xbox-liveDespois do recente lanzamento do exitoso (e nun principio tamén problemático, como era de agardar) GTA Online, a compañía Microsoft non quere desaproveitar esta oportunidade e ofrecerá a todos os usuarios Silver a posibilidade de probar as vantaxes da subscrición Gold do seu servizo Xbox Live durante esta vindeira fin de semana.

halo-3
Dende hoxe, 1 de outubro e ata o vindeiro día 15, os membros Gold de Xbox Live poderedes descargar de balde o «Might & Magic: Clash of Heroes», tal como xa vos anunciaramos hai uns días.

Agora xa coñecemos o título que nos ofrecerán durante a segunda quincena deste mes de outubro e non será outro que o coñecido «Halo 3», título que xa anunciaran que incluirían nesta promoción, mais aínda non se sabía cando.

Lanzado ao mercado en setembro de 2007, foi o primeiro título da exitosa saga de Bungie para a Xbox 360.

Para os que non a coñezades, coa promoción «Games with Gold», a compañía Microsoft está a agasallar, dende o pasado xuño e ata o vindeiro decembro, con dous xogos ao mes aos membros Gold do seu servizo Xbox Live. Polo de agora, incluíron títulos principais como o «Fable III», «Assassin’s Creed II»ou «Dead Rising 2» e títulos arcade como o «Magic 2013» ou «Defense Grid: The Awakening», entre outros.

fm5
Microsoft publicou un novo vídeo do popular simulador de condución Forza Motorsport 5 onde podemos ver unha volta ao sinuoso trazado dos Alpes Berneses no superdeportivo Pagani Huayra.

“O circuíto dos Alpes Berneses debutou en Forza Motorsport 4 e foi reconstruído completamente para a Xbox One, presentando o novo motor gráfico traballando a 1080p e 60 imaxes por segundo.”

Estará dispoñible de balde o vindeiro 22 de novembro, día de lanzamento da Xbox One. Os usuarios que reserven a videoconsola, poderán escoller entre unha copia gratuíta do Forza 5 ou do FIFA 14.

phill harrison

Microsoft non deixa de falar das políticas pre-E3 que tanto deron que falar, e sigue buscando excusas para retraerse.

Deste vez foi Phil Harrison, que afirma que estiveron pasos por diante de calquera outra compañía:

Penso que cando creas unha visión de futuro, estás pintando a visión que máis che emociona. Pero tivemos moito feedback e decíanos que moitas das cousas que estabamos propoñendo eran demasiadao adiantadas ao noso tempo. Así que cambiamos. Cogimos ese feedback da comunidade e cambiamos os nosos plans. Penso que iso é bo.

E para darlle o punto final, Harrison tamén pensa que co seu catálogo de lanzamento o resto de compañías non teñen nada que facer ao respecto.

Gañamos a batalla dos xogos. Os xogos da nosa plataforma levaron máis de 100 premios no E3, o que é máis do dobre que as plataformas da competencia. Así que os medios recoñeceron o catálogo de lanzamento de Xbox One como o mellor catálogo de lanzamento das consolas que están por vir.

Polo de momento Microsoft e Sony amósanse optimistas as dúas, Microsoft afirmando que teñen o mellor catálogo de lanzamento e Sony intenta que todas as reservas teñan consola no primeiro día de lanzamento.

Dentro dun par de meses saberemos quen gaña esta guerra, mais persoalmente paréceme que Sony atópase con menos preocupacións.

might-and-magic-clash-of-heroes
Segundo confirmou Microsoft, o título da primeira quincena de outubro dentro da promoción Games with Gold, coa que está a agasallar dous xogos ao mes aos usuarios cunha subscrición Gold a Xbox Live, será o Might & Magic: Clash of Heroes (Ubisoft, 2011).

“Xa está dispoñible para XBLA o premiado xogo Might & Magic Clash of Heroes! Vive a épica aventura de 5 novos heroes que deberán liderar aos seus exércitos para salvar o mundo de Ashan. Descobre unha mezcla única de RPG, batallas e crebacabezas e os novos modos de combate online e offline de ata 4 xogadores. – Desfruta de 20 horas de campaña no impresionante universo de Might & Magic e aprende incríbles combos – Lidera 10 faccións de heroes e feitizos, 40 criaturas con diferentes habilidades e máis de 50 artefactos. – Reta aos teus amigos tanto online como offline, 1 contra 1 ou no novo modo cooperativo 2 contra 2. – Aumenta a experiencia do teu heroe ata convertilo nun campión nos modos exclusivos online de batallas con ranking.”

Máis información do xogo en Xbox.com.

Microsoft quere levar Gears of War á Xbox One

Por: Mércores, 18 de Setembro de 2013, 13:39 COMENTAR

gears-of-war-judgment

Así o recoñeceu Phil Spencer, vicepresidente de Microsoft Game Studios, que afirma querer levar a famosa saga Gears of War á Xbox One, aínda que a decisión está nas mans de Epic Games.

A saga Gears of War está desenvolvida por Epic Games e eles foron os nosos socios por moito tempo en Xbox 360. Deberías preguntarlle a Epic Games sobre que desexan facer.

Nós non anunciamos nada aínda sobre esta saga, mais agardamos levar Gears of War á Xbox One dalgunha maneira. Non hai máis que vos poida dicir neste momento.

Co éxito que tivo esta saga case me sorprende que non chegue á nova consola de Microsoft, o que xa me mete máis medo é de que maneira, porque a última entrega non é que fose unha marabilla, a verdade.

ryse_sons_of_rome-006

Aaron Greenberg, un dos directivos de Microsoft foi o encargado de aclarar aos fans que dous dos xogos que estarán de saída coa Xbox One, Ryse e Forza Motorsport 5, correrán a unha resolución de 1080p nativos.

Greenberg non fixo alusión a outros videoxogos:

Non podo falar de títulos que non son da propia Microsoft, mais sei que Ryse e Forza Motorsport 5irán a 1080p nativos.

Recordade que Xbox One chagará ás tendas o 22 de novembro a un prezo de 499€. Para que vaidades tomando as vosas propias decisións.

PlayStation 4 só soportará ata 4 mandos

Por: Xoves, 5 de Setembro de 2013, 13:00 COMENTAR

dualshock4
Se onte coñeciamos que a Xbox One soportará ata 8 mandos, hoxe fíxose público o número que soportará a nova videoconsola de Sony.

Segundo confirmou Shuhei Yoshida (@yosp), a nova PlayStation 4 soportará ata 4 mandos ao mesmo tempo, tres menos que a súa predecesora, a PlayStation 3.

A pesares de que Yoshida non entrou en detalles sobre esta redución, o escaso número de xogos que teñen soporte para esa cantidade de mandos pode ser un dos principais motivos.

xbox360slim
Agora que vai saír ao mercado a nova Xbox One, moitos preguntámonos: “Cando tardarán deixarán de lado a actual Xbox 360?”. Pois ben, polo de agora podemos estar tranquilos, pois, tal e como comentou Yusuf Mehdi nunha conferencia, a compañía Microsoft seguirá a dar soporte durante polo menos 3 anos máis.

Ademáis, tamén anunciou que teñen previsto lanzar máis de 100 novos títulos. Isto significa que polo de agora, vamos a estar servidos durante un tempo coa nosa “velliña 360”.

“Se lle botas un vistazo á Xbox 360, esa plataforma durou de sete a oito anos e seguirá durante outros tres anos. É incriblemente beneficiosa agora mesmo.”

“Seguiremos a investir na Xbox 360 e dous dispositivos poden funcionar ao mesmo tempo.”

“Non é tan sinxelo como que o día que lanzemos a Xbox One, a Xbox 360 xa non funcionará. Seguiremos a dar soporte para ela. De feito, imos lanzar máis de 100 novos xogos para a Xbox 360, así que aínda poderás xogar aos teus xogos, pero non na mesma caixa.”

fm5
Turn 10 anunciou que o novo «Forza Motorsport 5» incluirá o trazado australiano de Mount Panorama de Bathurst. Este novo cirtuíto únese aos xa confirmados anteriormente de Mazda Laguna Seca, Spa-Francorchamps e Praga.

Foi construído en 1938 e na actualidade ten unha lonxitude total de 6.213 km. e 23 curvas.

Mapa do circuíto (Fonte: Wikipedia)

Mapa do circuíto (Fonte: Wikipedia)

Este anuncio coincide coa nova que confirmaba que Microsoft creará o equipo Xbox One Racing Team para competir na 2013 Supercheap Auto Bathurst 1000, carreira de resistencia de 1.000 km. que se disputa habitualmente o primeiro domingo de outubro de cada ano neste circuíto. Como adoita ser habitual nas competicións de motor australianas, o coche elixido será o Holden VF Commodore.

O «Forza Motorsport 5» sairá a venda o 22 de novembro, data de lanzamento da Xbox One. As reservas da videoconsolas contarán cunha copia dixital deste simulador de conducción ou do FIFA 14, a elección do xogador.

Xa hai data de lanzamento da Xbox One

Por: Mércores, 4 de Setembro de 2013, 20:30 COMENTAR

xbox one disco duroHoxe mesmo, Microsoft publicou unha nota de prensa anunciando a data de lanzamento da Xbox One.

A nova videoconsola sairá ao mercado o vindeiro 22 de novembro nestes 13 mercados: Australia, Austria, Brasil, Canadá, Francia, Alemaña, Irlanda, Italia, México, España, Reino Unido, Estados Unidos e Nova Zelandia.

Así, a Xbox One sairá unha semana despois da PlayStation 4 nos Estados Unidos, mentres que en Europa, sairá unha semana antes que a nova videoconsola de Sony.

Esta data non é casual, pois coincide coa do lanzamento da súa videoconsola actual, a Xbox 360, que foi lanzada o 22 de novembro de 2005.

“Estamos abrumados e encantados co tremendo interese que espertou a Xbox One nos nosos fans. Esgotamos todo o stock de videoconsolas coas reservas moito máis rápido que con calquer outra das nosas videoconsolas. Agardamos celebralo cos millóns e millóns de xogadores este Nadal.”

“Como resultado desta incrible demanda e progreso dos desenvolvedores, estou emocionado de compartir hoxe que estamos a engadir un número limitado de videoconsolas para as reservas. Coordinámonos cos nosos distribuidores para facer máis sinxelas as reservas da Xbox One.”

«Rebaixas da fin de verán» en Xbox Live

Por: Mércores, 4 de Setembro de 2013, 9:00 COMENTAR

xbox-live

Microsoft quere celebrar a fin do verán ofrecendo aos seus usuarios de Xbox Live grandes descontos, de entre o 50 e o 75 por cento, nos prezos de varios xogos e paquetes DLC. Cabe destacar, por exemplo, ofertas como a do The Elder Scrolls V: Skyrim por 13,99 €, así como tres das súas expansiónsDragonborn, Dawnguard e Hearthfire.

Divididos pola súa temática podemos atopar:

Historia épica

Aventura

Acción

Fantasía

Puzzles e estratexia


Por outra banda, dentro da promoción “Setembro en Gold”, inclúen descontos de entre o 25 e o 50 por cento nos prezos dos xogos da saga Call of Duty, cos seguintes prezos: