tetris
Un estudo feito na Universidade McGill en Canadá, os doutores atoparon un interesante tratamento para a ambliopía (máis coñecida como “ollo vago”): xogar ao Tetris.

Segundo as probas feitas en 18 adultos, observouse que o xogo resulta máis efectivo como tratamento desta enfermidade, fronte ao empregado normalmente que consiste en tapar o “ollo bo”, para forzar ao “vago” a traballar máis.

Despois destes resultados positivos, agora queren facer as probas con 50 rapaces, para comprobar que se obteñen os mesmos resultados nesa franxa de idade.

Torneo do League of Legends

Por: Luns, 12 de Novembro de 2012, 21:02 1 COMENTARIO

A promoción de sexto de Medicina da USC está a organizar un torneo do League of Legends para recadar fondos para o acto de licenciatura. As bases son as seguintes:

1.- O prazo de inscrición xa está aberto. Fecharase o 3 de marzo de 2013.
2.- O torneo hase celebrar entre os días 11 e 25 de marzo. A data exacta das partidas publicarase cando haxa suficientes persoas apuntadas. Tamén se ha de ter en conta a dispoñibilidade dos xogadores á hora de escoller se se xoga entre semana ou ás fins de semana.
3.- O prezo da inscrición é de 2 € por persoa.
4.- Os premios serán RPs por valor de ao redor de 50% da recadación (ha variar segundo o número de equipas) máis os RPs que Riot Games envíe á organización do torneo. A contía destes premios de Riot saberase a finais de xaneiro, unha vez formalizado o torneo.
5.- O modo de torneo está aínda por determinar, e tamén vai depender do número de participantes.
6.- O torneo será online, no mapa 5vs5 Summoner’s Rift (Grieta del invocador en castelán) con tres bans por equipa como de costume.
7.- O mínimo de participantes será de 5 por equipa, sendo o máximo de 7. Porén, só se pagará un máximo de 10 € por equipa.

Máis info:
Correo-e: torneololsantiago@gmail.com
Grupo FB: https://www.facebook.com/groups/298634216918552/