Podería realmente Kojima abandonar Konami?

Por: Venres, 20 de Marzo de 2015, 14:00 COMENTAR

kojima 1

Levamos unhas horas bombardeados con novas que sitúan a Hideo Kojima fóra de Konami, unha vez este acabe cos seus compromisos coa compañía xaponesa. Calquera podería pensar que se trata dun ruxerruxe como outros tantos que se reproducen polas redes a diario e que non paga a pena dedicar máis atención, e pode que en parte sexa certo.

Mais é ben certo tamén que esta información percorreu practicamente a totalidade dos blogs de todos os países, moitos deles coñecidos porque acostuman dar sempre con este tipo de cousas. Certo é que nin eu nin ninguén do equipo de Memoria Pixelada ten a sorte de ter o señor Kojima nun grupo do Whatsapp nin queda con el aos sábados para xogar ao mus, polo que a nivel informativo pouco máis podemos achegar fóra da pura especulación.

Canto á miña opinión, non me sorprendería esta decisión. Sempre foi coñecido por constantes mudanzas de opinión, agora fago un novo Metal Gear, despois digo que quero dedicarme a outras cousas, un mes despois anuncio que hai unha nova edición en camiño e que non participo activamente nela, e un anaco despois digo que todo o equipo de desenvolvemento está formado por mancos e que paso a desenvolvelo case en solitario. Así é Kojima, coñecido ególatra e tirano, mais que por unha razón ou por outra, todo o que toca faise ouro, e non é algo que Konami estivese disposta a perder.

Os anxos de Kojima

Os mercenarios 4

Non foron unha nin dúas veces as que Kojima practicamente deixou entrever a sua saída de Konami e o certo é que nunca se acabou de cumprir. Será esta a definitiva?

As fontes dan por feita non só a súa marcha, senón tamén a doutros nomes importantes do equipo creativo, e mesmo achegan información que suxire que en Konami lles foi restrinxido o acceso ao correo, documentos internos e contactos, dada a inminencia desta situación. Alén disto apúntanse outros movementos, como a retirada da marca Kojima Productions de todas as producións propiedade de Konami, o que parece indicar que tanto Kojima como o seu equipo partirán durante este ano como un estudio independente.

Do que podedes estar seguros é que Kojima non é un home que se retire da imaxe pública sen máis e que, por certo, sen Kojima non imos quedar.

castlevania 2

Mentres agardamos ansiosos á segunda entrega de Castlevania: Lords of Shadow 2, Konami pon data á saída do seu pack denominado Castlevania: Lords of Shadow Collection.

A data de saída será o 7 de novembro para Xbox 360 e Playstation 3 e o pack contará con:

  • Castlevania: Lords of Shadow
  • Castlevania: Lords of Shadow Reverie e Resurrection (DLC)
  • Castlevania: Lords of Shadow Mirror of Fate HD
  • Demo de Castlevania: Lords of Shadow 2

Podedes ler a análise de Castlevania: Lords of Shadow aquí.

Campionato mundial de PES 2013

Por: Luns, 30 de Setembro de 2013, 10:00 COMENTAR

pes-world-finals
Esta pasada fin de semana celebrouse, no marco da feira GAMES13 no World Trade Center de Dubai, o campionato mundial de PES 2013, organizado pola propia Konami.

O gañador, o alemán Patrick Maier, recibirá un premio de 10.000 €, mentres que o finalista, o brasileiro Allison Black, recibirá 5.000 € de premio. A final foi moi pouco disputada ao gañar o alemán por 4 goles a 1.

Neste torneo participaron 30 dos mellores xogadores de todo o mundo, entre eles os españois Pau Lara, Manuel Sánchez e Ignacio Parés.

Ademáis deste campionato, tamén se puido probar a nova entrega PES 2014 e presentouse o novo Castlevania: Lords of Shadow 2 e a recopilación do Metal Gear.

pes-2014
Adam Bhatti (@Adam_Bhatti), director da comunidade PES en Europa, explicou porqué a nova entrega non terá moitas das características habituais.

Por unha banda, o xogo non contará co efecto da choiva, segundo di, debido a problemas técnicos,

“A choiva non foi implementada no 2014 porque tivemos que reformular o xogo e comezar dende cero.”

“Mentres que implementar un simple efecto de choiva é viable, necesitamos pensar como afectará á xogabilidade. Isto inclúe que o céspede se volva esvaradío, o efecto do bote do balón e sobre a potencia dos xogadores do equipo”

“Imos tentar traballar máis este ano para ter estes elementos implementados para o 2015.”

En canto a ausencia dos principais estadios europeos e ningún español, culpou diso á agresiva estratexia de Electronic Arts firmando contratos de exclusividade con numerosos equipos, imposibilitando a inclusión dos seus estadios no PES.

“EA foi extremadamente agresiva firmando acordos con clubes e ligas este ano e é por iso que non podemos incluír os principais estadios europeos e ningún estadio español. A xente estaba preocupada cando anunciaron estes acordos de exclusividade cos equipos españois. Iso significa que nós non podemos incluír o seu estadio, entre outros.”

“Estas novas chegáronnos moi tarde, xerándonos un problema de tempo, xa que significaba que non tiñamos tempo para reconstruír outros estadios para reemprazalos. Por iso o PES 2014 soamente contará con 20 estadios.”

“Ademáis do tema das licenzas, o Editor de estadios foi eliminado. Isto, personalmente, é o maior golpe. Non podo falar moito, pero fixo que o equipo entendese máis que nunca o tema da adquisición de licenzas e estamos determinados a loitar nese sentido para o vindeiro ano. Se as cousas son elimidadas do modo edición por temas de licenzas cada ano, sería como eliminar a alma do PES e non debemos permitir que iso suceda.”

O lanzamento do PES 2014 está previsto para o vindeiro 20 de setembro para PC, PlayStation 3 e Xbox 360.

Había dúbidas se esta recopilación de títulos da saga Metal Gear Solid chegaría á Europa, mais Konami acaba de confirmar que si, que MGS: The Legacy Collection chegará a todas as tendas europeas.

Para aqueles que non saibades o contido deste pack aquí vos vai:

Metal Gear Solid, Metal Gear Solid 2: HD Edition, Metal Gear Solid 3: HD Edition -que inclúe os títulos orixinais de MSX Metal Gear e Metal Gear 2-, Metal Gear Solid: Peace Walker HD Edition, Metal Gear Solid: Special Missions e Metal Gear Solid 4: Trophy Edition.

A parte disto, tamén se engaden dúas novelas gráficas ilustradas polo artista Ashley Wood que nunca viron a luz no territorio europeo.

O día concreto aínda se descoñece, mais si que sabemos que será o próximo mes de setembro cando MGS: The Legacy Collection aterrará en PS3.

Metal-Gear-Solid-Legacy

Parece que os rumores estanse cumprindo, xa que Konami acaba de confirmar a saída no continente americano de Metal Gear Solid: The Legacy Collection para este mesmo verán.

A mencionada recopilación (ninguén quere deixar de explotar os seus xogos clásicos) incluirá:

Metal Gear Solid, Metal Gear Solid 2: HD Edition, Metal Gear Solid 3: HD Edition, Metal Gear Solid: Peace Walker HD Edition, Metal Gear Solid: VR Missions,Metal Gear Solid 4: Trophy Edition e as dúas novelas gráficas de Ashley Wood.

Se a isto lle engadimos que o Metal Gear Solid 3: HD Edition inclúe Metal Gear e Metal Gear 2: Solid Snake, temos un pack da saga bastante completiño non?

Por certo, aínda non se sabe o prezo desta colección, nin sequera está confirmado que chegue ao noso continente, pero só é cuestión de tempo.

10 primeiros minutos de “NeverDead”

Por: Martes, 17 de Xaneiro de 2012, 9:45 COMENTAR

Un xogo no que o seu protagonista é inmortal e vai perdendo partes do seu corpo que debe ir recollendo é un plantexamento que chama a atención a calquera, pois precisamente é o que pretende Rebellion e Konami con este NeverDead.

Por iso non está demáis observar os primeiros minutiños do xogo para que saibades se é do voso estilo ou non. Control en terceira persoa, seres extraños e disparos por todos os lados. Pola contra o movemento do protagonista non me gusta demasiado e o apartado técnico gústame só por momentos.

Esta é a miña valoración para este vídeo, pero teño esperanzas de que o xogo sexa algo máis que o que vemos, e para iso teremos que agardar até o 3 de febreiro, que queiramos ou non, xa está aquí.

A terceira grande feira sobre videoxogos comezará dentro de moi pouco. Un mes falta para que o Tokyo Game Show abra as portas un ano máis, e como sempre algunhas compañías sacan á luz os títulos que van mostrar alí.

A primeira en reaccionar foi a Konami, que publicou unha listaxe dos videoxogos que estarán no Tokyo Game Show en versión xogábel ou non.

Continuade a ler para ver estes títulos.

Ler o resto da entrada »

Unha saga emblemática volve ás nosas consolas nun título que mestura a esencia de moitos videoxogos, para dar un resultado óptimo pero pouco orixinal.
Nós controlaremos a un cabaleiro nunha perspectiva en terceira persoa na cal buscaremos resucitar a nosa amada, e para iso teremos que facer fronte a toda unha serie de señores escuros que nos poñerán as cousas máis complexas.
Na nosa posesión teremos a cruz-látigo que iremos mellorando para conseguir novos movementos como a posibilidade de balancearse, serrar estatuas, etc, etc, pero para aumentar as posibilidades do noso personaxe tamén poderemos usar orbes de luz e orbes escuros que converten a Belmont no guerreiro adecuado para cada momento.
Con todas estas posibilidades superaremos escenarios dando caza a decenas de inimigos e superando diversidade de puzles. Aquí xa teño que darlle un punto positivo a Castlevania, xa que nunha etapa na que os puzles de verdade deron paso a pequenos enigmas que apenas supoñen ningunha dificultade, Lords of Shadow recupera a esencia dos xogos antigos e absolutamente toda a aventura está salpicada de puzles de gran diversidade, moitos deles de gran orixinalidade e que vos obrigarán a pensar a súa solución. Pero claro, Mercury Steam sabe que nesta etapa os videoxogadores non queren ter a máis mínima dificultade á hora de xogar, e puxeron a posibilidade de que a propia consola os solucione, detalle que non me pareceu demasiado apropiado. Por suposto, recoméndovos que non usedes esta opción, xa que o mérito recae precisamente en solucionalos por un mesmo.
Como é obvio, o xogo non só está composto por puzles, xa que os monstros finais tamén se dan cita nesta aventura, pero teñan as súas contras. A principal contra é que moitos destes inimigos son plaxios de outros videoxogos e os máis salientábeis son os que se parecen aos de Shadow of the Collosus, e cando me refiro a plaxio estoume a referir a que incluso os movementos predeterminados do propio coloso son idénticos ao do xogo de Team Ico, e a forma de eliminar tamén é igual. Aínda así non nos vamos enganar, a diversión está asegurada igual que a espectacularidade, pero levando a cabo esta estratexia consegue que estes inimigos non sorprendan como deberían.

Por suposto, non todos inimigos son desta forma, hai moitísimos inimigos finais e cada un coa súa forma de eliminar.
Como xa dixen anteriormente, para chegar ao final de cada nivel deberemos superar as zonas de plataformeo, para isto deberemos usar todos os nosos poderes e habilidades, incluso deberemos domesticar algún inimigo grande para montarnos enriba del e superar zonas específicas. Si, igual que acontecía no God of War, e aquí está o seguinte plaxio, xa que incluso a disposición dos botóns está posta de forma idéntica ao Godo f War, golpe feble, golpe duro e agarre. Está xustificada esta imitación?, eu teño as miñas dúbidas, pero como o movemento é igual de bo que o do xogo de Kratos non se pode dicir nada.
Tamén é salientábel mencionar a cámara, para min idéntica o da saga Onimusha, é dicir, cámaras fixas que amosan os paisaxes máis espectaculares e as zonas máis importantes, pero isto trae consigo un pequeno lastre, xa que nalgunhas zonas de plataformeo resulta bastante incómoda esta cámara xa que non che indica demasiado ben para onde te tes que dirixir, e na zona de saltos pode frustrar algún destes intentos.

Aínda así, falo de momentos puntuais que non fan resentir o desenrolo do videoxogo.
Pero do que si que pode alardear este Castlevania é do seu apartado técnico, tanto a nivel gráfico como a nivel sonoro.
Graficamente é moi impresionante no que amosa uns escenarios realmente bonitos e preciosistas, sempre repleto de cousas no que nunca existirá a sensación de baleiro. O deseño dos protagonistas un tanto do mesmo, unha realización espléndida que non deixa a ninguén indiferente, iso si, como opinión persoal ségueme sen convencer a cara do noso protagonista, prodúceme máis sensación de neniño que de persoa exterminadora de todo tipo de seres malignos.
A banda sonora tan épica como o propio videoxogo, fai resaltar o que verdadeiramente quere Mercury Steam, grandeza.
Ademais, falamos dun videoxogo que supera as vinte horas de duración (poucos videoxogos de aventuras poden dicir isto), o cal me sorprendeu moi gratamente.
Así, Castlevania: Lords of Shadow é un título que mestura o mellor de diferentes videoxogos para un resultado moi divertido, entretido e variado, con momentos verdadeiramente épicos, e outros máis machacabotóns. Pero nas vinte horas que dura non aburre en absoluto ( se che gusta o xénero, por suposto), e para poñer a guinda ao pastel, o argumento está moi ben contado e cun final que sorprende a todo o mundo…… iso si, deberás pasalo para velo cos teus propios ollos.