Podería realmente Kojima abandonar Konami?

Por: Venres, 20 de Marzo de 2015, 14:00 COMENTAR

kojima 1

Levamos unhas horas bombardeados con novas que sitúan a Hideo Kojima fóra de Konami, unha vez este acabe cos seus compromisos coa compañía xaponesa. Calquera podería pensar que se trata dun ruxerruxe como outros tantos que se reproducen polas redes a diario e que non paga a pena dedicar máis atención, e pode que en parte sexa certo.

Mais é ben certo tamén que esta información percorreu practicamente a totalidade dos blogs de todos os países, moitos deles coñecidos porque acostuman dar sempre con este tipo de cousas. Certo é que nin eu nin ninguén do equipo de Memoria Pixelada ten a sorte de ter o señor Kojima nun grupo do Whatsapp nin queda con el aos sábados para xogar ao mus, polo que a nivel informativo pouco máis podemos achegar fóra da pura especulación.

Canto á miña opinión, non me sorprendería esta decisión. Sempre foi coñecido por constantes mudanzas de opinión, agora fago un novo Metal Gear, despois digo que quero dedicarme a outras cousas, un mes despois anuncio que hai unha nova edición en camiño e que non participo activamente nela, e un anaco despois digo que todo o equipo de desenvolvemento está formado por mancos e que paso a desenvolvelo case en solitario. Así é Kojima, coñecido ególatra e tirano, mais que por unha razón ou por outra, todo o que toca faise ouro, e non é algo que Konami estivese disposta a perder.

Os anxos de Kojima

Os mercenarios 4

Non foron unha nin dúas veces as que Kojima practicamente deixou entrever a sua saída de Konami e o certo é que nunca se acabou de cumprir. Será esta a definitiva?

As fontes dan por feita non só a súa marcha, senón tamén a doutros nomes importantes do equipo creativo, e mesmo achegan información que suxire que en Konami lles foi restrinxido o acceso ao correo, documentos internos e contactos, dada a inminencia desta situación. Alén disto apúntanse outros movementos, como a retirada da marca Kojima Productions de todas as producións propiedade de Konami, o que parece indicar que tanto Kojima como o seu equipo partirán durante este ano como un estudio independente.

Do que podedes estar seguros é que Kojima non é un home que se retire da imaxe pública sen máis e que, por certo, sen Kojima non imos quedar.

ground zeroes

Todos coñecemos a Hideo Kojima e a súa maneira de “hypear” os seus videoxogos, e como o vai facer coa súa nova entrega de Metal Gear Solid? pois xustamente desta maneira:

Estou preocupado porque o xogo é demasiado grande, 200 veces máis grande que Ground Zeroes.

Ground Zeroes, que servirá como prólogo até a chegada da quinta entrega de Metal Gear sairá o 18 de marzo e está a ter boa crítica, mais sabemos que non é precisamente un prólogo moi longo, algo que queren compensar con Phantom Pain.

Realidade nas palabras de Kijoma ou simplemente publicidade para que o seu xogo estea na boca de todos?

Vós diredes.

Kojima asegura que a IA de MGS5 será impredecíbel

Por: Martes, 17 de Setembro de 2013, 14:44 COMENTAR

Metal-Gear-Solid-5-caballo

O pai da saga Metal Gear Solid, Hideo Kojima, asegurou que habería unha demostración desta esperada quinta entrega no Tokyo Game Show, aínda que afirmou que será difícil seguir un guión nesa Demo, xa que a Intelixencia Artificial do título é totalmente impredecíbel.

Se ides ver a demostración no evento, quizais teña que parar polos erros. O comportamento do inimigo é diferente cada vez, e non podo facer nada, porque non podo predicilo.

Se me atopan mentres xogo, quizais non sexa posíbeñ que remate a presentación como tiñamos pensado.

Persoalmente paréceme unha estratexia máis de Hideo para manternos atentos a esta presentación, algo que non me explico, porque só co nome xa emociona a todos os seus fans.

En fin, miremos a ver que Kojima mete a zoca na presentación.

mgs5
Segundo as declaracións de Hideo Kojima nunha entrevista durante a celebración do E3 2013 fai uns días, en Metal Gear Solid 5: The Phantom Pain os usuarios poderán crear as súas propias misións de xogo, grazas sobre todo, á maior libertade de acción e movemento que o xogador terá dentro do mundo do xogo.

O primeiro motivo polo que quixen facer un mundo aberto é porque quería crear un mundo con maior libertade e que permitise aos usuarios crear o seu propio xogo.

O outro motivo é que queriamos empregar múltiples dispositivos para este xogo. Así que empregando tablets e smartphones tamén podes desfrutar MGS5 e crear misións propias dentro do mundo. Ese é outro motivo polo que tiñamos que facer un mundo aberto – se fose lineal, non poderiamos facer iso.

Na entrevista, non entrou en moitos detalles sobre á que se refería exactamente coas “misións creadas polos usuarios”, pero a posibilidade de poder crealas nun mundo de Metal Gear Solid é enorme.

Por outra banda, Kojima anunciou que Metal Gear Solid terá unha gran sorpresa nas tendas para os fans de MGS, deixando entrever unha innovadora característica nunca antes vista.

Esta nova entrega da saga Metal Gear Solid, aínda sen data de lanzamento confirmada (previsto para este 2013, iso si), estará dispoñible para PlayStation 3, PlayStation 4, Xbox 360 e Xbox One.

No trailer de MGS 5 que puidemos ver durante a conferencia de Microsoft no E3 puidemos ver, ademáis do mundo aberto, efectos meteorolóxicos en tempo real, varios tipos de transportes, paso do tempo realista, entre outras cousas. Por se aínda non o víchedes:

Eran moitos os rumores indicando que o próximo título do aclamado Hideo Kojima estaba estreitamente relacionado con The Phantom Pain, un enigmático tráiler que apareceu meses atrás.

Agora xa podemos confirmar oficialmente que este The Phantom Pain é o sobrenome da quinta entrega de Metal Gear Solid, despois de que Hideo Kojima o presentase nunha conferencia en San Francisco.

Non só confirmou (e amosou) Metal Gear Solid 5,senón que afirmou que sairá nesta mesma xeración para a Xbox 360 e Playstation 3.

A continuación o vídeo de presentación, tan espectacular como debe ser para “hypear” a todos os xogadores. Eu xa o estou.

Confirmado Metal Gear Solid 5

Por: Mércores, 20 de Xuño de 2012, 17:02 COMENTAR

O propio Hideo Kojima ofreceu unha entrevista á revista francesa IG Magazine e confirmou o que todos sabiamos, Metal Gear Solid 5 está confirmado.

Ademais informa sobre algúns detalles que terá esta quinta entrega, en poucas palabras, terá máis espionaxe e infiltración, algo que aprecio encarecidamente.

Sobre Metal Gear Solid 5 podo decirvos dúas cousas. Será máis unha cuestión de infiltración, de espionaxe e de convencer aos personaxes de facerte un favor, como o último Metal Gear Solid. Gústanme moito as ideas de interación social de Deus Ex: Human Revolution, pero xa veremos. Se digo máis, a ninja de relacións públicas que está escondida detrás da porta cortarame en anaquiños.

Como amante da infiltración pura e dura gústame que se vaian centrar máis neste aspecto que na acción, aínda que por outro lado a cuarta entrega non foi un título que me encantase demasiado.

A ver con que nos sorprende Kojima.

Kojima podería presentar dous novos xogos no E3

Por: Mércores, 23 de Marzo de 2011, 15:07 COMENTAR

Pasándome por Anaitgames atópome de fronte cun rumor que atinxe o creador de Metal Gear, xa que parece ser que para o próximo E3 que se celebrará a principios de xuño, anunciará dous títulos novos.

Até o de agora sabemos que Kojima traballa nun proxecto que denominou Devil Project, pero pouco máis se sabe del, ou mellor dito, nada.

Outras persoas falan que Hideo Kojima baralla outro Metal Gear Solid e incluso unha nova entrega de Zoe of Enders. Canto haberá de certo nisto?

Personalmente penso que cos enormes beneficios que lle supón a saga MGS, xa me extraña que non anunciaran algo sobre a súa quinta entrega, pero tempo o tempo.

En fin, en palabras de PS3Center:

O mestre dos MGS Hideo Kojima ten algúns anuncios ben gordos por facer no E3 de xuño: un é un paso case lóxico nun xogo existente, e o outro… bueno, sorprenderíanos se MGS5 non aparece sobre a mesa nalgún momento. Ou debaixo. Nunha caixa“.

Sacade as vosas propias conclusións.