Dead_Space_3
Nunha entrevista recente, Frank Gibeau, xefe de Electronic Arts, comentou que a compañía aínda ten esperanzas coa saga «Dead Space», a pesar das malas cifras de vendas da súa última entrega, que aínda que non deron cifras oficiais, nun informe recente, confirmaron que non acadou as expectativas.

“Non estou anunciando nada agora mesmo, pero temos unha gran triloxía e aínda temos esperanzas na franquía.

“Dead Space é algo do que estamos moi orgullosos. Non vamos facer ningún comunicado público co que estamos a facer co seguinte Dead Space, pero temos unha enorme cantidade de grandes títulos que sacar do baúl.”

“A peor cousa que pode facer como unha empresa é tratar de facer moitas cousas á vez”

Haberá que agardar un tempo a ver que pasa coa saga.

mirrors-edge-2

No 2008 saía a venta un xogo que non deixou indiferente a ninguén, unha especie de plataformas/aventura na que controlabamos a personaxe en primeira persoa. O título tiña como nome Mirror´s Edge, e grazas á innovación, xogo de cores, xogabilidade e innovación conseguíu facerse coa atención de case toda a comunidade gamer.

Mais disto xa van cinco anos e un xogo con tanta repercusión custa crer que non sacasen continuación, pois ben, agora sabemos os motivos, sabemos que foi a propia DICE as que tiñan dúbidas dunha segunda entrega e non Electronic Arts.

Así o explicou o productor de DICE, Patrick Bach:

O máis interesante de todo isto non é que Electronic Arts bloquease a DICE, se non que DICE non quería. Imaxina, é o teu propio diñeiro. En que queres apostalo? Queres facelo nalgo que sabes que será xenial.

Non podes apostar sobre un nome, tes que telo todo claro e saber cal será o concepto.

Até que non sabiamos exactamente o que queriamos que o xogo fose non llo presentamos a Electronic Arts. Entón, normalmente, cando lles gusta, a todo o mundo lles gusta.

Non iamos desenvolver algo no que non créramos, e isto leva tempo.

ea-gamescom-2013
As principais novidades que Electronic Arts presentou na conferencia de onte na GamesCom 2013:

«FIFA 14»

Ademáis do xa visto na conferencia de Microsoft, anunciaron o lanzamento dunha versión de proba o vindeiro 10 de setembro e presentaron este novo tráiler:

«Command & Conquer»

Escoitando as demandas dos usuarios, EA e Victory Games anunciaron o lanzamento de novas misións para este novo lanzamento da saga, que poderemos xogar pola nosa conta ou de modo cooperativo cun amigo.

«The Sims 4»

O máis coñecido simulador social terá a súa cuarta entrega en 2014 e incluirá novas emocións e interaccións sociais, ferramentas para construir a casa dos nosos soños e obxectos cos que decoralas, tal como se pode ver no segundo tráiler.

«Dragon Age Inquisition»

Neste novo tráiler, os creadores da compañía Bioware fálannos do proceso de creación do novo universo que poderemos ver en «Dragon Age Inquisition» e as posibilidades de xogo que nos ofrecerá.

«Battlefield 4»

DICE presentou o novo modo de xogo “Obliteration” no tamén novo mapa “Paracel Storm”, modo no que poderán xogar ata 64 usuarios en dous equipos.

Tamén presentaron o «Battlefield 4 Premium» que permitirá o acceso aos 5 packs de expansión antes do seu lanzamento, previsto para o verán de 2014.

«Need for Speed Rivals»

Nun novo tráiler do Need for Speed Rivals amosaron o novo modo Undercover, onde nos infiltraremos nas carreiras ilegais para deter aos seus corredores sen ser detectado.

«Titanfall»

Novo vídeo do modo multixogador Attrition no mapa Angel City deste título co que a compañía Respawn Entertainment debuta na industria por todo o alto.

«Plants vs. Zombies Garden Warfare»

A maiores do presentado na conferencia de Microsoft, na conferencia de Electronic Arts presentaron o novo “Boss Mode” (Modo Xefe), exclusivo para Xbox One e SmartGlass, no que, a través dun dispositivo compatible con esta tecnoloxía, os xogadores poderán ver mapas tácticos do escenario, mentres controlan as unidades nunha vista en terceira persoa.


Se queredes ver de novo a conferencia completa, aquí a tedes:

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

simcity
Electronic Arts anunciou o lanzamento da que será a sétima actualización para o SimCity a finais deste mesmo mes.

Entre as novidades desta actualización, os xogadores atoparán unha nova ferramenta que lles permitirá crear pontes e túneles para mellorar o tráfico das cidades.

Neste vídeo, Guillaume Pierre (@MaxisGuillaume), amósanos o funcionamento desta nova ferramenta.

Recentemente, anunciaron que o videoxogo conseguíu vender xa máis de 2 millóns de copias, a pesares das críticas e problemas durante as primeiras semanas despois do seu lanzamento.

Gamescom, conferencias e horarios

Por: Sábado, 27 de Xullo de 2013, 13:00 COMENTAR

gamescom-2013
Dentro de pouco máis dun mes, entre o 21 e 25 de agosto, terá lugar en Colonia (Alemaña) a exposición Gamescom e pouco a pouco vanse coñecendo as compañías que darán as conferencias previas e os horarios das mesmas.

  • Electronic Arts: martes, 20 de agosto, ás 16:00 h.
  • Sony: martes, 20 de agosto, ás 19:00 h.
  • Microsoft: martes, 20 de agosto, hora sen confirmar.

Por outra banda, tamén destacan as anunciadas ausencias de compañías que non acudirán á cita xermana, como Ubisoft ou Capcom. Ésta última agárdase que si acuda á Tokyo Game Show, que comeza o 19 de setembro.

Máis información na páxina oficial do evento.

call-of-duty-ghosts
A pesar dos rumores que apuntaban que a compañía Activision deixaría de lado a videoconsola de Nintendo, debido ás malas cifras de vendas da mesma, anunciaron o lanzamento de 6 novos títulos para a Wii U, entre s que figuran o «Call of Duty: Ghosts», «Skylanders SWAP Force», «Angry Birds Trilogy» e «Angry Birds Star Wars», entre outros.

Desta lista, chama especialmente a atención o FPS «Call of Duty: Ghosts», que xa confirmaron que incluirá soporte para o Wii Remote, así como para a pantalla secundaria do mando da Wii U.

O CEO de Activision Publishing, Eric Hirshberg declarou:

“Como xa dixemos anteriormente, estamos comprometidos a facer todo o que poidamos para apoiar á Wii U, que é polo que estamos tan animados para traer a esta plataforma algunhas das franquías de entretemento máis populares do mundo este mesmo ano.

A franquía Call of Duty continua sendo unha das máis potentes no mundo dos videoxogos e Skylanders segue a encantar aos novos fans ao redor do mundo. Os nosos estudos traballaron duramente creando novas experiencias inmersivas perfectamente adecuadas á plataforma Wii U e a nosa liña de lanzamentos de outono ten un pouco para todo o mundo.”

Por fin parecen chegar algunhas boas novas para a videoconsola de Nintendo, sobre todo, despois de que en maio Electronic Arts lle dera as costas anunciando que non lanzarían moitos dos seus títulos nesa plataforma, como o FIFA 14 ou o Madden NFL 25, entre outros.

ea
Onte mesmo, Electronic Arts publicaba as cifras de vendas do segundo trimestre deste 2013, no que ingresou uns 949 millóns de dólares, algo menos que os 955 millóns do mesmo periodo do ano pasado.

O que máis chama a atención foi que por primeira vez os ingresos das vendas dixitais superaron aos das vendas físicas. Mentres que polas vendas físicas a compañía ingresou 467 millóns de dólares (fronte aos 613 millóns do ano pasado), das dixitais obtiveron uns ingresos de 482 millóns de dólares (fronte aos 342 millóns do ano pasado).

Segundo as verbas do presidente executivo da compañía, Larry Probst

“EA tivo un trimestre sólido impulsado polo crecemento continuo dixital e a xestión disciplinada dos custos.”

Tamén estamos a executar un conxunto claro de obxectivos para o liderado en móbiles, PC, consolas actuais e de nova xeración.”

Gran parte deste aumento nas vendas dixitais ten que ver co lanzamento en febreiro da versión para Mac da súa plataforma dixital Origin.

Origin supera os 50 millóns de usuarios

Por: Mércores, 24 de Xullo de 2013, 1:32 COMENTAR

origin-eaA plataforma dixital de Electronic Arts superou a cifra dos 50 millóns de usuarios, dos que uns 22 millóns son a través de dispositivos móbiles, segundo informou a propia compañía.

zombiu
Despois dos malos resultados económicos colleitados pola exclusiva de Wii U, «ZombiU», non entra dentro dos plans da compañía crear unha nova entrega.

O mal rendemento do xogo na videoconsola da Nintendo tamén foi un dos factores que levou a cambiar o Rayman Legends dunha exclusiva a multiplataforma.

Yves Guillemot, CEO da compañía dixo recentemente:

“Debemos atopar a maneira de asegurar que a creatividade deses xogos poida chegar á maior audiencia posible.

“Agardamos que despegue. Polo momento, nós dixemos ‘imos facer ata o Nadal e ver onde estamos entón.'”

Pola súa banda, o CEO de Electronic Arts, Peter Moore tamén explicou os motivos do pouco soporte da súa compañía á Wii U.

“Estabamos con eles no seu lanzamento con catro xogos. Fou unha decepción cando ves as cifras de vendas e, como compañía, temos que ser moi prudentes onde investimos os nosos recursos.

“A falta de compromiso co online na Wii U é preocupante. É tan esencial para o que facemos e son tan poucos que non paga a pena facer funcionar os servidores. Parece unha caixa que non está en sincronía co futuro de EA, que é o que da a sensación de relación social aos nosos xogos. A Wii U parece máis unha experiencia offline agora mesmo.”

Corren malos tempos para a videoconsola de Nintendo, que parece que entrou nin círculo de autodestrución: non consegue vender consolas porque os creadores apenas fan xogos para ela e os creadores non fan xogos porque apenas se venden consolas. O peixe que se morde a cola, que se soe dicir…

Maxis pregunta aos usuarios de SimCity

Por: Xoves, 4 de Xullo de 2013, 10:00 COMENTAR

simcity
Segundo unha enquisa enviada a certos usuarios de SimCity, Maxis podería estar plantexándose cambiar algunhas cousas no xogo que tanta polémica creou no seu lanzamento.

A obligación de estar sempre conectado e o pequeno tamaño das cidades foron dos puntos que máis molestaron aos usuarios e que agora a compañía podería estar a considerar modificar, tal e como se pode extraer dalgunhas das preguntas da devandita enquisa, onde se mencionan “cidades máis grandes” e un “modo clásico”, que permitiría aos usuarios xogar sen conexión para crear “unha cidade única e totalmente funcional onde empregar trucos e desbloqueos que permiten crear a túa cidade perfecta”.

Durante os problemas de conexión dos servidores despois do lanzamento do xogo, Frank Gibeau, presidente de EA Labels, comentou que a obligación de estar sempre conectado non tiña que ver cun sistema DRM e que formaba parte da intención da compañía de crear un servizo online.

O ciclo de EA

Por: Mércores, 19 de Xuño de 2013, 9:00 COMENTAR

ciclo-ea

O ser humano sempre tropeza dúas veces na mesma pedra. Ou serán máis?

Vía | dorkly.com