Recordo perfectamente a cara que me quedou cando vin a primeira imaxe que amosou Ninja Theory sobre o novo look de Dante. Botei as mans á cabeza, así como unha inmensa maioría de fans desta saga que non comprendían o por que deste cambio, máis Ninja Theory tíñao moi claro.

Querían un reinicio da saga, un reboot diferente ao visto anteriormente pero que mantivese a súa esencia e diversión, así, facendo caso omiso ás opinións negativas dos fans da saga seguiron adiante co proxecto.

Con que resultado? Seguide lendo.

Ler o resto da entrada »

Se facemos algo de memoria pixelada recordaremos que na terceira entrega de Devil May Cry Dante enfrontábase ao seu propio irmán Vergil, pois parece ser que Ninja Theory quere recuperar este fío argumental e no seguinte tráiler observamos a nova cara de Vergil, que como acontece co propio Dante, non se parece en absoluto ao visto anteriormente.

O xogo está previsto para o 15 de xaneiro día no que saberemos quén ten razón, se os que lle dan unha oportunidad a este novo look ou aqueles puristas que castigan este feito.

Polo de agora aínda teñen tempo de mellorar este Devil May Cry aínda máis, a ver se aproveitan o tempo.

O título que está a desenvolver Ninja Theory acaba de anunciar o seu día de lanzamento, así, a nova entrega de Devil May Cry chegará a todas as tendas europeas o 15 de xaneiro de 2013 para Xbox 360 e PS3.

O xogo estará traducido e dobrado, ademais tamén acabará saindo para PC, aínda que teremos que esperar un pouco máis.

Como novidades presentaron a un novo personaxe, unha rapaza chamada Kat que nos guiará polo Limbo.

Capcom acaba de publicar un novo vídeo do que será a nova entrega de Devil May Cry, un tráiler bastante tolo no que se nos amosa a un protagonista sen roupa que se enfronta a un enorme demo que nos lanza atraccións de feira (como debe ser) mentres que nós destruímos ao resto de inimigos ao mesmo tempo que nos imos vestindo.

http://www.youtube.com/watch?v=o_8Aj5vmz8o&feature=player_embedded

Cando vimos aquel primeiro tráiler de DMC (o próximo Devil May Cry) a cara de sorpresa foi unánime para todos os xogadores.

Nin cinco minutos pasaron para que a polémica estivese servida, uns reinvindicando a volta do Dante de toda a vida (neste grupo é onde me atopo eu) e outra parte apoiando a esta innovación.

De todos os xeitos, Ninja Theory, os seus creadores quixeron dar explicación a este cambio de apariencia, e a resposta foi unha das máis trilladas e empregadas dende fai anos, que este novo Dante non será o que manexamos nos primeiros videoxogos, senón que estamos nunha realidade paralela…tócate os collóns.

Paréceme absurda esta explicación, absurda e doada para lavarse as mans ante unha decisión que non sei até que punto foi acertada.

Só faltaría que nos dixeran que todo este xogo sería un soño do Dante de verdade, só faltaría isto…

http://www.youtube.com/watch?feature=player_embedded&v=yh69XfxN3XU