Para todas aquelas persoas despistadas, direi que só faltan 19 días para que o fin da triloxía de Gears of War chegue ás nosas mans. E como é habitual en Epic Games, antes do lanzamento sacan un tráiler dramático ao mesmo tempo que espectacular, rodeado dunha banda sonora triste e melancólica que nos promete algo grande.

Espectacular, dramático, impresionante.

Irmáns até o final.

Horda 2.0 do Gears of War 3

Por: Martes, 2 de Agosto de 2011, 4:44 1 COMENTARIO

Epic Games vén de publicar este vídeo onde podemos ver algunha das modificacións que terá o modo “Horda 2.0” (maldita manía que se colleu agora co ditoso 2.0 para todo…) no Gears of War 3.

En fin, xa falta menos: 49 días e baixando!!!

Só dous mesiños, só dous meses para poder xogar a esta xoia de videoxogo, apenas dous meses para saber en que remata Marcus e o seu pai.

Para que a espera non se faga tan longa, Epic Games móstranos outro dos seus Diarios de desenvolvemento do videoxogo, esta vez intitulado “Crescendo”.

Está claro que o Gears of War 3 vai ser un dos títulos máis épicos da consola da Microsoft (e do resto pode que tamén), mais neste vídeo coméntannos que tamén pretenden centrarse nas historias persoais de cada personaxe, a vida deportista de Cole, Marcus e o pai, Maria e Dom…, e Cliff B. dinos que perdeu o pai aos 15 anos polo que lle toca de perto este tema.

Chegarán ao nivel de dramatismo de Maria e Dom? Irán un paso máis alén? Conformaranse?

Como dixen ao principio, dous mesiños, só dous meses e todas as dúbidas serán resoltas, apenas dous mesiños…

http://www.youtube.com/watch?v=Lhb-_dZa164&feature=player_embedded

Parece que estes días a actualidade está nas mans dos tráilers, pero co E3 aí o lado non me extraña moito, a verdade.

Desta volta tócalle facer acto de presenza a próxima xoia de Epic Games, e vemos un Gears of War máis espectacular que nunca (eu xa o vin tres veces e non me canso), cunhas escenas sorprendentes e o mellor (ou peor) de todo, que só dura un minuto e pouco. E por qué?, pois porque non necesita máis tempo para demostrarnos a todos que vai ser un enorme BOOOMMM dentro das nosas mentes.

Desfrutádeo e soñade con el.

Ven de rematar o periodo de proba da Beta do Gear of War 3. Vamos facer un pequeno análise das novidades que puidemos ver con respecto ós seus antecesores:

Armas:

 

  • Retro-Lancer: Básicamente é moi similar ó Lancer normal, só que en lugar de ter a tan querida motoserra leva incorporado unha baioneta coa que poderemos facer cargas en carreira para ensartar a todo inimigo que collamos por diante. Para empregala, non temos máis que manter pulsado o botón B, aínda que durante só uns segundos (indicado unha barra na parte superior dereita da pantalla). En canto ós disparos, este arma ten bastante máis retroceso que o anterior, polo que recoméndovos disparar en ráfagas curtas, pois o punto de mira tende a moverse cara arriba rápidamente.

  • Digger Launcher: Con este arma disparamos un proxectil que vai por debaixo da terra ata que estoupa cando colle polo medio a un inimigo. Moito ollo, porque atravesa incluso paredes, así que aínda que esteades a cuberto, poderedes ser víctimas deste arma.

  • Sawed-off: é unha escopeta para usar exclusivamente corpo a corpo, xa que ten un alcance extremadamente curto. Agora ben, destroza todo o que colla. Como di un coñecido meu: “Tiro que mete, familia de loito…”, pero asegurádevos de acertar, porque só ten un disparo de cada vez e tarda en recargarse varios segundos, co que quedaredes expostos nese tempo.

  • Oneshot: Unha nova arma pesada estilo francotirador, cun potente disparo que destroza a todo o que colle por diante. Cando apuntedes con este arma, tedes que deixar que cargue durante un par de segundos, senón o disparo apenas terá potencia e non fará dano ningún. Dende o punto de vista do que recibe o disparo, se vedes unha liña dun láser que vos está apuntando, tratade de poñervos a cuberto ou pronto seredes despedazados.

  • Granadas incendiarias: Non hai moito que dicir, creo eu. Similares ás que xa había, so que en lugar de tinta venenosa ou fume, provocan lume onde caen. Tede coidado que se ven voando e choca convosco, iredes para o outro barrio un pouco chamuscadiños….

Ler o resto da entrada »

O Gears of War 3 o 20 de setembro

Por: Mércores, 23 de Febreiro de 2011, 16:44 6 COMENTARIOS

Eliminade todo o que teñades da axenda e apuntade a seguinte data en letras ben maiúsculas: 20 de setembro.

Porque este día volverán os Locust, aclararase a relación entre Marcus e o seu pai, veremos a un Dom destrozado pola súa amada e retomaremos a guerra sanguinaria.

Moito máis épico, máis espectacular, novas armas e promete un maior nivel de motivación. En Gears of War 3 acabarase a triloxía polo que saberemos dunha vez por todas cal é o seu final.

Aínda non tedes ganas de telo nas mans? 20 de Setembro, 20 de Setembro, 20 de Setembro…