A primeira vez que escoitei que Sony pretendía lanzar ao mercado unha reedición dos xogos de Team Ico, ICO e Shadow of the Colossus o sangue subíume de temperatura un par de graos polo menos, e máis tendo en conta que xa son practicamente imposíbeis atopalos por separado para a PS2.

No meu caso xa xogara a estes dous títulos na mencionada Playstation 2, mais non me din resistido volvelos a rememorar, e aínda que tiña certo medo que non me namoraran tanto como o fixeran da primeira vez (moitas das cousas que lembramos non son reais), volvérono conseguir…e de que maneira.

Ler o resto da entrada »

Como saberedes Sony sacará a reedición e remasterización de dous grandes clásicos da PS2, o ICO e o Shadow of the Colossus. Estes títulos estarán á nosa disposición o día 30 de outubro, polo que xa está a piques de volver a conquistar os nosos corazóns.

Como é habitual, podemos ver o tráiler de lanzamento desta pequena gran xoia.

Se sodes dos desafortunados que non puidestes desfrutar destes dous videoxogos, facédevos un favor a vós mesmos, e botádelle un ollo.

Xa sabiamos que este ano teriamos nas nosas mans a remasterización de dúas obras mestras (sen exaxerar nin un chisco) da PS2. Estes dous prodixios de videoxogos son criaturas do Team ICO. Obviamente estoume a referir ao ICO e Shadow of the Colossus.

Agora por fin sabemos a data exacta en que poderemos aproximarnos á calquera tenda e adquirir este pack para volver desfrutar de dúas máxicas aventuras, ese día é o 29 de setembro.

Que é o que engaden a maiores? Honestamente penso que é totalmente irrelevante falando de tales videoxogos, mais para a vosa información contarán con trofeos, permitirán 3D estereoscópico, temas para as nosas consolas e material inédito dos dous videoxogos. Unha miseria comparado coa grandeza de ambos os xogos.

Cada vez gosto menos destas remasterizacións (máis que nada porque as compañías aprovéitanse demasiado delas). Mais pensemos un pouco, estamos a falar do ICO e Shadow of the Colossus, sobran as palabras.

O primeiro que vos direi é que nunca fun demasiado seguidor destas versións HD, nas cales na maioría das veces case non se toca o xogo orixinal e cóbrannolo como novo.

Mais neste caso estamos ante algo realmente grande, e non só pola propia calidade dos videoxogos (que é algo incuestionábel) senón porque se fixo un traballo realmente bo nesta revisión HD. É impresionante como se ven estes dous videoxogos, asegúrovolo. Revivir estas dúas aventuras máxicas e todo cun apartado gráfico mellorado e en alta definición ten que ser espectacular.

Para que o vexades cos vosos ollos déixovos os dous vídeos que case me fan mexar por min.

Desfrutade como merecen estas dúas xoias dos videoxogos.

[Planeta Phixel] Entrevista a ICO

Por: Mércores, 15 de Setembro de 2010, 15:11 COMENTAR

ico 2

Moi boas tardes a todos os lectores que seguen as mellores entrevistas de toda a rede. Se anteriormente tiveramos a sorte de poder falar con Mario, desta volta continuamos no planeta Phixel e déronnos a oportunidade de conversar con ICO.

-Xa fai moitos anos que sufriches aquel percance naquela illa misteriosa, pero podes explicarnos coas túas palabras o que supuxo en ti?

-Xa estou ata os collóns da mesma pregunta e xa me canso de repetir o de sempre, uns piiiiiiiiiiiiii (pitido de censura) pensaron que estaba posuído e quixéronme encerrar par sempre, despois saín daquela cárcere e non sei como piiiiiiiiiiiiii sobrevivín.

-Parece que o noso convidado ten mal xenio, pero por favor ICO, pediríache que falases correctamente e non empregases palabras mal soantes.

-Eu vou falar como me sae da piiiiiiiiiiiiiii, piiiiiiiiiiiiiiii.

-Como inflúen esos cornos na túa vida social?

-Xa tivo que saír o piiiiiiiiiii tema, pois imaxínate ti, nos cines molesto aos de atrás, non podo poñer gorros,case non collo dentro dos coches…como ves non estou moi contento con eles, así que como volvas falar de eles, utilizaréinos para facerte calar piiiiiiiiiii.

-Tranquilo, aquí respetamos aos entrevistados, así que non tocarei máis o tema. E cambiando de conversa, onde se atopa Yorda?

-A verdade é que me denunciou e púxome unha orde de alonxamento,porque parece ser que a quixen secuestrar. Todo empezou despois de que saíra de aquel cilindro onde me deixaron os piiiiiiiiiii, xa que a ela atopeima un pouco despois, e aínda que eu sempre a levaba pola man para sacala de alí e afastala daqueles monstros, ela alegou intento de secuestro.

-Pero como é posíbel iso se ti o que querías era axudala?

-Si, pero parece ser que nunca existiron tales seres,ela estaba de visita no castelo e foi cando a comecei a levar conmigo

-Entón aqueles seres dos que falas foron imaxinación túa?

-Ehhhh…., a verdade é que estou ingresado nun psiquiátrico por delirios,alucinacións e non sei que máis cousas dixeron, e ademáis aquel día estaba borracho de todo, por iso me deron collido aqueles piiiiiiiiiiiiii, así que non sei se existían de verdade ou non, cada un que pense o que lle saia dos piiiiiiiiiiiiii.

-Tranquilo,tranquilo, xa só me faltan un par de preguntas para rematar

-Pois vai apurando que me canso de verche esa piiiiiiiiii cara.

-Contan as historias que teu pai foi un heroico home que fixo fronte a temíbeis criaturas,canto hai de certo nisto?

-Pódesllo preguntar ti cando queiras, xa que reside na habitación 415 no mesmo psiquiátrico no que me teñen vivindo a min

-E para rematar, aclarácheslle a toda a sociedade que esos cornos non son ningunha maldición,se non un defecto xenético?

-Díxenche que non volveses sacar o tema maldito piiiiiiiiiiiiiiiiii,vas ver para que serven os cornos, toma, toma, toma,toma piiiiiiiiiiiiiiiiiiiii,piiiiiiiiiiiiiiiiiiii

Imaxes censuradas por agresividade

Dez minutos despois:

-Sentimos o acontecido anteriormente, informamos que o anterior periodista resultou ferido de gravidade aínda que agora está estable, parece mentira que un corpo tan pequeno poida facer tanto dano,en fin ata aquí a entrevista de hoxe