A nova IP de Bioware atópase nunha fase xogábel

Por: Martes, 24 de Decembro de 2013, 15:38 COMENTAR

BiowareSpikeTV

Dende fai un tempo sabemos que Bioware traballa nunha nova entrega de Mass Effect (si,despois de todo o batifundio provocado polo polémico final da triloxía), pois grazas a Casey Hudson, productor executivo desta serie asegurou que xa está nun estado suficientemente avanzado como para xogalo.

Non só iso, senón que tamén están a traballar nunha IP completamente nova, da que tamén asegura que está nunha fase de creación moi avanzada.

Nun primeiro momento podemos supoñer que se trate dunha entrega de Star Wars, mais o feito de que sexa unha IP completamente nova fainos descartar esta posibilidade.

Agardaremos máis novas sobre estes proxetos, porque se Bioware foi un dos estudos a resaltar na actual/anterior xeración, nos anos próximos promete seguir dando que falar.

Killzone-Shadow-Fall

Guerrila Games chegaron á boca de todo o plante grazas a un nome, Killzone. Dende que a primeira entrega aterrara na PS2 a saga non parou de evolucionar para ofrecernos guerras frenéticas e futuristas.

Pois ben, parece que Guerrilla non quere cerrar portas na inminente nova xeración (si, excluín á Wii U), e o deseñador gráfico, Eric Boltjes, comentou que parte do equipo xa está a traballar nunha nova IP diferente a Killzone:

Como estudo queremos diversificar a nosa actividade, e comezamos a trballar nunha nova IP, algo completamente diferente a Killzone. Non quero dicir nada ao respecto neste momento, pero queremos facer algo fresco.

Agardaremos nova información deste novo xogo.

A vós que vos parece este cambio de rumbo na compañía?

shigeru-miyamoto

Sobran as presentacións para Shigeru Miyamoto, creador de Mario, Zelda ou Donkey Kong, está a preparar un novo videoxogo o que conleva que todos estemos ás expectativas por cada pinga de información que nos comparta.

Polo de momento sabemos que será unha IP completamente nova (estaremos ante o principio doutra saga clásica de Nintendo?) e polo que comentou o propio autor:

Atópome cada vez máis ocupado con este novo videoxogo

Podemos intuír que o título está nunha fase de desenvolvemento avanzada para poder presentalo nun futuro próximo.

Agardaremos ese momento, porque o principal corazón de Nintendo está de volta cun título completamente novo, calquera cousa pode ocorrer.

criterion games

A excelente compañía Criterion Games foi, é e será famosa polos seus títulos de condución, mais parece ser que no seu próximo videoxogo queren alonxarse desta temática.

Así o afirma Alex Ward, director creativo da compañía:

Moitos de vós preguntades se hai algún novo Need for Speed pola nosa parte, e incluso un Road Rash. Pois ben, aínda que me gusten estos xogos, persoalmente non estou realizando ningún.

Despois dunha década facendo este tipo de xogos é o momento de facer algo novo.

Aínda é cedo para anunciar nada, mais se esperas un gran anuncio sobre Bornout ou un remake de Underground, entón vamos decepcionarte.

Se facemos algo de memoria recordaremos que na PS2 realizaron un FPS baixo o nome de Black e resultou ser do máis espectacular, aínda que segundo parece, deron a entender que a súa próxima obra será unha IP nova.