Apalabrados en galego

Por: Mércores, 13 de Marzo de 2013, 23:38 COMENTAR

apalabradosA compañía Etermax ven de anunciar que nos vindeiros días estará dispoñible a versión en galego do seu popular xogo para dispositivos móbiles, Apalabrados, grazas á tradución levada a cabo por Cilenis

Queres ver os Tomb Raider en galego? Colabora!

Por: Sábado, 18 de Febreiro de 2012, 21:21 1 COMENTARIO

Grazas a un aviso no foro dos nosos amigos Os Arquivos da Meiga soubemos que uns seareiros da saga están a planear traducir os xogos do Tomb Raider a varios idiomas. Agora mesmo están a traballar nas traducións ao galego, catalán e castelán, mais o seu obxectivo é facelo tamén en euskara e asturiano (mesmo están abertos a facelo en aragonés ou occitano).

Se che presta e queres colaborar na tradución ao galego (ou a algunha das outras linguas) estase a xestionar no foro trsaga.com. Pasa por alí e comenta o teu interese. Tende en conta que canta máis xente participe máis viábel será o proxecto e así poderemos gozar desta saga na nosa lingua. A ligazón do proxecto é a que poño a seguir:

http://www.trsaga.com/trsg_foro/index.php?topic=635.0

Refraneiro Galego de Videoxogos

Por: Venres, 7 de Outubro de 2011, 0:12 6 COMENTARIOS

Vaia trangalladas que escriben aquí

1- Mario nos videoxogos, diversión nos miolos

2- Cando unha consola vai nacer, con ela un Ridge Racer vas ver

3- Só unha consola vas defender, moito entretemento vas perder

4- Cada portábel que sae á venta, menos portábel e máis se asenta

5- Xogos de filmes, merdas sublimes

6- Se te queres viciar, xoga ao Mario Kart

7- Se de Internet vas descargar, de seguro que te vas arruinar

8- Merda, hai que ir comer, pois dálle a pausa, comer e volver

9- O cooperativo nas campañas, menos tolería e máis mañas

10- Non teredes horas de diversión, se non estades sentados nun sillón

11- Se non queres ser un neno malo, botalle unha partidiña ao Halo (Carlos)

12- De tal ruído que fixen co Guitar Hero, o meu veciño quíxose dar un tiro (Carlos)

13- Se Miyamoto non dirixe un Zelda, o máis seguro é que sexa unha merda (Galaicus)

14- Se toda a vida non queres perder, menciñas, cogumelos e corazóns non has deixar de coller (Agrellagalega)

PD: Tentemos aumentar o Refraneiro Galego de Videoxogos entre todos. Todos os refráns que se vos vaian ocorrendo escribídeos nos comentarios e irei actualizando esta entrada.

Vamos ver se entre todos conseguimos o noso propio Refraneiro Pixelado.

Contamos coa vosa colaboración!

Nace Vencello!

Por: Xoves, 25 de Agosto de 2011, 20:31 COMENTAR

Onte deu comezo un proxecto de que Memoria Pixelada tamén forma parte. Trátase da primeira rede de blogues temáticos en lingua galega.

Unha iniciativa posta en marcha por un grupo de bolgueiras e blogueiros galegos que querían levar o seu idioma un pasiño máis alá neste universo 2.0 que é a blogosfera.

Desde aquí simplemente quéremos facervos partícipes deste nacemento, animarvos a participar nel e facer entre todos unha grande rede de blogues en lingua galega.

Se queredes coñecer todos os detalles ao respecto, non tendes máis que premer na ligazón que vos deixamos aquí mesmiño e vencellarvos connosco sen complexo ningún!

http://www.vencello.com/

Lémonos en Vencello!

AR-K, unha aventura gráfica feita por galegos

Por: Mércores, 9 de Febreiro de 2011, 16:55 7 COMENTARIOS

Na man de tres coruñeses sae hoxe o primeiro capítulo do que será unha serie chamada AR-K. Este primeiro xogo trae o nome de “Sexo,mentiras e traballos” e ven sendo unha aventura gráfica tentando semellarse ás xoias dos 80 e 90, que viñan na man de desenroladoras tan prestixiosas como Lucas Arts ou Serra.

Para sorpresa e agradecemento meu, o título estará dispoñíbel en galego entre outros idiomas e sumerxeranos nunha aventura futurista no cal parece que todas as necesidades xa están cubertas. Certo día, a nosa protagonista chamada Alicia espertará resacosa e comecerá a dubidar do sistema establecido.

Aparentemente a trama destaca pola intriga e polo humor, e a ambientación será similar ao do cine negro.

O xogo púxese hoxe á venta a 5,95 euros e está pensado para PC. Aínda así, están barallando a posibilidade de sacar versións para Linux,Mac e Ipod. Podédelo descargar na súa páxina web.

Eu aínda non o probei, pero é agradábel ver que hai xente que saca proxectos na nosa língua, e agora se conseguen que o título divirta, xa non hai motivo para non xogalos.