GTA-Online
Onte mesmo, RockStar publicaba unha actualización para o GTA Online que incluía como principal novidade unha versión Beta do creador de contidos que xa anunciaran fai tempo.

Polo de agora, este creador permítenos crear carreiras (normais, GTA ou Rally tanto terrestres como acuáticas ou aéreas) e partidas a morte (todos contra todos ou por equipos).

gta-online-creator

Para os que non sodes moi dados ao modo multixogador, tamén hai novas interesantes, pois esta mesma semana RockStar anunciou que ten plans para incorporar novas misións na historia de Michael, Franklin e Trevor durante o vindeiro ano 2014.

portada gta 5Segundo confirmou Take Two, dende o seu lanzamento para PlayStation 3 e Xbox 360 o pasado 17 de setembro, Grand Theft Auto V leva vendidas máis de 29 millóns de copias, superando así, as cifras de vendas totais da entrega anterior, o Grand Theft Auto IV en menos de 6 semanas no mercado.

foros-gta-v

Irmán, vimos contarche a boa nova do GTA V

Vía | Imgur.com

GTA V supera os 1.000 millóns de dólares

Por: Martes, 24 de Setembro de 2013, 11:00 COMENTAR

gtav
Uns días antes do seu lanzamento, coñeciamos que a produción do Grand Theft Auto V custara algo máis de 265 millóns de dólares, converténdose así no xogo máis caro da historia, superando á maioría das superproducións de Hollywood.

O día despois do seu lanzamento, a compañía Take-Two Interactive anunciou que o xogo superara os 800 millóns de dólares de recadación en todo o mundo, converténdose no xogo que máis vende no seu día de lanzamento e superando, con moito, os 500 millóns do Call of Duty: Black Ops 2, que ata agora ostentaba ese récord.

Pero as cifras non se quedan aí. Esta mesma fin de semana, a compañía anunciaba que xa superaran a simbólica cifra dos 1.000 millóns de dólares, co que parece que recuperarán, con moito, a astronómica inversión feita.

Segundo as verbas de Strauss Zelnick (@strausszelnick), CEO de Take-Two:

“Grand Theft Auto é un fenómeno cultural e RockStar Games continúa a redefinir o que se pode lograr no entretemento interactivo.”

“Todos en Take-Two estamos emocionados coa resposta inicial do Grand Theft Auto V. Unha vez máis, o equipo de RockStar Games superáronse, establecendo un novo nivel de creatividade, innovación e excelencia para a industria do entretemento.”

“Estamos moi orgullosos do logro creativo de RockStar Games e non podemos estar máis satisfeitos co seu éxito no lanzamento.”

Pronto vos traeremos a nosa análise do xogo, pois preferimos botarlle un bo vistazo a fondo antes de facer unha valoración do mesmo.

gtav
RockStar publicou na rede este novo tráiler do Grand Theft Auto V que emitirán o vindeiro domingo durante a emisión do novo episodio da popular serie Breaking Bad.

O lanzamento está previsto para o vindeiro 17 de setembro para PlayStation 3 e Xbox 360.

gtav
A compañía RockStar publicou na súa páxina web unhas animacións onde podemos ver con detalle tres novos modelos deportivos que atoparemos no novo «Grand Theft Auto V».

Como adoita acontecer na maioría de entregas desta saga, os coches teñen unha enorme similitude con modelos da vida real, pero por cuestións de dereitos, están modificados o xusto para evitar problemas legais. Así, atopámonos co Benefactor Feltzer(que lembre moito a certo Mercedes), o Obey Tailgater (moi similar a un modelo de Audi) e o Coil Voltic (alguén dixo Lotus Exige?).

Podedes botarlle un vistazo na páxina de RockStar Games.

gta-v-details-revealed-rockstar-0
Segundo a páxina web Xbox 360 Achievements, o novo xogo de RockStar Games contará con 49 Logros para un total da 1.000 G. É de agardar que os trofeos para PlayStation 3 serán os mesmos.

Logros do modo campaña:

  • Ouro sólido, ¡nena! (50 G): Gaña 70 medallas de oro.
  • Criminal de carreira (100 G): Acada o 100% do xogo.
  • Turista en San Andreas (30 G): Explora todo Los Santos e o condado de Blaine.
  • Todo vale no amor e na guerra (10 G): Merca Downtown Cab Co. e completa unha carreira privada.
  • TP Industries Arms Race (10 G): Merca McKenzie Field Hangar e gaña todas as carreiras de armas.
  • Multi-Disciplined (30 G): Obtén unha medalla de ouro en todas as aficións e pasatempos.
  • Do máis alá das estrellas (15 G): Recolle e trae de volta todas as partes da nave espacial.
  • Un misterio, resolto (15 G): Resolve o misterio de Leonora Johnson.
  • Xestión de residuos (15 G): Merca o vello porto e recolle todos os residuos nucleares.
  • Néboa Vermella (20 G): Completa todos os Rampages.
  • Show Off (30 G): Completa todos os saltos de especialista.
  • Kifflom! (30 G): Completa o teu camiño hacia a luz… ou non.
  • Exército de tres homes (20 G): Sobrevive tres minutos cun nivel de tres estrelas de búsqueda ou superior, cos tres personaxes e fóra de misión.
  • Lonxe da túa profundidade (5 G): Vas a precisar un barco meirande…
  • Acólito altruísta (5 G): Deixa a unha vítima non sospeitosa no culto altruísta.
  • Un montón de pasta (20 G): Gasta un total de 200 millóns de dólares entre os tres personaxes.
  • Trading Pure Alpha (10 G): Fai beneficios sobre a túa inversión total na bolsa.
  • Tunéame a arma (10 G): Tunea unha arma completamente.
  • Búscase vivo ou vivo (10 G): Entrega un obxectivo vivo.
  • Los Santos Customs (10 G): Modifica totalmente un vehículo.
  • Afeitado apurado (20 G): Completa os retos Under the Bridge e Knife Flight.

Logros do «GTA Online» (multixogador):

  • Fóra do avión (5 G): Completa a introducción.
  • Three-Bit Gangster (10 G): Consegue o nivel 25.
  • Facendo movementos (30 G): Consegue o nivel 50.
  • Por derriba da Lei (80 G): Consegue o nivel 100.
  • Número Un (20 G): Sé o primeiro en todos os xogos competitivos.
  • The Midnight Club (20 G): Emprega vehículos personalizados para gañar 5 carreiras.
  • Selección non natural (20 G): Completa 10 oleadas no modo Supervivencia.
  • Backseat Driver (10 G): Leva ao condutor ao primeiro posto sendo copiloto no modo Rally.
  • Corre como o vento (20 G): Sobrevive un día cun Bounty na túa cabeza.
  • Clean Sweep (10 G): Remata un Gang Attack sen morrer e mata polo menos a 10 inimigos.
  • Decorado (50 G): Gaña 30 Premios de Platino.
  • Stick Up Kid (10 G): Atraca as 20 tendas.
  • Desfruta da túa estancia (20 G): Participa en todo o que che ofrece Los Santos.
  • Crew Cut (5 G): Completa un traballo como membro dunha banda.
  • Reembolso total (10 G): Mata ao ladrón que te agredíu.
  • Marcando números (5 G): Pide reforzos por primeira vez.
  • Soño americano (10 G): Consegue un apartamento, un garaxe e un vehículo asegurado.

Logros segredos:

Os outros 11 logros (200 G) que faltan son segredos, polo que haberá que agardar ao lanzamento do xogo ou o anuncio oficial para saber máis deles.

Lembrade: o «Grand Theft Auto V» estará dispoñible o vindeiro 17 de setembro para PlayStation 3 e Xbox 360, mentres que o «Grand Theft Auto Online» estará dispoñible a partir do 1 de outubro.

gtav
Coñecido como «Grand Theft Auto Online», a compañía RockStar preséntanos neste novo tráiler o modo multixogador da vindeira entrega da saga, o «Grand Theft Auto V».

Misións cooperativas, carreiras e outras moitas actividades que poderemos facer pola nosa conta ou co apoio dos nosos amigos. Tamén incluirá un editor co que poderemos crear as nosas propias misións e carreiras e compartilas despois cos amigos, aumentando así a experiencia de xogo.

O lanzamento do GTA V está previsto para o vindeiro 17 de setembro para PlayStation 3 e Xbox 360, mais o modo online non estará dispoñible ata o 1 de outubro

gtav
Rockstar acaba de publicar un novo tráiler con imaxes ingame do vindeiro «Grand Theft Auto V» onde nos fan unha breve presentación das características que incluirá o xogo.

O lanzamento está previsto para o 17 de setembro para PlayStation 3 e Xbox 360.

gtav
RockStar responde a algunhas das dúbidas plantexaron plantexadas polos usuarios na súa páxina web.

Os detalles que máis cabe destacar son: as diferenzas gráficas entre as versións de PlayStation 3 e Xbox 360 serán mínimas, precisará de 8 GB de instalación no disco duro de ambas as dúas videoconsolas e a versión para Xbox 360 virá en dous discos, mentres que a versión para PlayStation 3, só constará dun disco.

Ler o resto da entrada »

gtavmap
Como en cada lanzamento dun videoxogo, as compañías tratan de facernos ver, por riba de todo, os seus puntos fortes (deixando a un lado os seus puntos febles, evidentemente). Como non, no caso do Grand Theft Auto V, RockStar non é unha excepción e un dos puntos que máis destacan é o tamaño que terá o mapa do xogo.

O problema nestes casos é que por moito que nos digan as dimensións, un non se fai unha idea real do tamaño. Foi por iso que a alguén se lle ocorreu aproveitar as vantaxes do servizo de mapas de Google, Google Maps, superpoñendo enriba unha imaxe do mapa do GTA V, para así poder ver o seu tamaño levado á vida real. Tamén podemos comparar o tamaño do mapa da entrega anterior, o GTA IV.

Sirva como exemplo de referencia que o mapa do GTA V terá un tamaño similar ao da cidade de A Coruña ou Vigo, mentres que o mapa do GTA IV tiña un tamaño similar ao da cidade de Ourense ou Santiago de Compostela, por exemplo.

Podedes comprobalo vós mesmos nesta páxina.