New-Xbox-360-Dashboard-Goes-Live-on-December-6
Microsoft abriu o período de inscrición para que os usuarios interesados en probar a nova versión de Xbox Live 2013 durante a súa fase beta.

Esta actualización mellorará o rendemento xeral e a posibilidade de pagar as compras na moeda local. Lembrade que os coñecidos Microsoft Points, como anunciaron dende a compañía hai un tempo, desaparecerán nalgún momento deste ano.

Segundo as declaracións de Larry Hryb, director de Xbox Live:

“Ao contrario dos nosos programas beta anteriores, pódese acceder ao rexistro directamente a través da súa consola Xbox 360 para simplificar a experiencia”

As prazas están limitadas, así que, unha vez se completen, a beta será pechada ao público.”

Para os interesados, podedes apuntarvos a través do panel da interface da vosa Xbox 360, así como aceptar un contrato de non divulgación por cuestións de confidencialidade.

games-with-gold
Durante o pasado E3, Microsoft anunciou a promoción «Games with Gold», coa que ata decembro deste ano agasallaría con dous xogos ao mes a todos os usuarios cunha conta Gold en Xbox Live. O pasado xuño, estivo para descargar de balde o Fable III.

Agora, xa en xullo, os usuarios poderán descargar durante esta primeira quincena o «Defense Grid: The Awakening», que definen como “o xogo de estratexia de torres defensivas definitivo”. Recentemente, Larry Hryb, máis coñecido como Major Nelson, anunciou que durante a segunda quincena ofrecerán de balde o «Assassin’s Creed 2», segunda entrega da popular e exitosa saga de Ubisoft.

Durante a presentación da promoción, outro dos títulos que nomearon foi o «Halo 3» que estará dispoñible próximamente.

don-mattrickSegundo un informe de Reuters, Don Mattrick, que recentemente dimiteu como director da división de entretemento de Microsoft, recibirá no seu primeiro ano en Zynga algo máis de 19 millóns de dólares (uns 15 millóns de euros), ademáis dunha boa cantidade de accións da compañía. Parece que o cambio lle vai resultar moi beneficioso.

Don Mattrick abandona Microsoft

Por: Martes, 2 de Xullo de 2013, 15:30 COMENTAR

don-mattrick
Don Mattrick, director da división de entretemento de Microsoft, anunciou que abandonará a compañía de Redmond e o vindeiro 8 de xullo incorporaráse como CEO de Zynga, compañía especializada en xogos nas redes sociais. Un movemento canto menos misterioso, se temos en conta que faltan menos de 5 meses para a saída ao mercado da Xbox One. Aínda non se revelaron oficialmente baixo que condicións abandonou a firma da Xbox.

“Unínme a Zynga porque creo que a visión pioneira de Mark (Pincus, fundador da compañía) e a misión de conectar ao mundo cos videoxogos só acaba de comezar. Zynga e unha compañía que aínda non acadou todo o seu potencial. Estou orgulloso de traballar con Mark para crear xogos sociais de alta calidade e divertidos para calquera que os queira xogar.”

Nun correo electrónico interno enviado por Steve Ballmer, CEO de Microsoft, compartido a través das canles oficiais da compañía, confirmou que aínda non teñen un substituto e polo momento, será o propio Ballmer quen dirixa a división de entretemento. No correo electrónico, Ballmer engadía: “Ésta é unha grande oportunidade para Don e deséxolle éxito.” “Estou incríblemente orgulloso do traballo e a visión que culminou na Xbox One. Estou particularmente emocionado por como mellora a Xbox os nosos dispositivos e servizos ao reunir o mellor de Microsoft.”

Despois do “fracaso” de Microsoft na presentación da Xbox One e o cambio nas políticas que tiñan previstas, son moitas as voces que consideran que máis que unha renuncia, pode ser que dende a compañía lle “convidaran” a abandonala. Outras voces apuntan na dirección contraria e din que, vendo o máis que probable fracaso da nova videoconsola, o propio Mattrick preferiu abandonar o barco antes de que afunda.

kinect-xbox-one
Segundo Microsoft, non hai plans para facer que o novo Kinect, que incluirán todas as consolas Xbox One, sexa compatible co PC.

“O sensor Kinect para Xbox One sensor non terá un adaptador que permita conectalo a un ordenador.”

A nova xeración de Kinect para Windows terá un conector estándar USB3, mentres que o da Xbox One empregará un conector propietario que o fará incompatible, entre outras cousas, segundo Microsoft.

Esta é unha mala nova para os creadores de software compatible con Kinect para PC, que verán enormemente reducido o posible mercado que suporían todos os xogadores que nun futuro teñan unha Xbox One.

Dentro do malo, cabe agardar que a comunidade de usuarios chegue a conseguir algún método para facer que si sexa compatible, aínda que dende Microsoft xa se apresuraron a dicir que Kinect non é licenciado para uso comercial, nin soportado ou nin con garantía cando se emprega noutra plataforma que non sexa Xbox One, incluído Windows.

lanzamento-xbox-one
Recentemente, Amazon, tenda online por excelencia, creou a ficha da vindeira videoconsola da compañía de Redmond, a Xbox One para que os seus clientes poidan reservala. O interesante desta ficha é que puxeron como data de lanzamento o vindeiro 27 de novembro.

Dende Microsoft xa se apuraron a negar que esa sexa a data real de saída e que soamente se trata dun “placeholder”, tal e como declarou un representante da compañía:

“É unha táctoca habitual dos vendedores poñer datas e prezos de referencia ata que lles informamos da data e prezo definitivo. Estamos excitados co lanzamento da Xbox One en novembro de 2013.”

Para os que non sexades moi dados ás tendas online, sirva como referencia un exemplo do que recentemente vos informabamos cando nalgunhas tendas poñían os: xogos de PS4 a 99,99 dólares. Nese caso, como as propias tendas non sabían cal sería o prezo exacto ao que sairían os prezos, simplemente puxeron nas fichas un prezo “desorbitado” para evitar reclamacións dos usuarios. Se por exemplo tiveran posto 59,99 dólares e ao final os xogos custasen 69,99 dólares, a avalancha de queixas que terían sería enorme e terían que pagar eles eses 10 dólares de máis.
Pois ben, neste caso os de Amazon puxeron unha data de referencia ata que dende Microsoft lles confirme a que será a data final de lanzamento da nova videoconsola.

Pola súa parte, Sony tamén se apresurou a negar a data do 13 de novembro que moitas tendas anunciaron a semana pasada como lanzamento da PlayStation 4, afirmando que esa data era simplemente especulativa.

xboxone

Estaredes de acordo en que cando unha empresa ten que aclarar tantos detalles da súa consola, sacar diariamente declaracións para calmar os xogadores e mesmo rectificar sobre algunhas das súas políticas, entón é que algo non se está a facer ben.

Pois poucas horas despois de que Microsoft anunciase que a Xbox One non tería que conectarse diariamente para xogar e que o mercado de segunda man continuaría como actualmente, o vicepresidente corporativo de Xbox, Marc Whitten, saíu á palestra para realizar unhas declaracións.

Deste xeito afirmou que todos os videoxogos que merquemos deberán ser instalados na consola para desfrutar dos seus contidos, así como conectar a Xbox One á internet cada vez que adquiramos un novo título para activalo.

O directivo tamén deixou caer que Kinect deberá estar conectada permanentemente para que a consola funcione, independentemente de que o xogo empregue este dispositivo ou non.

E para concluír aclara que o día do lanzamento, a Xbox One xa terá unha actualización:

Sempre estivo planeada unha actualización para o día do lanzamento, débese simplemente a unha diferenza entre os calendarios de fabricación fronte aos de software.

Son eu, ou continúan obrigando a ter internet para xogar?

CliffAMA

O pai do motor gráfico Unreal Engine e da famosa saga Gears of War mencionou no Twitter hai uns días que as políticas restritivas da Microsoft no tocante á segunda man e á conexión obrigatoria á internet eran necesarias para cubrir os altos custos de desenvolvemento e produción dos xogos que aparecerán na vindeira xeración.

No entanto, Microsoft emitiu onte un comunicado onde modificaban moitas destas características por causa da enorme cantidade de queixas dos consumidores desde que a Xbox One se amosou no mes pasado.

A pesar da boa recepción da mudanza por parte das compañías, analistas e consumidores, Cliff cargou aloucadamente contra Microsoft alegando que se non se restrinxe a segunda man, os custos tan exaxerados dos novos xogos non poderán cubrirse e as compañías máis febles terán que pechar as portas, deixando sen traballo a moitos creativos. Non se esqueceu de atacar os usuarios que protestaron coas vellas medidas, dicindo o seguinte:

Quero que os creativos que deixaron o cu traballando vexan diñeiro por cada copia do seu xogo que vendan en vez de que o faga Gamestop. Estou tolo, verdade?

ídevos preparando. Máis pagamentos no multixogador e contidos descargables se achegan. Tamén ides a ver como se van a disparar as microtransaccións.

 

xbox one one
Despois da enorme polémica creada despois do seu anuncio en maio e estrelarse no E3 na pasada semana, Microsoft da marcha atrás e retira dúas das políticas que máis polémicas levantaron: a necesidade de conectarse aos seus servidores cada 24 horas para poder xogar e a que afectaba ao mercado de segunda man.

Vendo a que lle viña enriba, sobre todo despois de ver que a competencia non lles seguía o xogo con ese tipo de políticas, Don Mattrick e o seu equipo tomaron esta decisión para evitar unha catástrofe para a compañía de Redmond.

Os dous puntos interesantes do anuncio:

* Unha conexión á Internet non será necesaria para xogar offline aos videoxogos de Xbox One. Despois de configurar a nova Xbox One, poderás xogar con calquera videoxogo en formato físico sen ter que te conectar online de novo. Non hai un requisito de conectarse cada 24 horas e poderás levar a túa Xbox One a onde queiras e xogar aos teus videoxogos, como na Xbox 360.
* Intercambios, préstamos, revenda, regalos e aluguer de videoxogos en formato físico tal como hoxe en día. Non haberá limitacións para empregar e compartir xogos, funcionarán como o fan agora mesmo na Xbox 360.

Podedes ler o resto do anuncio nesta páxina (en inglés).

Xa comezamos a entendernos, Microsoft. Xa comezamos a entendernos…

ps4-xboxoneMicrosoft anunciou que os videoxogos para a Xbox One manterán os prezos recomendados da actual xeración e manteranse en 59,99 dólares.

Pola súa banda, Sony confirmou recentemente o prezo recomendado de 59,99 dólares en 4 dos títulos que chegarán coa PS4: «Killzone: Shadow Fall», «Driveclub», «Knack» e «inFamous Second Son».

ryse_sons_of_rome-004

Ryse: Son Of Rome presentouse coma un xogo revelación no pasado E3 sendo un título vehicular para a nova consola de Microsoft. O xogo póñenos na pel dun soldado romano que deberá abrirse camiño a base de combos nas guerras romanas. Deixou o público impresionado grazas o seu poderío gráfico e as revolucionaras mecánicas presentadas no apartado da xogabilidade.

Sen embargo, hai uns días apareceu un articulo no medio Kotaku onde podíase ler que os “Quick Time Events“, escenas onde temos que pulsar un determinado botón dentro dun tempo limitado, sairán exitosos aínda que o xogador os complete de forma errática.

Por suposto, as críticas non chegaron en acudir os foros de Crytek, desenvolvedora do xogo en cuestión, que non tiveron máis remedio que explicarse cá seguinte declaración:

Non queremos que os xogadores se sintan frustrados

Ryse tiña como obxectivo plantexar un novo tipo de desafío para os xogadores expertos no xénero do Hack & Slash e convertirse no rival directo de God Of War na consola de Microsoft, pero visto o visto, van ter que consider se rebaixar a dificultade é prudente para competir neste mercado cada vez máis especializado.

cliffyb
Cliff Bleszinski, deseñador de Gears of War e ex-director de Epic Games está a defender firmemente na súa conta de Twitter as políticas coas que Microsoft pretende acabar co mercado de xogos usados.

Aqueles de vós que me dicides “entón simplemente baixade os orzamentos”, sabedes o estúpido que soades, non?

É por iso que se está a ver a liberdade de xogar e microtransacións en todas as partes. O modelo de 60 dólares o día do lanzamento estase a desmoronar.

A fidelidade visual e conxuntos de recursos que esperamos de xogos agora veñen con altos custos. Os xogos Assassin’s Creed están feitos por milleiros de desenvolvedores.

Non podes ter orzamentos de xogo e márketing tan elevados mentres existan tamén os xogos usados e alugados. Os números NON funciona, xente.

Tampouco desaproveitou o rebumbio xerado para mostrar a súa postura no debate en torno a que a Xbox One requira a conexión aos servidores cada 24 horas, impedindo ás persoas sen conexión a posibilidade de poder xogar na nova videoconsola de Microsoft:

Se podes permitirte pagar Internet de alta velocidade e non podes obtelo onde vives dirixa a súa rabia a quen é responsable do seu bloqueo.

Paréceme que o amigo Cliff debería aprender algo das recentes declaracións dun tal Shigeru Miyamoto esta mesma semana:

Nós non temos unha posición especial en canto aos xogos usados. A nós non nos preocupan tanto os xogos usados, como realmente isi nos preocupan as copias ilegais dos xogos. Ao crear os xogos que creamos e vendelos, permítenos seguir creando novas versións destes xogos.

Estamos máis preocupados pola piratería e pensamos que os xogos usados son outra historia. De feito, dende a nosa perspectiva, queremos crear un xogo que os xogadores vaian querer seguir e seguir xogando durante moito tempo. Esta é a visión que sempre tomamos e esa é a mellor forma de evitar os xogos usados.

.