just cause

Cal será a estratexia de Nintendo coa súa nova consola de sobremesa?

Eu non a sei, mais eles deberían comezar a fixarse se están polo camiño adecuado porque cando as compañías comezan a non dar soporte a esta consola é que algo mal se está facendo.

A última en amosarse contraria a esta consola foi Avalanche Studios, creadora de Just Cause.

A verdade é que temos algúns kits de desenvolvemento de Nintendo Wii U que están aí, collendo po. Penso que é unha plataforma “guai” e todo iso, mais agora mesmo non é para nós.

Nintendo, dende o noso punto de vista, sempre foi moi difícil de alcanzar. Nunca sabes como poñerte en contacto con eles.

Despois destas palabras podemos entender que a terceira entrega de Just Cause non chegará a esta plataforma e mentres, no mundo de Nintendo, seguen eles mesmos sacando os seus propios xogos para intentar que as desenvolvedoras se animen.

Nintendo anuncia un pequeno evento no E3

Por: Martes, 7 de Maio de 2013, 15:48 COMENTAR

play wiiu-1

Despois de que Nintendo anunciase que non estaría presente no próximo E3, dan un pasiño atrás e hoxe confirman que terán un pequeno evento na feira máis importante de videoxogos.

Este evento estará encabezado por Shigeru Miyamoto e Reggie e traerá o título de “Ven xogar connosco”. Aínda que o título non augura nada bo (ningún anuncio importante, ningunha novidade…) temos que ter presente que estarán dúas das cabezas máis representativas de Nintendo, os cales poderán sorprendernos con algo. Imos ter que agardar.

Nintendo sabe que neste E3 os grandes protagonistas serán Sony e Microsoft coas súas novas consolas, polo tanto queren manterse a un lado pero sen que ninguén se esqueza deles.

Será esta unha boa estratexia?

Wii U Cut the Rope

Nintendo quere que aumente o éxito da súa Wii U e para iso pretende dar un paso bastante considerábel, que a súa nova consola de sobremesa sexa compatíbel con títulos de telefonía móbil.

Co éxito destes xogos é normal que Nintendo estea camelando aos desenvolvedores de telefonía para que se fixen na Wii U. A idea sería modificar certo software da consola para que os desenvolvedores poidan levar os xogos á Wii U sen demasiadas complicacións.

A ver se con este movemento Nintendo aumenta as súas ventas, seguiremos informando.

Nova actualización para Wii U

Por: Venres, 26 de Abril de 2013, 21:30 COMENTAR

wiiu
Nintendo lanzou a actualización do firmware 3.0 para a Wii U.

Antes da descarga, avisan ao usuario que o proceso pode levar máis dunha hora e que non apague a videoconsola durante o proceso para evitar posibles erros no sistema.

Entre as novidades, podemos atopar, entre outras cousas:

  • Función stand-by, que permitirá a descarga e instalación automática de contidos despois de apagar a videoconsola.
  • Soporte para o controis Wii Remote, Wii U Pro Controller, e o Control clásico en Miiverse e o explorador de Internet.
  • Cando se merque contido descargable na Nintendo eShop, instalarase automáticamente despois da descarga e tamén se descargarán automáticamente as actualizacións dispoñibles.
  • Posibilidade de ordear as descargas.
  • No xestor de almacenamento poderanse conectar dous dispositivos de almacenamento USB para transferir datos entre eles ou á memoria interna da videoconsola. O resto do tempo, soamente se poderá conectar un dispositivo USB de almacenamento.
  • Mellora na estabilidade do sistema así como unha mellora notable nos tempos de carga.

Máis información na páxina oficial.

No día de onte celebrouse o Nintendo 3DS Direct e aínda que se anunciaron varios títulos, sen dúbida o máis salientábel foi a presentación da segunda entrega do xenial xogo The Legend of Zelda: A Link to the Past.

Esta será unha aventura completamente nova, unha secuela con novos puzzles, novos escenarios e novas posibilidades xogábeis, entre as que destaca a posibilidade de fusionarse coas paredes para acceder a novas zonas, algo que sen dúbida traerá unha alegría a todos.

O título traerá uns gráficos coloridos e en 3D para explotar a potencia da consola, aínda que non é algo que busquemos todos os fans da saga, sabémolo todos.

Este novo The Legend of Zelda non chegará ás tendas até finais deste ano en formato físico e dixital. Agardemos.

splinter-cell-blacklistNintendo confirmou hoxe nun comunicado que Ubisoft está a traballar nunha versión para a Wii U da vindeira entrega da saga Splinter Cell: Blacklist, ademáis das xa anunciadas versións para PC, PS3 e Xbox 360. Está prevista a súa saída para o vindeiro 22 de agosto.

Gamestop decepcionada coas ventas de Wii U

Por: Mércores, 3 de Abril de 2013, 10:54 COMENTAR
Wii U

Wii U

A Wii U non está pasando por un bo momento, sexa porque non convence aos usuarios do seu potencial ou porque non sacan videoxogos atractivos para ela.

Tanto é así, que un dos máximos responsábeis da liña de tendas Gamestop fixo unhas declaracións na que non nega que a nova consola de Nintendo decepcionou nos primeiros meses aínda que teñen fe nela:

A industria está rodeada dun gran cinismo, e a xente encántalle dicir que cousa vai ou non vai funcionar. Nós cremos que Wii U é unha consola real e que decepcionou durante uns meses, pero tamén pensamos que haberá máis cando se lancen os xogos das first-parties. Nintendo ten algúns ases na manga.

wiiu
Na vindeira actualización da súa videoconsola, prevista para abril, Nintendo mellorará os tempos de carga na Wii U.

Agora mesmo, pode levarlle máis de 20 segundos pechar un xogo e volver á interface principal. Coa nova actualización, reducirase a só 8 segundos.

Tal como prometeran en febreiro, Nintendo estaba a traballar en dúas principais actualizacións do sistema: a que ocupa esta nova, adicada á mellora nos tempos de carga, prevista para abril e a outra adicada a mellorar a conexión a rede para mellorar os retardos nos xogos multixogador, prevista para o vindeiro outono.

No seguinte vídeo pode verse unha comparativa en tempo real co “antes” e o “despois”.

Nintendo 3DS
O ex-empregado de Sony, Seijiro Tomita demandou o mes pasado á compañía nipona Nintendo por infrinxir a súa patente da tecnoloxía 3D sen gafas que empregan na súa videoconsola portátil, a 3DS.

Segundo o seu avogado, Tomita amosou en 2003 un prototipo da tecnoloxía a 7 empregados de Nintendo e algún deles participou no deseño da 3DS.

Un xurado federal de New York acaba de declarar culpable a Nintendo de infrinxir a patente de Tomita e obriga á compañía a pagar algo máis de 30 millóns de dólares a Tomita polo danos causados.

Mario vs Sonic

A estas alturas pensei que non facía ningunha falla dicir que Mario é mellor que Sonic, mais despois de ver como Amil GZ se quixo autoconvencer escribindo un artigo herexe contra Mario, véxome na obriga de comentar outras cinco cousiñas polas que o fontaneiro de Nintendo supera a un ourizo que corre.

Ler o resto da entrada »

Eliminador de xente molesta de 8 bits

Por: Domingo, 10 de Marzo de 2013, 13:20 COMENTAR

Unha solución retro para manter a raia eses pesados compañeiros de traballo… Se queres construír o teu propio, tes aquí todos os ficheiros necesarios.

Vía | Geeks are Sexy

Sombras futuras

Por: Martes, 5 de Marzo de 2013, 14:04 COMENTAR

Nunca esquezas de onde procedes

Vía | It8Bit

Comprar | Redbubble