8_The_Witcher_3_Wild_Hunt_Horse_1

Os pais da emblemática saga de rol The Witcher cualifican de “triste” a situación de que o seu país natal esté fóra dos plans de Microsoft na tempada de lanzamento da consola.

Se voltamos a vista atrás, relembraremos que Microsoft publicou unha lista onde se marcan aqueles países que recibirán a devandita máquina, deixando fóra un montón deles, tal como é o caso de Polonia, Arxentina, Portugal ou incluso Xapón. As razóns que especificaron os de Redmond foron que a calidade da infraestrutura da rede é inferior a que necesita Xbox One para executarse debidamente ou porque a cota de mercado é insuficiente para xustificar a saída da consola.

Tal e así que nin tan sequera comprando a consola mediante importación podería chegarse a utilizarse posto que os servizos de Xbox Live non estarían en funcionamento.

Marcin Iwiski, co-fundador de Cd Projekt, espera que a lista non sexa definitiva, e facendo de portavoz do estudio, declarou que amosáronse abraiados pola medida de Microsoft e animan a os usuarios polacos a que non se queden de brazos cruzados ante as inxustas medidas.

images

Con certa incredulidade vemos algúns os últimos movementos en comunicación e márketing da compañía estadounidense, que parece empeñada en gañarse a enemizade de boa parte da comunidade gamer.

Despois das reaccións producidas pola confirmación de Sony de que PS4 non encadeará ao usuario a internet (o que disparou as expectativas comerciais da compañía xaponesa a respecto do seu rival máis directo), a reacción de Microsoft chega en forma de declaracións claramente desafortunadas.

Foi nada menos que Don Mattrick, directivo da compañía e mestre de cerimonias nas últimas conferencias, quen ven de declarar; “temos un producto para xogadores que non teñen ningún tipo de conexión (á rede), chámase Xbox 360”.

Mattrick amosouse totalmente convencido de que os xogadores acabarán por aceptar as restricións de Xbox One cando vexan as súas vantaxes, ao tempo que reiterou que para aqueles e aquelas xogadores/as que non dispoñen dunha conexión a internet boa e estábel a solución de Microsoft é non dar o salto xeracional; “Ese, (Xbox 360), é un dispositivo offline”, insistíu o directivo da compañía americana.

e3 outro
A conclusión que a maioría de gamers sacamos da pasada conferencia de Sony no E3 2013, resumida en calquera destes 3 vídeos da serie Family Guy, onde Sony estaría representada por Peter Griffin e a outra parte sería Microsoft.

 

 

 
E a reacción dos directivos de Sony ao ver a resposta da comunidade de usuarios na rede debeu ser algo así:
 

 
E vós cal preferides? Ou sabedes doutro mellor?

fable3Durante o día de hoxe e por tempo limitado, Microsoft agasalla a todos os usuarios Gold de Xbox Live coa descarga gratuita do videoxogo Fable III.

e3-2013-ms-600x300

Por se non puidestes ver en directo a conferencia, nin seguido polo noso Twitter, aquí vos fago un breve resumo do que anunciaron os de Microsoft.

Primeiro dicir que sorprende que cumplisen coa promesa de centrarse case en exclusiva na presentación de videoxogos, pero así foi, mais antes de amosarvos os títulos comentarei os poucos aspectos alonxados dos videoxogos que se presentaron.

O punto máis importante: Data e prezo.

Cando pensabamos que nos ían deixar sen esta información, na recta final desvelaron o prezo e data de lanzamento. A Xbox One custará 499€ e sairá en novembro. A verdade, todos os rumores apuntaban a este prezo polo que non sorprende demasiado, outra cousa é se estás disposto a gastalos coas “trabas” que ten, iso é a vontade de cada un.

Outra das noticias que sorprendeu foi o lanzamento dunha nova Xbox 360 máis pequena e delgada. Non anunciaron prezo, áinda que si dixeron que estaría nas tendas dende xa. Está claro que a mensaxe foi que non abandonarán a Xbox 360 así como así, e paréceme un movemento intelixente tendo en conta a sucesora…

Tamén fixeron algunha que outra demostración con tablets e as Smartglasses, mais nada que non fose eclipsado pola presentación de videoxogos que procederei a enumerar.

Comezaron cun tráiler con gameplay do Metal Gear Solid V: The Phantom Pain, que tamén sairá en Xbox One. Aquí tedes o vídeo, como podedes comprobar dalle máis importancia á liberdade de acción.

Despois disto deron un paso atrás presentando unha serie de xogos exclusivos pero que pasaron totalmente desapercibidos. A medida que vaian chegando os vídeos e tráilers iremos amosándovos máis. Os xogos eran:

Kinect Sports Rivals creado por Rare, World of Tanks que terá unha versión para Xbox 360, Max the Curse of Brotherhood (un plataformes aparentemente infantil), Minecraft coa súa versión para Xbox One, D4 (un título do que apenas se sabe nada pero ergueu aplausos por estar realizado por Swery, creador de Deadly Premonition) e Project Spark (un título de construción que sairá para Xbox One e Windows 8).

Quizais me equivoque mais estes xogos que acabo de mencionar e que penso que a maioría son exclusivos non destacan en comparación cos grandes anuncios que se levaron a cabo e os que vou facer mención a partires de agora:

Un dos títulos que mellor sabor de boca deixou foi Rysen:Son of Rome, título desenvolvido por Crytek e que nos mete na pel dun romano. Non vou dicir nada, abonda con ver o seguinte vídeo.

Outra das sorpresas foi Sunset Overdrive, un xogo dos creadores de Ratchet and Clank no que nos sumerxe na pel dun deportista de parkour pero que á súa vez debe loitar contra todo tipo de bechos. Pinta ben.

Killer Instinct tamén se deixou ver nesta presentación (si, este era o título que rescataría RARE)

O título de condución por excelencia de Microsoft sempre foi a saga Forza e a quinta entrega anunciárona con este gameplay:

Pero se houbo un xogo que levantase expectacións nesta presentación, esa foi Dead Rising 3, e non só porque será exclusivo de Xbox One, senón porque polo que podemos ver será máis serio que as dúas entregas anteriores:

E seguimos con terceiras partes, xa que The Witcher 3 tamén foi anunciado con este vídeo:

Se recordades, no anterior evento de Microsoft houbo un xogo que marcou a todos os xogadores, Quanum Break, pois ben, como era obvio non ía faltar á cita, e non só iso, senón que chega cun tráiler prometedor:

Battlefield 4 tampouco faltou neste evento e aínda que polo que se pode ver o espectáculo intenta primar ante todo, non chega a sorprender, ou polo menos a min.

E como non, o título por excelencia de Microsoft, un novo Halo foi anunciado baixo un enigmático e prometedor tráiler até que se soubo de quen se trataba:

Para rematar a conferencia decidiron amosar o videoxogo de Respawn, baixo o nome de Titanfall, un FPS nun mundo cheo de robots xigantes que deberemos facer fronte. Tampouco destaca demasiado nin innova en ningún punto concreto:

Estes foron os títulos que máis destacaron e que debo recalcar neste pequeno resumo. Non dubidedes en botarlle un ollo. Fáltanme pequenos vídeos que se dexaron ver como de Below (un pequeno videxogo do creador de Sword e Sorcery) ou Crimson Dragon, o desaparecido xogo de dragóns, pero os que xogos que máis van dar que falar nos próximos días son os mencionados.

A Xbox One foi revelada antes de tempo

Por: Mércores, 5 de Xuño de 2013, 20:31 COMENTAR

XboX One

Presentámosvos en exclusiva mundial o deseño definitivo da nova Xbox One.

Vía | Know Your Meme

A próxima xeración

Por: Venres, 24 de Maio de 2013, 16:00 COMENTAR

proxima-xeracion

Explicación das estratexias para a próxima xeración das grandes compañías cunha simple animación

Vía | Imgur.com

xbox one one

Que a nova consola de Xbox decepcionou a maior parte da comunidade de xogadores a nivel mundial xa non é unha sorpresa, e con este panorama enriba da mesa Microsoft debe tomar unha decisión, e estas son as declaracións de Larry Hryb, executivo de Xbox Live:

Estamos estudando coidadosamente o feedback recibido, aínda que despois do E3 a xente estará feliz.

Decisións como as de segunda man ou a conexión a internet obrigatoria están aínda sendo finalizadas, polo que de aquí ao lanzamento da plataforma podería cambiar.

Personalmente penso que só se trata dunha estratexia para calmar o enfado dos xogadores antes da chagada do E3, porque dubido moito que dean marcha atrás a estas alturas, aínda que sexamos positivos, esperemos que entren en razón.

Xbox One 1

Despois de anunciar a nova Xbox One os periodistas que alí se atopan enuncian todo tipo de dúbidas aos responsábeis desta consola para despexar as dúbidas máis importantes sobre os rumores máis “tétricos” que arrastra esta videoconsola, pois ben, algunha desas cuestións foron respondidas e a verdade, non vos vai gustar, non vos vai gustar.

Como dicía anteriormente, Xbox One non será retrocompatíbel cos xogos de Xbox 360. Estas foron as palabras de Todd Holmdahl, vicepresidente corporativo de hardware de Microsoft:

Ler o resto da entrada »

Ás 19:00 desta tarde Microsoft daba comezo o seu esperado evento no cal presentarían a súa nova consola de sobremesa que substituirá á Xbox 360, e unha hora e cuarto despois remata a conferencia, aquí van as noticias máis salientábeis.

Microsoft non agardaou absolutamente nada en presentar a súa nova consola baixo o nome de Xbox One.

xboxone

Despois de amosala ao mundo comentaron as súas características técnicas baixo a seguinte imaxe.

xbox one especificacions

Como podedes observar a consola conta cunha CPU de 8 núcleos respaldada con 8 GB de RAM. Finalmente, o rumor extendido a voces faise realidade e a Xbox One contará con Blu-Ray e 500 GB de Disco Duro.

A parte disto conexión vía Wi-fi,USB 3.0 e entrada e saída de HDMI, pero lonxe de quedarse aquí deron moita importancia á conectividade da consola con tablets,móbiles…, amosaron o novo Kinect e observamos o que denominaron TV Online con Skype integrado e a posibilidade de ver as estatísticas en directo.

Tamén deixaron caer que preparan unha serie de TV de Halo supervisada polo propio Steven Spielberg.

Pero non todo son boas novas, xa que a retrocompatibilidade con Xbox 360 desaparece:

Estreamos unha arquitectura completamente nova para esta xeración, e coa arquitectura que temos con Xbox 360 estariámonos limitando para continuar con ela.

En canto a videoxogos as sorpresas foron mínimas, mais o que si resaltaron é que están a traballar en 15 exclusividades e 8 delas completamente novas.

Microsoft confirmou que traballan no FIFA 14,NFL,Madden,NBA Live e UFC sen amosar ningún dato salientábel.

Turn 10 anunciou Forza Motorsport 5 co seguinte tráiler:

Tampouco soltaron máis información sobre este título. Supoño que se resgardan para o inminente E3.

Remedy tamén estivo presente anunciando unha nova franquicia baixo o nome de Quantum Break:

http://www.youtube.com/watch?feature=player_embedded&v=JZIaouzxAys

E para rematar o aclamado Call of Duty:Ghosts cerrou o evento con este tráiler que nos amosa a un dos nosos compañeiros, un can.

Mañá presentarase a nova Xbox

Por: Luns, 20 de Maio de 2013, 16:11 2 COMENTARIOS

aaron-greenberg

Por se vos esquecedes, mañá tedes un evento que incluso pode traer máis expectación que o propio E3, mañá presentarase ao mundo a sucesora da Xbox 360.

Aaron Greenberg, un dos responsábeis de Microsoft falou sobre este evento e sobre o que nos deparará o E3 por parte da compañía americana.

O certo é que vamos contar unha historia en dous eventos. Vamos comezar o día 21, que será para presentar a nova plataforma Xbox; a nosa visión sobre o futuro dos xogos, o futuro do entretemento. Sen dúbida temos moitas sorpresas planeadas.

A xente poderá botar un gran vistazo ás entrañas do que é crear unha nova plataforma, e o equipo que lle deu vida. Para ser honesto, é en realidade sobre o equipo, a xente que hai aquí.

Por outro lado tamén falou sobre o E3 e a resposta foi alentadora para todos, xa que mencionou que “os xogos serán todo no noso E3, con toneladas de primicias e exclusivas mundiais”.

De momento, se queredes seguir a presentación da nova XBOX poderedes facelo dende Xbox.com e en Xbox Live a partires das 19:00.

Non estades impacientes?