Hideo Kojima nunca negou o seu vínculo con Sony e o reflexado que se sinte coas decisións que toma, mais despois de saber que a súa próxima entrega de Metal Gear Solid, The Phantom Pain non será exclusiva de PS3, explica este motivo.

Penso que o futuro dos xogos ten que ver coa tecnoloxía da nube e o xogo na nube.

Deste xeito, creo que se vas entrar na xeración da nube, entón haberá unha gran cantidade de diferentes dispositivos involucrados e un montón de diferentes maneiras de interactuar co mundo do xogo.

Non quero limitalo a unha soa plataforma

Todos o sabemos, a cada día que pasa a actual xeración vaise indo e a próxima vaise cocendo máis e máis e as compañías xa están centrándose no que serán as novas máquinas de entretemento que nos acompañárán.

Unha das máis famosas é Epic Games, antigamente liderada por Cliffy B. o cal non dubido que foi unha das máis influintes e con maior repercusión na actual xeración, máis que nada pola súa excelente saga Gears of War a cal foi tomada como referenza en infinidade de videoxogos posteriores.

Pois ben, nunha conferencia actual acaban de mencionar que na próxima xeración Epic Games non se centrará nunha soa plataforma, incluso chegando á telefonía e a PC.

Segundo Epic Games a gran razón será que a próxima xeración disparará os gastos de produción, polo que obrigará adentrarse noutras plataformas para rentabilizalos.

Todos aqueles amantes dos carros de F1 e que pensen adquirir a próxima consola de sobremesa da Nintendo están de parabéns. A editora Codemasters acaba de afirmar que a F1 chegará á Wii U, supondo que posibelmente xa pensen no seu próximo capítulo.

Con isto a franquía de F1 ha de aterrar en todas as plataformas, incluídas 3DS, PS Vita e Wii U. Aínda así, tocante a esta última consola, Codemasters soltou unhas palabras, dicindo que confían en que Wii U reciba un prezo adecuado.

Veremos se esta confianza está ben apoiada.

O Borderlands foi un xogo que estivo en boca de todos durante moitos anos, e os continuos rumores sobre unha secuela foron medrando até seren hoxe confirmados por 2K Games e Gearbox.

A día de hoxe temos moi pouquiños datos sobre esta segunda entrega. Sabemos que voltaremos a Pandora e toparémonos con novos inimigos, novas armas e novas técnicas ao tempo que manterán o apartado técnico que tanto gustou da súa primeira parte.

Aqueles seguidores que xa estean a devecer por lle botar o dente aínda van ter que esperar bastante, porque está prevista que saia para o ano fiscal de 2013 que comeza o 1 de abril de 2012.

Será un título multiplataforma e parece ser que na GamesCon aparecerá algo do Borderlands 2. Supomos algún que outro tráiler.

Persoalmente a primeira entrega pareceume decente, mais carecía de máis substancia. É complexo describir o que me supuxo, porque foi un shooter innovador, que sae bastante do habitual, mais a medida que pasaban as horas ía perdendo interese nel… quizá foi causa miña, mais espero que nesta segunda entrega consigan meterme máis na historia e presenten misións máis atraentes.