«Games with Gold» de abril

Por: Luns, 31 de Marzo de 2014, 18:30 COMENTAR

games-with-gold
Neste vindeiro mes de abril, que comeza mañá mesmo, Microsoft agasallará aos membros cunha subscrición Gold a Xbox Live outros dous xogos dentro da promoción «Games with Gold».

Durante a primeira quincena do mes, poderase descargar de balde o «Hitman Absolution» (2012), última entrega da coñecida saga do Axente 47.

Para a segunda quincena e como ven sendo habitual, ofrecerannos un título de Xbox Live Arcade. Neste caso o título «Deadlight» (2012), un “survival horror” do estudo español Tequila Works.

«Games with Gold» de marzo

Por: Sábado, 1 de Marzo de 2014, 12:00 COMENTAR

games-with-gold
Aqueles de vós que teñades unha subscrición Gold na vosa conta en Xbox Live poderedes descargar durante esta primeira quincena do mes de marzo o xogo de estratexia Sid Meier’s Civilization Revolution, totalmente de balde, dentro da promoción «Games with Gold» coa que a compañía Microsoft está a agasallar dous xogos ao mes dende o pasado o mes de xuño do ano pasado.

Durante a segunda quincena, e como ven sendo habitual, teremos para descargar un xogo da categoría Arcade: o Dungeon Defenders.

En meses pasados, Microsoft ofreceu aos usuarios títulos como o Halo 3, Dead Rising 2 ou o Fable III, entre outros.

world-of-tanks
A versión para Xbox 360 do videoxogo «World of Tanks» estará dispoñible para descargar en Xbox Live dende o vindeiro 12 de febreiro.

Redeseñado específicamente para a consola de Microsoft, o título de guerra será gratuíto para os membros de Xbox Live cunha subscrición Gold, mentres que os usuarios cunha subscrición Silver disporán dun período de proba de 7 días.

Como na maioría dos “free-to-play”, haberá contidos premium, como novos modelos de tanques, aumento de experiencia, etc.

gears of war 3 2
A compañía Microsoft ven de anunciar que mercou os dereitos da franquía «Gears of War» á súa creadora Epic Games.

O estudo canadense Black Tusk será o encargado de seguir adiante co desenvolvemento da saga. Segundo os rumores está previsto que chegue unha nova entrega este mesmo ano.

“Hoxe estamos emocionados de anunciar que Microsoft Studios adquiríu os dereitos da franquía Gears of War a Epic Games, incluíndo os dereitos de todos os xogos actuais e futuros, experiencias de entretemento e merchandising.”

“Ademáis, estamos emocionados que o estudo Black Tusk, en Vancouver, faráse cargo do desenvolvemento da franquía Gears of War e que Rod Fergusson, antigo director de produción en Epic Games na franquía Gears of War, unirase a Microsoft e desempeñará un papel clave de liderado no estudo Black Tusk no desenvolvemento futuro da franquía.”

diablo3
A compañía Blizzard podería estar a traballar nunha versión para Xbox One do seu «Diablo III».

Segundo se puido ver nalgunha tenda online estes días, a versión para a nova videoconsola de Microsoft podería chegar este mesmo 2014.

diabli-iii-xbox-one

Aínda que algunha das tendas xa eliminaron o xogo das súas listaxes, noutras como Argos UK, aínda podemos ver a súa ficha.

«Halo 5» para 2014

Por: Martes, 7 de Xaneiro de 2014, 22:00 COMENTAR

Halo

Rob Semsey (Rob Semsey), relacións públicas de Microsoft, confirmou que lanzarán unha nova entrega da saga Halo para Xbox One, pese a que non estaba incluído na recentemente publicada lista de lanzamentos para 2014.

Segundo Semsey, non se incluíu nesa lista porque aínda non foi anunciado o nome oficial.

«Far Cry» de rebaixas en Xbox Live

Por: Martes, 7 de Xaneiro de 2014, 21:00 COMENTAR

far-cry-3

Ata o vindeiro día 14 de xaneiro, os membros Gold de Xbox Live teñen a posibilidade de descargar os xogos da saga «Far Cry» con grandes descontos de ata o 75 %.

Título: Prezo orixinal: Prezo rebaixado Desconto:
· Far Cry: Instincts Predator 14,99 3,74 € (-75%)
· Far Cry 2 9,99 2,49 € (-75%)
· Far Cry 2: Fortune’s Pack 4,79 1,19 € (-75%)
· Far Cry 3 29,99 14,99 € (-50%)
· Far Cry 3: Deluxe Bundle 9,49 4,74 € (-50%)
· Far Cry 3: Blood Dragon 14,39 4,74 € (-67%)

«Games with Gold» de xaneiro

Por: Xoves, 2 de Xaneiro de 2014, 21:00 COMENTAR

sleeping-dogs
Seguindo coa promoción «Games with Gold», a compañía Microsoft ofrece de balde durante esta primeira quincena do mes o videoxogo «Sleeping Dogs» (2012) a todos os membros Gold do seu servizo Xbox Live.

Para a segunda quincena do mes, ofrecerán o «Lara Croft and the Guardian of Light» (2010).

phil spencer

Phil Spencer, un dos principais executivos de Microsoft falou sobre a posibilidade de que Rare volvese a facer xogos de plataformas, baixo a premisa de resucitar algúns dos seus títulos máis clásicos.

Un novo xogo de plataformas de Rare sería algo xenial. Temos ideas para moitas das máis veteranas IPs de Rare, non vos sorprenderá escoitalo, estou seguro.

Hai moito desexo por aquí de facelo, e Viva Piñata, Conker…Banjo, por exemplo, é moi popular internamente, moita xente quere facer cousas novas con Banjo.

Para min, Banjo Tooie é un dos mellores plataformas da historia, e escoitar esta nova non deixa de gustarme, mais tamén sei que dende a saída deste Banjo até hoxe en día, Rare sufríu moitos cambios que influíron directamente nos seus proxectos, diminuíndo a calidade destes até límites impresionantes.

Así que dobre cruce de dedos, un para que volva un “Banjo 3” e outra para que volva ben.

O troco xeracional

Por: Martes, 17 de Decembro de 2013, 12:00 1 COMENTARIO

the-last-of-us-03

Nestes intres atopámonos nos albores da chamada “nova xeración” de consolas, dividida en 3 máquinas: Nintendo Wii U, Microsoft Xbox One e Sony Playstation 4. Este troco xeracional está en boca de todo o mundo, a xente bótase a comprar estas novas consolas nas tendas especializadas ou non tan especializadas, as distribuidoras anuncian os novos xogos que sairán no próximo ano 2014, os estudos de desenvolvemento están traballando para habituarse ao funcionamento destas consolas e exprimirlles ata a derradeira gota de rendemento e estamos no principio dun proceso de saturación publicitaria nos medios maioritarios de comunicación de cara a convencernos a todos das bondades da nova xeración e as melloras que traerá en contraste ca anterior.

Sen dúbida entre estas melloras atoparémonos cun novo surtido de filtros, texturas de alta resolución, escenarios moito máis grandes que na actual e un sinfín de novos efectos, reflexos en cristais e a auga máis realista vista xamáis nunha consola de sobremesa. Pero o meirande troco, o troco que marca realmente un cambio de xeración, xa tivo lugar. E tivo lugar sen que nos déramos conta.

Neste troco temos 3 puntos de vital importancia, que compoñen súa particular trinidade. Un tuvo lugar no ano 2010, o outro no 2011 e o derradeiro neste mesmo 2013, a mediados de ano, para ser máis precisos.

Os trocos típicos na industria do videoxogo tiñan lugar por motivos total ou case totalmente técnicos, do modo que o fixo Doom no lonxano 1993, ou do modo no que as diferentes xeracións de consolas van aparecendo co paso do tempo e proporcionan novas posibilidades para os programadores de facer mellores e máis impresionantes xogos. O troco do que vou falar non ten nada que ver cun apartado técnico, senón que é moito máis sutil, pero que ten a mesma ou incluso máis importancia que calquera mellora técnica.

Para poder entender o troco, hai que porse en situación e retroceder ata ese ano 2010. GTA 4 acumulaba críticas positivas alí onde fora analizado, pero non deixaba de ser un GTA, cas típicas cousas que facer nun xogo da saga. Uncharted e sobre todo Uncharted 2 levaran o escalón gráfico na PS3 ao seguinte nivel, Mass Effect acababa de presentar a súa segunda parte, os rumores acerca de Skyrim comenzaban a ser xa imparables e o boom dos xogos indies estaba iniciándose tralo lanzamento de Braid e a inminente chegada de Limbo.

heavy-rain-21

Nese contexto aparece a finales de Febreiro de 2010 o xogo que conforma o primeiro piar do troco, Heavy Rain.
5 anos despois do seu anterior xogo, o aclamado Fahrenheit, a empresa francesa Quantic Dream lanza este xogo, que borra dun plumazo a separación entre videoxogos e cine ao proporcionar unha experiencia prácticamente cinematográfica, cunha historia complexa, múltiples opcións ao longo da historia e pondo de moda o tan empregado actualmente recurso dos QTE para realizar a interacción entre persoa e xogo. Pero non é este o troco ao que nos ocupa, senón que este ven dado pola propia historia en si mesma, unha historia que Microsoft rechazou engadir ao catálogo da súa Xbox 360 e que provocou que Heavy Rain se convertira nun exclusivo de Playstation 3. Así pois, esta negativa de Microsoft a permitir a publicación na 360 dun xogo no que o argumento xira en torno ao asasinato de nenos e que ponlle en bandexa de prata á competencia un xogo que resultou ser un auténtico vendedor de consolas, xa forma, merecidamente, parte da historia dos videoxogos.

The-Witcher-2-Assassins-of-Kings-PC-2

Únicamente un ano despois de este xogo, aparece outro, o segundo dunha saga baseada nos libros de Geralt de Rivia, escritos por Andrzej Sapkowski e feito por un pequeno estudo polaco chamado CD Projekt RED. Este xogo, aclamado internacionalmente dende o momento do seu lanzamento pola súa combinación de historia, xogabilidade e apartado técnico, foi publicado baixo o nome The Witcher 2: Assassins of kings. A pesares de que técnicamente a súa calidade máxima co filtro hiperrealista activado é motivo máis que dabondo para marcar un hito técnico no momento (non en vano é seguramente un dos mellores xogos técnicamente falando da xeración xunto co Crysis e ainda hoxe en día non son poucos precisamente as computadoras capaces de movelo fluidamente con dito filtro activado), o punto máis destacado do xogo é, sen dúbida, a súa historia. Unha historia complexa e apaixoante, que atrapa ao xogador ate o mesmo final e que toca de modo bastante explícito un tema que non é moi común no mundillo, e menos tratado ca seriedade mostrada en The Witcher 2, coma é o tema do sexo. Si, todos xogamos a algún Larry e todos coñecemos os métodos de recuperar vida dos GTA, pero unha cousa é iso, e outra moi diferente é tratar o sexo do modo que se trata neste xogo, dun modo adulto e sen tapuxos. Non vou por aquí ningún vídeo, xa que sería spoilear a historia, pero unha busca rápida polo Internet permitiravos comprobalo.

The-Last-of-US-PC-game_1920x1080

De este modo, chegamos ao terceiro e derradeiro xogo, publicado neste mesmo 2013, trepou ao momento ate as posicións máis elevadas na maioría de rankings xa non só dos mellores xogos do ano, nen sequera nos dos mellores xogos da súa plataforma, senón que xa directamente entrou nos dos mellores xogos da xeración. Seguramente con estes datos xa saberedes de qué xogo estouvos a falar, pero se vos digo que os protagonistas son un home atormentado e unha nena, xa quedan disipadas as dudas. Falo, efectivamente, de The Last of Us.
Cando todo indicaba que a PS3 alcanzara o seu tope gráfico con Uncharted 2 e 3, o mesmo estudo de desenvolvemento, o xa histórico Naughty Dog, saca este xogo que, lonxe de ser un Uncharted máis, é moito máis, xa non polo seu formidable apartado técnico, apartado que está xa non entre os mellores de PS3, se non que seguramente sexa o tope técnico da presente xeración de consolas. O igual que no caso de The Witcher 2, a pesares deste formidable apartado técnico, o máis destacado non é iso, senón que é a historia, sendo máis concretos neste caso, o desenvolvemento dos persoaxes, que acadan unha simbiose que queda patente no seu final, que poderá ser máis ou menos criticado, pero que xa é parte da historia dos videoxogos.

Así pois, estes 3 piares conforman o troco xeracional ao que me refería anteriormente: o troco dunha época na que os videoxogos eran un elemento de divertimento, pero nada máis a unha época na que os videoxogos son un modo de entretemento adulto, maduro, complexo, e no que cada vez vai haber menos temas tabús.

Non é casualidade que estes 3 xogos foran considerados entre os mellores da presente xeración, e non é casualidade que foran os elexidos para este artigo. O salto dado por Heavy Rain involucrando ao xogador nunha película interactiva, cunha historia moi dura, cun tema que fai 10 anos sería imposible de tratar nun videoxogo sen que se che botaran ao pescozo, e un xiro final do guión espectacular, que converte os últimos intres de xogo nunha contrarreloxo na que chegas a sentirte realmente agobiado pola situación e a complexidade argumental de The Witcher 2, teñen o seu cumio na historia de The Last of Us. Un xogo violentísimo, escuro como o que máis, no que daste conta de que as accións que cres axeitadas no momento provocan un dano no que non repararas e no que os persoaxes evolucionan ante os teus ollos ao máis puro estilo dunha película, e que ademáis ese xogo teña as críticas tan positivas que ten, deixan de manifesto que algo trocou no mundo dos videoxogos.

Os videoxogos xa saltaron á seguinte xeración, o troco empezou fai xa casi 4 anos e pasou inadvertido para a meirande parte da xente, pero xa non vai ir a ningún lado.

fm5
Está previsto que a vindeira semana Turn 10 publique unha nova actualización para o «Forza 5» que reducirá os prezos dos coches ata nun 45% do valor actual, ademáis de aumentar os cartos obtidos por disputar carreiras.

Pouco despois do seu lanzamento, recibíu moitas críticas por parte dos xogadores pois entendían que eses elevados prezos nos coches non era se non unha medida para “forzar” aos xogadores a obter os coches mediante micro-transaccións.

Esta actualización tamén introducirá dous novos modos multixogador: «Drag Racing» (carreiras de aceleración) de ata 16 xogadores e «Tag» que contará coas tres variantes xa coñecidas das entregas anteriores da saga: «Manter a marca», «Virus» e «Pasar a marca».

fable-anniversary
Microsoft anunciou o vindeiro 7 de febreiro como data de lanzamento en Europa do «Fable Anniversary», nova versión do «Fable: The Lost Chapters» (2005), versión estendida do xogo orixinal de 2004.

A nova versión para Xbox 360 contará con novos logros, taboas de clasificación, novo sistema de gardado e novos gráficos en alta definición con iluminación e animación potenciados polo motor gráfico Unreal Engine 3.

fable-anniversary-1
fable-anniversary-2

Ademáis da mellora gráfica apreciable nas capturas anteriores, dende Lionhead tamén teñen pensado engadir novos contidos a este novo xogo, como a compatibilidade con SmartGlass.

Máis información na páxina oficial.