battlefield 4 1
Para compensar aos xogadores polos problemas iniciais de conexión, DICE anunciou unha semana enteira na que os xogadores recibirán o dobre de experiencia. Así, dende o vindeiro 28 de novembro e ata o 5 de decembro poderedes aproveitar para mellorar o nivel do voso personaxe multixogador.

Dende o seu lanzamento, Battlefield 4 tivo moitos problemas, como inestabilidade dos servidores, partidas gardadas corruptas, perda de experiencia e caídas do xogo, como admitíu o xefe de DICE, Karl Magnus Troedsson:

“O xogo experimentou algunhas turbulencias no seu lanzamento. Mentres que algunhas plataformas soamente tiveron problemas menores, outras tiveron moitos máis problemas.”

“Resolver os problemas de lanzamento é a nosa prioridade número 1. De feito, para nós é tan serio que temos a todo o equipo traballando para estabilizar o xogo e non nos poremos a traballar noutros proxectos ata que esteamos seguros de que Battlefield 4 cumpre – e excece – as vosas expectativas.”

A maiores, o último día, 5 de decembro, os xogadores tamén recibirán como agasallo un arma especial:

“O 5 de decembro darémoslle a todos os xogadores que inicien sesión no modo multixogador de Battlefield 4 unha pistola M1911. Esta arma especial, que estaba reservada para os nosos desenvolvedores de DICE, conta cun zoom de 3 aumentos e está dispoñible para todos os rangos en Battlefield 4.”

criterion_logo_lg

Por sorpresa nos colle esta nova, na que a famosa desenvolvedora Criterion Games, pais de Bournout, reduce drasticamente o seu persoal para quedarse tan só con 16 traballadores.

Despois deste comunicado, a compañía aclara que foi decisión propia e que Electronic Arts non tivo nada que ver neste novo rumbo.

Somos afortunados de formar parte dunha organización que conserva e invirte en novas licencias creativas. De verdade que non son o imperio do mal.

Mais ao preguntarlle a que se debe esta reducción, o director executivo Alex Ward, non entrou en demasiados detalles, só mencionando que podería ser unha decisión temporal para apoiar ao equipo de Ghost Games (a onde se foron a maioría dos traballadores) e asegurou que Criterion Games seguirá traballando no seu novo videoxogo:

Seguimos sendo Criterion e iso é o que importa. Nós os 16 mantemos a identidade do estudo e traballaremos nunha nova dirección.

pes-2014
Adam Bhatti (@Adam_Bhatti), director da comunidade PES en Europa, explicou porqué a nova entrega non terá moitas das características habituais.

Por unha banda, o xogo non contará co efecto da choiva, segundo di, debido a problemas técnicos,

“A choiva non foi implementada no 2014 porque tivemos que reformular o xogo e comezar dende cero.”

“Mentres que implementar un simple efecto de choiva é viable, necesitamos pensar como afectará á xogabilidade. Isto inclúe que o céspede se volva esvaradío, o efecto do bote do balón e sobre a potencia dos xogadores do equipo”

“Imos tentar traballar máis este ano para ter estes elementos implementados para o 2015.”

En canto a ausencia dos principais estadios europeos e ningún español, culpou diso á agresiva estratexia de Electronic Arts firmando contratos de exclusividade con numerosos equipos, imposibilitando a inclusión dos seus estadios no PES.

“EA foi extremadamente agresiva firmando acordos con clubes e ligas este ano e é por iso que non podemos incluír os principais estadios europeos e ningún estadio español. A xente estaba preocupada cando anunciaron estes acordos de exclusividade cos equipos españois. Iso significa que nós non podemos incluír o seu estadio, entre outros.”

“Estas novas chegáronnos moi tarde, xerándonos un problema de tempo, xa que significaba que non tiñamos tempo para reconstruír outros estadios para reemprazalos. Por iso o PES 2014 soamente contará con 20 estadios.”

“Ademáis do tema das licenzas, o Editor de estadios foi eliminado. Isto, personalmente, é o maior golpe. Non podo falar moito, pero fixo que o equipo entendese máis que nunca o tema da adquisición de licenzas e estamos determinados a loitar nese sentido para o vindeiro ano. Se as cousas son elimidadas do modo edición por temas de licenzas cada ano, sería como eliminar a alma do PES e non debemos permitir que iso suceda.”

O lanzamento do PES 2014 está previsto para o vindeiro 20 de setembro para PC, PlayStation 3 e Xbox 360.

Primeiro gameplay de FIFA 14

Por: Martes, 27 de Agosto de 2013, 17:18 COMENTAR

O 27 de setembro chegará ás tendas unha nova entrega da famosa saga de simulación futbolística FIFA e para todos aqueles amantes destes xogos, EA lanzou o seu primeiro gameplay.

E ollo, case 38 minutos de gameplay no que os máis puristas podedes analizar e ver como se move esta nova entrega.

Existe moita mellora entre a anterior entrega e esta? Estades indecisos se decantarte polo PRO? Sexa cal sexa a túa pregunta, FIFA 14 promete manterse líder como o fixo nesta xeración.

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

Resumo da conferencia de EA

Por: Luns, 10 de Xuño de 2013, 23:57 2 COMENTARIOS

ea
No medio dun impresionante espectáculo de luces e son, Peter Moore abríu lume na conferencia de EA.
 
O primeiro que a compañía americana puxo en escea foi unha nova entrega do fenómeno “casual” Zombies Vs Plants, que será editado co subtítulo de “Garden Warfare”. Acto seguido profundizaron en “Titanfall”, outro shooter subxectivo aderezado con robots que xa vimos asomar na conferéncia de Microsoft e que ademais de chegar a Xbox One, tamén o fará a PC.
 

 
Nun xesto inesperado, EA deixou asomar uns cantos segundos dun novo SW Battlefront, pero cando chegamos a entender o que pasaba fugazmente ante nós xa estábamos vendo un novo Need for speed (NFS Rivals), o título de turno en EA para amantes da velocidade, que aproveita o novo hardware para que se vexan de fábula os coches e as estradas polas que haberá que… correr.
 

 
O momento que moitos agardábamos chegou xusto a continuación, co primeiro trailer de Dragon Age Inquisition. Un trailer con caras familiares para os fans, unha das cais chegou a provocar unha ovación da audiencia. Haberá que agardar, iso si, até un extremadamente lonxano outono de 2014.
 

 
Aínda co bo sabor de boca, chegou o momento inevitábel de ver desfilar as edicións anuais dos diferentes títulos deportivos da compañía. O principal pareceu, seguíndo a tónica habitual, convencer ao público de que non eran os mesmos do ano pasado. A algúns espectadores a sucesión de títulos deportivos nas conferencias de EA fáisenos simplemente eterna.
 

 

 
Reapareceu Battlefield 4 despois da súa accidentada presentación na conferéncia de Microsoft, presentándonos o seu xa mais que recoñecido formato, adscrito a un dos xéneros mais saturados nos nosos días. E por último, a sorpresa que EA se gardaba na manga, unha secuela do xa clásico Mirror´s Edge do que non se facilitou aínda data de lanzamento.
 

EA-WIi-U

Xa falamos noutras ocasións que a nova consola de sobremesa de Nintendo está perdendo o apoio de múltiples compañías á hora de lanzar videoxogos para esta.

Agora é o turno de EA, unha das compañías máis importantes no ámbito, a cal dixo que polo de momento non ten preparado sacar absolutamente ningún xogo para a Wii U.Cero xogos.

EA xa se mostrara contraria a esta consola dicindo que o seu motor Frostbite non collía na Wii U, mais de isto a non sacar absolutamente ningún videoxogo hai un paso xigante, un paso que debería preocupar a Nintendo.

Só queda pensar cal foi o motivo que empurrou a EA tomar esta decisión, mais divagacións á parte, Nintendo queda sen o apoio dunha das compañías máis fructíferas do panorama videoxoguil.

e3-chat-page-image

Coa participación de mais de 250.000 consumidores norteamericanos, “The consumerist” pechou a súa macroenquisa co mesmo vencedor que o ano pasado; Electronic Arts (EA). A compañía americana non so acadou este dubidoso “honor”, senon que novamente bateu por goleada (ou foi batida, segundo se mire) en tódalas eliminatorias, impoñéndose a nominadas como Facebook ou o tamén odiadísimo Bank of América.

 O ano pasado este resultado explicouse fundamentalmente polo descontento dos fans de Mass Effect, que desenvolveran unha intensa campaña na rede nos meses posteriores ao lanzamento de ME3, mais a repetición dos resultados un ano mais tarde demostra que EA segue sen convencer coas súas políticas de desenrolo e de venta. Recentes problemas con Origin ou Sim City, e a pésima xestión das que foran as súas franquícias mais queridas polo público volven levala ao alto do podium dos mais odiados.

 A compañía respondeu a este novo golpe publicitario por boca de Peter Moore, quen admitíu erros e declarou; “Podemos mellorar. Imos mellorar”. Segundo Moore, os erros inclúen “apagóns de servidores recentemente, ou xogos que non cumpliron co que se agardaba deles, erros nos prezos dos novos modelos de negocio e, hai pouco, os problemas de lanzamento de Sim City”. “Debémoslles aos xogadores mellores resultados”-aclarou.

Peter Moore

Peter Moore

Peter Moore, o directivo da famosa compañía Electronic Arts fixo unhas declaracións moi concisas e dirixido a todos aqueles que pensan que as consolas están no tramo final da súa desaparición.

As videoconsolas segue sendo unha parte esencial do noso negocio; de feito, supoñen a maior parte de noso negocio. Por iso, aínda é demasiado prematuro falar da muerte dos xogos en consola.

Temos a miles de persoas centradas en desenvolver xogos para Xbox 360 e PlayStation 3, e outras tantas en crear títulos para a próxima xeración. Porque a xente aínda quere xogos tradicionais, buscan sentarse no seu salón, sacarlle partido ás súas televisións en alta definición e disfrutar de xogos tan inmersivos como Battlefield 4.

Pola miña parte son destes últimos aos que Peter Moore chama tradicionais, mais teño moito medo que o online acabe fagocitando todo o físico, e isto está acontecendo a pasos xigantes.

Bioware ven de anunciar que a misteriosa terceira entrega da súa saga de rol de inspiración medieval non utilizará o Frostbite 2, senón o 3, prevéndose un moi ambicioso apartado gráfico despois das duras críticas recibidas no seu momento polo apartado artístico e realización gráfica de DA2.

thumb1280x1280_3302693914_413b530272_o

“O mais importante nun xogo de Rol é a historia e a narrativa”.

Jakub Rokosz (CDprojekt)

Cúmplese un ano do lanzamento de Mas Effect 3, e con el, da maior polémica que poda recordar en torno a un xogo. O interese desta polémica con ampla repercusión mediática foi aínda mais aló do da propia industria, saltando aos medios xeneralistas e xerando debates en torno ao concepto de propiedade artística e os dereitos dos consumidores.

Este é o primeiro artigo dunha serie de dous nos que analizamos todos estes aspectos. Nestas primeiras letras intentei evitar no posíbel os spoilers maiores, centrándome na repercusión social e mediática, e facéndo unha reflexión crítica das prácticas (tanto narrativas, como estrictamente comerciais) que puideron motivar a polémica. Contodo, o artigo contén algúns spoilers que considerei necesarios para perfilar este “racconto”… preveño antes de sufrir agresións físicas ou que alguén decida facerme vudú.

Que se abra o telón…

Ler o resto da entrada »

Battlefield3Segundo comentou Paul Raines (CEO de GameStop), EA amosou a nova entrega da saga Battlefield a un pequeno grupo de persoas.