Escena da película “Enemigo a las puertas”, previa ao cruce do Río Volga en Stalingrado

A saga bélica de videoxogos más coñecida da última década “Call of Duty”, bebe moi directamente de multitude de episodios acontecidos nos campos de batalla, tanto a nivel histórico coma de enfrontamentos recentes ou lamentablemente previsibles no futuro, para as últimas e máis modernas versións.

Mais foi no seu inicio, aló polo 2003, cando todos ficabamos pegados ás pantallas dos nosos ordenadores ante as espectaculares e potentes cinemáticas que se nos amosaban, algunha delas copiada tal cual de filmes de éxito coma este cruce do Volga no inicio de “Enemigo a las puertas”, e é que a ver quen se atrevía a non facerlle caso aos comisarios e non “avanzar, avanzar…!!”

Outras escenas desta película foron tamén incluídas coma partes xogables nalgunhas versións do Call of Duty, así que completaremos noutra ocasión este artigo, mentres tanto: coñecedes outras escenas sacadas de películas e trasladadas ao mundo dos videoxogos?

Que Uncharted 3 é un proxecto grande (en todos os sentidos) non cabe a menor dúbida, pero tanto é así que terá un total de dúas horas (119 minutos concretamente) só de cinemáticas e tendo en conta que hai filmes que non chegan á hora e media de duración non está nada mal.

Así mesmo a British Board of Film Classification calificou a Uncharted 3: A Traición de Drake para maiores de 15 anos o que significa que terá vocabulario violento, sangue, insultos e referenzas sexuais (neste último pasa o de sempre, como saia a palabra teta ou cu xa se botan as mans á cabeza e catalógano como “sexualidade explícita).

Tedes unha PS3?, pois xa sabedes que o día 3 de novembro tedes un deses xogos que todos deberían probar.