Eles tamén xogan

Por: Xoves, 7 de Febreiro de 2013, 18:43 COMENTAR

Porque eles tamén teñen dereito a divertirse

Vía | Jaideputa

Agradécese moito ver este tráiler por varias razóns. A primeira delas é que se trata de Mario, e para unha persoa que naceu e medrou con este personaxe xa significa algo bo. E segundo porque trae certas novidades que impacientan aínda máis os seguidores do fontaneiro.

Por un lado vemos máis escenarios dos que nos mostraran (todos igual de fermosos e coloridos) e por outro lado mostra pequenas “chiscadelas” do que suporá este novo Mario. Observar por uns prismáticos para gañar unha vida, lanzarse desde un canón (que me lembrou o Mario 64), empregar trebellos para saltar máis alto, etc.

A diversión parece non rematar cun personaxe que, a pesar da cantidade de títulos que saca, continúa a ter unha calidade excelente. E así é como presta, porque sabemos que será unha aposta segura para calquera usuario da 3DS.

Análise de Bulletstorm

Por: Xoves, 17 de Marzo de 2011, 0:39 COMENTAR

Epic Games está inmerso na súa próxima xoia que é Gears of War 3, pero as grandes compañías non se conforman con realizar un só xogo e bríndannos Bulletstorm, un FPS futurista no que predomina o sangue, os tiros, os comentarios humorísticos e todo isto adornado cun apartado técnico de luxo.

Honestamente nunca pensei que Bulletstorm chegase á calidade que ten, só pensaba “vale, un xogo de Epic Games que quere aprobeitar o tirón do seu GoW, xogábel, pero sen alardes”. A ignorancia que tiña cando pensaba isto xa desapareceu, porque Epic Games volveuno conseguir,volveu colocar no mercado un xogo tremendamente divertido que moi doadamente se pode convertir no GOTY do ano.

Ler o resto da entrada »

GeekMindScreen3

Estades aborrecidos nestas calurosas tardes?, xa fostes respirar aire fresco polo monte limpo?( cada vez menos), escoitastes cantar aos paxaros?, pois se xa fixestes todo isto é o momento de que vos presente un curioso e divertido xogo flash no que nos propón un simple reto, Geek Mind é o nome da criatura.

Apareceranos na pantalla un fragmento dun videoxogo e nós teremos que adiviñar de que título estamos a falar, se adiviñamos bonificarannos con máis tempo e gañamos puntos, se non, os sesenta segundos que temos van descendendo ata chegar a cero, momento no que perdemos a partida.

É curioso que enganche tanto, xa que aínda que na primeira partida só acertedes un ou dous, sempre che ronda na cabeza o… seguro que coñezo moitos máis, así que vouno intentar de novo.

Pero non é nada sinxelo que temos xogos de todas as etapas, e a mín escápanseme moitos xogos de consolas antigas, podédelo intentar neste enlace.

Por certo, ó máximo que cheguei foi aos seiscentos puntos,e ver vós.

ACTUALIZACIÓN: Ja, ja , ja ( risa malévola ), acabo de chegar aos 2100 puntos, veña que un pouco de pique sempre está ben. Por certo, moito me molesta coñecer o xogo e non acordarme do seu título.