ea-gamescom-2013
As principais novidades que Electronic Arts presentou na conferencia de onte na GamesCom 2013:

«FIFA 14»

Ademáis do xa visto na conferencia de Microsoft, anunciaron o lanzamento dunha versión de proba o vindeiro 10 de setembro e presentaron este novo tráiler:

«Command & Conquer»

Escoitando as demandas dos usuarios, EA e Victory Games anunciaron o lanzamento de novas misións para este novo lanzamento da saga, que poderemos xogar pola nosa conta ou de modo cooperativo cun amigo.

«The Sims 4»

O máis coñecido simulador social terá a súa cuarta entrega en 2014 e incluirá novas emocións e interaccións sociais, ferramentas para construir a casa dos nosos soños e obxectos cos que decoralas, tal como se pode ver no segundo tráiler.

«Dragon Age Inquisition»

Neste novo tráiler, os creadores da compañía Bioware fálannos do proceso de creación do novo universo que poderemos ver en «Dragon Age Inquisition» e as posibilidades de xogo que nos ofrecerá.

«Battlefield 4»

DICE presentou o novo modo de xogo “Obliteration” no tamén novo mapa “Paracel Storm”, modo no que poderán xogar ata 64 usuarios en dous equipos.

Tamén presentaron o «Battlefield 4 Premium» que permitirá o acceso aos 5 packs de expansión antes do seu lanzamento, previsto para o verán de 2014.

«Need for Speed Rivals»

Nun novo tráiler do Need for Speed Rivals amosaron o novo modo Undercover, onde nos infiltraremos nas carreiras ilegais para deter aos seus corredores sen ser detectado.

«Titanfall»

Novo vídeo do modo multixogador Attrition no mapa Angel City deste título co que a compañía Respawn Entertainment debuta na industria por todo o alto.

«Plants vs. Zombies Garden Warfare»

A maiores do presentado na conferencia de Microsoft, na conferencia de Electronic Arts presentaron o novo “Boss Mode” (Modo Xefe), exclusivo para Xbox One e SmartGlass, no que, a través dun dispositivo compatible con esta tecnoloxía, os xogadores poderán ver mapas tácticos do escenario, mentres controlan as unidades nunha vista en terceira persoa.


Se queredes ver de novo a conferencia completa, aquí a tedes:

simcity
Electronic Arts anunciou o lanzamento da que será a sétima actualización para o SimCity a finais deste mesmo mes.

Entre as novidades desta actualización, os xogadores atoparán unha nova ferramenta que lles permitirá crear pontes e túneles para mellorar o tráfico das cidades.

Neste vídeo, Guillaume Pierre (@MaxisGuillaume), amósanos o funcionamento desta nova ferramenta.

Recentemente, anunciaron que o videoxogo conseguíu vender xa máis de 2 millóns de copias, a pesares das críticas e problemas durante as primeiras semanas despois do seu lanzamento.

Maxis pregunta aos usuarios de SimCity

Por: Xoves, 4 de Xullo de 2013, 10:00 COMENTAR

simcity
Segundo unha enquisa enviada a certos usuarios de SimCity, Maxis podería estar plantexándose cambiar algunhas cousas no xogo que tanta polémica creou no seu lanzamento.

A obligación de estar sempre conectado e o pequeno tamaño das cidades foron dos puntos que máis molestaron aos usuarios e que agora a compañía podería estar a considerar modificar, tal e como se pode extraer dalgunhas das preguntas da devandita enquisa, onde se mencionan “cidades máis grandes” e un “modo clásico”, que permitiría aos usuarios xogar sen conexión para crear “unha cidade única e totalmente funcional onde empregar trucos e desbloqueos que permiten crear a túa cidade perfecta”.

Durante os problemas de conexión dos servidores despois do lanzamento do xogo, Frank Gibeau, presidente de EA Labels, comentou que a obligación de estar sempre conectado non tiña que ver cun sistema DRM e que formaba parte da intención da compañía de crear un servizo online.

Novos erros coa actualización 2.0 do SimCity

Por: Mércores, 24 de Abril de 2013, 19:30 COMENTAR

simcity
Esta mesma semana, Electronic Arts lanzaba o parche de actualización 2.0 para o SimCity, mais parece que, se ben este parche elimina certos erros que tiña o xogo, está a xerar outros novos, como sobrecargas na rede de sumidoiros, problemas de tráfico, de son e cargando partidas gardadas, entre outros moitos.

Como era de agardar, os usuarios non tardaron en comentar en certos foros da rede, como o oficial de EA ou Reddit, para expresar a súa ira con estes novos erros. Outros tómano con máis humor e miran o lado divertido destes erros.

Polo de agora nin Electronic Arts nin Maxis se pronunciaron ao respecto destes novos erros e se xa están a traballar nunha nova actualización que arranxe estes novos erros. Polo de agora tocará agardar a que pronto o solucionen.

SimCity para Mac en xuño

Por: Xoves, 11 de Abril de 2013, 13:00 COMENTAR

simcity
Electronic Arts anunciou que os usuarios de Mac terán que agardar ata o vindeiro 11 de xuño para poder xogar a SimCity. O xogo só estará dispoñible a través da plataforma dixital Origin. O mellor de todo é que os usuarios de Mac poderán descargar unha copia gratuita para PC e viceversa, ademáis de poder xogar as súas partidas en ambas versións.

Por outra banda, fai uns días volveu estar dispoñible no xogo a “velocidade de leopardo” (máis coñecida como “Cheetah speed”), a velocidade máis rápida do xogo, que fora desactivada debido aos problemas dos servidores de EA. Tamén recentemente anunciaron que están a traballar duro na actualización 2.0 do xogo.

simcity
A nova entrega do SimCity, a pesar da enorme polémica que está a xerar, acadou máis de 1 millón de copias vendidas nas dúas semanas que leva á venda, segundo un comunicado de Electronic Arts.

Nese mesmo comunicado, tamén incluíron outros datos de interese:

  • Os xogadores acumularon máis de 15 millóns de horas xogadas
  • Creáronse máis de 5,7 millóns de cidades.
  • Construíronse máis de 780 millóns de edificios.
  • Constríronse suficientes kilómetros de estradas e vías de ferrocarril suficientes para dar a volta ao mundo 40.000 veces.

Por outra banda, Electronic Arts afirmou que incrementou nun 400% a capacidade dos seus servidores, polo que os problemas de conexión, pode que pronto sexan cousa do pasado. Como xesto para pedir perdón, como podedes ver na súa páxina oficial, ofrecerán completamente gratis un videoxogo da seguinte lista aos usuarios polos problemas xerados.

  • Battlefield 3 (Standard Edition)
  • Bejeweled 3
  • Dead Space 3 (Standard Edition)
  • Mass Effect 3 (Standard Edition)
  • Medal of Honor Warfighter (Standard Edition)  
  • Need For Speed Most Wanted (Standard Edition) 
  • Plants vs. Zombies
  • SimCity 4 Deluxe Edition 

simcity
Segundo comentou un usuario na páxina NeoGAF, investigando algúns arquivos do novo SimCity, descubríu unha liña do código que forza ao xogo a pecharse se o usuario está máis de 20 minutos sen conexión. Comentando esa liña de código permite que o usuario siga xogando sen ter que estar conectado aos servidores de Electronic Arts. A única pega disto é que, polo de agora, non se poden gardar as partidas ao non estar conectado ao servidor.

Este descubrimento ven a continuar coa enorme polémica creada polos fallos de conexión dos servidores aos que están obrigados a conectarse os xogadores para poder xogar ao videoxogo, como xa vos comentamos anteriormente

Mentres dende Maxis (creadora do videoxogo e propiedade de EA), seguen a excusarse en que o novo SimCity é un MMO debido, segundo eles, á demanda de moitos usuarios aos que lles gustaría poder xogar e comerciar con outras cidades doutros usuarios.

Os detractores (que non son poucos…) afirman que o «sempre en liña» é un DRM disfrazado e pretende controlar aos usuarios, dende a compañía afirman que é básico para o atractivo do videoxogo.

simcity

Días despois do seu lanzamento, o SimCity segue a crear polémica entre moitísimos usuarios, debido á necesidade de estar sempre conectado á Internet e os fallos de conexión dos servidores de Electronic Arts, que impiden xogar normalmente aos usuarios. E é que se obrigas aos xogadores a estar sempre conectado, como mínimo, deberíase ter unha infraestructura adecuada para soportar a demanda, sobre todo, cando eses usuarios pagaron unha boa cantidade para poder xogar.

simcity-online

Captura de pantalla dun dos problemas de conexión.

Onte mesmo, moitos dos furiosos seguidores desta saga viron a luz, cando un usuario publicou na páxina Reddit.com que aproveitando a posibilidade de facer modificacións que ten o xogo (como nas sagas anteriores que tanto éxito tiveron e que lle deron unha enorme vida), conseguíu habilitar o modo debug (desbichador, que traduciría un antigo profesor meu… xD) que lle permitíu xogar sen ter que estar conectado. Dende EA apresuráronse a eliminar o fío dos seus foros e comentar que se o xogo require conexión online é para aproveitar ao máximo certas características deste.

Outro dos motivos das iras dos usuarios é o reducido tamaño que teñen as cidades nesta entrega, moito máis pequenas que nas anteriores.

En vez de avanzar, parece que vamos para atrás…
Moi mal, Electronic Arts, MOI MAL!!!