Xbox One recibe un novo SDK

Por: Luns, 5 de Xaneiro de 2015, 12:00 COMENTAR

Xbox One recibiu un novo SDK o pasado 12 de Decembro, que supostamente é a causa da mellora de rendemento da máquina.

Deste modo, esta nova versión do SDK optimizaría a xestión da memoria eSRAM, que permite ós desenvolvedores facer operacións que ata agora non podían. A maiores destas mellora, supostamente os desenvolvedores son quen de activar e traballar con 7º núcleo do procesador da consola dende Outubro, o que permite aumentar o rendemento do mesmo ata un 15%, ca limitación de non poder usar o Kinect, xa que dito núcleo estaría dedicado ó seu manexo, polo que para poder aproveitar esa potencia extra a cámara ten que estar desactivada.

kinect

 

 

Microsoft anunciou que o Kinect orixinal, que apareceu en 2010 como un complemento para Xbox 360, deixará de estar nas tendas durante este ano 2015 que recén comenzou.

Deste modo, Microsoft despexa o camiño para a segunda versión do Kinect, que é o empregado pola Xbox One, que inclúe entre outras novidades a grabación en Full HD e a posibilidade de sacar todo o xugo ó SDK 2.0.

kinect-xbox-one
Tal como aparece na páxina Xbox.com, os comandos por voz do novo Kinect, que tanto promocionou Microsoft durante a presentación da súa nova videoconsola en maio e durante a conferencia de Microsoft na E3 en xuño, só estarán dispoñibles nos idiomas de 5 dos 13 mercados nos que sairá á venda o vindeiro novembro.

Segundo a nota nº 6 ao pé da páxina, os países afortunados son Alemaña, Canadá, Estados Unidos, Francia e o Reino Unido:

6 Os comandos por voz da Xbox One non estarán dispoñibles en todos os mercados na data de lanzamento. Os comandos por voz estarán dispoñibles no lanzamento nos Estados Unidos, Reino Unido, Canadá, Francia e Alemaña.”

O resto de mercados terán que agardar por unha actualización do sistema para ser compatibles co idioma local.

kinect-xbox-one
Nunha entrevista concedida a un importante medio da industria dos videoxogos (da que non imos facer publicidade, para iso estamos nós, para informarvos… 🙂 ), Mark Whitten (@notwen), xefe de arquitectura da plataforma de Xbox One, a nova videoconsola de Microsoft poderá funcionar perfectamente sen o Kinect conectado, como ata agora parecía que ía ser.

Para os máis “conspiranoicos” a obriga de ter o Kinect conectado para poder xogar era unha simple excusa para que puideran espiarnos mentres xogabamos coa videoconsola (non creo eu que aos da CIA lles fose interesar moito verme xogando, a verdade…), pero segundo esta nova, parece que poden quedar tranquilos, pois non será necesario ter conectado o dispositivo.

“Como o online, a videoconsola funcionará sen o Kinect conectado, aínda que non poderás empregar calquer función ou experiencia que requira explícitamente o sensor.”

Parece que os de Redmond queren recuperar a confianza que moitos perderon despois do anuncio da Xbox One e as súas polémicas políticas.

xbox one one
Tal como confirmou Ken Lobb, director creativo de Microsoft Game Studios nunha entrevista durante a presentación da nova entrega do Killer Instinct na Comic Con de San Diego, a Xbox One gravará automáticamente os últimos 5 minutos de xogo no disco duro da videoconsola, función á que lle deron o nome de Project Upload.

“Déixame darche dous exemplos: Estás a xogar online e acabas de facer o teu mellor combo. Como estás xogando online non podes pausear a partida. Simplemente tes que dicir “Xbox, grava iso” e automáticamente gardará os últimos 30 segundos para que o poidas ver máis tarde.
Agora imaxina que non estás a xogar online e fas o teu mellor combo. Podes rematar esa pelexa e escoller dentro dos últimos 5 minutos de xogo e coller 10 segundos de aquí, 30 segundos de alá e ese ultra-combo
Incluso poderás poñer voz ao video e poñer un pequeno cadro coa captura da cámara do Kinect.”

kinect-xbox-one
Segundo Microsoft, non hai plans para facer que o novo Kinect, que incluirán todas as consolas Xbox One, sexa compatible co PC.

“O sensor Kinect para Xbox One sensor non terá un adaptador que permita conectalo a un ordenador.”

A nova xeración de Kinect para Windows terá un conector estándar USB3, mentres que o da Xbox One empregará un conector propietario que o fará incompatible, entre outras cousas, segundo Microsoft.

Esta é unha mala nova para os creadores de software compatible con Kinect para PC, que verán enormemente reducido o posible mercado que suporían todos os xogadores que nun futuro teñan unha Xbox One.

Dentro do malo, cabe agardar que a comunidade de usuarios chegue a conseguir algún método para facer que si sexa compatible, aínda que dende Microsoft xa se apresuraron a dicir que Kinect non é licenciado para uso comercial, nin soportado ou nin con garantía cando se emprega noutra plataforma que non sexa Xbox One, incluído Windows.

A Xbox One foi revelada antes de tempo

Por: Mércores, 5 de Xuño de 2013, 20:31 COMENTAR

XboX One

Presentámosvos en exclusiva mundial o deseño definitivo da nova Xbox One.

Vía | Know Your Meme

xbox-720

Segundo a última filtración na web VGLeaks de varias capturas de pantalla do Kit de Desenrolo da vindeira videoconsola de Microsoft (nome en clave: “Durango”) requerirá a instalación de todos os videoxogos no disco duro, do que aínda se descoñece a capacidade, pero que segundo parece terá suficiente para un bo numero de xogos. Se ben os xogos serán distribuídos en discos BluRay, éstes servirán simplemente como método de distribución, pois non se poderá xogar directamente dende eles.

xdk1

Imaxe do instalador do kit de desenrolo.

Por outra banda, a videoconsola terá a función “Sempre acesa, sempre conectada” que permitirá a inmediata dispoñibilidade para que os xogadores non teña que agardar reiniciando a videoconsola ou instalando actualizacións, cun mínimo consumo de enerxía. Pese a esta política, similar a anunciada para a PlayStation 4, xa hai voces que critican que esa funcionalidade “sempre conectada”, só será un xeito de enmascarar un sistema antipiratería e que posiblemente sexa a que acabe co mercado de videoxogos de segunda man.

xdk5

Descrición das principais características do hardware

Segundo as imaxes tamén parece confirmarse o rumor que dicía que tería un novo sensor Kinect con maior sensibilidade.

Fonte das imaxes: VGLeaks.com

Filtrados os datos do novo sensor Kinect

Por: Venres, 22 de Febreiro de 2013, 10:00 COMENTAR

kinect
Hai uns días publicaron na web VGLeaks as características do sensor Kinect da vindeira videoconsola de Microsoft (nome en clave: Durango), da que tamén filtraron algúns datos tempo atrás.

Polo visto, todas as novas consolas incluirán este novo sensor, moito máis avanzado e con maior precisión que o seu predecesor.

Entre as novas características cabe salientar:

  • Un maior ángulo de visión: que pasa dos 57.5º horizontais e 43.5º verticais a 70º e 60º, respectivamente.
  • Calidade de vídeo: dos 640×480 píxeles a 15 fps, chegará aos 1920×1080 píxeles a 30 fps.
  • Calidade do sensor infravermello: dos 320×240 píxeles actuais aos 512×424 píxeles.
  • Latencia: baixa dos ~90ms actuais a ~60ms, co que terá unha resposta máis rápida aos nosos movementos diante do sensor.

Con todas as melloras anteriores, os rumores falan que este novo sensor permitirá recoñecer ata 6 xogadores ao mesmo tempo (claro que a ver quen ten un salón cun tamaño suficiente para 6…) e incluso será capaz de recoñecer se temos as mans abertas ou pechadas.

Máis datos na web VGLeaks

Scott Henson e Nick Burton como portavoces da Rare estiveron a falar sobre Adolf Kinect nunha entrevista. E non dubidaron en declarar o seguinte: “Kinect 2 xa está aquí”.

Segundo eles non significa que haxa outro cacharriño mellorado, se non que desde que se lanzou a cámara da Microsoft as melloras foron moi pronunciadas e xa podemos a falar dunha segunda xeración de videoxogos para o Kinect.

Ao longo das súas conversas desfixéronse en loubanzas para este aparello dicindo que o Kinect é todo software (con excepción da barra sensora), polo que se pode mellorar continuamente. E disque actualmente só se aproveitou entre 10 e 15% das posibilidades.

Xa hai ben tempo que sei que a Rare non é o que era. De feito nin se debería permitir o luxo de se chamar así, porque moitos pódena confundir coa Rare que creou grandes xoias como Banjo Tooie, Donkey Kong Country ou GoldenEye.

Kinect continúa eliminando especies

Por: Mércores, 26 de Xaneiro de 2011, 12:59 3 COMENTARIOS

Anteriormente xa dixen que o Kinect era un ser maligno, e pouco a pouco e indirectamente está rematando con todos os seres vivos da Terra.

Parece algo cómico pero a súa conquista avanza sen pausa, e individuo a individuo vamos caendo todos.

O seguinte vídeo amosa un exemplo no que demostra que incluso ataca aos humanos.

Facédeme caso e pechade as portas, bloqueade as ventás e sobre todo non permitades que o Kinect entre nas vosas vidas.

http://www.youtube.com/watch?v=G9cKN-2Us8Y&feature=player_embedded

A perigosidade de Kinect

Por: Domingo, 23 de Xaneiro de 2011, 18:25 COMENTAR

Fake ou non Fake, o seguinte vídeo amosa que o Kinect non é un artiluxio benévolo, máis ben é un artefacto creado por mentes perversas para destruír pouco a pouco as especies do planeta.

http://www.youtube.com/watch?v=mJGWRNiDSp0&feature=player_embedded