Todos coñecemos a Hideo Kojima e a súa maneira de “hypear” os seus videoxogos, e como o vai facer coa súa nova entrega de Metal Gear Solid? pois xustamente desta maneira:

Estou preocupado porque o xogo é demasiado grande, 200 veces máis grande que Ground Zeroes.

Ground Zeroes, que servirá como prólogo até a chegada da quinta entrega de Metal Gear sairá o 18 de marzo e está a ter boa crítica, mais sabemos que non é precisamente un prólogo moi longo, algo que queren compensar con Phantom Pain.

Realidade nas palabras de Kijoma ou simplemente publicidade para que o seu xogo estea na boca de todos?

Vós diredes.

A próxima entrega da sobre-explotada saga Assassin´s Creed chegará o 29 deste mes a Xbox 360 e PS3 e como é normal, toca vendelo ben aos consumidores.

Pois Jean Sebastien Decant, deseñador do título comentou que superar o título ao 100% poderá levarnos unhas 80 horas, número que non está nada mal para un xogo destas características:

Completar a historia principal pode levar unhas 20 horas, e conseguir os obxectivos adicionais, unhas 60 horas máis. Sobre o tamaño do mapa non podería dicir números, mais temos tres grandes cidades, comparadas con outros xogos, son tres cidades enormes e quince localizacións únicas ao redor do mundo, ademais dun montón de illas onde podes construír edificios e cousas así. Recorrer o mapa en barco podería supoñer 15 ou 20 minutos sen parar.

Para aqueles fans da saga estas palabras son motivo de alegría, e poida que teñan Assassin´s Creed para tempo.

Facemos unhas aposta? Canto tardarán en anunciar un novo título da saga? Tic, tac, tic, tac…

Moito teño pensado sobre a duración nos videoxogos, realmente debemos valorar positivamente un xogo excesivamente longo?, pois como acontece sempre depende de toda unha serie de factores que deberían ter moi en conta os seus deseñadores e que desgraciadamente pasan por alto da maneira máis doada, a monotonía.

Ler o resto da entrada »

Antes de nada quero dicir que non me fío nun un pelo das declaracións que fixo o portavoz de DICE por twiter, Alan Kertz, xa que segundo as súas palabras se queremos conseguir todos os desbloqueábeis de Battlefield 3 (liberar todos os gadgets, armas, elementos bloqueados, etc) chegaremos ás 100 horas de xogo.

Primeiro punto: Entón canto vai durar a campaña individual, porque tendo en conta nas cifras que se moven para resolver temas secundarios (como é a adquisición de todas as armas, etc) dame a entender que a campaña individual terá que ser relativamente longa para un FPS, e aínda que xa confirmaron isto, perdoádeme por non crelo tampouco.

Segundo punto: DICE atópase na súa etapa de márketing, e ben sabemos que ten un difícil competidor polo que ten que botar man do que sexa. Espero que sexan palabras verdadeiras e non fume.

Que vai ser un xogazo para todos os amantes dos FPS?, por suposto, que vou botar 100 horas xogando á campaña?, nin de broma.