos fixamos na súa traxectoria durante os últimos anos, houbo algúns éxitos, mais tamén erros, e un montón de leccións por aprender. A xente está escoitando e aprendendo, e penso que veredes os resultados nun par de anos.

Anunciado Plantas vs Zombies 2 para 2013

Por: Luns, 20 de Agosto de 2012, 18:31 COMENTAR

Se desfrutaches de PLantas vs Zombies podes comezar a facerte ilusións, xa que a propia compañía acaba de anunciar que haberá unha segunda entrega e sairá na primavera de 2013.

Polo de agora non se sabe nin día exacto nin a que plataforma estará dirixido, mais tendo en conta o éxito da primeira entrega xuraría que o lanzamento podería ser unísono en varias plataformas.

Esperemos máis novas sobre esta secuela dun dos xogos máis orixinais desta xeración.

Novo tráiler de New Super Mario Bros 2

Por: Venres, 13 de Xullo de 2012, 13:49 COMENTAR

Abondan uns segundos para saber de como será esta segunda entrega de New Super Mario Bros, mellor dito, non se precisaría ver absolutamente nada deste novo título sabendo como foi o seu predecesor porque dende logo será un título idéntico en canto ao desenrolo.

Percorreremos escenarios en 2D collendo as tres moedas de ouro e sorteando todos os obstáculos que nos aparezan polo camiño.

Pero aínda así, abonda con saber que teremos novos escenarios e novas situacións para controlar ao fontaneiro máis famoso e así meternos as ganas no corpo.

Un xogo fermoso de ver e fermoso de xogar, como nos ten acostumado Mario.

Curiosa nova que nos chega dende MCV e que nos di que na próxima feira do E3 amosaranse as sucesoras da Xbox 360 e da Playstation 3.

Xa intuiamos que algo así podía acontecer, polo menos no caso de Xbox que leva un ano máis entre nós en comparación coa PS3, mais parece que Sony non quere deixarlle ese ano de vantaxe nesta xeración e súmase a esta presentación.

Pero non deixamos aquí o tema, porque temos que engadir que Nintendo pretende amosarnos as verdadeiras entrañas da súa Wii U, porque moito mando e moita trapallada pero aínda non ensinaron case nada do que pode facer a súa máquina.

Con estes temas estaremos ante un E3 como os de antaño, con emocionantes presentacións, novidades espectaculares, etc…?

Pois o certo é que non me atrevo a prognosticar nada, mais case estou por apostar un “juevo” a que nos van poñer os dentes longos con impresionantes cinemáticas de next next gen.

Lanzamento do Age Of Empires Online

Por: Martes, 16 de Agosto de 2011, 12:21 COMENTAR

A partir de hoxe a versión en MMPORG do clásico da estratexia Age of Empires xa estará dispoñíbel de maneira gratuíta para quen o queira descargar. Persoalmente non me termina de convencer este novo estilo menos realista e con gráficos tan perto de debuxos animados, pero aínda así ben paga a pena darlle unha opurtunidade aínda que sexa para recordar vellos tempos.

Déixovos co tráiler cinemático, que é algo curioso e entretido.

O Borderlands foi un xogo que estivo en boca de todos durante moitos anos, e os continuos rumores sobre unha secuela foron medrando até seren hoxe confirmados por 2K Games e Gearbox.

A día de hoxe temos moi pouquiños datos sobre esta segunda entrega. Sabemos que voltaremos a Pandora e toparémonos con novos inimigos, novas armas e novas técnicas ao tempo que manterán o apartado técnico que tanto gustou da súa primeira parte.

Aqueles seguidores que xa estean a devecer por lle botar o dente aínda van ter que esperar bastante, porque está prevista que saia para o ano fiscal de 2013 que comeza o 1 de abril de 2012.

Será un título multiplataforma e parece ser que na GamesCon aparecerá algo do Borderlands 2. Supomos algún que outro tráiler.

Persoalmente a primeira entrega pareceume decente, mais carecía de máis substancia. É complexo describir o que me supuxo, porque foi un shooter innovador, que sae bastante do habitual, mais a medida que pasaban as horas ía perdendo interese nel… quizá foi causa miña, mais espero que nesta segunda entrega consigan meterme máis na historia e presenten misións máis atraentes.

Sempre que sae algún título para varias plataformas aparecen as odiosas comparacións. Que se unha se ve mellor, que se na outra vai máis lento, que se tumba, que se dálle.

Pois Andy Wilson, director do Bodycount, deixou ben claro que as versións para Xbox 360 e PS3 serán absolutamente idénticas, descartando calquera tipo de descarga exclusiva.

Como saberedes (e se non xa volo digo eu), o Bodycount é dos creadores do Black. Por tanto penso que podemos ter un xogo de moita calidade. Será tan frenético como o Black? Frenetismo e rapidez non sei, mais que vai manter o nivel de destrución de escenarios parece obvio. Salvo unha diferenza, que o xogo non está feito para botar todo abaixo, se non para darche cobertura á medida que destrúas, obrigándote así a cambiar de estratexia continuamente.

Para min é un xogo que teño non meu punto de mira (sairá o 2 de setembro) e penso que se es fan dos FPS tamén deberías darlle unha oportunidade. Ou non, dependendo do teu escepticismo.

Este rumor está a invadir a rede por completo, xa que segundo parece co próximo sistema operativo de Microsoft, Windows 8, os xogos da Xbox 360 poderían ser compatíbeis con este novo sistema.

Que supón isto? Pois que poderemos introducir calquera disco da Xbox 360 no noso computador e este ha de reproducilo sen problema ningún. Mesmo poderemos xogar online e baixar o contido descargábel.

Mais se isto se realizar ten un par de contras. A primeira delas, e a que máis ha de influír nos consumidores, é que para ter este servizo haberá que pagar unha cota mensual. A segunda eiva é que, aínda que se poida xogar online, non se van poder xogar partidas misturadas entre usuarios de Xbox 360 e PC, é dicir, non se poderán enfrontar entre eles.

Como dixen, se isto deixa de ser un rumor, que pretenderá Microsoft? Unha nova consola en breve sen retrocompatibilidade? Que cadaquén tire as propias conclusións.

Parece que a Capcom quere arremeter contra a compra-venda de videoxogos de segunda man. E de que maneira pretenden evitar isto? Pois dunha xeito moi sinxelo….. as partidas do Resident Evil: The Mercenaries 3D non se poderán borrar xamais, nunca, polos séculos dos séculos, estupidez humana e cantos sinónimos máis de infinito se vos acordaren.

Que supón isto? Pois que non só os que pretendan xogar a este título de segunda man non poden comezar o xogo dende cero, senón que tampouco o poderán facer irmáns, amigos , familiares…

Só poderemos xogar o xogo desde cero unha soa vez.

Soa ridículo verdade? Pois xa se comezou a rumorear que non será o único título en utilizar este método anti-mercado de segunda man.

Doutra banda, feita a lei, feita a trampa. Algúns usuarios xa comentaron que pode haber unha maneira para borrar estas partidas. Pero se hai que dar moitas voltas para poder pasar o xogo de novo (algo que nun principio debería ser algo obvio) xa me perde toda a confianza.

Crucemos os dedos para que á Capcom non se lle volva ocorrer facer esta parvada.

Memoria Pixelada estrea apartado, un apartado chamado Frikimaxes e que recollerá as imaxes e gifs máis “peculiares”, “curiosas”, “rechamantes” e mil sinónimos máis sobre este mundo pixelado.

Porque non nos enganemos, todos temos algo de “friki” dentro de nós, e para paliar este baleiro deberedes ver diariamente esta nova sección, xa que a súa actualización será diaria e constante para non vos deixar nunca sen a vosa ración de curiosidades.

Sen máis dilación, convídovos a somerxervos en Frikimaxes, un apartado que está a dar os primeiros pasos, pero que en pouco tempo ha de ter a mellor selección de imaxes “frikis” da rede.

Espero que vos agrade.