Semana de rebaixas en Xbox Live

Por: Luns, 25 de Febreiro de 2013, 11:16 COMENTAR

xbox-360-hd-wallpaperDende mañá 26 de febreiro e ata o vindeiro luns, 4 de marzo, estarán dispoñibles grandes descontos de ata o 85% en máis de 60 xogos a través da plataforma online de Microsoft, para os usuarios Gold e Silver.

Grazas a unha oferta de traballo lanzada por Microsoft na súa bolsa de emprego podemos saborear este rumor que tanto gusta aos gamers, sobre todos aqueles relacionados co lanzamento da próxima xeración e da súa potencia.

No día de hoxe xa é incuestionábel que a Xbox 720 (ou como se chame finalmente) xa se está desenvolvendo, polo tanto calquera palabra saída de Microsoft pode estar dedicada a este lanzamento.

As palabras exactas de Microsft son:

Durante os próximos 18 meses Microsoft lanzará novas versións dalgúns dos nosos productos máis significativos, incluíndo Windows (Client, Server, Phone e Azure), Office e Xbox, ademáis de cousas completamente novas como Microsoft Surface.

Esta ola de lanzamento de productos van definir o curso da compañía para os próximos anos, e isto proveeranos dunha oportunidade sen precedentes de refrescar e evolucionar as nosas marcas con maior valor estratéxico.

En todo este pack é posíbel que se refiran á Xbox para Windows 8 pero non resultaría extraño que Microsoft esté a falar indirectamente da súa próxima videoconsola.

Visto en Anaitgames

Os 10 mellores xogos de XBOX 360

Por: Martes, 19 de Xuño de 2012, 17:45 2 COMENTARIOS

A partires de agora realizarei un pequeno ránking sobre os dez mellores xogos das consolas desta xeración. Comezarei mencionando os dez mellores xogos da consola de Microsoft, dez xoias que ninguén debería deixar de xogar na Xbox 360.

Pero antes de comezar a enumerar ningún título debo deixar ben claro que isto é unha opinión totalmente persoal, e que cada xogador ten as súas preferenzas, incluso haberá xente que desfrute dos Dinasty Warriors, porque claro está que ten que haber de todo neste mundo.

Dito isto comezarei coa lista de como mínimo imprescindíbeis na consola de Microsoft.

Ler o resto da entrada »

Décimo aniversario de Xbox en Europa

Por: Xoves, 15 de Marzo de 2012, 12:33 COMENTAR

A Xbox está de celebración, xa que fai dez anos que aterrou neste continente coa anterior Xbox. Concretamente o 14 de marzo de 2002 a enorme consola de Microsoft chegaba a Europa con retraso,xa que en América e Xapón xa residía, mais esta chegada foi contundente e para quedarse.

Non precisamente polo éxito desta consola, senón pola Xbox 360 que chegou no 2005, un ano antes da súa grande competidora PS3. Quizáis fose porque chegou antes, quizáis foi porque traía títulos como Gears of Wars, quizáis foi por certas innovacións como logros ou un moi mellorado aspecto gráfico…pero sexa polo que sexa a Xbox 360 foi comendo territorio á que antes era todopoderosa Playstation.

Así, un total de 66 millóns de Xbox 360 vendidas en todo o mundo das cales 20,32 millóns de unidades foron vendidas en Europa o que a convertiu nunha das grandes.

Dez anos despois xa comezan aparecer moi serios rumores sobre unha nova Xbox, polo de momento denominada Xbox 720 e suspostamente presentada no próximo E3.

De todos os xeitos Microsoft para celebralo lanzou un novo bundle conmemoratico chamado Xtreme Pack que consiste en:

  • Consola Xbox 360 con Wi-Fi incorporado, 250GB, un mando inalámbrico e un micro
  • Gears of War 3
  • Halo Reach
  • Fable III
  • Unha suscripción de tres meses a Xbox Live Gold

Todo isto a un prezo de 249.99€.

Esperemos que coa próxima consola continúen apostando tanto polos bos xogos.

Previsto para o día 6 de decembro, o novo Xbox dashboard comezará a instalarse no parque de consolas da compañía americana en menos de 24 horas. Se ben non é precisamente a primeira actualización que Microsoft fai neste sentido, agora o cambio estético e conceptual parece maior, achegándose a outros dispositivos da compañía e reforzando a adhesión da xa veterana consola á imaxe corporativa do seu fabricante.

Segundo se anunciou á comunidade de usuarios, este importante cambio visual vai acompañado de melloras para o acceso a servizos en internet; o que afecta tanto ás posibilidades xa existentes (particularmente facebook), como por exemplo á aparición dun novo servizo Youtube. Á marxe das aplicacións de internet, a consola ofrecerá agora contidos televisivos.

E por suposto, coma case tódolos novos movementos da compañía no que a Xbox 360 se refire, pretende ser tamén un xeito de aumentar as utilidades de Kinect coma ferramenta interactiva de uso familiar.

Dende maña mesmo poderemos comprobar por nós mesmos os resultados e ver como recibe unha comunidade de usuarios moi afeita aos cambios esta nova volta de folla no aspecto e funcionalidade dos menús.

Esta mesma mañá saíron á luz os datos de vendas de software e hardware en Ianquelandia. E aínda que no tema dos videoxogos a cousa ten mellor traza, na venda de videoconsolas os datos son máis fracos. De todos os xeitos a protagonista é a 3DS vendendo millóns e millóns de unidades… é brincadeira, é brincadeira, esta a ver se comeza a despegar agora aos poucos, moi aos poucos.

Agora falando en serio, a máis vendida foi a Xbox 360 con 277.000 unidades vendidas, manténdose líder.

Despois de saber isto a Microsoft declarou nunha nota de imprensa:

“Co Gears of War 3 lanzado no mes que vén e con moitos lanzamentos principais que lle seguirán durante a recta final do ano esperamos manter o liderado da Xbox 360 nos Estados Unidos e acabar 2011 como a consola número un en todo o mundo”

Non sei se as palabras empregadas serán demasiado demagóxicas, mais o que si que sei seguro é que o Gears of War 3 será un título que dará moito que falar, que fechará unha triloxía impactante e impresionante, e que como vedes no noso apartado de próximos lanzamentos apenas restan 39 días para poder desfrutalo.

Vamos a contar mentiras tralará, vamos a contar mentiras tralará, vamos a contar chorradas.

1- Na próxima xeración Sony e Microsoft uniranse para crear unha consola única.

2- Microsoft mercou Sony.

3- Sony mercou Microsoft.

4- As dúas compañías fusionáronse para derrotar o Máxico Bu.

Está ben, o titular chama moito a atención, de feito todo o mundo está especulando sobre o que poderá ser. Eu barallo dúas opcións, a primeira que sexa un simple proxecto de márketing e a segunda que se trate sobre algunha unión sobre temas de dispositivos móbiles.

De todos os xeitos ninguén sabe absolutamente nada sobre o tema, polo que teremos que agardar.

Xa non hai volta atrás, a dura pelexa da pre-saída de novas consolas das tres grandes compañías xa abarcan todo.

A primeira en saberse rumores dela foi a nova consola de sobremesa de Nintendo, o proxecto denominado “Project Café”. Moitas especulacións saíron á luz, pero polo de agora oficialmente só se sabe que será presentada no proximo E3 (primeira semana de xuño).

Agora tócalle o turno a Microsoft, e deste xeito segundo fontes fiábeis de Develop, a sucesora de Xbox 360 xa podería estar en mans de Electronic Arts.

A verdade é que non me extraña este movemento de Microsoft,xa que sendo a consola que máis tempo leva no mercado (dende 2005),non se pode acomodar ante o movemento de Nintendo. Dende a mesma fonte a consola sairía a finais de 2012, e aínda que hai múltiples opinións en se estará presente neste E3,parece que a idea máis extendida é que non.

Así,Nintendo poderá adiantarse un ano coa nova xeración de consolas ante a súa competencia, e recordando o ben que lle saíu a Microsoft con esta xeración, moito me temo que Nintendo repetirá éxito.

E que hai de Sony?,pois como cada vez é máis habitual,aínda non dixo nada, supoñendo que darán preferenza á súa NGP. Así, moito me temo que volverá a ser a última en lanzar a súa nova consola.

O título non é moi descriptivo pero si ilustrativo, porque máis ou menos é o que pensa Sony co seu Move en contraposición do Kinect de Microsoft.

Non é raro que xa comecen as pelexas entre as dúas compañías para defender os seus detectores de movemento (a Nintendo non lle fai falla), e a primeira gran batalla ven referido ao manexo das espadas láser.
Anton Mikhailov, inxeñeiro de Sony non tivo repara ningún en decir que se algún dos xogos que sairán para os dous accesorios fosen similares, a versión de Move sería moito mellor. É normal que defenda o seu aparello, pero ademais aclara que a precisión de Move é tal, que non ten problema ningún en recrear con toda fidelidade (dubido) o manexo de espadas co noso movemento.

E non se queda aquí, porque este señor ten serias dúbidas sobre o correcto funcionamento de Kinect, xa que segundo as súas palabras a demo que puideron probar “estaba moi escriptada e parecía falsa” e ademais «encontra difícil o cómo van facer un sable de luz, porque hai moitas ambigüedades e faise case imposíbel monitorizar e seguir o ángulo das bonecas».

E para darlle o golpe final a Microsoft, remata cun golpe baixo:

“O xogo de sables de luz que realicemos será fodidamente mellor que o de Kinect”

Primeiro asalto rematado, agora falta que se defenda Microsoft e moito me da nos fuciños que non tardaremos en velo, porque o forno xa está quentiño.

Kinect falla con persoas de pel escura

Por: Xoves, 4 de Novembro de 2010, 12:14 COMENTAR

Unha das entradas co título máis raro que escribín na vida, pero parece ser que Kinect é racista,si,como escoitades,odia a calquera persoa de pel escura.
E todo isto grazas ás declaracións realizadas por persoal de Gamespot na que aclaran que persoal de pel escura tiveron serios problemas co “cacharro” de Microsoft.Parece ser que a un non o identificou de forma consistente e o segundo non foi capaz de identificalo a pesar dos seus intentos de calibración..
Por outro lado,os empregados de cor branca non tiveron ningún problema aprente.
Non sei como reaccionar ante esta noticia,pero dende logo é do máis curioso que se pode escoitar, e tendo en conta que o Kinect se pon á venta hoxe en Ianquilandia pronto saberemos máis de esta noticia.

O certo é que a política que está levando a cabo Sony cos seus remake remasterizados non é exactamente a expresión da bondade pola súa parte, pero non hai que negar que agasallaron moitas alegrías aos fans dos grandes videoxogos da antiga Playstation 2, poñendo en HD sagas como as de Team ICO (ICO e Shadow of the Collosuss), Prince of Persia ou God of War.
Isto debe estar saíndo rentábel (creo que non cabe dúbida), porque cada vez se está extendendo máis estas reedicións, pero que opina a grande contraria de Sony?, pois Microsoft deixou moi claro que non está disposto a seguir a estela de Sony e as excusas:

Temos un montón de proxectos en marcha, así que a idea de remodelar títulos difícilmente encaixe no noso actual portafolio. Se con iso se aportase un valor real ao usuario habería algunha posibilidad, pero non o consideramos seriamente.

Tamén dixeron que estas remodelacións non ofrecen nada novo ao usuario a un coste bastante alto.
Así que aínda que hai xogos na Xbox que estarían suculentos nunha reedición,esquecédevos deso, e centrádevos nas sagas que poden chegar importadas da PS2.