Non foi sen tempo a chegada do Mortal Kombat X ás nosas casas. A veterana saga de loita entra na nova xeración con moi boas sensacións entre os fans e os non iniciados. Contando con numerosas entregas na súa historia, a serie creada por Ed Boon e John Tobias en 1992 chega con xa 23 anos nas súas costas e segue a mover moreas de xente ás tendas con cada novo xogo que sae á luz.

Tradicionalmente, o feito que fai resaltar MK por enriba doutras sagas do mesmo xénero é os FATALITIES, unhas accións predefinidas e de corte moi sanguento que serven para executar ó inimigo e dar por rematada unha loita.

Coma sempre, para os que aínda non podemos desfrutar do xogo completo, temos a moita xente recompilando todos estes Fatalities en video para que poidamos ateigar a nosa curiosidade. Sen más, vos deixo cunha destas recompilacións e recomendovos coma sempre facervos con el en canto poidades.

Podes comprobar os prezos nas distintas plataformas en Otogami

Vía | TeeCraze.com

A saga de loita máis sanguinaria chega á nova portábel de Sony cun título que promete incrementar as súas novidades.

Estas novidades veñen favorecidas polas propias características da máquina como a pantalla táctil ou a cámara que nos permitirá loitar cos personaxes en escenarios reais.

Ademáis polo que podemos observar no vídeo o apartado técnico está a un nivel moi alto presumindo de pantalla.

Polo de agora todo perfecto, pero moito me temo que teremos que probalo para desenmascar os verdadeiros “peros” do título, pero como dixen, polo de agora todo perfecto.

Pouco máis teño que engadir ao título, porque cando un personaxe dunha saga famosa entra no mundo doutro personaxe aínda máis famoso, non é para darlle as grazas, saudarse, etc.

Nada, é para rebentar a algún inimigo por aí, pois xustamente…

O título é máis que explicativo para todos, e surxe despois duns comentarios no Twitter do responsábel principal de Mortal Kombat. Ed Boon fala cos lectores sobre os personaxes dun novo posíbel xogo da saga máis cruel de loita, e di claramente:

“Eu quería que un deles fose Marcus Fénix de Gears of War”.

As repercusións desta pequena frase non tardaron en facer efecto e o famoso Cliffy B. contostou inmediatamente:

“Ponte en contacto comigo para falar disto”

Será isto un inicio dun dos mellores crossover do momento? O grande Marcus non había de desentoar entre o elenco do Mortal Kombat.

Deixaremos que o tempo responda esta pregunta.

Aquí temos outro desos fantásticos vídeos de Dorkly nos que nos amosan algúns dos fatalities que se poderían incluir no clásico xogo de loitas de Nintendo.

P.D: Como gran admirador de Luigi non podo comprender como o empregan para levar acabo a maioría destas técnicas. Veña Luigi, que ben sabes que te escollo en todos os xogos que saes.

Xa sabiamos que Kratos estaría no novo Mortal Kombat pero non sabiamos como ía ser o resultado. Agora temos un gameplay no que nos amosa o xenial transporte que fixeron dende o God of War ao Mortal Kombat.

Non hai dúbida que Kratos mantén toda a súa esencia, tanto a nivel “destroyer” como a nivel gráfico. Como contraposición dicir que só estará dispoñíbel para a versión de PS3, polo tanto, todos aqueles que teñen unha consola de Microsoft terán que quedarse coas ganas.

Sen dúbida é un gran aliciente para todos aqueles usuarios de Playstation 3 controlar a Kratos nun xogo destas características, pero para que vexades que realmente ten boa pinta aquí vos deixo o vídeo, que fala por si só.

Outra de tantas mesturas entre xogos clásicos volve por aquí, e se vos pregunto quén pensades que gañaría entre Scorpion de Mortal Kombat ou Donkey Kong seguro que apostariades por Scorpion, pois…tedes razón.

É que Donkey Kong peca de bo.

Se hai un concepto que describe aos Mortal Kombat é a palabra Fatality. Estes movementos especiais que permitían rematar unha boa loita fixeron desta saga de loita unha das máis famosas do panorama.

Pero non vos enganedes, como en todos os aspectos da vida hai detalles que sempre nos queren ocultar e aquí amósovos unha serie de Fatalities que nunca vistes.

MarioKartality e Chuck Norrisality son só dalgúns fatalities que podedes ver a continuación, este último, sen dúbida, o peor de todos.

Que podo decir de Mortal Kombat,un dos primeiros títulos en ser criticado polos grandes xusticieiros palermas que pensaban que despois de viciarnos a estas pelexas acabariamos arrincándolle a columna vertebral a todo aquel que se nos puxese de frente.
Críticas,insultos,censuras…o que sufríu Mortal Kombat é digno dunha novela,pero a verdade é que a saga foi diminuíndo de calidade nos últimos anos, e os que vos iniciásteis nesta saga ao principio dos seus tempo saberedes o que me refiro.
Pois ben,o próximo xogo de pelexas máis macabro pode volver aos seus inicios e aínda que esta última frase xa e usada por todas as compañías, desta volta sobra con ver o tráiler para saber que o título vai por moi bo camiño.
Non me credes,facedes ben,pero aquí vos deixo o vídeo para que opinedes por vós mesmos.