snowdrop-engine-the-division
Con este breve vídeo, Ubisoft anuncia a presentación o vindeiro luns, 9 de decembro, do seu novo motor gráfico Snowdrop Engine que empregarán no Tom Clancy’s: The Division.

O lanzamento de “The Division” está previsto para a segunda metade do ano 2014.

NBA_LIVE14

Hai anos, ademais da batalla entre os partidarios do FIFA e os do Pro, había outro enfrontamento, aínda que cuantitativamente menor nestes lares, que dividía aos usuarios: escoller entre os xogos da saga NBA Live (os de sempre) ou os “recén chegados” de NBA 2k.

Dito dilema resolveuse unilateralmente cando EA Sports, a compañía creadora de moitas outras sagas deportivas de éxito, decidíu renomear a edición que vería a luz a finais de 2010 coma NBA Elite 11, pondo fin así a unha marca iniciada no ano 94 co NBA Live 95. Mais ese cambio xa era debido a un para eles necesario cambio de estratexia, xa que unha saga posterior á súa, os NBA 2k creados primeiramente para Dreamcast no ano 99, víñalle gañando a partida nos últimos anos, tanto en calidade coma en vendas.

Portada prevista do malogrado NBA Elite 11

Portada prevista do malogrado NBA Elite 11

Ao pouco os directivos de EA Sports deberon decatarse de que a batalla estaba máis que perdida, e o novo proxecto NBA Elite 11 foi cancelado mentres se agardaban que sopraran mellores ventos, propiciados pensarían, por unha caída da calidade dos NBA 2k ao carecer de competencia. Mais foi todo o contrario, 2k Sports non se acomodou e foi mellorando o seu xogo edición tras edición, proporcionandonos nos últimos anos o que para moitos é a mellor experiencia de xogo deportivo para consolas. As versións 12 e 13 do NBA Elite/Live previstas por EA Sports tampouco chegaron a ver a luz, sendo canceladas en distintos momentos do seu desenvolvemento.nba-2k14-next-gen-graphics-xbox-one-playstation-4-hd-preview

E é agora, coa chegada da nova xeración, cando EA Sports ve a oportunidade de relanzar o seu proxecto. Na mesma data de saída das novas Xbox One e PS4 os seareiros do basket teremos de novo varias opcións entre as que escoller: a espectacularidade, os equipos de Euroleague e o apadriñamento de Lebron James do NBA 2k14 e esta renacida proposta do NBA Live 14, recuperando a denominación orixinal, que vemos neste trailer:

 

Aínda é cedo para posicionarse, pero a primeira impresión é que a loita ten toda a pinta de voltar a ser desigual.

Carmageddon-Reincarnation

Despois de todos os rumores acerca dunha nova entrega do xogo de condución máis polémico, Carmageddon, parece que a cousa ponse seria de verdade e poderémolo ver na “next-gen”.

Todo isto grazas a Les Edgar, co-fundador da compañía Bullfrog que ofreceu preto de tres millóns e medio de dólares que xunto o gañado en Kickstarter (650.000 $) teñen unha suma máis que suficiente para realizar o proxecto.

Os encargados da súa posta en marcha serán os integrantes de Stainless Games, e aínda que polo de momento non podemos adiantar nada, non teñen un camiño doado para reencarnar unha das sagas máis coñecidas de condución.

Que grandes son os de Naugthy Dog, e non só por crear a Crash, despois a totalmente imprescindíbel triloxía Jak & Daxter e finalmente o espectacular Uncharted, senón porque estou convencido que na próxima xeración de consolas volverán desmarcarse do resto de compañías con outra das súas creacións.

Pero cómo será?, pois polo de agora que cada un soñe co que máis lle interese pero só vou dicir que Naughty Dog demanda nunha oferta de traballo a un creador de personaxe, a un experto capz de “esculpir modelos de un millón de polígonos”

Agora fagamos unha breve comparación, se os personaxes de Uncharted 2 tiñan uns 30.000 polígonos, cómo serán con un millón?

Se isto é verdade o salto entre unha xeración e outra paréceme máis que substancial, e se continuamos divagando así tamén podemos pensar que todos os demáis aspectos tamén subirán tanto de nivel.

Sabemos que a tecnoloxía evoluciona a enormes pasos, pero non sei eu se fiarme moito, non, antes de dicir nada voume manter á marxe, esperando…

Curiosa nova que nos chega dende MCV e que nos di que na próxima feira do E3 amosaranse as sucesoras da Xbox 360 e da Playstation 3.

Xa intuiamos que algo así podía acontecer, polo menos no caso de Xbox que leva un ano máis entre nós en comparación coa PS3, mais parece que Sony non quere deixarlle ese ano de vantaxe nesta xeración e súmase a esta presentación.

Pero non deixamos aquí o tema, porque temos que engadir que Nintendo pretende amosarnos as verdadeiras entrañas da súa Wii U, porque moito mando e moita trapallada pero aínda non ensinaron case nada do que pode facer a súa máquina.

Con estes temas estaremos ante un E3 como os de antaño, con emocionantes presentacións, novidades espectaculares, etc…?

Pois o certo é que non me atrevo a prognosticar nada, mais case estou por apostar un “juevo” a que nos van poñer os dentes longos con impresionantes cinemáticas de next next gen.