gears of war 3 2
A compañía Microsoft ven de anunciar que mercou os dereitos da franquía «Gears of War» á súa creadora Epic Games.

O estudo canadense Black Tusk será o encargado de seguir adiante co desenvolvemento da saga. Segundo os rumores está previsto que chegue unha nova entrega este mesmo ano.

“Hoxe estamos emocionados de anunciar que Microsoft Studios adquiríu os dereitos da franquía Gears of War a Epic Games, incluíndo os dereitos de todos os xogos actuais e futuros, experiencias de entretemento e merchandising.”

“Ademáis, estamos emocionados que o estudo Black Tusk, en Vancouver, faráse cargo do desenvolvemento da franquía Gears of War e que Rod Fergusson, antigo director de produción en Epic Games na franquía Gears of War, unirase a Microsoft e desempeñará un papel clave de liderado no estudo Black Tusk no desenvolvemento futuro da franquía.”

Microsoft quere levar Gears of War á Xbox One

Por: Mércores, 18 de Setembro de 2013, 13:39 COMENTAR

gears-of-war-judgment

Así o recoñeceu Phil Spencer, vicepresidente de Microsoft Game Studios, que afirma querer levar a famosa saga Gears of War á Xbox One, aínda que a decisión está nas mans de Epic Games.

A saga Gears of War está desenvolvida por Epic Games e eles foron os nosos socios por moito tempo en Xbox 360. Deberías preguntarlle a Epic Games sobre que desexan facer.

Nós non anunciamos nada aínda sobre esta saga, mais agardamos levar Gears of War á Xbox One dalgunha maneira. Non hai máis que vos poida dicir neste momento.

Co éxito que tivo esta saga case me sorprende que non chegue á nova consola de Microsoft, o que xa me mete máis medo é de que maneira, porque a última entrega non é que fose unha marabilla, a verdade.

BulletStorm-13-05-10-005

People Can Fly, antes de realizar o xustiño Gears of War: Jugdment, creou un FPS dos máis divertidos desta xeración, así de claro o digo e sen arrepentirme de nada, este shooter traía como nome Bulletstorm, mais ,a pesar de que a crítica fose boa con el, as ventas castigaron a este xogo sen merecelo.

Bulletstorm non chegou nin ao millón de copias vendidas entre todas as plataformas, mais Wojciech Madry, diseñador dos seus niveis aclara que fixeron todo o que estivo nas súas mans.

Penso que sempre que fixeras o mellor que puideches e les o entusiasmo da crítica, aínda que isto non se traduza en éxito comercial, sentes como quizais puideses ter feito as cousas doutra maneira.

Mais foi a nova IP máis exitosa dese ano.

O problema é, como na industria do cine, que a maior parte do diñeiro gáñana as secuelas. Ao final fixemos todo o que puidemos para crear un gran xogo, un que quixeramos xogar, e non hai nada do que avergoñarnos ou queiramos cambiar. Fixemos todo o que puidemos.

No seu momento en Memoria Pixelada realizamos a súa análise, podedes botarlle un ollo no seguinte enlace.

Fortnite, un dos xogos no que traballa Epic Games

Fortnite, un dos xogos no que traballa Epic Games

O fundador da famosa compañía Epic Games, Tim Sweeney, fixo unhas serie de declaracións á prensa falando sobre o propio futuro do estudo e incluso opinando en como serán os gráficos nun futuro próximo.

Tim Sweeney aclarou que actualmente están a traballar en tres títulos simultaneamente, un deles é Fortnite, un xogo exclusivo para PC do que xa levamos un tempo sen saber nada del, outro é un triple A de acción competitiva online, e por último, o terceiro proxecto é un xogo que está sendo realizado por un estudo que compoñen tan só tres persoas.

Pero o fundador de Epic Games non quedou aquí, e falou sobre como serán os xogos nun futuro, aclarando que os gráficos fotorrealistas non son o problema, senón a simulación da I.A, sincronización labial, etc:

Os xogos serán absolutamente fotorrealistas de aquí a dez anos, isto só move o desafío dos gráficos a problemas que non sabemos como resolver, como simular a intelixencia humana, a animación, a fala, a sincronización labial.

Aínda quedan moitas áreas que requiren ser investigadas constantemente polo resto das nosas vidas antes de que estemos preto de chegar á realidade.

Tamén aclarou cal vai ser o futuro do motor gráfico no estudo e como é obvio, falou sobre o Unreal Engine 4:

Por isto eliximos deseñar Unreal Engine 4 pensando na escalabilidade e flexibilidade máis que nunca na historia da compañía.

Isto significa que agora, cada vez máis, podemos pensar en crear un xogo e lanzalo en todas as plataformas que sexa apropiado, ben sexa en sobremesa, PC, tablet ou web. Significa que podemos chegar potencialmente a u público moito maior, e que será pouco a pouco máis importante a nivel mundial.

Epic-games-Banner

A famosa compañía Epic Games, pais da saga Gears of War, xa están traballando de cheo na próxima xeración de consolas, sabémolo a través dunha serie anuncios de postos de traballo do propio estudo que busca persoal cualificado.

Entre estes anuncios destaca un:

Búscase un artista técnico para traballar en novas IPs e outras xa existentes a través de múltiples plataformas. No traballo deberán solventar as incidencias máis completas que surxirán cando levemos a tecnoloxía ao límite. Tamén deberán traballar en prototipos para a próxima xeración.

O segundo anuncio é máis esclarecedor:

Búscase un deseñador de sistemas para traballar nun xogo de acción competitivo online non anunciado, no cal existirá unha progresión do personaxe, unha forte presenza de ítems e unha economía dinámica.

cliffyb
Cliff Bleszinski, deseñador de Gears of War e ex-director de Epic Games está a defender firmemente na súa conta de Twitter as políticas coas que Microsoft pretende acabar co mercado de xogos usados.

Aqueles de vós que me dicides “entón simplemente baixade os orzamentos”, sabedes o estúpido que soades, non?

É por iso que se está a ver a liberdade de xogar e microtransacións en todas as partes. O modelo de 60 dólares o día do lanzamento estase a desmoronar.

A fidelidade visual e conxuntos de recursos que esperamos de xogos agora veñen con altos custos. Os xogos Assassin’s Creed están feitos por milleiros de desenvolvedores.

Non podes ter orzamentos de xogo e márketing tan elevados mentres existan tamén os xogos usados e alugados. Os números NON funciona, xente.

Tampouco desaproveitou o rebumbio xerado para mostrar a súa postura no debate en torno a que a Xbox One requira a conexión aos servidores cada 24 horas, impedindo ás persoas sen conexión a posibilidade de poder xogar na nova videoconsola de Microsoft:

Se podes permitirte pagar Internet de alta velocidade e non podes obtelo onde vives dirixa a súa rabia a quen é responsable do seu bloqueo.

Paréceme que o amigo Cliff debería aprender algo das recentes declaracións dun tal Shigeru Miyamoto esta mesma semana:

Nós non temos unha posición especial en canto aos xogos usados. A nós non nos preocupan tanto os xogos usados, como realmente isi nos preocupan as copias ilegais dos xogos. Ao crear os xogos que creamos e vendelos, permítenos seguir creando novas versións destes xogos.

Estamos máis preocupados pola piratería e pensamos que os xogos usados son outra historia. De feito, dende a nosa perspectiva, queremos crear un xogo que os xogadores vaian querer seguir e seguir xogando durante moito tempo. Esta é a visión que sempre tomamos e esa é a mellor forma de evitar os xogos usados.

.

judgment 2

Epic Games non quere deixar de exprimir a saga que revolucionou os shooters desta xeración e da man de People Can Fly chéganos a cuarta entrega de Gears of War, abandonando a Marcus para narrarnos unha historia anterior aos acontecementos da triloxía orixinal.
Isto é o que deberon pensar os seus creadores á hora de enlazar a historia:

Guionista 1: Que historia queremos narrar aos fans?

Guionista 2: Que vos parece se facemos unha precuela da historia orixinal e así temos camiño libre para contar calquera tontería baseándonos na xogabilidade, que ao fin e ao cabo é o que nos interesa vender?

E así é, porque sendo un fan da saga, seguidor dende a primeira entrega, non podo deixar pasar unha historia tan mala e tan mal contada na saga.

Ler o resto da entrada »

gears-of-war-judgement-call-to-arms
Microsoft anunciou o vindeiro lanzamento dun novo pack de mapas para o Gears of War: Judgement, chamado «Call to Arms», que incluirá 3 novos mapas, 6 skins para as túas armas e un novo modo de xogo: «Master at Arms», entre outras cousas, ademáis de novos logros por un valor de 250G.

Para os posuidores do pase de temporada, estará dispoñible a partir do vindeiro 23 de abril, mentres que os demáis usuarios poderán mercalo a partir do 30 de abril por 1.000 Microsoft Points (uns 12 Euros aproximadamente).

gears-of-war-judgment
Microsoft ven de lanzar a demo, cun tamaño de 739 MiB, co novo modo “OverRun” do Gears of War: Judgement para que os xogadores poidan probar esta nova modalidade de xogo 5 contra 5 multixogador, moi similar ao modo “Rush” do Battlefield 3.

A saída ao mercado está prevista para este vindeiro venres, 22 de marzo.
Toda a experiencia que o xogador obteña durante este periodo de proba serviralle, se xoga antes do 29 de marzo, para a versión final do xogo.

Escuadrón Kilo de Gears of War:Judgment

Por: Mércores, 13 de Marzo de 2013, 15:36 COMENTAR

A pouco máis dunha semaniña para lanzamento de Gears of War:Judgment, Epic Games quere presentarnos ao escuadrón Kilo, e aínda que a estas alturas xa os coñezamos medianamente, nunca está de máis velos en acción.

gears-of-war-judgment-xbox360-56066

Excelente sorpresa nos ofrece hoxe Epic Games, xa que acaba de confirmar que o seu próximo Gears of War: Judgment contará cunha segunda campaña individual, pero lonxe de facelo a través dun DLC como faría a inmensa maioría das compañías, esta estará incluida no videoxogo dende un principio.

Para desbloquear esta nova campaña, baixo o nome de Aftermath, deberemos conseguir todas as estrelas nos desafíos que nos propoña esta nova entrega dunha saga que xa quedará para a historia.

Na nova campaña de Aftermath viviremos a historia de Baird e Cole antes de loitar contra a Raíña Locust, sabendo exactamente o que lle aconteceu a estes antes de chegar con toda a xuda que necesitaron Marcus e Dom.

Encontrarás xente e lugares que recoñecerás, incluso tamén algúns inimigos, e verás como as dúas historias se unen para ofrecer un contexto que englobe a toda a franquicia.

Só nos falta saber a duración desta segunda campaña complementaria, mais sendo dunha ou doutra maneira, só me queda aplaudir a decisión de Epic Games por premiar aos xogadores con este detalle sen a necesidade de pagar por el.

gears-war

Coa próxima xeración petando nas portas, Epic Games non descarta que a súa saga máis famosa, Gears of War, chegue ás novas consolas.

“É un universo enorme… hai un montón de direcións nas que podemos ir aínda”.