Análise de State of Decay

Por: Domingo, 1 de Febreiro de 2015, 18:00 COMENTAR

state_of_decay_1
Con motivo do recente anuncio da saída ó mercado de novas versións do xogo State of Decay para as consolas de nova xeración pareceume axeitado darlle un pequeno repaso ó que pode ofrecernos.

State of decay foi realizado por Undead Labs. e distribuído por Microsoft Studios alá polo ano 2013, inicialmente só estivo dispoñíbel para Xbox 360 pero máis adiante nese mesmo ano puidemos desfrutalo en PC a través de Steam. Consiste nun xogo de supervivencia zombie, tema xa moi rillado ó longo de moitos xogos en diferentes plataformas, pero, ó meu pensar ten unha formulación diferenciada que déixa coa sensación de estar a probar algo distinto e despois de varias horas adicadas a el segue a convencer.

Mapa do xogo

Mapa do xogo

Atópaste nun entorno de gran magnitude (non esperedes un mapa do GTA, pero aínda así é unha superficie que leva o seu tempo atravesar) de trazado sinxelo e conformado por unha pequena cidade, un pobo residencial, un espazo natural e unha zona rural unidos entre si por unha calzada.
Comezas neste último lugar, cando veste sorprendido polo apocalipse zombi desta quenda e tócate escapar a unha casa onde se atopan outros superviventes. É aquí onde se comeza a introducir a mecánica do xogo.

Sobrevivir, si, pero coa túa casiña, as túas leiras…

Características e instalacions da base

Características e instalacions da base

A nosa labor non vai ser só sobrevivir no día a día, senón que deberemos establecer unha base onde ficar quedos. Nesta base disporemos dunha serie de espazos que deberemos preparar para una das distintas funcións, como pode ser a cociña, cuartos e outras opcións que nos darán diferentes vantaxes ó longo do xogo. Ademais, por suposto, de prepararlle as defensas adecuadas para salvar ós asedios das hordas que esporadicamente decidirán facernos unha visita. Estas bases atópanse en diferentes lugares do mapa, e poderémonos ir mudando dunha a outra segundo as nosas necesidades (principalmente dependendo do número de superviventes dos que dispoñamos).

Acumular recursos

Para o mantemento da nosa base e dos seus habitantes necesitaremos ir recollendo continuamente cada un dos 5 recursos dispoñíbeis, a saber:

  • Comida
  • Medicamentos
  • Munición
  • Materiais de construción
  • Combustible
Recursos conseguidos coma postos avanzados

Recursos conseguidos coma postos avanzados

 

Todos estes materiais vanse consumindo conforme pasa o tempo e tamén ó construír estancias na base ou defensas. Para repoñer as reservas pódense facer dúas cousas, a primeira é recorrer os edificios baleiros, acabar cos inimigos que poida haber neles e pescudar nos mobles e ver que podemos atopar. Non sempre teremos a sorte de achar o que buscamos pois poden non ter nada ou ter armas de distinto tipo e obxectos varios.
A segunda vía comeza de forma similar pero é mais beneficiosa a longo prazo. Podemos limpar calquera edificio de zombies, de novo buscar nel e nese momento saberemos mediante unha icona no mapa cal é o recurso predominante e establecer un posto avanzado que permitirá durante un tempo ir obtendo de forma continua reservas.

As relacións entre os superviventes

Personaxe, relacións e inventario

Personaxe, relacións e inventario

Non vos pensedes que ides a xogar a State of Decay e atoparvos un Sims e que teredes que traballar as relacións durante moito tempo. Simplemente consistirá en compartir determinadas misións con eles e isto fará que confíen en vós.

“Xa…. a min todo iso impórtame ben pouco” haberá que pense, pero aquí si ten certa importancia. O noso traballo para a comunidade e para o resto dos superviventes permitiranos tamén obter certas vantaxes como pedirlles axuda nas misións ou obter mellor equipamento. Isto cobra especial dimensión se nos plantexamos outra das premisas do xogo, nós non somos un personaxe, somos toda a comunidade. Isto quere dicir, simplemente, que aínda que a historia a comezamos cun personaxe concreto poderemos xogar con todos os membros que recrutemos, e calquera de eles pode morrer en calquera momento do xogo e a historia segue como se tal cousa.

Aquí vai una leria de caráis pero aínda non falamos de pegar un só tiro

O certo é que non entrei en moita profundidade no aspecto da propia acción, porque non é o que destaca neste xogo por enriba doutros xogos de temática similar. Aínda así non é nin moito menos aburrido ou pobre neste campo e faranos botar unhas boas horas de diversión.
Temos armas corpo a corpo, armas cortas, longas, coches para levarnos todo por diante e unha serie de tipos de zombies como os que se póden ver noutras ocasións. Clasificables entre os “normais” e os que lles meteron droja no colacao e van a tope
Estes últimos son os únicos que nos porán nun problema en determinado momento xa sean os máis fortes ou os máis áxiles, polo demais o único que nos debe preocupar é non acabar arrodeado por unha morea de inimigos, porque nese caso temos as horas contadas e neste xogo, quen morre morreu, non hai segundas oportunidades.

Isto debe compaxinarse coa realización das misións principais que son as que nos dirixiran ó desenlace do xogo. A historia faise divertida e amena, e sen traballar demasiado os personaxes consegue que sigas interesado en continuar e en salvalos. En canto á variedade das misións non é moi grande e da a impresión de que se o xogo durase unhas poucas horas máis acabaría por facerse moi repetitivo aínda que na súa extensión, non é algo que se che pase pola cabeza.

DLC’s

 

state_of_decay_5
Nas versións de PC e Xbox360 Chegaron a saír dous DLC, Breakdown e Lifeline.
Breakdown engade unha experiencia sen modo historia, un modo supervivencia continua con unha maior dificultade para ós que lles pareceu que a experiencia orixinal quedaba corta de retos. (Recomendado se queres continuar coa experiencia)
Lifeline engade un novo escenario, situando a historia nunha pequena base militar nas aforas dunha gran cidade. Esta vez o nexo común é unha autovía de circunvalación que une determinadas zonas xogables. Este novo capítulo centra o xogo nos superviventes militares da base que deberán mantela libre de infección mentres rescatan a civís e esperan ó seu turno. Polo xeral o gameplay mantense case igual, pero pasamos a ter una base fixa que sufre de forma constante cada determinado tempo un asedio importante que deberemos axudar a cortar.(Recomendado se gustouche moito o xogo base, aínda que a defensa continua da base chega a facerse tediosa)

Resumo

É obvio que non estamos ante un xogo AAA pero no seu modesto tratamento ó xenero Z creo que deron con algo que deu moito de si se podemos velo no seu contexto e o enfrontamos sen complexos. Tedes varias horas de desfrute aseguradas neste título.

 

[puntuacion]ESTILO=Sonic|GRÁFICOS=70|SON=70|XOGABILIDADE=85|DIVERSIÓN=90[/puntuacion]

blackbeards-wrath
Ubisoft ven de confirmar o lanzamento do primeiro DLC para o «Assassin’s Creed IV: Black Flag», baixo o título «Blackbeard’s Wrath», que engadirá tres novas personaxes dipoñibles para o modo multixogador:

“Blackbeard, empuñando unha espada e moi mal xenio non está para bromas. A súa reputación como temido pirata faille xustiza e os seu movementos para matar inclúen o uso da súa tremenda forza para lanzar aos seus obxectivos e facer que perdan o equilibrio para, a continuación, rápidamente rematalos cun golpe limpo.”

“Orchid é unha asasina mortal amiga dos templarios medrou na China, servindo como conselleira militar na dinastía Quing, onde perfeccionou as súas habilidades de asasina. Executa aos seus opoñentes rápida e gracilmente coa súa katana, unha extensión do seu corpo e da súa mente.”

“Jaguar Cuali, guerreiro azteca de México, chegou ao mar para loitar contra a conquista española de América Central. Un loitador que sobrevivíu á destrución da súa comunidade e xuntou forzas cunha crecente continxencia de Templarios nativos que buscaban renovar a paz e a orde. Impulsado por unha forza mística, Jaguar loita como o seu homónimo animal, atacando de xeito rápido e silencioso coa súa arma favorita: unha discreta macheta.”

Estará dispoñible a partires do vindeiro martes, 17 de decembro por 2,99 € e está incluído dentro do “pase de tempada” (19,99 €).

dead-rising-3
Capcom anunciou que Dead Rising 3 contará cun “Pase de tempada” por 29,99 € que ofrecerá aos xogadores un desconto do 25% nos catro DLC’s previstos polo de agora, que custarán 9,99 € cada un.

Segundo os plans da compañía, o primeiro DLC chegará en decembro, baixo o título “Operation Broken Eagle’, mentres que os outros tres, “Fallen Angel”, “Chaos Rising” e “The Last Agent”, chegarán en 2014.

Aproveitando a coñecida festividade de Halloween (que terá lugar esta mesma noite), a compañía nipona non perdeu a ocasión de amosarnos, co particular humor da saga, como podería ser esta celebración dentro do xogo.

O lanzamento está previsto para o 22 de novembro en exclusiva para Xbox One agás no mercado alemán, ao non superar as probas de calificación de idade do organismo encargado no país.

The Last of Us descarta a súa aparición na PS4

Por: Venres, 18 de Outubro de 2013, 15:44 COMENTAR

TheLastofUsPoster

Rumores existen de todos os tipos, e días atrás comentábase a posibilidade de que o xenial xogo de Naughty Dog, The Last of Us puidese saltar de xeración e aterrar na Playstation 4.

O desenvolvedora xa comentara varias veces que este rumor era falso e volveuse a reiterar:

Aqueles que queiran vivir a marabillosa historia de Joel e Ellie terán que facelo na Playstation 3.

Como podedes comprobar a xenialidade que naceu na PS3 quédase na PS3, é máis, Naugthy Dog segue traballando nel, nun DLC titulado Territorios Abandonados, ofrecendo 4 novos escenarios a un prezo de 9.99€.

Se aínda non lestes a análise de The Last of Us, non perdades máis tempo e seguide este enlace.

«Minecraft-Mass Effect»

Por: Luns, 2 de Setembro de 2013, 10:00 COMENTAR

minecraft-mass-effect
Segundo anunciou 4J Studios a versión para Xbox 360 do exitoso videoxogo de Mojang, Minecraft, terá un DLC exclusivo coa temática do videoxogo Mass Effect 3.

Este novo DLC incluirá 36 novos skins para os personaxes, 22 pistas de música da banda sonora orixinal do Mass Effect 3 e novos menús e interface.

Estará dispoñible o vindeiro 4 de setembro.

saintsrow4

A febre dos DLCs continúa aberta até o final desta xeración, anunciando estes incluso antes da saída do propio videoxogo.

Un dos exemplos claros é Saint´s Row 4 que acaba de anunciar , “Enter the Dominatrix”, o seu primeiro DLC que sairá 45 días despois do seu lanzamento en consolas.

Enter the Dominatrix meteranos nun falso documental no que tampouco faltará o humor e as tolerías propias desta saga. Saber que este título é o que sería un DLC para Saint´s Row The Third aínda que finalmente rematou sendo a cuarta entrega, polo tanto contade con ter mencións a este feito.

Poderedes adquirir Saint´s Row 4 o 23 de agosto para Playstation 3, Xbox 360 e PC.

gears-of-war-judgement-call-to-arms
Microsoft anunciou o vindeiro lanzamento dun novo pack de mapas para o Gears of War: Judgement, chamado «Call to Arms», que incluirá 3 novos mapas, 6 skins para as túas armas e un novo modo de xogo: «Master at Arms», entre outras cousas, ademáis de novos logros por un valor de 250G.

Para os posuidores do pase de temporada, estará dispoñible a partir do vindeiro 23 de abril, mentres que os demáis usuarios poderán mercalo a partir do 30 de abril por 1.000 Microsoft Points (uns 12 Euros aproximadamente).

Un mes despois de que Dead Space 3 saíra á venda, xa temos unha razón máis para rematar o xogo. O novo DLC chamado “Awakened” permitiranos extender o final do DS3 e disfrutar do “capítulo máis oscura, visceral e terrorífico da saga”, segundo afirma a propia editora. Tamén anuncia que os necromorfos (os inimigos do xogo) serán moito máis temibles que nas demais entregas.

Dead_Space_3 (1)

O DLC sairá o 12 de marzo na Xbox Live, cun prezo de 800 Puntos Microsoft, e un día despois na Playstation Store, cun prezo de 9’99 €. Por esa cantidade tamén poderemos mercar “Awakaned” no PC, a través de Origin, a plataforma oficial de descargas de Electronic Arts.

AC3 washington

Despois de que os rumores falasen sobre a chegada dunha nova edición de Assassin´s Creed 3 aínda se descoñecía cal era o seu contido, mais hoxe finalmente fáise oficial.

Esta nova edición contará con todos os seus DLCs, deste xeito o “pack” sería:

Xogo orixinal de Assassin´s Creed 3, o DLC A Dura Batalla, o DLC de Os Segredos Escondidos e o primeiro capítulo do Rei Washington.

Todo isto chegará o 28 de marzo a un prezo de 54.95€ para as plataformas Xbox 360 e Playstation 3.

NFS-Most-Wanted-Banner
Electronic Arts ven de publicar un novo tráiler dos tres paquetes de descarga para o Need For Speed: Most Wanted, que inclúen o paquete Terminal Velocity cun novo escenario no medio dun aeroporto, 5 novos coches e novos modos de xogo, como o “Drift Attack”, o paquete Movie Legends, con 5 coches lexendarios de películas de acción:

e o paquete Need For Speed Heroes, que inclúe 5 coches icónicos da saga, como o BMW M3 GTR, o Nissan Skyline GT-R ou o Nissan 350Z.

Estes paquetes de descarga xa están dispoñibles para as versións de Xbox 360 e PlayStation 3, mentres que para a versión de PC, estarán dispoñibles a partir do vindeiro 12 de marzo.

Se en épocas anteriores houbese DLC

Por: Martes, 12 de Xullo de 2011, 11:33 COMENTAR

Para aqueles que pensamos que os DLC son un método das compañías para “arraspañar” aínda máis diñeiro do que conseguen, temos este excelente vídeo. Metémonos na pel de calquera persoa de hai uns quince anos nun pasado alterado. Na época cando os xogos estaban completos e non había que pagar por absurdas actualizacións nin para corrixir erros que se colocan de maneira moi meticulosa…

http://www.youtube.com/watch?v=8XEblnhBKLU